1. Ke mokgwa wofeng wa go tšhuta wo mogageru Russell le bo ne a le nabo ne ba wo berekisa fote ke ntaba ne o bereka?

MENGWAGA ya ka gedimo ga 100 ya go feta, mogageru C. T. Russell le banghana bage le mogoba wo monyana wa ba bangwana wa go tšhuta Lentsu la Modimo, ba yye ba thomisa go gahlana. Ke mo ba nyaka go bona gore gabutšibutši Baebele yi tšhutisa ying ka Jehova Modimo, Jeso Kreste, batho bo ba hlokofeleng le go lepolla. Mokgwa wo ne ba wo berekisa ke mo wo le lula ka matla. Ye mongwana ke mo a butsisa putsiso, ke mokane mogoba wone ka mokana ga wona wo nyakolla lengwalo le lengwana le le lengwana la go yelana le taba yone. Mafelelong ke mo ba ngwala dilo tso ba di krayyeng. Jehova o yye a ba rufa, magageru yane ya go tshepega ma yye ma kraya dinnete tsa go tlala tsa ka Baebeleng tsa gore le lekgono, re sa na re di tseyela gedimo.

2. King se sengwana so se ka makang gore re fele re kekemisa mo re leketsa go kwisisa seporofeto sa Baebele?

² Go se botala bo ba go tšhuta Baebele ba yye ba di bona gore motho a ka tšhuta nnete ya Baebele ya go bolabola ka ditaba tse dingwana, mara gore a thogo kwisisa seporofeto sone sa Baebele di ka fo sa be lula. Ke ntaba go le ka mokgonone? Se sengwana so se makang gore go be ka mokgonone ke gore ga go tlala, diporofeto tsa Baebele re thogo di kwisisa mo di šele di makega kela ka nthago ga mo di šele di makegiye. Mara go na le taba ye nngwana, gore re thogo kwisisa seporofeto gabutši ga go tlala di nyaka re bone taba ka mokana ga yona yo go bolabodiwang ka yona. Mo re ka fo lebelela sekopa ka ssoši sa seporofeto sone ke mokane ra sa tihlupe ka tse dingwana, di ka makega re segelele sepheto sa gore a yi sona. Mo re lebelele taba yo, di šupa nkare go yye gwa ba ka mokgonone le ga seporofeto so sa go yelana le puku ya Juwele. Tla re boneneng so seporofeto so se se bolabolang ke mokane re petapete ka dilo tso di nyakang re di tšhentšhe ka mokgo ne re kwisisa seporofeto so ka gona.

3-4. Go segela gana byalo, ke mo re se kwisisa byang seporofeto so se leng ga Juwele 2:7-9?

 ³ Bala Juwele 2:7-9. Juwele o bolabodiye go sa le botala ka ditšiya tsa go tla le dilo tsa go sasamela fote di nyoko sinyanya naga ya Israyele. Ditšiya tsowa tsa go ba le dipawu tsa gore di na le meno le mehlagare ya nkare ke ya ditawu, ke mo di nyoko phuranya selo se sengwana le se sengwana so di se bonang! (Juw. 1:4, 6) Ke botala ka matla re kwisisa seporofeto so ka mokgwa wa go fo tshwanisela se šupa ga batho ba Jehova, gore moririmane wo wa ditšiya a wo thibege wo maka mmereko wa wona wa go tšhomayela. Ke mo re tseya gore mmereko wo wa rune wa go tšhomayela wo sinyanya “naga” kela batho ba gore ba lawola ke baruti ba dikereke. *

⁴ Mo re ka fo bala Juwele 2:7-9, yi le ntoši ke mokane ra re re ya yi kwisisa, re ka fo tseya gore re ya resa. Mara mo re lebelela seporofeto so ka mokana ga sona, re thogo bona gore di nyaka taba yo re yi pombhole fote. Tla re boneneng dilo ka dine tso di makang gore go be ka mokgonone.

5-6. Go nyarela putsiso yifeng mo re bala (a) Juwele 2:20? (b) Juwele 2:25?

