Mebereko ya Mapostola 21:1-40
21 Mo re fetsa go tloga mone ga bona dipelo tsa rune di kene di kwa go baba, re kalamme sekepe ra ya Khose, ka motshwana wa gona ra ya Rodese, mo re tloga mone ra ya Patara.
2 Gana hone re krayye sekepe sa go ya Funišiya, ke mokane ra se kalama ra sepela.
3 Mo re nyarela, ra bona poleke ya go dukuluga ke meetši ya Sipero yi le ka letsogong la mpata, mara ra fo feta ra ya Siriya, ra fetsa re kenne Tira ga gore re segele re pholosa morwalo wo ne wo le mo sekepeng.
4 Ra segela re nyaka malata ra ba ra ma kraya, ra dula mone matšatši kašupa ya wona. Mara moya wa go hlawolega wo yye wa tšhofa malata gore ma botse Pawulo ga tleletlele gore a sa yi Jerusalema.
5 Byalo, mo nako ya rune yi fediye, ra tloga ra ya mahlong ka leyeto la rune mara ka mokana ga bona ba re felegetsa go segela re tšwa hone mutšing, go na le basadi le bana, ke mokane mo re segela lerophong ra kgotama ra rapela,
6 mo re fetsa ra layelana. Ke mokane ra kalama sekepe, bala ba bangwana ba ya mitšing ya bona.
7 Mo re fetsa ka leyeto la rune la go tšwa Tira, ra segela Tholomiyase ra tamisa magageru, ra dula le wona letšatši ka lloši.
8 Ka motshwana wa gona ra segela Kesareya, ra kena gaye ga Filipi wa go tšhomayela wa gore ke ye mongwana wa banna bala kašupa ya bona ba gore ba kgetiye ke mapostola ku Jerusalema, ra dula naye.
9 Monna ye ke mo a na le barwediya ka bane ba gore ke mo ba sa šadha* fote ba porofeta.
10 Mara ka nthago ga mo re fetsiye matšatši re le gana hone, gwa tla moporofeta ye mongwana ba re ke Aghabhase a tšwa Judiya.
11 A tla ga rune a tseya lepanta la Pawulo a titlema mawoto le matsogo a re: “Moya wa go hlawolega wo re, ‘Majuda ma nyoko tlema mong wa lepanta lowa ka mokgo ku Jerusalema, ke mokane ba nyoko mo yisa ga batho ba ditšhaba.’”
12 Byalo mo re kwa dilo tsowa, rune le bo ne ba le hone ra mo kgopela gore a sa yi Jerusalema.
13 Pawulo a re: “Ke ntaba le fo llanya le liketsa go maka gore ke sa yi? Le di tšibeneng gore ke tikemisele go tshwariwa le go bolayiwa ku Jerusalema ka taba la lebitso la Morena Jeso.”
14 Mo re di bona gore re ka sa di kgone go mo tšhentšha monagano, re yye ra lisetsa go mo thibelela,* ra re: “Go makege tso Jehova a di nyakang.”
15 Byalo, ka nthago ga matšatši yawa re lukiselele leyeto la rune ke mokane ra ya Jerusalema.
16 Malata ya mangwana ya go tšwa Kesareya ma yye le rune, ma re yisa ga Manasono wa Sipero wa gore ke botala go le lelata fote ke mo re vakašela yene.
17 Mo re segela Jerusalema, magageru ma re yamogela ma jabodiye.
18 Mara ka motshwana wa gona, Pawulo o yye le rune ga Jakobo fote ke mo go na le ba bagolo ba gore baa hlompega.
19 A ba tamisa ke mokane a ba botsa dilo tso Modimo a di makeleng ditšhaba nakwela a tšhomayela.
20 Mo ba fetsa go kwa tsowa, ba thomisa go thanaka Modimo, ba re ga Pawulo: “Mogageru, wa di bona gore mo ga Majuda go tlele batho ba gore baa dumela, fote ba tshepegela Molawo.
21 Mara ba kwile batho ba bolabola ka wene gore o tšhutisa Majuda ya ditšhaba tse dingwana gore ma kgeloge ga Molawo wa Moše, o ba botsa gore ba sa bolotse bana ba bona kela ba sa make dilo tso ba tlwayeleng go di maka.
