1-2. Ke ntaba Makreste ya lekgono di nyaka ma tšhute Puku ya Lefitiko?

PAWULO wa lepostola o yye a gopotsa monghane wage wa mosogana ye ba reng ke Thimothi gore “Mangwalo ka mokana ga wona ma butšwelele ke Modimo fote maa gelepa.” (2 Thim. 3:16) Gana mone go kena le puku ya Lefitiko. Wene o yi tseya byang puku yowa ya Baebele? Ba bangwana ba fo tseya go le puku ya gore yi tlele ka melawo ya gore a yi sa bereka ga dinako tso tsa rune, mara rune Makreste a re yi tseyi ka mokgonone.

² Puku ya Lefitiko yi ngwadiwwe 3 500 ya mengwaga ya go fela, mara Jehova o yye a maka gore yi dule yi le gona gore yi “thogo re yetetsa.” (Mrm. 15:4) Lefitiko yi re gelepa gore re thogo kwisisa ka mokgo Jehova a naganang le ka mokgo a tikwang ka dilo tse dingwana, byalo di gabutši ka matla gore re nyake go yi tšhuta. Gabutšibutši go na le tsa go tlala tso re ka di tšhutang ga yona. Tla re bolaboleneng ka kanne ya tsona.

3. Ke ntaba ne go makiwa dihlabelo ka Letšatši la go Tiyisa Senghana le Modimo?

³ Sa mathomo: Di nyaka re make tso Jehova a di nyakang gore a thogo yamogela dihlabelo tsa rune. Mongwaga wo mongwana le wo mongwana ka Letšatši la go Tiyisa Senghana le Modimo, setšhaba sa Maisrayele ke mo se hlakana ggoši ke mokane se maka dihlabelo ka dipholwane. Dihlabelo tsone ke mo di gopotsa bo ba Maisrayele gore ke mo ba tshwanele ba yedisiwe ga tso ba di sinnyeng! Ka letšatši lolone mo moprista ye mogolo a soko bane a leya madi ya sehlabelo ga poleke ya go Hlawolega ka Matla, ke mo a tshwanele go thoma ka go maka mmereko wo mongwana,  mmereko wone ne go le wona wa gore wo yi phala ka mokana ga yona yo yi makiwang.

4. Lefitiko 16:12, 13 yi re king so moprista ye mogolo ne a se maka mo a kena la mathomo ga poleke ya go Hlawolega ka Matla ka Letšatši la go Tiyisa Senghana le Modimo? (Lebelela sethombhe sa ka tawong.)

⁴ Bala Lefitiko 16:12, 13. Nagana ka dilo tso ke mo di makega ka Letšatši la go Tiyisa Senghana le Modimo: Moprista ye mogolo ke mo a kena ka tebarenakeleng. Yowa ke mo go le nako ya mathomo ga dinako ka ditharo tso a tshwaneleng go kena ka tsona ga poleke ya go Hlawolega ka Matla ka letšatši lone. Letsogo le lengwana le tshwere sitša sa gore se na le tsa go tšhubiwa tsa go nkgela, ke mokane ka letsogo le lengwana o tshwere fošolo ya khala ye gholdi ya gore yi na le magala ya go dura. Moprista ye mogolo o thoma ka go yema nyana mahlong ga llapi la go kgera poleke ya go Hlawolega ka Matla. Ka nthago ga mone o kena ga poleke yo ya go hlawolega a tinyanafatsiye ka matla ke mokane a yema mahlong ga areka ya go kwanisanya. Mo a le ka gana hone, ke setšha a yemme mahlong ga Jehova Modimo! Byalo moprista o tshollwela tsa go nkgela tsa go hlawolega gedimo ga magala, ke mokane kamara yone ka mokana ga yona yi thomisa go nkgela. * Ka nthago o nyoko boya a kena ga poleke yone ya go Hlawolega ka Matla a tshwere madi ya sehlabelo sa pholwane. Sa lebale gore moprista ye mogolo o tšhuba dilo tsa go nkgela gabutši a soko bane a leya madi ya gore go tshwarediwe dilo tso di sinyiwweng.

