1. Taba ya gore re ya di kgona go šutela ga Jehova ka merapelo ya rune di nyaka re yi tseya ka mokgo mang?

 TABA ya gore ye a Makiyeng legedimo le lefase re ya kgona go šutela thina gage ka go rapela re ka sa tsoge re yi tseyye ka gonyana. O fo nagana nje: O kgotolela pelo yago ga Jehova ka nako ye nngwana le ye nngwana o bolabola ka mmolabolo wo o wo nyakang di sa nyake gore o šinye o bhuka layini ya gore o nyoko bolabola naye leng. A re kamake gore Papa wa rune ye a re nyakang ka matla o nyoko re theetsela di sa yi ka gore re rapela re yetsele mpetong wa sepetlele kela ba re kwalele jele. Phela taba yone a re yi tseyi ka gonyana.

2. Kgoši Dafita o šupetsiye ka mokgo mang gore taba ya go rapela o yi tseyela gedimo?

² Kgoši Dafita ke mo a yi tseyela gedimo ka matla taba ya go rapela. O yye a yepelelela Jehova a re: “Merapelo yaka nkare yi ka tshwana le tsa go tšhubelediwa tsa go nkgela mahlong gago.” (Pis. 141:1, 2) Ka dinako tsela tsa bo Dafita, tsa go tšhubelediwa tsa go nkgela tso ne di berekisa ke maprista ga morapelo wa mannete ke mo ba di lukiselela gabutši. (Ek. 30:34, 35) Dafita ne a nyaka gore a thomise ka go nagana tso a nyoko di hlayang mo a bolabola le Papa wa ku legedimong, go fo tshwana le maprista ya ne ma lukiselela tsa go tšhubelediwa tsa go nkgela ku botala. Le rune re fo nabela gore go be ka mokgonone. Re nabela gore merapelo ya rune yi jabodise Jehova.

3. Di nyaka re titshwara ka mokgo mang mo re šutela thina ga Jehova ka thapelo fote ke ntaba?

³ Mo re rapela Jehova di nyaka re šupetsa gore re ya hlompa. O fo nagana ka memmono ya go makatsa yo yi yyeng ya bona ke Jesaya, Hezekiyele, Daniyele le Johane. Memmono yone ke mo yi sa tshwane mara ne go na le so yi tshwanang ka sona. Ga yona ka mokana ga yona ba bonne Jehova go le Kgoši. Jesaya o “bonne  Jehova a duli ga setulo sage sa gore se kgakala.” (Jes. 6:1-3) Hezekiyele a bona Jehova a duli ga koloyi yage ya gore yi dukulugiye ke “go gadimela. . . ga go tshwana le molalatladi.” (Hezek. 1:26-28) Daniyele yene a bona “wa “Botalatala” a yapere dikobo tse ditšhwewu fote mo ga setulo sage go bonala kgafo ya mollo. (Dan. 7:9, 10) Ke mokane Johane yene a bona Jehova a duli ga setulo sa go lawola sa gore se dukulugele ke selo sa go tshwana le molalatladi wa go ba le khala ye tala. (Kut. 4:2-4) Mo re kene re nagana ka taba yo ya gore a go na ye di mo tshwanelang tsa go gadimisiwa go tshwana le Jehova di nyaka re gopole gore mo re šutela gage ka thapelo di nyaka re šupetse gore re ya hlompa. Anthe di nyaka re rapela byang?

4. King so re se tšhutang ga mantsu ya mathomo ya ma hlayyeng ke Jeso ga Matewu 6:9, 10 mo a tšhutisa taba ya go rapela?

⁴ Bala Matewu 6:9, 10. Nakwela Jeso a Tšhutisa a le ku Thabeng, o tšhutisiye malata yage gore ma rapele ka mokgo mang gore Modimo a thogo yamogela merapelo ya wona. Ka nthago ga mo a hlayye gore “byalo, di nyaka le rapeleneng ka mokgo,” Jeso o thomisiye ka go hlaya dilo tso go leng tse dikgolo tsa gore di yelana le tso Jehova a di nyakang, o hlayye taba ya: go hlawolega ga lebitso Lage; Mmušo wage wo wo nyoko tlang wa gore wo nyoko fetsa ka ba gore ba phigisa Modimo le tso a nyakang go di maka ho lefaseng a di makela batho ku mahlong. Mo re tšhela dilo tsone ga merapelo ya rune re šupetsa gore tso Modimo a di nyakang re di tseyela gedimo.