⁵ Sa mathomo, bona so Jehova a yyeng a se tshepisa nakwela a bolabola ka ditšiya tso di nyoko tlang le dilo tsa go sasamela, o yitseri: “Ke nyoko raka wa go tšwa lebowa [ditšiya] ho thina gago.” (Juw 2:20) Mo nkare ditšiya di yemela Dihlatse tsa Jehova mo di kene di theetsela so Jeso a se bolabodiyeng sa gore di tšhomayele le go maka batho gore go be malata, ke ntaba Jehova a tshepisa gore o nyoko ba raka? (Hezek. 33:7-9; Mat. 28:19, 20) Di fo ba lekgwaying gore Jehova aa rake malata yage ya go tshepega, mara o raka selo se sengwana kela motho ye mongwana wa gore o hloyye kela o nyenya batho bage.

⁶ Selo sa bobedi ke sowa, bona so se ngwadiwweng ga Juwele 2:25. Gana hone, Jehova o re: “Ke nyoko le lukisela tsa mengwaga ka moka mo go jileng moririmane wa ditšiya, ditšiya tsa gore a di na mafofa, ditšiya tsa go ba le dipawu le ditšiya tsa go sinyanya, masole yaka ya go tlala ya ke ma romeleng ho ga lune.” Bona gore Jehova o tshepisa gore o nyoko “lukisa” mo go sinnyeng ditšiya. Mo nkare ditšiya tsowa di yemela bo ba tšhomayelang ditaba tsa Mmušo, sosone se ko ba se šupetsa gore molayetsa wo ba wo tšhomayelang, wa sinya. Mara, molayetsa wo wa gore wo phonisa maphelo, gabutšibutši wo ka maka gore batho ba dipelo tse diphifadu ba thomise go tisola. (Hezek. 33:8, 19) Tsotsone ga bona go ko ba go le go rufega!

7. Ga Juwele 2:28, 29, mantsu ya ma reng “ka nthago ga hone” ma ra gore king?

⁷ Bala Juwele 2:28, 29. Bona selo sa boraro—ka mokgo dilo di yyeng tsa lategetsana ka gona mo di kene di makega go ya ka seporofeto so. Nje o di bonne gore Jehova o yitseri: “Ka nthago ga hone ke nyoko tshollwela moya waka”; sosone se ra gore ka nthago ga mo ditšiya tso di fetsiye mmereko wo ba di neyyeng wona? Mo nkare ditšiya tsowa ke bo ba tšhomayelang ditaba tsa Mmušo wa Modimo, ke ntaba Jehova a tshollwela moya wage ga tsona ka nthago ga mo di fetsa go tšhomayela? Nnete ke gore mo di sa gelepe ke moya wa go hlawolega wa go ba le matšhika wa Modimo, ke mo di ka sa kgone go ya mahlong di tšhomayela ka mengwaga ya go tlala le mo di kene di phigisiwa, fote ba di rakela gore di make mmereko wa tsona.

8. Ditšiya tso go bolabodiwang ka tsona ga Kutullo 9:1-11 di yemela bomang? (Lebelela sethombhe sa ka tawong.)

⁸ Bala Kutullo 9:1-11. Gana byalo tla re boneneng selo sa bone. Botala ke mo re re dilo tsa go sasamela tso di tlang le ditšiya tsowa tso Juwele a bolabolang ka tsona, di yemela mmereko wa rune ka taba la gore seporofeto sowa se tshwana le so se leng ga Kutullo. Seporofeto sowa se bolabola ka moririmane sa ditšiya tsa gore di na le difahlego tsa batho fote di na le fapo ya gholdhi mo dihlogong  tsa tsona. (Kut. 9:7) Di fetsa sehlano sa dikgwedi, ga go tlala lephelo la tšiya le segela gana hone, di kene di hlorisa batho bone [manaba ya Modimo] ba gore a ba na setwaba sa Modimo mo mopong. (Kut. 9:4, 5) Di šupa nkare taba yowa yi rela malata ya Jehova ya gore ma tlotsiwwe. Bona ba tšhomayela ba sa hlagasele ditaba tsa gore Modimo o nyoko yahlula batho ba lefase lowa ba go ba le dipelo tse diphifadu, fote tsotsone a di ba tshware gabutši batho ba lefase lo.