5. Re tšhuta ying ga taba ya go berekisiwa ga dilo tsa go nkgela, ka Letšatši la go Tiyisa Senghana le Modimo?

⁵ Re tšhuta ying ga taba ya go berekisiwa ga dilo tsa go nkgela gabutši ka Letšatši la go Tiyisa Senghana le Modimo? Baebele yi re merapelo ya gore Jehova wa yi theetsela ya gore yi makiwa ke malata yage ya go tshepega, yi tshwana le dilo tsone tsa go nkgela gabutši ka matla. (Pis. 141:2; Kut. 5:8) O sa lebale gore mo moprista ye mogolo a yisa dilo tsa go nkgela mahlong ga Jehova, ke mo a šupetsa gore o mo hlompa ka matla. Le rune mo re rapela Jehova, re bolabola naye ka mokgwa wa go šupetsa gore re mo hlompa ka matla. Re leboga ka matla gore ye a Makiyeng dilo ka mokana ga tsona aa re rakele gore re tle gage fote re šutele thina gage go fo tshwana le ka mokgo ngwana a makang ka gona mo a na le papage. (Jak. 4:8) O re tseya re le banghane bage! (Pis. 25:14) Tsotsone di re jabodisa ka matla fote re ka sa tsoge re nyakiye go maka selo so se sa mo jabodising.

6. Re ka tšhuta ying ga taba ya gore moprista ye mogolo ke mo a tshwanele a tšhube tso tsa go nkgela mo a soko bane a maka dihlabelo?

⁶ Moprista ye mogolo ke mo a tshwanele a tšhube tso tsa go nkgela mo a soko bane a maka dihlabelo. Tsotsone ke mo a di makela go jabodisa Modimo gore a yamogele dihlabelo tsone. Re ka tšhuta ying ga taba yowa? Nakwela Jeso a le ho lefaseng, a soko bane a neyela lephelo lage gore go be sehlabelo, ke mo a tshwanele gore a make selo se sengwana se segolo ka matla sa go phala taba ya go lepolla batho. Mara king sosone? Ke mo a tshwanele a dule a tshepega ga Jehova lephelo lage ka mokana ga lona gore Jehova a thogo yamogela sehlabelo sage. Mo Jeso a maka ka mokgonone, ke mo a nyoko ba a šupetsa gore di gabutši ka matla go maka dilo ka mokgo Jehova a nyakang. Fote Jeso ke mo a nyoko šupetsa gore Papage o lawola gabutši.

7. Ke ntaba lephelo la Jeso ka mokana ga lona ne le jabodisa Papage?

⁷ Nakwela Jeso a le mo lefaseng, o yye a dula a kwa Jehova le go maka dilo go ya ka melawo yage ya go loka. A go na mong selo le ka ssoši so ne se ka maka gore a lesetse go yemela taba ya gore Papage ke yene ye a tshwaneleng go lawola,  le nakwela a bolayiwa lešidi. (Mafil. 2:8) Mo Jeso a lebanne le seyemo sa go thathafa, o yye a rapela ‘a lla ka matla go boya go ro yela le menepedi.’ (Maheb. 5:7) Mo a rapela di mmaba, ke mo a šupetsa gore wa tshepega ga Papage fote tsotsone di makiye gore a sa tekateki ga taba ya go mo theetsela. Mo Jeso a rapela, merapelo yage ke mo yi tshwana le tso tsa go nkgela gabutši. Lephelo la Jeso ka mokana ga lona ke mo le jabodisa Papage fote le šupetsiye gore Papage ke yene ye a tshwaneleng go lawola.

8. Re ka ma yekisela byang maphelelo ya Jeso?

⁸ Re ka yekisela Jeso ka go maka se sengwana le se sengwana gore re šupetse gore re kwa Jehova fote re ya tshepega gage. Mo re gahlana le tsa go re ghula, re rapela Jehova di re baba gore a re gelepe ka taba la gore re nyaka go maka tso di mo jabodisang. Mo re maka tsotsone, re ko ba re šupetsa gore re yema le go lawola ga Jehova. Re di tšiba gabutši gore Jehova a ka sa theetsele merapelo ya rune mo re ka fo ba le maphelelo ya gore o ma hloyye. Mara mo re maka dilo tsa go jabodisa Jehova, re ka sa kamake gore merapelo ya rune yi ko ba yi tshwana le dilo tsa go nkgela tso di tšhubiwang tsa go ya ga Jehova. Fote re ko ba re sa kamake gore mo re tshepega le go dula re kwa, tsotsone di jabodisa Papa wa rune wa legedimong.—Diy. 27:11.

9. Ke ntaba Maisrayele ne ma maka dihlabelo tsa go hlekediwa?

⁹ Sa bobedi: Go leboga Jehova go re tšhofa gore re mmerekele. Mo re kene re bolabola ka taba yowa, re ko tšhuta se sengwana ga dihlabelo tsa go hlekediwa tso ke mo di makiwa ke Maisrayele. * Ga puku ya Lefitiko, re thogo di bona  gabutši gore Leisrayele ke mo le ka yisa sehlabelo sa go hlekediwa ‘go šupetsa gore le ya leboga.’ (Lef. 7:11-13, 16-18) Mo le maka sehlabelo sone, ke mo le sa makele moyano, mara ke mo le se maka ka taba la gore le ro di nyaka. Mo Leisrayele le maka sehlabelo sone, ke mo le šupa gore ga Jehova Modimo le mo nyaka ka matla. Ye a makang sehlabelo, ba mutši wage le maprista ke mo ba ja nama ya pholwane yo go makiwweng sehlabelo ka yona. Mara dilo tse dingwana ga pholwane yone ke mo di neyiwa Jehova a ntoši. Ke difeng dilo tsa gona?

