ISIFUNDO 22
Ungabatjela Njani Abanye Iindaba Ezimnandi?
Njengombana ufunda amaqiniso weBhayibheli, ungacabanga uthi, ‘Woke umuntu kufuze ezwe ngalokhu.’ Uqinisile, woke umuntu kufuze azizwe iindaba ezimnandi. Nanyana kunjalo, ungazizwa urhidlwa livalo nakufuze utjele abanye ngokufundileko. Akhe sicoce ngalokho ongakwenza bona uhlule ukusabokho bewuthabele ukutjela abanye iindaba ezimnandi eziseBhayibhelini.
1. Ungabacocela njani abanye ngalokho okufundileko?
Abafundi bakaJesu bathi: “Angekhe silise ukukhuluma ngezinto esizibonileko nesizizwileko.” (IzEnzo 4:20) Bebalithanda iqiniso kangangobana bebafuna ukutjela woke umuntu ngalo. Kghani nawe uzizwa ngendlela efanako? Nangabe uzizwa njalo, funa amathuba ongawasebenzisa bona utjele umndenakho nabangani ngalokho okufundileko.—Funda kwebeKolose 4:6.
Nanzi iindlela ongazisebenzisa
-
Nawukhuluma nesihlobo sakho, thoma indaba yeBhayibheli ngokuthi: “Kunento ethabisako engiyifundileko iveke le.”
-
Cocela umnganakho ogulako namkha ogandelelekileko ngomtlolo okhuthazako.
-
Abantu osebenza nabo nabakubuza ukuthi ipelavekakho ikhambe njani, batjele ngalokho okufunde esifundweni seBhayibheli namkha emihlanganweni yebandla.
-
Tjengisa abangani bakho izinzolwazi le-jw.org.”
-
Bawa abanye bona babe khona esifundweni sakho seBhayibheli namkha ubatjengise bona bangasibawa njani isifundo seBhayibheli ku-jw.org.
2. Kubayini kufuze uzibekele umgomo wokutjhumayela nebandla?
Abafundi bakaJesu akhenge bacocele abantu ababaziko kwaphela iindaba ezimnandi. UJesu ‘wabathuma ngababili bona bamkhambele phambili, baye emadorobheni’ bayokutjhumayela. (Lukasi 10:1) Indlela ehlelekileko le yokwenza umsebenzi wokutjhumayela yanikela abantu abanengi ithuba lokuzwa iindaba ezimnandi. Ukutjhumayela ngendlela le kwabathabisa khulu abafundi. (Lukasi 10:17) Kghani nawe ungazibekela umgomo wokutjhumayela nebandla?
FUNDA NGOKUNGENELELEKO
Funda bona ungenzani ukuthi ungathukwa khulu begodu uthabele ukutjhumayela iindaba ezimnandi.
3. UJehova uzokuba nawe
Abanye abantu abafuna ukutjhumayela, bangazizwa basaba nabacabanga ngokuthi abantu bazobaqala njani namkha bazowamukela na umlayezo.
-
Kuyakuthusa na ukutjela abanye ngalokho okufundileko? Kubayini kukuthusa namkha kubayini kungakuthusi?
Dlala IVIDIYO, bese nicoca ngombuzo olandelako.
-
AboFakazi abasesebatjhaba bakuhlule njani ukusaba?
Funda u-Isaya 41:10, bese nicoca ngombuzo lo:
-
Lokha nawuzizwa usaba ukutjhumayela, umthandazo ungakusiza njani?
Kghani bewazi?
AboFakazi bakaJehova abanengi bebacabanga ukuthi angeze bakghona ukucocela abanye iindaba ezimnandi. Ngokwesibonelo, uSergey bekazinyaza begodu akuthola kubudisi ukukhuluma nabanye abantu kodwana wafunda iBhayibheli. Uthi: “Nanyana benginevalo, ngathoma ukutjela abanye ngalokho engikufundako. Okwangirara khulu kukuthi ukukhuluma nabantu ngeBhayibheli kwangenza ngaba nesibindi. Ukukhuluma nabantu ngalokho engikukholelwako kwaqinisa ukukholwa kwami.”
4. Hlonipha
Nawutjhumayela iindaba ezimnandi, ungatjheji okukhulumako kwaphela kodwana tjheja nendlela okukhuluma ngayo. Funda yesi-2 kaThimothi 2:24 neyoku-1 kaPitrosi 3:15, bese nicoca ngemibuzo le:
-
Ungawasebenzisa njani amavesi la nawukhuluma nabanye ngeBhayibheli?
-
Amanye amalunga womndeni namkha abangani bangakuphikisa. Khuyini ongayenza? Khuyini ekungakafuzi uyenze?
-
Kubayini kungasiza ukubuza imibuzo ngokuhlakanipha kunokutjela abantu ukuthi yini ekufuze bayikholwe?
5. Ukutjhumayela iindaba ezimnandi kuyathabisa
UJehova wanikela uJesu umsebenzi wokutjhumayela iindaba ezimnandi. UJesu bekawuqala njani umsebenzi loyo? Funda uJwanisi 4:34, bese nicoca ngemibuzo le:
-
Ukudla okunepilo kusenza siphile kuhle begodu sithabe. Kubayini uJesu athi ukwenza lokho uZimu afuna sikwenze njengokutjhumayela kufana nokudla?
-
Ucabanga bona ukutjhumayela iindaba ezimnandi kungakuthabisa?
Ongakwenza
-
Emhlanganweni waphakathi neveke, qala iindlela ongazisebenzisa bona ukhulume nabantu.
-
Bawa ukuthi bakufake bona ubeke iinkulumo emihlanganweni yaphakathi kweveke. Iinkulumezi zingakusiza ukulungele ukutjela abanye ngalokho okufundako.
-
Sebenzisa ingcenye ethi, “Abanye Abantu Bathi” namkha “Omunye Angabuza” esencwadini le bona uphrakthize indlela ongaphendula ngayo lokha abanye nabakubuzako namkha nabangafuni ukulalela.
OMUNYE ANGABUZA: “Iya njani ipilo?”
-
Ungalisebenzisa njani ithubeli bona umtjele ngalokho okufunde eBhayibhelini?
ISIRHUNYEZO
Ukutjela abanye iindaba ezimnandi kuyathabisa begodu kungaba lula ukudlula indlela ebewucabanga ngayo.
Buyekeza
-
Kubayini kufuze ucocele abanye iindaba ezimnandi?
-
Ungakwenza njani lokho ngendlela enehlonipho?
-
Ungenzani bona ungathukwa khulu nawuzokutjhumayela?
HLOLA OKUNGENZASI
Qala iindlela ezine ongazisebenzisa nawutjhumayela iindaba ezimnandi usebenzisa ikarada le-jw.org.
Funda ngezinto ezine ezingakusiza bona utjhumayele iindaba ezimnandi.
“Kghani Ukulungele Ukuba Mthiyi Wabantu?” (IsiThala, Septemba 2020)
Qala indlela isibonelo seBhayibheli esingasinikela ngayo isibindi bona sitjhumyele iindaba ezimnandi ngitjho nanyana sibancani.
Fumana iindlela ongakhuluma ngazo neenhlobo zakho ngeBhayibheli ezingakhenge zifunde ngoJehova.
“Zithinte Iinhliziyo Zeenhlobo zakho Ezingakholwa” (IsiThala, Matjhi 15, 2014)
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
