Tsowa di Hlatolla ke Matewu 13:1-58
-
MEŠUPETSO YA GO BOLABOLA KA MMUŠO (1-52)
-
Wa go gaša (1-9)
-
So se makiyeng gore Jeso a berekise mešupetso (10-17)
-
Go hlatolliwa mošupetso wa motho wa go gaša (18-23)
-
Korong le ngwere (24-30)
-
Pewu ya mmasetete le dikomelo (31-33)
-
Go berekisa mešupetso gore go makege seporofeto (34, 35)
-
Go hlatolliwa mošupetso wa korong le ngwere (36-43)
-
Go ghanya ga gore go wutetsiwwe le lekolwane la go tura (44-46)
-
Letabane (47-50)
-
Go ghanya ka tsa botala le go ghanya ka tsa nyuwane (51, 52)
-
-
Jeso baa mo phiga polekeng ya gabo (53-58)
13 Jeso o tlugiye ga mutši wone ka letšatši lolone, a ya a dula thina le lewatle.
2 Mogoba wo mogolo wo yye wa mo kgobakanela, a šinya a kalama sekepe a dula ga sona, ke mokane mogoba wa yema lerophong la lewatle.
3 A ba tšhutisa dilo tsa go tlala a berekisa mešupetso, a re: “Theetselaneng! Motho ye mongwana o yye a gaša pewu.
4 Mo a kene a gaša, dithoro tse dingwana dya wela ka thoko ga pata ke mokane dinonyane dya tla dya di ja.
5 Tse dingwana dya wela matlapeng ga gore ke mo go se na mobu wa go tlala, ke mokane dya yakgoswa di mila ka taba la gore mobu wa gona ke mo wo sa tlala.
6 Byalo, mo letšatši le hlaba dya swa, ke mokane dya puna ka taba la gore ke mo di se na midu.
7 Tse dingwana dya wela mmutlweng ke mokane mmutlwa wone wa di yilametsa.
8 Tse dingwana dya wela mobung wa go nona, ke mokane dya thomisa go ba le diyengwa, ye nngwana ya yengwa ga 100, ye nngwana ga 60, ye nngwana ga 30.
9 Ye a nang le ditsebe a theetsele.”
10 Ke mokane malata yage ma re gage: “Ke ntaba o bolabola le batho bowa o berekisa mešupetso?”
11 Mo a ba fetola a re: “Lune le kwisisa diphiri tsa go hlawolega ka Mmušo wa magedimong ka taba la gore Modimo wa le gelepa, mara batho bowa a ba di kwisisi, ka taba la gore a ba gelepe ke motho.
12 Ye a nang le se sengwana o nyoko yeketsediwa ga so a nang naso ke mokane sa napa se tlala, mara wa gore aa na selo ba nyoko mo yamoga le so a nang naso.
13 Nka taba lo ke berekisang mešupetso mo ke bolabola nabo, ka taba la gore baa lebelela mara a ba bone, baa theetsela mara a ba kwe, fote a ba kwisise le ka gonyana.
14 Ka mokgonone, go makega seporofeto sa Jesaya sa gore: ‘Go kwa le ko kweng mara le ka sa kwisise, fote le ko lebelela mara le ka sa bone.
15 Dipelo tsa batho bowa di ghwannye nkare ke matlapa. Go kwa ba kwile mara a ba thogathoge, ba kwadiye maahlo ya bona le ditsebe tsa bona gore ba sa bone selo kela go kwa selo, sosone se makiye gore ba sa kwisise tso ba tshwaneleng gore ba di make, le mong go sokologa nyana gore ke ba yalafe, dhoo.’
16 “Mara go jabola lune ka taba la gore maahlo ya lune maa bona fote le ditsebe tsa lune di ya kwa.
17 Ka nnete ke ya le botsa, baporofeta le batho ba go loka ke mo ba nabela ka matla go bona tso le di bonang, mara a baa di bona, ba nabela le go kwa tso le di kwang mara a baa di kwa.
18 “Byalo tla ke le hlatolleleneng ka mošupetso wa motho yela ne a gaša.
