Tso o nyakang go di segelela a yi moloro​—tsa gore o nabela nkare di ka fo makega. Dilo tsa mannete tso o nyakang go di segelela di nyaka o polana, o temeke o boye o karakare ka matla.

Dilo tso o nyakang go di segelela di ka tseya nako ye kopana (matšatši kela mabeke gore o di segelele), nako ya go lefa (dikgwedi) le nako ya go lefa ka matla (mongwaga kela ka kgakala ga mongwaga). Mo o segelela dilo tso di tseyang nako ye kopana o nyoko thogo segelela tso di tseyang nako ya go lefa ka matla.

Go segelela tso o di nyakang go nyoko maka gore o titshepe, go tiyisa senghana fote go maka gore o dule o jabodiye.

Go titshepa: Mo o na le dilo tse dinyana tso o nyakang go di segelela, go nyoko go tšhofa gore o segelele dilo tse dikgolo. Fote o nyoko titshepa mo o gahlana le tsa go go ghula​—tsa go tshwana le go gana ke go kgahlisela ke dithaka tsago.

Senghana: Batho ba jabolela go dula le batho ba gore ba na le tso ba nyakang go di segelela mo ba kene ba phela​—go leng batho ba gore ba tšiba so ba se nyakang fote ba karakara gore ba se segelele. Go tokegela gana hone, se sengwana so se tiyisang senghana ke go berekisana le ye mongwana gore le thogo segelela so le se nyakang.

Mojabolo: Mo o polana o boya o segelela tso o di nyakang, o tikwa o kgotsofele.

“Ke kwana ka matla le go ba le tso ke nyakang go di segelela. Di maka gore ke dule ke tshwaraganne fote ke dule ke na le so ke nyakang go se segelela. Mo o šele o segelele tso o di nyakang, o tikwa o jabola ka matla mo o lebelela ku nthago ke mokane o re, ‘Ye lune, Nje ke nna yewa! Ke se krayye so ne ke se nyaka.’”—Christopher.

TŠHIKO YA BAEBELE: “Mo nkare o yemele gore moya o bebe le go bona gore bo sa byang, o ka sa gaše selo fote o ka sa ro buna mong selo.”—Mmolabodi 11:4, Today’s English Version.

Maka tsowa gore o polane o boye o segelele tso o di nyakang.

Kgeta. Ngwala tso o nyakang go di segelela​—ke mokane o kgete so o nyoko thomisang ka sona, sa bobedi, sa boraro go ya go ya.

Polana. Ga se sengwana le se sengwana sa tso o nyakang go di segelela, maka dilo tsowa tsa go latela:

• Tipeyele nako yo o nyakang go di segelela ka yona.

• Polana tso o tshwaneleng go di maka gore o thogo di segelela.

• Dula o nagana ka tso di ka go šitisang le gore o nyoko di hlula ka mokgo mang.

Thomisa. A di nyake o yemela go tšiba gore se sengwana le se sengwana o nyoko se makamaka byang. Tiputsise gore, ‘King sa mathomo so ke tshwaneleng ke se make gore ke šutele thina le go segelela so ke se nyakang?’ Ke mokane o make sosone. Lebelela gore nje di kene dya ya.

TŠHIKO YA BAEBELE: “Wa go karakarela go maka dilo ka letheto, dilo di mo sepelela gabutši.”​—Diyema 21:5.