9. Ditšiya tso Juwele a bolabolang ka tsona le tso Johane a bolabolang ka tsona di fapana mo di tla kaye?

⁹ Ke nnete gore go na le mo seporofeto sa Kutullo se tshwanang gona le tso Juwele a di bolabodiyeng. Mara go na le go gongwana ga gore a di tshwane le ka gonyana. Bona taba ye nngwana ke yowa, ga seporofeto sa Juwele ditšiya tsowa di sinyanya dimilane. (Juw. 1:4, 6, 7) Ga so Johane a se bonneng, ditšiya tsowa di butsiwa gore “di sa sinyanye dimilane tsa lefase.” (Kut. 9:4) Ditšiya tso Juwele a di bonneng ke mo di tšwa lebowa. (Juw. 2:20) Tso Johane a di bonneng ke mo di tšwa sekoting sa go yisa ka matla. (Kut. 9:2, 3) Ditšiya tso Juwele a di hlatollang di ya rakiwa. Ga Kutullo, ditšiya a di rakiwi mara baa di lesetsa gore di fetsise mmereko wa tsona. A go na mo go bolabodiwang gore Jehova aa di yamogele.—Lebelela lebhokisi la gore “ Diporofeto Tsa go Bolabola ka Ditšiya—Di ya Yelana Mara a di Tshwane.”

10. Beyisa o berekisa Mangwalo go šupetsa gore ditšiya tso Juwele a bolabolang ka tsona le tso Johane a bolabolang ka tsona di ka yemela dilo tsa gore a di tshwane.

¹⁰ Taba ya gore diporofeto tsowa ka dipedi di  fapana ka matla yi maka gore re segelele sepheto sa gore a di yelane. Ayitsano re ra gore ditšiya tso Juwele a bolabolang ka tsona a di tshwane le ditšiya tso go bolabodiwang ka tsona ga puku ya Kutullo? Eya. Ka ho Baebeleng, gwa makega gore selo se berekisiwe ga mayemo ya go tlala ya gore a ma tshwane. Mo re beyisa, ga Kutullo 5:5, ba re Jeso ke “tawu ya moloko wa Juda,” mara ga 1 Petro 5:8, Diyabolo ba mo hlatolla go le “tawu ya go bopa.” Mo re lebelela diputsiso tso di nyarelang ka taba la ka mokgo re kwisisang taba yowa ka gona gana byalo, di nyaka re kraya hlatollo ye nngwana ya seporofeto sowa sa Juwele. Go ka ba hlatollo yifeng?

11. Juwele 1:6 le Juwele 2:1, 8, 11 di re gelepa byang gore so se ka fo bang se yemela ke ditšiya se thogo re yelela gabutši?

¹¹ Mo re lebelela gabutši taba ka mokana ga yona yo yi bolabolang ke seporofeto sa Juwele, re thogo di bona gore seporofeto sowa ke mo se bolabolela mo go hlasela masole. (Juw. 1:6; 2:1, 8, 11) Jehova o yitseri o nyoko berekisa “masole yage ya go tlala” (Masole ya Bhabhilona) gore ma wolole Maisrayele ya gore a ma theetsele. (Juw. 2:25) Di ya kwagala tsa gore masole ya ma kutulugelang setšhaba sowa ke “ya go tšwa lebowa” ka taba la gore Mabhabhilona ke mo ma nyoko kutulugela Israyele ma tšwa lebowa. (Juw. 2:20) Masole yane ma tshwanisiwa le moririmane wa ditšiya tsa gore di maka dilo ka letheto. Juwele o bolabola ka tsona mo a re: “[Lesole] le lengwana le le lengwana le maka mmereko wa lona. . . . Ma tabogela mutšing wone, ma tabogela mapharong. Ma kena dintlong ka mafastere go tshwana le wa go yetswa.” (Juw 2:8, 9) Nje wa yi bona taba yowa? Go na le masole go gongwana le go gongwana. A go na mo motho a ka wutamang gona. A go na mo motho a ka tšhabelang sabola ya Mabhabhilona!

