Tsowa di Hlatolla ke Johane 11:1-57
11 Monna ye mongwana ye ba reng ke Lazaro, wa gore o tšwa Bhethani ga poleke ya gore Mariya le sesi wage Mata ba tšwa gona, ke mo a lwala.
2 Mariya yewa ke yela wa gore o tlotsiye Morena ka makgura, a mo sula le mawoto ka moriri wage; byalo yewa wa gore ke mo a lwala ke bhuti wage Lazaro.
3 Bosesi ba Lazaro ba romela molayetsa ga Jeso wa gore: “Morena, monghanago wa gore o mo nyaka ka matla wa lwala.”
4 Mo Jeso a di kwelela a re: “Bolwele byowa a yi bya go ka bolaya motho mara ke bya go maka gore Modimo a thanakiwe, le bya go maka gore Morwayi wa Modimo a gadimisiwe.”
5 Jeso ke mo a kwana ka matla le Mata le sesi wage le Lazaro.
6 Mara mo Jeso a kwelela gore Lazaro wa lwala, a fo dula gana hone go šinya go fela matšatši ka mabedi.
7 Ka nthago ga mone, a re ga malata yage: “Tla re boyeleneng Judiya.”
8 Malata yage ma re gage: “Rabi, a yi botala Majuda ma nyaka go go pshyaya ka matlapa, o sa boyela fote?”
9 Jeso a fetola a re: “Motshegare go na le 12 ya di-awara akere? Mo motho a sepela motshegare a ka sa ghuli ke selo ka taba la gore go khannye.
10 Mara ye a sepelang bošego di nyoko mo ghulanya ka taba la gore ke letshwifi.”
11 Mo a fetsa go hlaya tsotsone a re: “Monghana rune Lazaro o yetsele, mara ke ya gana hone go ye mo tsoseng.”
12 Malata yage ma re: “Morena, mo nkare o yetsele, o ko foleng.”
13 Jeso ke mo a ra gore o kgwile. Mara bona ke mo ba tseya nkare o bolabola ka go yetsela ga go khutsa.
14 Jeso o f’lo yi beya lekgwaying a re: “Lazaro o kgwile,
15 byalo ke ya jabola ka taba la gore ne ke se šiyo, gore le ko thogo tshepa. Mara koriyeneng.”
16 Tomase wa gore ke mo ba re ke Lefahla, a re ga malata ya mangwana: “Koriyeneng, gore re kgwe naye.”
17 Byalo, mo Jeso a segela, a kraya gore Lazaro o šele a fetsiye matšatši ka mane a le lebitleng.
18 Bhethani ke mo yi le thina le Jerusalema, di šiyana ka gana hala ga dikhilomitha ka ditharo.*
19 Majuda ya go tlala ke mo ma tlile ga Mata le Mariya, gore ma ba kgomoletse ka likgu la bhuti wa bona.
20 Mo Mata a di kwelela tsa gore Jeso wa tla, a mo gahlanetsa mara Mariya yene a šala gaye.
21 Mata a re ga Jeso: “Morena, hala nke o le howa, bhuti waka nke a sa kgwa.
22 Mara le gana byalo ke ya di tšiba gore so o se kgopelang ga Modimo, Modimo o nyoko go neya sona.”
23 Jeso a re gage: “Bhuti wago o nyoko tsoga.”
24 Mata a re gage: “Ke ya di tšiba tsa gore o nyoko tsoga ka letšatši la mafelelo.”
25 Jeso a re gage: “Ke nna tsogo le lephelo. Ye a dumelang gaka, le mo a ka kgwa o nyoko tsoga;
26 ye mongwana le ye mongwana ye a phelang fote a dumela gaka a ka sa ro kgwa. Nje wa di tshepa tsotsone?”
27 Mata a re gage: “Eya Morena, ke botala ke dumela gore ke wene Kreste, Morwayi wa Modimo, ye a tlang ho lefaseng.”
28 Mo a fetsa go hlaya tsotsone, a ya ga sesi wage Mariya, a mmitsela ka thoko a re: “Thitšere o segele, wa go bitsa.”
29 Mo a kwa tsotsone, a napa a tlogamela a ya gage.
30 Jeso ke mo a soko segela ga poleke ya bona, mara ke mo a sa le mo yene le Mata ba gahlanneng gona.
31 Majuda yala ke mo ma kgomoletsa Mariya ka ku ntlong, ma mmone a tlogamela ka go yakgoswa, ma mo šala nthago ka gore ne ma tseya gore o ye lleng ku lebitleng.