22 Byalo re ye maka byang ka tsona? Ka gore ba nyoko di kwa gore o segele.
23 Maka tso re go botsang tsona: Go na le banna ka bane ba gore ba yanne.
24 Ba tseye o ye nabo le hlapeneng go ya ka molawo, fote o ba patelele gore ba thogo hluba moriri. Gore batho ba thogo di bona gore tso ne ba di bolabola ka wene a yi nnete, mara o theetsela Molawo fote wa wo latelela.
25 Bo ba go dumela ba ditšhaba, re ba romele tso re di segeleleng tsa gore re di ngwadiye fase gore ba kganele kgole le dilo tsa gore ba di hlabele medimo ya matsaka, madi, tsa go kgamelediwa* le ga bonghwahla.”*
26 Ka motshwana wa gona Pawulo a tseya banna bala ba ya ba hlapa go ya ka mokgo ba tlwayeleng ka gona mo ba maka menyanya, a kena ka ku tempeleng a ba botsa gore matšatši ya go hlapa ma nyoko fela neng, gore moprista a thogo makela ye mongwana le ye mongwana sehlabelo.
27 Byalo, mo matšatši kašupa ya wona ma šele ma nyoko fela, Majuda ya go tšwa Asia mo ma bona Pawulo ka ku tempeleng ma dhunghanya mogoba wola ke mokane ba mo tshwara,
28 ba yahlamela ba re: “Lune batho ba Israyele, re gelepeneng! Monna ye o tšhutisa batho dipolekeng ka mokana ga tsona gore ba sa theetsele Molawo wa rune fote ba sa hlompe poleke yo ya go hlawolega. Go tokegela gana hone, o tlisiye Magerika ka ho tempeleng, ba thilafatsa poleke yo ya go hlawolega.”
29 Ka gore ba mmone ku Jerusalema a na le Trofimase wa Leefeso, ba tseya gore Pawulo o tlile naye ka ku tempeleng.
30 Batho ba poleke yone ke mo ba kwatiye, ke mokane ba tla ba taboga ba tshwara Pawulo ba mo ntshela ka tawong ga tempele, ba kwala menyako yone.
31 Mo ba kene ba liketsa go mmolaya, ye mogolo wa go lawola mogoba wa masole a di kwelela gore ku Jerusalema go tsugiye ntshitshiri,
32 a yakgoswa a tseya masole le wa go lawola masole ba taboga ba ya gana ku. Mo ba mmona a na le masole yala, ba lisetsa go teya Pawulo.
33 Ke mokane ye mogolo wa masole a tla a mo tseya, a mo tshwara, a re ba mo tleme ka diketane ka dipedi; a mmutsisa gore ke yene mang fote o makiye ying.
34 Mara ba bangwana hone mogobeng ba thomisa go yahlamela selo ka ssoši, ba bangwana ba yahlamela tse dingwana. Byalo, ka taba la gore mogoba wone ke mo wo kwatiye, ye wa go lawola masole ke mo a sa kgone go kwisisa gore go makega ying, a re ba mo tlise mo go dulang masole.
35 Mara mo ba segela ku ditepising, di yye dya nyaka gore masole ma mo kakole ka taba la gore batho bone ke mo ba kwatiye ka matla,
36 ka gore mogoba ke mo wo ba latelela, wo yahlamela wo re: “Mmolayeneng!”
37 Mo ba kene ba nyaka go mo yisa ka ku masole ma dulang gona, Pawulo a re ga ye wa go lawola masole: “Nka bolabola nago?” Yene a re: “Wa di kgona go bolabola Segerika?
38 Anthe a yi wene Leegepita lela la go thoma ntwa wa boya wa yeta mahlong banna ba go tshwara disabola 4 000 ya bona, gore ba tšwe ku mašahleng?”
39 Pawulo a re: “Gabutšibutši ke nna Lejuda la go tšwa Tarasuse ya Silisiya, ke tšwa ga poleke ya go sa tšibege. Byalo, ke kgopela go bolabola le batho bowa barena.”
40 Ka nthago ga gore a mo dumelele, Pawulo a yema ditepising a šupa ka letsogo gore ba kgomolele. Mo ba šele ba kgomolele, a bolabola ka Seheberu a re:
Ditwaba
^ Gabutšibutši ke “makgareba.”
^ Gabutšibutši ke “re yye ra fo kgomolela.”
^ Kela “tsa gore ba di bolayye mara ba sa di ntshe madi.”
^ Ka Segerika ba re ke por·nei′a. Bala ga Dihlatollo Tsa Mantsu.
