Tsowa di Hlatolla ke Mareka 16:1-8
-
Jeso o tsusiwa ga bo ba hlokofeleng (1-8)
16 Mo go šele go fitiye Sabatha, Mariya Magdalina, Mariya mmane wa Jakobo, le Salomo ke mo ba rekiye dilo tsa go nkgela,* gore ba tlotse setopo sa Jeso.
2 Ka letšatši la mathomo la mo beke yi sa thoma, go sa le ka phu, ba tlile ba tl’le hlola lebitla.
3 Ke mo ba butsisana ba re: “Re nyoko kgokolosela ke mang letlapa lowa?”
4 Mo ba lebelela hala lebitleng, ba yye ba bona gore letlapa lela le kgokolosiwwe, le go gola ga lona.
5 Mo ba kena ka hala lebitleng, ba bona mosogana ye mongwana a duli ka letsogong la go ja, a yapere kobo ye tšhwewu, ke mokane ba makala.
6 A re ga bona: “Le sa makaleneng. Ke ya tšiba gore le nyaka Jeso wa Lenazareta wa gore ba mo kokotele phateng. O tsusiwwe. Aa šiyo. Bonaneng, mowa ke mo ne ba mmolokele gona.
7 Ariyeneng, le botse malata yage le Petro, le re, ‘O le yetiye mahlong o ya Galeliya. Le ko mmona gana ku, go ya ka mokgo a le butsiyeng.’”
8 Byalo ba tšwa hala lebitleng, ba tloga ba kene ba hlagasela fote ba makele. Ba sa botse motho, ka taba la gore ke mo ba tšhugiye.*
Ditwaba
^ Matlakala le makgura ya ba ma berekisang mo ba tlotsa setopo gore ba thogo se boloka.
^ Mangwalo ya go phutiwa ya gore maa tshepega, ma re Ebangedi ya Mareka yi felela ka mantsu ya ma krayiwang mo ga temanyana 8.
