Tsowa di Hlatolla ke Johane 18:1-40
18 Mo Jeso a fetsa go hlaya dilo tsowa, yene le malata yage ba taka moyedi wa Kidirone, ke mokane ba ya mo ne go na le tšhomo.
2 Byalo Judase, wa gore o yye a mo rekisa ke mo a tšiba poleke yone, ka taba la gore Jeso ke mo a fela a gahlana le malata yage gana hone.
3 Byalo, Judase a tla le sekwata sa masole, le ba go pasopa dindhuna tsa maprista, le ba go pasopa Mafaraseyi, ba segela hone ba tshwere malampa le disabola.
4 Jeso ke mo a di tšiba gore go nyoko makega ying, a šutela, a re ga bona: “Le nyaka mang?”
5 Ba re: “Jeso wa Lenazareta.” A re ga bona: “Ke nna yewa.” Byalo Judase yela wa go mo rekisa ke mo a yemme nabo.
6 Mara, mo Jeso a re, “Ke nna yewa,” ba šutela nthago ba wela fase.
7 A ba butsisa fote a re: “Le nyaka mang?” Ba re: “Jeso wa Lenazareta.”
8 Jeso a re: “Ke le butsiye ka re ke nna yewa. Mo nkare le nyaka nna, lisetsaneng bowa ba bangwana ba sepele.”
9 Ne go tshwanele go makege tso a di hlayyeng tsa gore: “Ga bo o neyyeng bona, a gwa kgwa le ka wwoši.”
10 Simone Petro a ntsha sabola yo ke mo a yi tshwere, a kopa tsebe ya ka letsogong la go ja ya sebereki sa moprista ye mogolo, so ba reng ke Malekhase.
11 Jeso a re ga Petro: “Busetsa sabola yone mo yi dulang. Anthe a ke ya tshwanela go nwa ga komitši yo Papa a neyyeng yona?”
12 Masole yala le yela wa go yeta masole mahlong, le ba go lawola Majuda, ba tshwara Jeso ba mo tlemelela.
13 Ba thomisa ka go mo yisa ga Annase, ka taba la gore ke mo go le ratswale wa Kheyifase, wa gore ke mo go le moprista ye mogolo ka mongwaga wonone.
14 Gabutšibutši, Kheyifase ke mo go le yene a butsiyeng Majuda gore mo motho ka wwoši a ka kgwela batho ka mokana ga bona, di gelepa bona.
15 Simone Petro le lelata le lengwana ke mo ba latelela Jeso. Lelata lone ke mo le tšiba ke moprista ye mogolo, ke mokane la kena le Jeso ka ku lapeng la moprista ye mogolo,
16 byalo Petro ke mo a yemme ka ku tawong. Lelata lone le lengwana la gore ke mo le tšiba ke moprista ye mogolo la tšwa, la bolabola le ba go pasopa monyako ke mokane la kenisa Petro.
17 Byalo, sebereki se sengwana sa ngwannyana sa gore ke mo se pasopa hone monyako, sa re ga Petro: “Le wene ke wene ye mongwana wa malata ya morenewa?” Yene a re: “A yi nna yene.”
18 Byalo, dibereki le bo ba go lawola ke mo ba wora mollo wa malahla wo ne ba wo gotsiye, ka taba la gore ke mo go bata. Petro le yene ke mo a kene a wora nabo.
19 Byalo, dindhuna tsa maprista tsa butsisa Jeso ka malata yage le ka tso yene a di tšhutisang.
20 Jeso a re: “Ke hlayye dilo tsowa lefaseng ka mokana ga lona. Ne ke tšhutisa sinagogeng le tempeleng, ga gore Majuda ma gahlana gona fote ne ke sa wutetsi selo.
21 Ke ntaba le mputsisa? Butsisaneng bo ba kwileng so ke ba butsiyeng. Bobone ba tšiba so ke se hlayyeng.”
22 Mo a fetsa go hlaya tsotsone, ye mongwana wa bo ba go lawola wa gore ke mo a yemme hone, a teya Jeso ka mpamo, a re: “O bolabola le ndhuna ya maprista ka mokgonone?”
23 Jeso a re: “Mo nkare a ke ya hlaya selo sa gabutši, nšupetseneng; mara mo nkare ke hlayye selo sa gabutši, o nteyela ying?”
24 Ke mokane Annase a mo yisa ga Kheyifase moprista ye mogolo a kene a mo tlemelele matsogo.
25 Byalo, Simone Petro ke mo a yemme hone a kene a wora mollo. Ba re gage: “Le wene ke wene ye mongwana wa malata yala akere?” A phiga a re: “A yi nna.”
26 Sebereki se sengwana sa moprista ye mogolo, sa gore ke mo go le lešaga la morenela Petro a mo kopiyeng tsebe, sa re: “ A yi wene ke go bonneng ku tšhomong o le naye?”
27 Mara Petro a phiga fote ke mokane phoko ya napa yi lla ka nako yonone.
28 Ba tseya Jeso ga Kheyifase ba mo yisa gaye ga yewa wa go lawola. Ke mo go sa le ka phu. Mara bona ke mo ba sa nyake go kena mone gaye gage, ne ba sa nyake go thilafala ka taba la gore ke mo ba sa nyaka go ja Paseka.
29 Byalo, Pilato a tšwela ka tawong a re ga bona: “Anthe morenewa le mo sola ka ying?”
30 Ba mo fetola ba re: “Hala morenewa a sa sinya, ne re ka sa mo tlisi gago.”
31 Byalo Pilato a re ga bona: “Lune mo tseyeneng le mo yahlule go ya ka molawo wa lune.” Majuda yala ma re: “Molawo a wo dumele gore re bolaye motho.”
32 Tsotsone ne yi le tsa gore go makege tso Jeso a di hlayyeng go šupetsa gore o nyoko kgwa byang.
33 Pilato a kena gaye ga yela wa go lawola, a bitsa Jeso a re: “Ke wene Kgoši ya Majuda?”
34 Jeso a re: “Ayitsano o butsisa ka gore o nyaka go tšiba, kela o kwile batho ba bolabola ka nna?”
35 Pilato a re: “Phela nna a yi nna Lejuda. Setšhaba sa genu le dindhuna tsa maprista ba go leyye ho gaka. O makiye ying?”
36 Jeso a re: “Mmušo waka a yi wa lefase lowa. Hala Mmušo waka go le wa lefase lowa, malata yaka ne ma nyoko nlwela gore ke sa yisiwi ga Majuda. Byalo, ka mokgo dilo di leng ka gona, di napa di šupetsa gore Mmušo waka a yi wa howa.”
37 Byalo, Pilato a re gage: “Ke wene kgoši?” Jeso a re: “Go hlaya wene tsotsone gore ke nna kgoši. Ka taba la gore ke belegediwwe tsona fote ke tlele tsona howa lefaseng gore ke tle ke be hlatse ya nnete. Ye mongwana le ye mongwana ye a yemang le nnete o theetsela lentsu laka.”
38 Pilato a re: “Nnete ke yifeng?”
Mo a fetsa go hlaya tsotsone, a tšwa a ya ga Majuda ka ku tawong, a re ga bona: “Nna a ke bone morenewa a sinnye.
39 Byalo, ka gore le tlwayele gore ke le ntshela motho ka letšatši la Paseka, le nyaka ke le ntshele Kgoši ya Majuda?”
40 Ba yahlamela fote ba re: “A re nyake morenene, re nyaka Bharabhase!” Bharabhase yene ke mo go le sekgohlane.