12. Seporofeto sa Juwele sa go bolabola ka ditšiya se yye sa makega ka mokgo mang?

¹² Go tshwana le ditšiya, Mabhabhilona (kela Makaladiya) ma yye ma kutulugela mutši wa Jerusalema ka 607 B.C.E. Baebele yi re: “Kgoši ya Makaladiya, ya gore yi bolayye masogana ka sabola a ya kwela masogana kela makgareba go baba kela batho ba go tsofala kela dikoka. Modimo o yi neyye selo se sengwana le se sengwana. Yi tšhubiye ntlo ya Modimo wa nnete, ya wisa mapharo ya Jerusalema, ya tšhuba ka mollo mapharo ka mokana ga wona ya gore ma tiyisiwwe le go sinyanya dilo ka mokana ga tsona tsa gore ba di tseyela hlogong.” (2 Dikor. 36:17, 19) Mo Mabhabhilona ma fetsiye ka naga yowa, batho bo ba yyeng ba di bona ba yye ba fo re: “Ke lešupi la gore a go na motho kela phoolwane yo yi dulang ga lona, fote wo tsere ke Makaladiya.”—Jer. 32:43.

13. Hlatolla gore Jeremiya 16:16, 18 yi ra gore king.

¹³ Mo go šele go fitiye 200 ya mengwaga Juwele a porofitiye, Jehova o yye a berekisa Jeremiya gore a bolabole go soko makega selo se sengwana sa go yelana le go hlasediwa howa. O yitseri go nyoko nyakolliwa gabutši gore ke Maisrayele mafeng ya gore ke mo ma maka dilo tsa gore di tšwile pateng, go nyakolla ga gore ke mo go nyoko maka gore ba tseyiwe ba yisiwe ga naga ye nngwana. Jehova o re: “Ke nna yewa ke romela batho ba go tlala ba go loba dihlapi, fote ba nyoko ba loba, ka nthago ke nyoko romela batho ba go tlala ba go tsoma, ba nyoko ba tsoma ga thaba ye nngwana le ye nngwana le ga mmoto wo mongwana le wo mongwana le ga lekori le lengwana le le lengwana. . . . Ke nyoko ba neya patela ya go felegelela ka taba la mo ba kekemisiyeng gona le ka taba la so ba se sinnyeng.” Le mawatle kela mašahla ke mo ma ka sa di kgone go wutametsa Maisrayele ya gore a ma tisole mo Mabhabhilona ma šele ma nyaka go ma tseya ma ma tlosa ga naga ya wona.—Jer. 16:16, 18.

14. Tso Juwele 2:28, 29 yi di bolabolang di yye tsa makega leng?

¹⁴ Juwele gana byalo o bolabola ditaba tsa go jabodisa. Naga ke mo yi nyoko hluhlutela. (Juw. 2:23-26) Nengneng mo nako yi kene yi ya, ke mo  go nyoko ba le dilo tsa go tlala tso di ba šutetsang thina le Modimo. Jehova o re: “Ke nyoko tsholIwela moya waka ga mehlobo ka mokana ga yona ya batho ke mokane barwayi le barwediya bago ba nyoko porofeta . . . Le ga lelata le lengwana le le lengwana la monna le le lengwana le le lengwana la mosadi ke nyoko tshollwela moya waka.” (Juw. 2:28, 29) Go tshollwela ga moya wa Modimo ka mokgonone a gwa makega mo Maisrayele ma sa tšwa go boya Bhabhilona ma boya nageng ya wona. Mara go yye gwa makega ka nthago ga mengwaga ya go tlala, ka Pentekoste ya 33 C.E. Ke ntaba re reyane?

15. Ga Mebereko 2:16, 17, nkaye ga gore Petro o yye a wolola gona mo re go beyisa le so se leng ga Juwele 2:28, fote sosone se šupetsa ying?