10. Dihlabelo tsa go hlekediwa tso go bolabodiwang ka tsona ga Lefitiko 3:6, 12, 14-16 di tshwana ka ying le taba ya Jeso ya go berekela Jehova?

¹⁰ Sa boraro: Re kwa re nabela go neya Jehova so re ka se kgonang ka taba la gore re mo nyaka ka matla. Jehova ke mo a tseyela makgura ya pholwane gedimo ka matla. O yye a yi beya lekgwaying taba yo ya gore dipshiyo le tse dingwana o di tseyela gedimo ka matla. (Bala Lefitiko 3:6, 12, 14-16.) Byalo Jehova ke mo a jabola ka matla mo Leisrayele le mo neya makgura le dilo tse dingwana tso a di tseyelang gedimo le sa tšhofe ke motho. Leisrayele lo le makiyeng sehlabelo sone ke mo le šupetsa gore le nyaka go neya Modimo so le se kgonang. Nka mokgo Jeso a makiyeng dilo ka gona, ka taba la gore ke mo a nyaka Jehova ka matla, o yye a mo neya so a ka se kgonang, a mmerekela ka go felegelela a sa tšhofe ke motho. (Joh. 14:31) Jeso ke mo a jabodisa ke go maka tso Modimo a di nyakang, ke mo a kwana ka matla le melawo ya Modimo. (Pis. 40:8) Jehova ke mo a jabodiye ka matla, mo a bona Jeso a mmerekela ka go di nyaka!

11. Go berekela Jehova go tshwana ka ying le dihlabelo tsa go hlekediwa fote tsotsone di ka re tiyisa byang?

¹¹ Go fo tshwana le dihlabelo tsa go hlekediwa, mo re berekela Jehova ka go di nyaka re šupetsa gore re tikwa byang ka yene. Re neya Jehova so re ka se kgonang ka taba la gore re mo nyaka ka matla. Jehova o jabola ka matla mo a bona dimiliyoni tsa bo ba mo rapelang ka go di nyaka ba mmerekela ka taba la gore ba mo nyaka ka matla, fote ba kwana ka matla le melawo yage! Di ya re tiyisa go tšiba gore Jehova o bona tso re di makang, le gore ke ntaba re di maka. Mo re beyisa, mo nkare se o tsofele fote a o sa kgona go berekela Jehova ka mokgo o nyakang, tšiba gore Jehova wa kwisisa. O ka fo kwa nkare o maka ka go nyana, mara Jehova o kgona go bona ka ku tengteng gago gore o maka so o kgonang go se maka. Yene o yamogela so o kgonang go se maka fote wa se jabolela.

12. Jehova ke mo a tikwa byang ka dihlabelo tsa go hlekediwa fote sosone se re tiyisa byang?

¹² Re ka tšhuta ying ga dihlabelo tsa go hlekediwa? Mo mollo wo tšhuba sehlabelo, mmuši ke mo wo ya gedimo fote Jehova ke mo a jabola. Byalo, di tšibe tsa gore Jehova wa jabola mo o mmerekela ka go di nyaka. (Makol. 3:23) O fo nagana nje gore o mo jabodisa go segela kaye. A go na taba gore o berekela Jehova ka go nyana kela ka matla, mara so o se makang o se tseyela gedimo fote a ka sa tsoge a se lebele.—Mat. 6:20; Maheb. 6:10.

13. Lefitiko 9:23, 24 yi re Jehova o šupetsiye ka ying gore o yamogela maprista?

¹³ Sa bone: Jehova o rufa mokgahlo wage wa mo lefaseng. Bona so se makegiyeng ka 1512 B.C.E. mo tabarenekele yi makiwa ku tlase ga Thaba ya Sinayi. (Ek. 40:17) Moše ke mo a yetiye mahlong mmereko wa go maka gore Aroni le barwayi bage gore go be maprista. Setšhaba sa Maisrayele ke mo se le gona gore se bone mo maprista ma maka sehlabelo sa mathomo ka pholwane. (Lef. 9:1-5) Jehova o šupetsiye ka ying gore wa ma yamogela maprista yane ya gore ma sa tšwa go kgetiwa? Mo Aroni le Moše ba rufa batho, Jehova o yye a romela mollo wa go tšwa legedimong gore wo tšhube  sehlabelo so ke mo se le aletareng.—Bala Lefitiko 9:23, 24.

