Tsowa di Hlatolla ke Matewu 14:1-36
14 Byalo, Kgoši* Heroda wa gore ke mo a lawola ga poleke yone o yye a kwelela ka Jeso
2 ke mokane a re ga dibereki tsage: “Motho yene ke Johane wa go Kolobetsa. O tsusiwwe mabitleng, nka taba lo a makang mehlolo.”
3 Heroda* o yye a tshwara Johane a boya a mmošela jele ka taba la Herodiyase wa gore ke mosadi wa Filipi. Filipi yewa ke mo go le bhuti wa Heroda.
4 Johane ba mo hlahlele jele ka taba la gore ke mo a dulele go botsa Heroda gore: “Go ya ka molawo a wa tshwanela go tseyana le mosadi yene.”
5 Heroda ke mo a nyaka go bolaya Johane, mara ne a tšhaba mogoba ka taba la gore ne wo tseya Johane go le moporofeta.
6 Mara nakwela go le Monyanya wa letšatši la go belegiwa la Heroda, morwediya wa Herodiyase o yye a bina hone monyanyeng, sosone sa jabodisa Heroda ka matla
7 a šinya a maka kano ya gore o ko mo neya se sengwana le se sengwana so a se nyakang.
8 Morwediya wa Herodiyase a re: “Nneye hlogo ya Johane wa go Kolobetsa yi le ka threying,” o hlayye tsotsone ka taba la gore mmane wage ke mo a mo kutšetsele.
9 Le mo taba yone yi kwisiye Heroda go baba, o yye a ba roma gore ba mo neye, ka taba la gore ke mo go le kgoši fote a mo tshepisiye mahlong ga batho.*
10 A ba roma gore ba ye ba kupe hlogo ya Johane ku jele.
11 Ba ya ba yi kopa, ba yi neya ngwannyana yene ka threyi, ke mokane yene a yi neya mmane wage.
12 Ka nthago, malata ya Johane ma tla ma tseya setopo sage ma ye se bolokeng, ke mokane ma tla ma hlayisela Jeso.
13 Mo Jeso a kwa taba yone, o yye a tloga ka sekepe a ya ku thoko le batho. Mara mo mogoba wo kwa ka tsotsone, wo yye wa mo šala nthago wo tloga dimitšaneng.
14 Mo a segela lerophong la lewatle, a bona mogoba, a wo kwela go baba ke mokane a thomisa go yalafa ba go lwala.
15 Mo le tlulela, malata ya Jeso ma tla gage ma re: “Poleke yowa yi thoko ka matla fote ke bošego, botsa batho bowa ba sepele gore ba thogo ya ba tikrayela tsa go ja ku dimitšaneng.”
16 Mara Jeso a ba botsa a re: “Ba sa tloge; lune ba neyeneng tsa go ja.”
17 Ba re gage: “A re na selo mowa, re fo ba le kapheta ya malofo le dihlapi ka dipedi.”
18 Ke mokane a re: “Di tliseneng ho gaka.”
19 A botsa mogoba gore wo dule mabyaneng. Byalo a tseya malofo yala kapheta ya wona le dihlapi ka dipedi, a lebelela legedimong a rapela, mo a šele a ngathetselannye malofo yala, a ma neya malata yage gore ma neye mogoba.
20 Mogoba wola ka mokana ga wona wa ja wa kgora, malata ya Jeso ma tsama ma kotela dingatha tso di šeleng, gwa tlala 12 ya memantši.
21 Bo ke mo ba ja ke mo go le banna ba gana hala ga 5 000, le basadi le dibananyana.
22 Byalo, Jeso a sa sa sinya nako, a botsa malata yage gore ma kalame sekepe ma ye ka ku mosekola, ke mokane yene a šala a palakanya megoba yela.
23 Mo a fetsa a ya thabeng a ye rapeleng. Ke mo a le gana ku a ntoši mo le thomisa go kgwalala.
24 Ka nako yone sekepe ke mo se šele se le ku gare ga lewatle, ke mo se rwalagana ka taba la gore ke mo go na le moya wo mogolo ka matla.
25 Mo go teya 3 ya matlagosa, Jeso o yye a tla ga bona a sepela gedimo ga meetši.
26 Mo malata yage ma mmona ma yye ma tšhoga ma re: “Ye lune, king sosowa mara!” Ke mokane ma thomisa go yahlamela ma kene ma hlagasela.
27 Mara Jeso a re ga wona: “Anthe le tšhaba ying? Le sa tšhogeneng, ke nna.”
28 Petro a re ga Jeso: “Morena ho nkare ke wene, mpitse le nna ke sepele gedimo ga meetši go tshwana nago.”
29 Jeso a re: “Tlang!” Ke mokane Petro a tšwa mone sekepeng a ya ga Jeso a sepela gedimo ga meetši.
30 Mara mo a lebelela sedingwane o yye a tšhoga, ke mokane a thomisa go nwelela ka meetšing, a yahlamela a re: “Morena mphonise!”
31 Jeso a napa a wolola letsogo lage a re gage: “Wene wa tumelo ye nyana ke ntaba o yye wa thomisa go kamaka?”
32 Byalo mo ba kena sekepeng, sedingwane sela se yye sa napa se kgomolela.
33 Ke mokane bo ne ba le hone sekepeng ba mo thinyela letolo* ba re: “Ka nnete ke wene Morwayi wa Modimo.”
34 Ba bhukulela ba ya Ghenesarete.
35 Mo batho ba hone polekeng ba mmona, ba yye ba mo leyela ba go lwala gore a ba yalafe.
36 Ba kgopela go tikisa matšhembhutšhembhu ya kobo yage ya ka tawong, ke mokane batho ka mokana ga bona bo ne ba yi tikisa ke mo ba fola.
Ditwaba
^ Ka Segerika ba re ke “wa go lawola.”
^ Ke Heroda Antipase. Bala ga Dihlatollo Tsa Mantsu.
^ Kela “bo ne ba duli naye tafoleng.”
^ Kela “ba mo kgotamela.”