32 Mo Mariya a segela mo Jeso ne a le gona ke mokane a mmona, o yye a kgotama ho mawotong gage a re: “Morena, hala nke o le howa, bhuti waka nke a sa kgwa.”
33 Mo Jeso a bona Mariya le Majuda yala ma tlileng naye ba lla, a kwa go baba.
34 A re: “Le mmulukiye kaye?” Ba re gage: “Morena, tlang o bone.”
35 Jeso a lla.
36 Majuda ma thomisa gore: “Barena, ke mo a mo nyaka ka matla wa tšiba!”
37 Mara ba bangwana ba re: “Morenewa wa gore o kgonne go popolla batho maahlo, o šitiye king go maka gore Lazaro a sa kgwe?”
38 Mo Jeso a fetsiye go lla, a ya ku lebitleng. Gabutšibutši, ke mo go le lekori la gore monyako wa gona ba kwadiye ka letlapa.
39 Jeso a re: “Tlosaneng letlapa lone.” Mata a re gage: “Morena, o tshwanela go ba a šele a nkga, ka taba la gore go fitiye matšatši ka mane.”
40 Jeso a re gage: “Anthe a ke ya go botsa gore mo o ka ntshepa o nyoko bona matšhika ya Modimo?”
41 Byalo ba tlosa letlapa lela. Jeso a lebelela gedimo a re: “Papa ke leboga gore o nkwile.
42 Go bolabola nnete, ke ya tšiba tsa gore o dula o ntheetsela; mara ke bolabola ka taba la mogoba wowa wo nkgobakaneleng, gore wo thogo tshepa gore ke romme ke wene.”
43 Mo a fetsa go bolabola tsone, a yahlamela a re: “Lazaro, tšwang!”
44 Monna yela wa gore ke mo a kgwile a tšwa, mawoto le matsogo yage ba ma tantetsiye, mo mahlong ba mo tantetsiye ka llapi. Jeso a re: “Mo tantolleneng, le mo lisetse a sepele.”
45 Byalo, Majuda ya go tlala yala ne ma tlile ga Mariya le ya ma bonneng tso Jeso a di makiyeng, ma dumela gage,
46 mara ba bangwana ba ya ga Mafaraseyi, ba ma botsa tso Jeso a di makiyeng.
47 Byalo, dindhuna tsa maprista le Mafaraseyi ba bitsa Masanhendrini, ba re: “Re nyoko maka byang mara ka gore monna yewa o maka mehlolo ya go tlala?
48 Mo re ka mo lisetsa a maka ka mokgonowa, batho ka moka ba nyoko dumela gage fote Maroma ma nyoko tla ma tseya poleke* yowa ya rune le setšhaba sa rune.”
49 Mara ye mongwana wa bona ye ba reng ke Kheyifase, wa gore mongwaga wonone ke mo go le moprista ye mogolo, a re ga bona: “Lune a le tšibi selo,
50 fote a le di bone gore di nyoko berekela lune mo monna ka wwoši a ka kgwela batho ka moka, go phala gore setšhaba ka moka se bolayiwe.”
51 Ke mo a sa hlaye dilo tsowa ka boyene beng, mara ka gore ke mo go le moprista ye mogolo mongwaga wone, o porofitiye gore Jeso o nyoko kgwela setšhaba,
52 fote ke mo a ka sa fo kgwela setšhaba se ntoši, mara o nyoko kgobaketsa bana ba Modimo ba gore ke mo ba palakanne.
53 Go tlugisela ka letšatši lolone, ba kwana gore ba nyoko mmolaya.
54 Ke mokane Jeso a sa sa sepela-sepela mo a bonang ke Majuda, mara a tloga hone a ya Eforayimi, polekeng ya gore yi thina le mašahla, a dula gana hone le malata yage.
55 Byalo, monyanya wa Paseka wa Majuda ke mo wo le thina, ke mokane batho ba go tlala ba go tšwa dimitšaneng, ba yye Jerusalema mo Paseka yi soko thoma gore ba hlape go ya ka molawo wa Moše.
56 Ke mo ba nyakana le Jeso ba kene ba butsisana mo ba yemme hone tempeleng, ba re: “Lune le yi bona byang? Le bona nkare o nyoko tla mo monyanyeng?”
57 Mara dindhuna tsa maprista le Mafaraseyi ba beya molawo wa gore mo go ka ba le ye a tšibang gore Jeso o kaye, a tle a hlaye gore ba thogo mo tshwara.