5. Ayitsano go ko ba go le gabutši gore mo re rapela re hlaye le tso di re hlupang?

⁵ Ga sekopa sa go latela mo Jeso a rapela, o šupetsiye gore di gabutši gore mo re rapela re hlaye le tso di re hlupang. Re ka kgopela Jehova gore a re neye tsa go ja tsa tšatši lolone, a re tshwarele ga tso re di sinnyeng, a re tšhireletse gore re sa šohlomele fote a re pasope ga ye wa pelo ye phifadu. (Mat. 6:11-13) Mo re kgopela dilo tsowa ga Jehova re ba re šupetsa gore re tithega ka yene fote re šupetsa le gore re ya di nyaka gore a re yamogele.

6. Ayitsano tso re di rapelelang di nyaka di napa di ro tshwana le tso di leng ga morapelo wa mošupetso? Hlatolla.

⁶ Mo Jeso a tšhutisa malata yage gore ma rapele ka mokgo mang ne a sa rele gore ba  tshware morapelo wone ka hlogo ke mokane go fo ba mokhoba wa gona. Ka dinako tse dingwana mo Jeso a rapela o yye a bolabola dilo tsa mohlobohlobo tsa gore ke mo di hlupa yene beng. (Mat. 26:39, 42; Joh. 17:1-26) Byalo le rune re ka rapelela se sengwana le se sengwana sa gore se hlupa rune beng. Mo di nyaka re segelele sepheto re ka rapela re kgopela gore a re hlalefise fote a make gore re bone dilo gabutši. (Pis. 119:33, 34) Mo ba re neyye mmereko wo mongwana re ka rapela re kgopela gore a make gore re wo kwisise re thogo wo bona gore di nyaka re wo make ka mokgo mang. (Diy. 2:6) Babelegi ba ka rapelela bana ba bona le bana ba ka ba rapelela babelegi ba bona fote ka mokana ga rune di nyaka re rapelela bo re tšhutang nabo Bhayibele le bo re ba tšhomayelelang. Nnete ke gore, merapelo ya rune a di nyake go fo ba taba ya gore re fo tikgopelela tso di nyakang ke rune beng.

7. Ke ntaba di nyaka re sa lebale go thanaka Jehova mo re rapela?

⁷ Di nyaka re sa lebale go thanaka Jehova mo re rapela. Phela aa šiyo ye mongwana wa gore di ya mo tshwanela go phala Modimo. O “lukiye fote o tikemisele go tshwarelana.” Fote “o kwelana go baba, aa yakgoswi a kwata fote o dula a šupetsa batho gore o ba nyaka tsa mannete fote wa tshepega.” (Pis. 86:5, 15) A re kamake gore di ya kwagala mo re thanaka Jehova ka taba la ka mokgo a leng le tso a di makang.

8. Ke dilo difeng tso re ka di lebogang ga Jehova? (Pisalema 104:12-15, 24)

⁸ Go tokegela ga taba ya go thanaka Jehova mo re rapela di re tšhofa gore re mo leboge ka taba la dilo tsa gabutši tso a re makelang tsona. Mo re beyisa, re ka mo leboga ka taba la dikhalakhala tsa go bafala tso re di bonang ho mabhlomung, tsa go ja tsa mohlobohlobo tsa go natefa le banghana ba gabutši bo re jabolelang go fokatsa nabo. Papa wa rune wa gore o re nyaka ka matla o re neyye dilo tsowa le tse dingwana gore re thogo jabola. (Bala Pisalema 104:12-15, 24.) Fote mong selo se segolo so re ka se lebogang ga Jehova ke taba ya gore o re tšhutisa ka tsa go tlala tsa go tšwa ka Lentsung lage fote o re neyye tshepo ya tsa ku mahlong.

9. King so se ka re gelepang gore re sa lebale go leboga Jehova? (1 Mathesalonika 5:17, 18)

⁹ Di ka ba lula go lebala gore re leboge Jehova ga dilo ka mokana ga tsona tso a re makelang. Mara king so se ka re gopotsang gore re sa lebale?  O ka ngwala fase dilo tso o yye wa di kgopela ke mokane o dule o lebelela ka mokgo Jehova a fetudiyeng merapelo yago. Ke mokane o rapele o mo leboge gore o go gelepiye. (Bala 1 Mathesalonika 5:17, 18.) Nagana ka sowa ša: Re jabola ka matla mo ba bangwana ba šupetsa gore baa leboga ga tso re ba makeleng tsona. Byalo, mo re gopola go leboga Jehova ka taba la gore o yye a fetola merapelo ya rune le yene di ya mo jabodisa. (Makol. 3:15) Mara king se sengwana so se re tšhofang gore re leboge Modimo?

