Makorente wa Mathomo 6:1-20
6 Ke ntaba le yisana khota ga batho ba go sa loka mo le lwa, le sa yisane ga ba go hlawolega?
2 Kela a le di tšibi tsa gore lune ke lune ba go hlawolega ba gore ba nyoko yahlula lefase lowa? Byalo mo nkare le nyoko yahlula lefase, nje le ka sa kgone go yahlula dilo tsa go tseyediwa fase?
3 Anthe a le di tšibi tsa gore re nyoko yahlula mangeloyi? Byalo re ka šita king gore re yahlule tsa lephelo lowa?
4 Mo nkare di gona tsa lefase lowa tsa gore di nyaka go yahludiwa, ayitsano le nyoko kgeta banna bo ba tseyediwang fase ka ho phutegong gore go be bona ba di yahlulang?
5 Ke le botsa dilo tsowa gore le šale le tšebiye. Nje go hloka le ka wwoši hone ga lune wa go hlalefa wa gore a ka kgona go yahlula magageru?
6 Mara lune magageru le yisana dikhota gore le yahlule ke batho ba gore a ba dumele!
7 Phela mo le kene le yisana dikhota, le titšhelela maahlo ya batho. Ke ntaba le sa fo di lisetsa mo ba le sinyela? Ke ntaba le sa fo re a go na taba mo ba le ropa?
8 Mara le lune le sinyela magageru fote le ya ma ropa!
9 Kela a le di tšibi tsa gore batho ba go sa loka ba ka sa kene Mmušong wa Modimo? Le sa titshokanye. Ba gore ba maka bonghwahla,* ba go rapela medimo ya dithombhe, ba go sa tshepege ga bo ba šadhiyeng nabo, banna ba go kgetisana le banna, banna ba go yetsela le banna ba bangwana,
10 ba go yetswa, ba dipawo, ba go kwana le go tlayila, ba go sinya ba bangwana mabitso le dikgohlane ba ka sa kene Mmušong wa Modimo.
11 Ba bangwana ba lune ne le di maka dilo tsowa. Mara le yedisiwwe, le hlawodiwwe ka lebitso la Morena Jeso Kreste le ka moya wa go hlawolega wa Modimo wa rune le tseyiwa le le ba go loka.
12 Molawo wo dumela dilo ka mokana ga tsona, mara a yi ka mokana ga tsona tsa gore di ya mperekela. Ke bona dilo ka moka di dumela ke molawo mara nka sa dumele gore di nlawole.
13 Tsa go ja ke tsa mmele fote le mmele ke wa tsa go ja mara ka mokana ga tsona Modimo o nyoko fetsa ka tsona. Mmele a yi wa go maka bonghwahla* mara ke wa go maka mmereko wa Morena fote Morena ke yene a wo pasopang.
14 Mara Modimo o tsusiye Morena ga bo ba kgwileng fote le rune o nyoko re tsosa a berekisa matšhika yage.
15 Anthe a le di tšibi tsa gore mmele wa lune ke selo ka ssoši le Kreste? Ayitsano le nagana gore ke nyoko le tlosa ga mmele wa Kreste ke mokane ka le maka gore le be selo ka ssoši le nghwahla? Nka sa di make tsotsone!
16 Anthe a le di tšibi tsa gore ye mongwana le ye mongwana wa go maka tsa maroga le nghwahla* ke selo ka ssoši le yona? Ka taba la gore Modimo o yitseri: “Ka babedi ga bona go nyoko ba nama ka yyoši.”
17 Mara wa gore ke selo ka ssoši le Morena, o nagana go tshwana naye.
18 Kganelaneng kgole le bonghwahla!* Mo motho a sinya a di mo kwaletse ho mmeleng mara mo a fo dulela go maka bonghwahla o sinyela mmele wage.
19 Anthe a le di tšibi tsa gore mmele wowa wa lune ke tempele ya moya wa go hlawolega wa go tšwa ga Modimo? Fote lune le ba Modimo
20 ka taba la gore le mo turele. Byalo le gadimise Modimo ka mmele wa lune.
Ditwaba
^ Bala ga Dihlatollo Tsa Mantsu, “Bonghwahla.”
^ Ka segerika ba re, por·nei′a. Bala ga Dihlatollo Tsa Mantsu.
^ Kela “mosadi wa go rekisa mmele.”
^ Ka Segerika ba re, por·nei′a. Bala ga Dihlatollo Tsa Mantsu.
