Kutullo ya go ya ga Johane 16:1-21
-
Ditša tsa motšiti kašupa ya tsona tsa gore di na le go kwata ga Modimo (1-21)
16 Ke mokane ka kwa lentsu le yahlamela le tšwa ku tempeleng le botsa mangeloyi yala kašupa ya wona le re: “Ariyeneng le kašupa ya ditša tsone tsa motšiti le ye tshollela go kwata ga Modimo lefaseng.”
2 La mathomo la ya ke mokane la tshollela sitša sa lona lefaseng. Batho ba gore ke mo ba na le setwaba sa phoolwane ya go tshosa ya hlaga ba gore fote ne ba rapela sethombhe sa yona ba tšwa dithogo tsa go baba tsa go tshosa ka matla.
3 La bobedi la tshollela sitša sa lona lewatleng ke mokane lewatle la tšhentšha la tshwana le madi ya motho wa gore o kgwile, fote dilo ka mokana ga tsona tsa go phela hone lewatleng dya kgwa.
4 La boraro la tshollela sitša sa lona didibeng le dinokeng tsa meetši ke mokane dya tšhentšha gwa ba madi.
5 Ka kwa lengeloyi lela la gore le pasopiye meetši le re: “Wene wa gore o gona fote ke botala o le gona, wa gore fote wa tshepega, o lukiye ka taba la gore o yahludiye gore go be ka mokgo,
6 fote o ba neyye madi gore ba nwe, di ya ba tshwanela ka gore ba bolayye ba go hlawolega le baporofeta.”
7 Ke mokane ka kwa lentsu le tšwa ku aletareng le re: “Jehova Modimo wa matšhika ka moka, ka mokgo o yahlulang go lukiye fote ke ga nnete.”
8 La bone la tshollela sitša sa lona letšatšing ke mokane letšatši ba le dumelela gore le tlabolele batho ka mollo.
9 Batho ba tlabolela ke go fisa hone mara a baa tisola fote a baa gadimisa Modimo wa gore o lawola metšhatšhamelo yone, ba yye ba mo rogelela.
10 Lengeloyi la bohlano la ya la tshollela sitša sa lona gedimo ga setulo sa go lawola sa phoolwane ya hlaga ke mokane dilo ka mokana ga tsona tsa gore ya di lawola dya fifala, batho le bona ba thomisa go tiloma maleme ka taba la go kwa go baba,
11 fote ba yye ba poyila Modimo wa legedimong ka taba la dilo tso ne di ba kwisa go baba le dithogo tso ne ba le natso, fote a baa tisola ga tso ne ba di maka.
12 Lengeloyi la kobodi la tshollela sitša sa lona nokeng ye kgolo ya Eforate ke mokane ya woma, gore go be le pata ya gore magoši ya go tšwa bohlabela ma tle ka yona.
13 Fote ka bona dilo ka di tharo tso di hlayang ke madimona tsa go tshwana le dikwele di tšwa molomong wa noga ye kgolo ya go tshosa le ka ganong ga phoolwane ya go tshosa ya hlaga le ka ganong ga moporofeta wa matsaka.
14 Gabutšibutši ke dilo tsa gore di hlaya ke madimona, ya gore ma kgobaketsela magoši ya lefase ka mokana ga lona ntweng ya letšatši le legolo la Modimo wa Matšhika ka moka.
15 “Ke nyoko tla go tshwana le wa go yetswa, go jabola ye a dulang a ntshiye maahlo dikwakweng fote a yapere kobo yage ya ka tawong gore a sa sepele a sa tšwara ke mokane ba mmonela.”
16 Ke mokane dya kgobaketsela magoši yane ga poleke ya gore ka Seheberu ba re ke Aremaghedoni.*
17 Lengeloyi la kašupa la tshollela sitša sa lona moyeng. Ka kwa lentsu le tšwa tempeleng ga gore go na le setulo sa go lawola le re: “Go fediye.”
18 Fote ke mo go na le magadima, mantsu le maduma, le lefase ke mo le tekateka ka matla tsa gore a sanka dya ba gona go tlugisela hala lefase le ba gona, ke mo le tekateka tsa go tshosa.
19 Mutši wo mogolo wa ngathega, wa ba dipetlo ka ditharo, le mitši ya ditšhaba ya wa, fote Modimo a gopola Bhabhilona ye mogolo gore a mo neye komitši ya go ba le wayini ya gore yi tshwanisela go kwata gage.
20 Dipoleke tsa go dukuluga ke meetši dya nwelela fote le dithaba dya nyamalala.
21 Ke mokane sefako se segolo sa gore letlapa ka lloši ke mo le kala gana hala ga talente sa wela batho se tšwa legedimong, batho ba poyilanya Modimo ka taba la sefako sone sa go ba leyela motšhatšhamelo ka gore ke mo go le se segolo ka matla.
Ditwaba
^ Ka Segerika ba re ke Har Ma·ge·don′, yi tšwa ga lentsu la Seheberu la go rela “Thaba ya Meghido.”
