ISIFUNDO 43
AmaKrestu Kufuze Abuqale Njani Utjwala?
Ephasini mazombe abantu babuqala ngeendlela ezihlukahlukeneko utjwala. Abanye bakhetha ukusela ngeenkhathi ezithileko nabangani. Abanye bakhetha ukungaseli. Abanye basela bebadakwe. IBhayibheli lithini ngotjwala?
1. Kghani akukalungi na ukusela utjwala?
IBhayibheli alikwali ukusela utjwala. Kunalokho, nalikhuluma ngezipho uZimu asiphe zona, lithi, ‘iwayini lenza ihliziyo yomuntu ithabe.’ (IRhubo 104:14, 15) Amanye amadoda nabafazi abathembekileko ekukhulunywa ngabo eBhayibhelini bebasela utjwala.—1 Thimothi 5:23.
2. IBhayibheli libayelelisa ngani abakhetha ukusela?
UJehova akakuvumi ukusela khulu nokudakwa. (Galatiya 5:21) IliZwi lakhe lithi: “Ungabi hlangana nalabo abasela khulu iwayini.” (IzAga 23:20) Yeke, nasikhetha ukusela, ngitjho nemsitheleni, akukafuzi sisele khulu besingasakghoni ukucabanga kuhle, ukulawula indlela esikhuluma nesenza ngayo namkha ukutlhogomela ipilwethu. Nange singakghoni ukulawula indlela esisela ngayo kufuze sizimisele ukubulisa utjwala.
3. Singazihlonipha njani iinqunto zabanye malungana notjwala?
Umuntu ngamunye kufuze aziquntele bona uzobusela utjwala na. Akukafuzi sahlulele umuntu okhetha ukusela utjwala begodu umuntu ongafuni ukusela utjwala akukafuzi simkatelele bona asele. (Roma 14:10) Sikhetha ukungaseli nangabe ukusela kwethu kubangela abanye umraro. (Funda kwebeRoma 14:21.) Asizifuneli ‘okuzuzisa [thina] kodwana okuzuzisa omunye umuntu.’—Funda yoku-1 kwebeKorinte 10:23, 24.
FUNDA NGOKUNGENELELEKO
Funda iinkambiso zeBhayibheli ezizokusiza uqunte bona uzokusela nokuthi uzokusela kangangani. Godu tholisisa ukuthi khuyini ongayenza nangabe unomraro wokusela.
4. Qunta bona uzokusela na
UJesu bekazizwa njani ngokusela utjwala? Bona ufumane ipendulo, funda ngesimangaliso sokuthoma asenza. Funda uJwanisi 2:1-11, bese nicoca ngemibuzo le:
-
Esimangaliswenesi, khuyini esingayifunda ngendlela uJesu ebekazizwa ngayo ngotjwala nangalabo ebababusela?
-
Njengombana uJesu angakhenge alele abantu ukusela utjwala, umKrestu kufuze amqale njani umuntu okhetha ukusela?
Nanyana kunjalo, ngebanga lokuthi umKrestu utjhaphulukile ukusela utjwala, lokho akutjho bona kukuhlakanipha bona asele qobe. Funda izAga 22:3, bese ucabanga ngamaphuzu alandelako angakusiza bona uqunte ukuthi uzokusela:
-
Uyokutjhayela namkha usebenzise umtjhini.
-
Usidisi.
-
Udorhodera ukutjele bona ungaseli.
-
Awukghoni ukulawula bona usela kangangani.
-
Umthetho awukuvumeli bona usele.
-
Unomuntu okhetha ukungaseli ngombana bekanomraro wokulawula indlela asela ngayo.
Kufuze uphe abantu utjwala emtjhadweni namkha kweminye imibuthwano yokuzithabisa na? Ukubona lokho okungakusiza bona uqunte, dlala IVIDIYO.
Funda kwebeRoma 13:13; neyoku-1 kwebeKorinte 10:31, 32. Ngemva kokufunda umtlolo ngamunye cocani ngombuzo lo:
-
Ukusebenzisa ikambiso le kuzokusiza njani bona wenze isiqunto esizokuthabisa uJehova?
UmKrestu ngamunye uyaziquntela bona uzobusela utjwala namkha angeze. Ngitjho nanyana ngezinye iinkhathi angasela utjwala, kobunye ubujamo angakhetha ukungaseli
5. Qunta bona uzokusela kangangani
Nange ukhetha ukusela utjwala, khumbula lokhu, ngitjho nanyana uJehova angakwali ukusela utjwala, kodwana uyakwala ukusela khulu. Kubayini? Funda uHosiya 4:11, 18, bese nicoca ngombuzo lo:
-
Khuyini engenzeka umuntu nakasela khulu?
Singakubalekela njani ukusela khulu? Kufuze silinganisele namkha sazi bona sisela besifike kuphi. Funda izAga 11:2, ngemva kwalokho nicoce ngombuzo lo:
-
Kubayini kukuhle ukuzikalela bona uzokusela kangangani?
6. Khuyini engakusiza bona ulise ukusela khulu?
Qala ukuthi khuyini eyasiza indodenye yalisa ukusela khulu. Dlala IVIDIYO, bese nicoca ngemibuzo elandelako.
-
Evidiyweni le, utjwala bayithinta njani indlela uDmitry ebekenza ngayo izinto?
-
Wakghona na ukulisa ukusela khonokho?
-
Wakghona njani ukulisa umukghwakhe wokusela khulu?
Funda yoku-1 kwebeKorinte 6:10, 11, bese nicoca ngemibuzo elandelako:
-
Kuyingozi kangangani ukudakwa?
-
Khuyini etjengisa kuthi umuntu osebenzisa kumbi utjwala angatjhuguluka?
Funda uMatewu 5:30, bese nicoca ngombuzo lo:
-
Ukuqunta isandla kufanekisela ukuzidela bona uthabise uJehova. Khuyini ongayenza nangabe unomraro wokuhlula ukusebenzisa kumbi utjwala? a
Funda yoku-1 kwebeKorinte 15:33, bese nicoca ngombuzo lo:
-
Abangani bakho bangayithinta njani indlela osela ngayo?
OMUNYE ANGABUZA: “Kghani kumbi na ukusela?”
-
Ungamphendula njani?
ISIRHUNYEZO
UJehova usinikela utjwala bona sibuthabele, kodwana uyakwala ukusela khulu nokudakwa.
Buyekeza
-
Lithini iBhayibheli ngotjwala?
-
Iyini ingozi yokusela khulu?
-
Singazihlonipha njani iinqunto zabantu malungana nokusela?
HLOLA OKUNGENZASI
Abantu abatjha bangazenza njani iinqunto zokusela ngendlela efaneleko?
Kghani amaKrestu kufuze atjhayisanise amarhalasi ngehloso yokuhlonipha okuthileko?
“Imibuzo Evela Ebafundini” (IsiThala, Febherbari 15, 2007)
Endabeni ethi, “Bengisela Khulu,” qala indlela indodenye eyalisa ngayo ukusela utjwala khulu.
“IBhayibheli Litjhugulula Amaphilo” (IsiThala, Meyi 1, 2012)
a Labo abanekinga yokusela khulu bangatlhoga ukusizwa bodorhodera. Abodorhodera abanengi bathi labo ebebanomraro wokusela khulu, kufuze bangasasela.
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
