ISIFUNDO 25
Khuyini UZimu Asifunela Yona?
IBhayibheli lithi ukuphila kwabantu “kufitjhani begodu kuzele imiraro.” (Jobho 14:1) Kghani ngilokhu ukuphila uZimu asifunela khona? Nangabe akusinjalo, khuyini asifunela yona? Izokwenzeka na? Cabanga ngeempendulo zeBhayibheli ezikhuthazako.
1. UJehova usifunela ukuphila okunjani?
UJehova usifunela ukuphila okungcono khulu. Nakadala abantu bokuthoma u-Adamu no-Eva wababeka epharadesi elihle, esimini ye-Edeni. Ngemva kwalokho, “uZimu wababusisa wathi: ‘Belethani nande, nizalise iphasi benilibuse.’” (Genesisi 1:28) UJehova bekafuna babe nabantwana, benze iphasi loke libe yipharadesi bebatlhogomele neenlwana. Umnqophwakhe bekukobana boke abantu bangaguli bebaphile ngokungapheliko.
Ngitjho nanyana izinto zingakhenge zibe njalo, a umnqopho kaZimu awukatjhuguluki. (Isaya 46:10, 11) Usafuna bona abantu abalalelako baphile ngokungapheliko bangatshwenywa lilitho.—Funda IsAmbulo 21:3, 4.
2. Singakuthabela njani ukuphila okunomnqopho?
UJehova usidale ngendlela yokuthi sihlale simtlhoga, kungebangelo sifuna ukumazi nokumlotjha. (Funda uMatewu 5:3-6.) Ufuna sibe bangani bakhe, ‘sikhambe eendleleni zakhe zoke, simthande’ besimlotjhe ‘ngeenhliziyo zethu zoke.’ (Duteronomi 10:12; IRhubo 25:14) Nasenza njalo, sizokuthaba nanyana sinemiraro. Ukulotjha uJehova kunikela ukuphila kwethu umnqopho wamambala nokuthi sazi bona siphelelani.
FUNDA NGOKUNGENELELEKO
Funda ngendlela uJehova atjengise ngayo bona uyasithanda lokha nakasilungiselela iphasi nangalokho iliZwi lakhe elisifundisa khona ngomnqopho wokuphila.
3. UJehova ufuna abantu bathabele ukuphila
Dlala IVIDIYO, bese nicoca ngombuzo olandelako.
-
Kubayini uZimu adala iphasi?
Funda uMtjhumayeli 3:11, bese nicoca ngombuzo lo:
-
Lokhu kukufundisani ngoJehova?
4. Umnqopho kaJehova awukatjhuguluki
Funda IRhubo 37:11, 29 no-Isaya 55:11, bese nicoca ngombuzo lo:
-
Sazi njani ukuthi umnqopho uJehova anawo ngathi awukatjhuguluki?
Indlu esele imarubhi ingalungiseka. Kufana nephasi abantu abangasalitlhogomeli, uZimu uzolilungisela labo abamthandako
5. Ukulotjha uJehova kwenza ukuphila kwethu kube nomnqopho
Ukwazi ukuthi siphilelani kungasenza sithabe. Dlala IVIDIYO, bese nicoca ngombuzo olandelako.
-
U-Terumi uzuze njani lokha nakafunda ngomnqopho wokuphila?
Funda uMtjhumayeli 12:13, bese nicoca ngombuzo lo:
-
UJehova usenzele okunengi, singatjengisa njani ukuthi siyamthokoza?
OMUNYE ANGABUZA: “Siphilelani?”
-
Ungaphendula njani?
ISIRHUNYEZO
UJehova ufuna sithabele ukuphila ephasini ngokungapheliko besingatshwenywa lilitho. Nasimlotjha ngeenhliziyo zethu zoke, ukuphila kwethu kuba nomnqopho nanje.
Buyekeza
-
Bewuyini umnqopho kaJehova wekuthomeni ngo-Adamu no-Eva?
-
Sazi njani ukuthi umnqopho kaZimu ngabantu awukatjhuguluki?
-
Ungawufumana njani umnqopho wokuphila?
HLOLA OKUNGENZASI
Qala ubufakazi obutjengisa ukuthi mbala isimu ye-Edeni beyikhona.
“Isimu Ye-Edeni—Yintolwana Namtjhana Liqiniso?” (IsiThala, Janabari 1, 2011)
Funda ngokuthi iBhayibheli lithini ngokufumana umnqopho ekuphileni kwakho.
“Siphilelani?” (Isihloko esiku-jw.org)
Funda ukuthi indoda ebeyicabanga bona inakho koke ekuphileni yakufumana njani ebeyitjhoda ngakho.
a Esifundweni esilandelako uzokuzwa ukuthi kutjhapheke kuphi.
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
