Lengwalo la go ya ga Maheberu 9:1-28
9 Kwano ya mathomo ke mo yi na le molawo wa gore ne di nyaka moprista a wo latelela mo a kene a maka mmereko wage wa go hlawolega, fote ke mo yi na le poleke ya go hlawolega mo lefaseng.
2 Mo sekopa sa mathomo sa letente se makiwa ke mo se na le setšhubampara, tafola le dikgwa, fote ke mo ba re ke Poleke ya go Hlawolega.
3 Mara ka nthago ga legaredheni la bobedi ke mo go na le sekopa sa letente so ne ba re ke Poleke ya go Hlawolega ka Matla.
4 Ke mo go na le sitša sa motšete sa gholdi le areka ya go kwanisanya ya gore ke mo ba yi kgakgapiye ka gholdi ka mokana ga yona, ka mone teng ga areka yone ne go na le thoka ya Aroni ya gore yi na le mabhlomu, matlapa ya gore ne ma ngwadiwwe molawo wa Modimo le jeke ya gholdi ya gore ke mo yi na le manna,
5 ke mokane ka kgakala ga areka ya go kwanisanya ke mo go na le makerubi ya go gadima ya gore ne ma wokamele sekogelo sa poleke ya go hlawolega. Mara gana byalo a yi nako ya go bolabola ka selo se sengwana le se sengwana sa dilo tsowa.
6 Ka nthago ga gore dilo tsowa di makiwe, maprista ke mo ma dula ma kena ga sekopa sa mathomo sa letente, gore ma thogo maka mebereko ya go hlawolega,
7 mara moprista ye mogolo ke mo a kena ga sekopa sa bobedi sa letente a ntoši ga teya mo ngwageng, fote ke mo a kena a tshwere madi ya gore o timakela sehlabelo ka wona fote a makela le bo ba sinnyeng ka bomu.
8 Moya wa go hlawolega wo napa wo di beya lekgwaying gore poleke yowa ya go hlawolega ke mo yi soko tšibega mo letente la mathomo le sa le gona.
9 Letente lowa le beyisela dinako tsa gana byalo, fote ke ka mokgo ne ba leya tso ne go neyediwa ka tsona le ka mokgo ne go makiwa dihlabelo ka gona. Mara tsowa a di make gore lekwalo la ye a makang mmereko wowa wa go hlawolega le yenele.
10 Ke mo di fo bereka ga tsa go ja, tsa go nwa le go kolobetsiwa ga mehlobohlobo. Melawo yowa ne yi bolabola ka dilo tsa lefase lowa,* fote ke mo yi le gona go segela dilo di lukisiwa.
11 Mara mo Kreste a nyarela, ke mo go le moprista ye mogolo wa dilo tsa gabutši tsa gore ne di šele di makegiye. O kenne ka teng ga letente la gore ke le legolo la gore fote le gabutši, letente la gore a le ya maka ke batho la gore fote a yi la howa lefaseng.
12 O kenne ga poleke ya go hlawolega a sa berekisi madi ya dipudi le ya dinamane tsa dipholo mara o berekisiye madi yage ga teya gore a thogo re phonisa go ya go yye.
13 Mo nkare madi ya dipudi, ya dipholo le luta la sethole di fokediwa ga bo ba gore ba thilafele fote di maka gore ba šale ba yediye,
14 byalo madi ya Kreste wona ge? Yene wa gore o neyele ka lephelo lage la go se na selabi ga Modimo, a yedisa makwalo ya rune ga dilo tsa go sa re selo* gore re thogo makela Modimo wa go phela mmereko wa go hlawolega.
15 Nka taba lo Kreste a gelepang ka kwano ya nyuwane gore a thogo lepolla batho ka likgu lage ga tso ba di sinnyeng nakwela go sa na le kwano ya mathomo, gore bo ba bitsiwweng ba thogo kraya lephelo la go ya go yye lo ba tshepisiwweng lona.
16 Ka gore mo go makiwa kwano, di nyaka motho ye go makiwang kwano ka yene a kgwe,
17 ka taba la gore kwano yone yi thomisa go bereka mo motho yene a kgwa, yi ka sa bereke mo motho ye go makiwang kwano ka yene a sa phela.
18 Nka taba lo kwano ya botala le yona ne yi ka sa bereke go sa falatsiwa madi.
19 Mo Moše a fetsa go bolabola le batho ka mokana ga bona ka tso di leng ga Molawo, o tsere madi ya dinamane tsa dipholo le ya dipudi a ma gahlanisa le meetši. Ke mokane a tseya phate ya hisopo* a yi tantetsa ka boya bya nku byo bokhubedu bya nkare ke madi, a fokela puku* yone le batho ka mokana ga bona bo ne ba le hone,
20 a re: “Yawa ke madi ya kwano yo Modimo a le butsiyeng gore le yi make.”
21 Le yene o fokele letente le ditša tsa go maka mmereko wa go hlawolega ka madi.
22 Dilo tsa go tlala ke mo di yedisiwa ka madi go ya ka molawo, fote ba ka sa re tshwarele mo go se na madi ya ba ma falatsiyeng.
23 Byalo, ke mo di nyakega gore dilo tsa go tshwanisela tso di leng magedimong di yedisiwe ka dihlabelo tsa diphoolwane, mara dilo tsa ku legedimong di nyaka dihlabelo tsa kawone.
24 Ka taba la gore Kreste aa kena polekeng ya go hlawolega ya gore yi makiye ke batho ya gore yi tshwanisela poleke ya go hlawolega ya mannete, mara o kenne legedimong gore a thogo re yemelela mahlong ga Modimo.
25 Aa maka tsotsone gore a fo dulela go tineyela go fo tshwana le mo moprista ye mogolo a kena ga poleke ya go hlawolega mongwaga wo mongwana le wo mongwana a sa yisi madi yage mara a yisa madi ya diphoolwane.
26 Hala go yye gwa ba ka mokgonone, ne di ko nyaka gore Kreste a hlupegisiwe ga go tlala go tlugisela mathomisong ya lefase* mara gana byalo o f’lo nyarela ga teya ga dinako tsowa tsa mafelelo* gore a neyele ka lephelo lage ke mokane go nape go fela ka tso tsa go sinya.
27 Motho ye mongwana le ye mongwana o nyoko fo kgwa ga teya mara ka nthago ga hone o nyoko yahludiwa.
28 Kreste le yene o f’lo tineyela ga teya gore a tlose tso ba go tlala ba di sinnyeng, mo a nyarela la bobedi o nyoko ba a sa tlele go tlosa tso re di sinnyeng, fote o nyoko bona ke bo ba gore ba mo nyaka tsa mannete gore a thogo ba phonisa.
Ditwaba
^ Gabutšibutši ke “mmele.”
^ Gabutšibutši ke “dilo tsa gore di kgwile.”
^ Hisopo ke lentsu la Segerika. Go ka fo ba go le mohlare wa ku Palestina, wa gore wo ka fo gola wa segela ga 1.8 ya dimitha.
^ Kela “lengwalo la go phutiwa.”
^ Tsowa di rela bana ba Adamo le Efa.
^ Bala ga Dihlatollo Tsa Mantsu.