14. Ke ntaba re tseyela gedimo taba ya gore Jehova o yamogele Aroni le barwayi bage gore yi be maprista?

¹⁴ Mollo wa go tšwa legedimong ke mo wo šupa ying? Jehova ke mo a šupa gore o yamogele Aroni le barwayi bage gore go be maprista. Mo Maisrayele ma bona gore nnete Jehova o yema le maprista, ma yye ma kwisisa gore le wona ma tshwanele ma yeme nawo. Ayitsano le rune di ya re tikisa? Eya! Mmereko wo ke mo wo maka ke maprista ya Maisrayele ke mo go fo ba mošupetso wa mmereko wo mogolo wo wo nyoko makiwang. Kreste, Moprista ye Mogolo, o na le 144 000 ya bo ba nyoko makang mmereko wa maprista ba le naye ku legedimong.—Maheb. 4:14; 8:3-5; 10:1.

15-16. Jehova o šupetsiye byang gore o yamogele “lelata la go hlalefa le la go tshepega”?

¹⁵ Ka 1919, Jeso o kgetiye mogoba wo monyana wa magageru ya go tlotsiwa gore yi be “lelata la go tshepega le la go hlalefa.” Lelata lone le yetiye mahlong mmereko wa go tšhomeyela fote le neya bo ba latelelang Kreste “tsa go ja ka nako ya gona.” (Mat. 24:45) Ayitsano re ya di bona gore Modimo o yamogele lelata la go hlalefa le la go tshepega?

¹⁶ Sathane le bo ba mo latelelang ba leketsiye ka matla go rakela mmereko wa lelata la go tshepega, mola yi se ka taba la gore Jehova wo gelepa lelata la go tshepega, mmereko wowa ne wo ka sa yi mahlong. Le mo go yye gwa ba le dintwa ka dipedi tsa lefase, go hlupegisiwa ga go sa fele, go gayela ga tšheleta lefaseng ka mokana ga lona, le go tshwariwa bošidi, dilo tsone ka mokana ga tsona a sanka tsa maka gore lelata la go tshepega le la go hlalefa le šitege go tšhutisa bo ba latelelang Kreste ba gore ba ho lefaseng. O fo nagana nje ka dikgatiso tso re nang natso tsa go sa rekisiwi tsa gore di teya ka ku ga  900 ya mebolabolo! Di fo ba lekgwaying gore Modimo o na le rune. Tso re di bonang di makega ga mmereko wa rune wa go tšhomayela di fo šupetsa gore Jehova wa re rufa. Nnete ke gore ditaba tsa go bafala di tšhomayediwa “lefaseng ka mokana ga lona.” (Mat. 24:14) A re kamake gore Jehova ke yene ye a yetang mokgahlo wage mahlong lekgono fote o wo rufa a sa fetse.

17. Re ka šupetsa byang gore re yema le mokgahlo wo Jehova a wo berekisang?

¹⁷ Re ko ba re maka gabutši mo re tiputsisa gore, ‘Ayitsano ke jabolela go ba ka ho mokgahlong wa Jehova wa mo lefaseng?’ Nakwela Jehova a romela mollo wa go tšwa legedimong, ke mo a šupetsa gore o yamogele bo a ba kgetiyeng, le lekgono lo, Jehova o re šupetsiye gore o berekisa mokgahlo wage wa mo lefaseng. Nnete re na le tsa go tlala tsa go di leboga. (1 Mathes. 5:18, 19) Re ka maka ying go šupetsa gore re yema le mokgahlo wo Jehova a wo berekisang? Re ka berekisa so re se tšhutang ho Baebeleng, ga dikgatiso tsa rune, ga megahlano ya rune ya phutego le ga megahlano ye megolonyana le ye megolo. Go tokegela gana hone, mo re maka mmereko wa go tšhomayela re boya re tšhutisa ka mokgo re ka kgonang, re šupetsa gore re yema le mokgahlo wa Modimo wa mo lefaseng.—1 Makor. 15:58.

18. O tikemisele go maka ying?

¹⁸ Di nyaka re tikemisela go berekisa so re se tšhutiyeng ga puku ya Lefitiko. Re nyaka gore Jehova a yamogele dihlabelo tsa rune. Re berekela Jehova ka taba la gore re leboga tso a re makeleng tsona. Nkare re ka kwa di re tšhofa go neya Jehova so re ka se kgonang ka taba la gore re mo nyaka ka matla. Fote re yeme le mokgahlo wa Modimo re sa thogathoge. Mo re maka ka mokgonone, re ko ba re šupetsa Jehova gore re leboga ka matla gore ke rune Dihlatse tsage le gore o re kgetiye gore re mmerekele!