19 Mo motho a kwa Lentsu la Modimo mara a sa le kwisisi, wa pelo ye phifadu wa tla ke mokane a kgufula so se leng ka pelong yage, yowa ke pewu ya gore yi wele thoko ga tsela.
20 Yowa ya gore yi wele matlapeng yi tshwana le motho wa go kwa lentsu la Modimo, a le yamogela fote a le jabolela.
21 Mara ka taba la gore lentsu lowa a la napa le tsika ka ho pelong gage, o yye a sa sa le tshepa mo go nyarela tsa go mo phiriketsa kela tsa go mo kgahleletsa.
22 Yowa ya go wela mmutlweng yi tshwana le motho wa go kwa lentsu la Modimo, mara a sa yengwe ka taba la go šekedisa ke dilo tsa lefase lowa* le go nyaka go ghanya, dya napa di phiphetsa lentsu lela.
23 Yela ya go wela mobung wa go nona yi tshwana le motho wa go kwa lentsu la Modimo, a le kwisisa ke mokane a yengwa diyengwa. Ye nngwana ya yengwa ga 100, ye nngwana ga 60, ye nngwana ga 30.
24 Jeso o ba makele mošupetso wo mongwana a re: Mmušo wa Modimo re ka wo tshwanisa le monna wa go gaša pewu ya gabutši tšhomong yage.
25 Mo batho ba sa yetsele, gwa segela lenaba la gaša ngwere mo gare ga korong ke mokane la tloga.
26 Mo yi šele yi mila ke mokane yi thomisa go nyaretsa diyengwa, ngwere le wona wo yye wa thomisa go nyarela.
27 Byalo malata ya mong wa tšhomo ma tla gage ma re: Morena ku tšhomong gago o gašiye pewu ya gabutši akere? Byalo ke ntaba go midiye ngwere?
28 Mo a ba fetola a re: ‘Go makiye lenaba.’ Malata ma re gage, ‘Byalo Morena, o nyaka re ye wo kgobaketseng?’
29 Mong wa tšhomo a re: ‘Awwa, ke tšhoga gore le ka tomola le korong mo le kene le kgobaketsa ngwere wone.
30 Di lisetseneng di goleneng ggoši, go šinye go segele nako ya go buna, mo yi šele yi segele, ke nyoko botsa bo ba bunang gore: Thomisaneng le kgobaketsa ngwere le wo tleme ka dingata gore le thogo wo tšhuba; ke mokane le rwalele korong le yi tšhele ka seralong.’”*
31 A ba tšhutisa ka mošupetso wo mongwana fote, a re: “Mmušo wa Modimo wo tshwana le pewu ya mmasetete, ya gore motho o yye a yi gaša tšhomong yage.
32 Mo o yi lebelele go fo ba ye nyananyana, mara mo yi gola go ba mohlare wo mogolo ka matla, wa gore dinonyane di segela di yaga dihlagela mo makaleng ya wona.”
33 A ba tšhutisa ka mošupetso wo mongwana fotefote, a re: “Mmušo wa magedimo wo tshwana le dikomelo tsa gore mosadi wa di tseya a di gahlanisa le masaka ka mararo ya folawa, go segela mo folawa ya go dubiwa ka mokana ga yona yi bila.”
34 Jeso o butsiye mogoba dilo tso ka mokana ga tsona a berekisa mešupetso. Gabutšibutši ne a ka sa bolabole nabo a sa berekisi mošupetso,
35 gore go thogo makega seporofeto sa gore: “Ke nyoko berekisa mešupetso mo ke tšhutisa, ke nyoko sabalatsa dilo tsa gore ke mo di wutamme go tlugisela ku botala.”*
36 Mo Jeso a fetsa go botsa mogoba wone gore wo sepele, o yye a ya ntlong. Malata yage ma tla ma re gage: “Re hlatollele mošupetso wa ngwere wola wa ku mašemong.”
37 Mo a fetola a re: “Monna ye wa go gaša pewu ya gabutši ke Morwayi wa motho;
38 mašemo ke lefase. Pewu ya gabutši yona ke barwayi ba Mmušo, mara ngwere wona ke barwayi ba wa pelo ye phifadu,
39 fote lenaba lo le gašiyeng ngwere ke Diyabolo. Go buna go yemela dinako tsa mo lefase* le bakiye mafelelong, fote ba go buna ke mangeloyi.