10. Petro wa Mathomo 2:21, yi re king so se re tšhofang gore re leboge Jehova ka taba la gore o yye a romela Jeso ho lefaseng?

¹⁰ Bala 1 Petro 2:21. Di nyaka re mo leboga ga Jehova ka taba la gore o yye a romela Morwayi wage wa gore o mo nyaka ka matla gore a tle a re tšhutise. Mo re bala ka lephelo la Jeso re thogo di tšiba gore king tso di nyakang re di maka gore re thogo jabodisa Jehova. Fote mo re šupetsa gore re na le tumelo ga sehlabelo sa Kreste tsotsone di nyoko re gelepa gore re be le senghana sa thina le Jehova Modimo fote re jabolele go dula re kwana Naye.—Marom. 5:1.

11. Jeso o kena kaye ga taba ya mo re rapela Jehova?

¹¹ Fote re ya mo leboga ga Jehova ka taba la gore o re thulele lešuba la gore re mo rapele re berekisa Morwayi wage. Jehova o berekisa Jeso gore a thogo re neya tso re di gayelang. Mo re rapela Jehova wa theetsela a boya a fetola merapelo ya rune yo re yi makang re berekisa lebitso la Jeso. Jeso o hlatolliye ka gore: “Fote so le se kgopelang ka lebitso laka, ke nyoko se maka, gore Papa a gadimisiwe ka taba la Morwayi.”—Joh. 14:13, 14.

12. King se sengwana so se re tšhofang gore re leboge Jehova ka taba la Morwayi wage?

¹² Jehova o re tshwarela ga tso re di sinyang a berekisa sehlabelo sa go lepolla sa Jeso. Mangwalo mo ma re hlatollela ka Jeso ma re, “moprista ye mogolo [o duli] ka letsogong la go ja la setulo sa go lawola sa Modimo ye Mogolo wa ku magedimong.” (Maheb. 8:1) Jeso ke “wa go re yemelela ga Papa.” (1 Joh. 2:1) Re mo leboga re sa fetsi ga Jehova ka taba la gore o re neyye Moprista ye Mogolo wa gore o kwelana go baba, wa kwisisa tso re ghulanang natso fote “wa re phophotela”! (Marom. 8:34; Maheb. 4:15) Rune a re ya yenela byalo hala le gore a go na sehlabelo sa Jeso ke mo di ka sa kgonege go šutela ga Jehova ka thapelo. Re ya di tšiba gore di ka sa makege le ka tšatši la mohlolo gore re re ga Jehova re šele re mo lebogiye go yenele ka tso a re makeleng tsona tsa go re neya Morwayi wage!

13. Bošego byo Jeso ne a tshwanele a kgwe ka byona o yye a šupetsa ka mokgo mang gore o nyaka malata yage ka matla?

¹³ Bošego bya mo Jeso a soko kgwa o yye a rapelela malata yage nako ya go lefanyana a kgopela Papage gore a “ba pasope ga ye wa pelo ye phifadu.” (Joh. 17:15) Ye lune, phela Jeso wa resa mo a re wa nyakanana! Ne a di tšiba gore go se botala o nyoko tlela ke tsa go sasamela la go šala a sa sa tšiba gore a ka kena kakaye mara o f’lo ya mahlong a kene a hlupega ka matla ka mapostola yage.

14. Re ka šupetsa ka mokgo mang gore re ma nyaka ka matla magageru?

¹⁴ Mo re nyaka go kopisela ga Jeso di gabutši ka matla gore re sa fo tinyakela tso di gelepang rune re le ntoši. Mara di nyaka re dula re rapelela magageru. Mo re maka tsotsone re šupetsa gore molawo wo Jeso a re neyyeng wona wa gore re nyakanane re ya wo theetsela fote re šupetsa le Jehova gore re ma nyaka ka matla magageru. (Joh. 13:34) Phela taba ya go rapelela magageru a yi go kgana ka nako. Lentsu la Modimo le re botsa gore “mo motho wa go loka  a rapela di nyoko gelepa batho bangwana ka matla.”—Jak. 5:16.

15. Ke ntaba magageru ma di nyaka gore re ma rapelele?

¹⁵ Magageru maa di nyaka tsa gore re ma rapelele mo ma gahlana le dintshitshire. Re ka kgopela Jehova gore a ma gelepe go tiyisela bolwele, dikotsi tsa hlago, dintwa, go hlorisiwa kela le tse dingwana tsa go thathafa. Fote re ka rapelela magageru ya ma berekang ka go gelepa ba bangwana mo go na le dikotsi tsa hlago. Mo nkare go na le bo o ba tšibang ba gore ba tlele ke tsa go sasamela. Ke ntaba o sa ba hlaye ka mabitso mo o rapela? Re šupetsa gore magageru re ma nyaka ka matla mo re kgopela Jehova gore a ma gelepe gore ma tiyisele.