¹⁵ Petro wa lepostola o yye a hlohletsela ke moya wa go hlawolega gore a bolabole ka so se leng ga Juwele 2:28, 29 gore ke mo se šupetsa taba ya go jabodisa yo yi yyeng ya makega ka letšatši lone la Pentekoste. Gana hala ga 9 ya ka bošego, go yye ga tshollediwa moya wa go hlawolega ka mokgwa wa mohlolo, ke mokane bo wo yyeng wa segela ga bona wo yye wa ba šušumetsa gore ba thomise go bolabola “dilo tsa go jabodisa ka matla ka Modimo.” (Meber. 2:11) Moya wa go hlawolega wo yye wa hlohletsela Petro gore a berekise lentsu le lengwana la gore a le nape le tshwana gabutši le lo le berekisiwweng ga seporofeto sa Juwele. Nje o di bonne gore o yye a kekemolla kaye? (Bala Mebereko 2:16, 17.) Petro aa thomisa taba yage ka mantsu ya gore “ka nthago ga hone,” mara o yitseri: “Ka matšatši ya mafelelo”—ga taba yowa ke mo a ra matšatši ya mafelelo ya dinako tsa Majuda—moya wa Modimo ke mo wo nyoko tshollediwa “ga mehlobo ka mokana ga yona ya batho.” Sosone se šupetsa gore go fetiye nako ya go lefa go soko bane go makega so se bolabodiwang ga seporofeto sa Juwele.

16. Moya wa Modimo wa go hlawolega wo gelepiye ka ying gore mmereko wa go tšhomayela wo thogo makega ka dinako tsa mapostola, fote tsotsone wo di maka byang lekgono?

¹⁶ Taba yowa ya go jabodisa ya gore moya wa Modimo wo yye wa tshollediwa ga batho ka dinako  tsa mapostola ke yona yi makiyeng gore mmereko wa go tšhomayela wo thogo ya mahlong ka matla. Nakwela Pawulo wa lepostola a ngwalela Makolosi lengwalo gana hala ga bo-61 C.E., o yye a re ditaba tsa go bafala di šele di segelele batho ka mokana ga bona “ka tlase ga legedimo.” (Makol. 1:23) Ka dinako tsa Pawulo, mantsu ya gore “batho ka mokana ga bona,” ke mo ma rela dipoleke ka mokana ga tsona tsa gore o šele a tšhomayele ga tsona. Moya wa go hlawolega wa Jehova wa go ba le matšhika wo yye wa gelepa gore mmereko wa go tšhomayela wo sabalale ka matla go segelela le ga dinako tsa rune—“go segela mafelelong ya lefase”!—Mebereko 13:47; lebelela lebhokisi la gore “ Ke Nyoko Tshollwela Moya Waka.”

17. Seporofeto sa Juwele sa go bolabola ka ditšiya ke mo re se kwisisa, mara go tšhentšhiye kaye?

¹⁷ Go tšhentšhiye ying? Gana byalo re kwisisa gabutši seporofeto so se leng ga Juwele 2:7-9. Di fo ba lekgwaying gore ditemanyana tsowa a di bolabole ka mmereko wa rune wa gore re wo tšhomayela ka matšato, mara di bolabola ka mmereko wa masole ya Bhabhilona nakwela ma kutulugela Jerusalema ka 607 B.C.E.

18. King sa gore a se ya tšhentšha ka batho ba Jehova?

¹⁸ King sa gore a se ya tšhentšha? Batho ba Jehova ba sa na ba ya mahlong ba tšhomayela ditaba tsa go bafala go gongwana le go gongwana ba berekisa mokgwa wo mongwana le wo mongwana wa gore wa bereka. (Mat. 24:14) Le mo mmušo wo ka ba rakela, ba ka sa lesetse go ya mahlong ba kene ba maka mmereko wa go tšhomayela. Fote ka taba la gore Jehova o ya mahlong a re rufa, re karakara ka matla go feta mathomisong re na le lešiši la go tšhomayela ditaba tsa go bafala tsa Mmušo! Re ya tinyanafatsa re kene re kgopela Jehova gore a re yetetse gore re kwisise seporofeto sa Baebele, re kene re di tshepa tsa gore mo nako yage yi segela, o nyoko re yetetsa gore re thogo segelela “nnete ka go felegelela”!—Joh. 16:13.