40 Byalo, go fo tshwana le mo ngwere wo kgobaketsiwa ke mokane wo tšhubiwa ka mollo, go nyoko ba ka mokgonone le ka lefase lowa.*
41 Morwayi wa motho o nyoko romela mangeloyi, ke mokane ma nyoko ntsha dilo ka mokana ga tsona ka ho Mmušong wage, dilo tsa gore a di yi ka tsela, le batho ba gore ba maka dilo tsa go befa,
42 ke mokane ma nyoko di bošela mollong dya swa. Gana hone ba nyoko gotla fote ba loma le meno.
43 Ka nako yonone, ba go loka ba nyoko gadima go tshwana le letšatši Mmušong wa Papa wa bona wa ku magedimong. Ye a nang le ditsebe a theetsele.
44 “Mmušo wa magedimo wo tshwana le makgekgembha ya gore ba ma wutetsiye tšhomong, ke mokane motho ye mongwana a segela a ma kraya a ma pasopa. Ka taba la gore ne a jabodiye ka matla, o yye a šinya a tloga a ye rekisa dilo ka mokana ga tsona tso ne a le natso gore a reke tšhomo yone.
45 “Fote Mmušo wa Modimo wo tshwana le motho wa go sepela a rekisa a nyakana le makolwane ya gabutši.
46 Mo a kraya lekolwane la gore le tseyediwa gedimo, o yye a rekisa dilo ka mokana ga tsona tso ne a le natso gore a thogo reka lekolwane lone.
47 “Fote Mmušo wa Modimo wo tshwana le letabane la gore le bošediwwe ka lewatleng, la go tanya dihlapi tsa mohlobohlobo.
48 Mo le tlala, ba le goga ba le tlisa lerophong la lewatle, ke mokane ba dula fase ba hlawola tsa gabutši ba di tšhela ka mapoleteng, ba lahla tsela tsa gore a di gabutši.
49 Le ga lefase lowa go nyoko fo ba ka mokgonone.* Mangeloyi yane ma nyoko hlawola ba dipelo tse di phifadu ga bo ba go loka
50 ke mokane ma ba bošela mollong. Gana hone ba nyoko gotla fote ba loma le meno.
51 “Anthe a le kwisisi gore dilo tso di ra gore king?” Ba re gage: “Eya.”
52 Ke mokane a re ga bona: “Mo nkare go ka mokgonone, motho ye mongwana le ye mongwana wa go yetetsa batho wa gore ba mo tšhutisa ka Mmušo wa Modimo o tshwana le monna wa gore ke mong wa mutši, ye a ntshang dilo tsage ga tromola ya go tšhela dilo tsa mayemo, o ntsha tsa botala le tsa nyuwane.”
53 Mo Jeso a fetsa go bolabola nabo a berekisa mošupetso, a tloga hone ga poleke yone.
54 Mo a boyela gaye, a thomisa go ba tšhutisa sinagogeng ya bona, ba thomisa go makala ba re: “Ke ntaba morene a hlalefiye ka mokgo, a boya a kgona go maka mehlolo?
55 Anthe a yi morwayi wa monna yela wa go betla? Mmane wage a yi Mariya, fote bobhuti bage a yi Jakobo, Josefa, Simone le Judase?
56 Fote bosesi bage ka moka a ba duli howa le rune? Byalo o di tseya kaye dilo tsowa?”
57 Ba thomisa go phiriketsega ka taba lage. Mara Jeso a re ga bona: “Moporofeta wa hlompiwa dipolekeng ka mokana ga tsona, mara ba ka sa mo hlompe ga poleke yo a tšwang ga yona le gagabo.”
58 Jeso aa maka mehlolo ya go tlala ka taba la gore batho bone ne ba gayela tumelo.
Ditwaba
^ Bala ga Dihlatollo Tsa Mantsu.
^ Kela “setendeng.”
^ Kela nakwenngwana “batho ba soko belegiwa.”
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
^ Bala ga Dihlatollo Tsa Mantsu.