16. Ke ntaba di nyaka re rapelela bo ba re yetang mahlong?

¹⁶ Bo ba yetang mahlong ka phutegong baa leboga mo ba bangwana ba ba rapelela fote tsotsone di ba gelepa ka matla. Tsotsone di yye dya makega ga Pawulo wa lepostola. A šinya a ngwala gore: “Le nrapeleleneng gore mo ke bula molomo ke tšibe gore ke re king, gore ke thogo bolabola ke šišimele mo ke sabalatsa sephiri sa go hlawolega sa ditaba tsa go bafala.” (Maef. 6:19) Le lekgono lowa, re nawo magageru ya gore ma karakara ka matla mo ma re yeta mahlong. Byalo re ko ba re šupetsa gore re ma nyaka ka matla mo re kgopela Jehova gore a rufe mmereko wa bona.

17-18. Ke leng mo ba ka re kgopelang gore re yemele ba bangwana ka thapelo fote king so di nyakang re sa se lebale?

¹⁷ Ka dinako tse dingwana ba ka go kgopela gore o rapele. Mo re beyisa, mogageru wa mosadi wa gore o tšhutisa ye mongwana Bhayibele a ka kgopela mogageru wa mosadi ye a mo felegetsiyeng gore a rapele ga setšhuto sone. Byalo mogageru yene wa mosadi wa gore o sepela naye di ka makega gore aa tšibi ye ba mo tšhutisang gabutši byalo di ka ba lula gore a rapele mafelelong mo ba fetsiye go tšhuta. Ka mokgonone, mo a rapela a ka di kgona go tšhela le tso di gayelang ke ye ba mo tšhutisang.

¹⁸ Di ka makega gore mogageru ba mo kgopele gore a rapele mogahlanong wa tšhomo kela ga mogahlano wa phutego. Byalo, magageru ya ba ma kgopelang gore ma make ka mokgonone di nyaka ma sa lebale gore ke ntaba re le ga mogahlano wone. A di nyake gore mo ba rapela ba berekise nako yone go le ya go wolola phutego kela ba tšibisa se sengwana. Megahlano ya go tlalanyana ya phutego ba yi beyele kapheta ya diminetse  tsa go yepelela koša le go rapela, byalo magageru ya ma rapelang di nyaka ma sa nape ma berekisa “mantsu ya go tlala,” ka matlamatla mo mogahlano wo sa thomisa.—Mat. 6:7.

19. King so se nyoko re gelepang gore re dule re hlahlamme mo letšatši la Jehova le kene le šutela?

¹⁹ Di nyaka re make gore taba yowa ya go rapela yi yete mahlong lephelong la rune mo letšatši la Jehova le kene le šutela. Ga taba yonone Jeso o yitseri: “Dulaneng le hlahlamme, fote le rapele le šwennye gore le thogo phona mo dilo tsowa di makega.” (Luk. 21:36) Nnete ke gore mo re dula re rapela tsotsone di nyoko re gelepa gore re sa kobole ga tso tsa Modimo ke mokane letšatši lo la Modimo le sa tle le re juma.

20. Re ka maka byang gore merapelo ya rune yi tshwane le tsa go tšhubelediwa tsa go nkgela?

²⁰ Re tšhutiye ying? Re tšhutiye gore a re yi tseyi ka gonyana taba ya go rapela. Fote ra hlaya le gore ga merapelo ya rune re nyoko tšhela le dilo tse dikgolo tso di yelanang le tso Jehova a di nyakang. Gana hone re hlayye le gore re ya yi leboga taba ya gore Modimo o re neyye Morwayi wage, Mmušo wage wo nyoko lawola fote re boya re rapelela le magageru. Phela di gabutši gore le rune beng re rapelele tso di re hlupang re boye re kgopele tso re di gayelang ga tso tsa Modimo. Mo re thomisa ka go nagana gabutši ka tso re nyoko di tšhelang ga merapelo ya rune tsotsone di šupetsa gore taba yowa a re yi tseyi ka gonyana. Mantsu ya rune ma nyoko tshwana le tsa go tšhubelediwa tsa go nkgela ga Jehova—“di nyoko mo jabodisa.”—Diy. 15:8.