1-2. Patela king, fote ke ntaba ne di nyaka yi makege?

ADAMO ke mo a yenele gabutši ho mmeleng, mara nakwela a sinya, tsa lephelo la go ya go yye di napiye di šaša, gage le ga bananyana bo ke mo a nyoko ba belega. Adamo ke mo a se na sa go phema ka sona. Phela o sinnye ka bomu. Bana bage gee? A yi bona ba sinnyeng, go sinnye Adamo. (Mrm. 5:12, 14) Ayitsano se gona so ne se ka makiwa gore ba sa kraye seghwebo sa likgu, sa gore ke mo se tshwanele kokwane yewa wa bona? Eya, se gona! Go se botala Adamo a sinnye, Jehova o thuletsiye ka gonyana ka gonyana gore o nyoko makamaka byang gore a thogo phonisa dimiliyoni tsa ditlogolwane tsa Adamo ga senyama sa go sinya le sa likgu. (Gen. 3:15) Jehova ke mo a beyye nako ya gore Morwayi wage o nyoko tloga ku legedimong “gore a neyele ka lephelo lage gore go be patela ya batho ba go tlala.”—Mar. 10:45; Joh. 6:51.

² Patela yone king? Ka ho ga Mangwalo ya Sekreste ya Segerika, patela yowa ke selo so Jeso a se ntshiyeng gore a thogo reka so Adamo a se lahliyeng. (1 Makor. 15:22) Ke mo go le ya ying patela yone? Molawo wa Jehova wa go loka ke mo o nyaka gore lephelo le patediwe ka lephelo. (Ek. 21:23, 24) Adamo ke mo a sa sa yenele. Byalo Jeso o yye a neyela ka lephelo lage la gore le yenele, a makela gore dilo di be ka mokgo Modimo ne a di nyakiye. (Mrm. 5:17) Ka mokgonone a napa a ba “Papa wa go ya go Yye” wa batho ka mokana ga bona ba gore ba dumela ga taba yowa ya go lepolliwa kela go tlemolliwa.—Jes. 9:6; Mrm. 3:23, 24.

3. Johane 14:31 le Johane 15:13 di re Jeso ke mo a maka king mo a šinya a kwa di mo tšhofa go neyela ka lephelo lage gore go be sehlabelo?

³ So se tšhofiyeng Jeso gore a šinye a tikemisele go neyela ka lephelo lage ke gore o mo nyaka ka matla ga Papage wa legedimong fote le rune wa re nyaka. (Bala Johane 14:31; 15:13.) Ke sona so se mo tšhofiyeng gore a tshepege lephelo lage ka moka go segela go makega so se nyakang ke Papage. Jeso o makiye ka mokgonone ka go tshepega go segela a kgwa. Ka taba lone, so Jehova ke mo a  nyaka gore se makege ka batho le ka lefase go tlugisela mathomisong, se nyoko makega. Ga hlogotaba yowa, re ko petapeteng gore ke ntaba Modimo a f’lo lesetsa Jeso a kwa go baba ka mokgo mo a soko kgwa. Re nyoko boya re leka ka gonyana tsa ye mongwana wa gore o ngwadiye Baebele wa gore sehlabelo sa Jeso ke mo a se tseyela gedimo ka matla. Re nyoko notelela ka ya gore rune re ka šupetsa ka ying gore taba yowa ya go lepolliwa kela go tlemolliwa yo Jehova le Jeso ba re makeleng yona re yi tseyela gedimo.

4. Re hlatollele gore Jeso o kgwile ka mokgo mang.

⁴ O fo nagana nje gore ke mo go le byang ka letšatši la mafelelo la mo Jeso a le ho lefaseng. O na le mangeloyi ya go tlala la go sa hlayisege ya gore a ka ma bitsa gore ma tle ma mo tšhireletse, mara aa ma bitsi, o fo lesetsa bowa ba gore ke masole ya Roma ba mo tshwara, ba mo teya la nkare ba ro bolaya. (Mat. 26:52-54; Joh. 18:3; 19:1) Ba mo teya ka sebepu fote mo ba kene ba teya, se tswiya dinama tsa ho mmeleng. Mo ba fetsa, ba mo pepudisa phate ya go roba, gana hala ga mokolo wa gore o fo nyuga madi. Jeso o kikirisana le phate yela a re wa yi goga o yi yisa mo ba ye mmolayelang gona mara o fo lelemela, ke mokane ba goga morene mongwana wa gore o f’lo tiyemela gana hone, ba mmotsa ka tšhinghi gore a mo kakolele phate yone. (Mat. 27:32) Mo Jeso a segela ho ba nyoko mmolayelang gona, masole yala ma mo kokotela ho matsogong le mawotong ga phate yone. Mo ba yemisa phate yone, mmele wage wa roba, byalo hala ba mo kokoteleng ka dipikiri go fo ya go kene go tleroga. Banghana bage ba kwa go baba ka matla le mmane wage o lla ka sethakga, mara dindhuna tsa Majuda di kene di poyilanya Jeso. (Luka 23:32-38; Joh. 19:25) Mo nako yi kene yi ya, go wopa mola go fo ya go kene go yeketsega. Pelo le matshwafo di ya šitega byalo, mo a re wa wona, o goga kgole. Ka semoyanyana sosone sa gore o kgonne go se wona, o rapela thapelo ya mafelelo ya go šupetsa gore o hludiye. Mo a fetsa, o yinamisa hlogo gwa napa gore ‘tse’. (Mar. 15:37; Luka 23:46; Joh. 10:17, 18; 19:30) O kgwile ka gonyana ka gonyana, a kwa go baba fote ba mo poyilanya!

5. Tsa gore Jeso ba mmolayye byang ke mo di sa nape di mo hlupa, king sa gore ke mo se mo hlupa ka matla?

⁵ Jeso ke mo di sa mo kokone ka matla tsa gore ba mmolaya byang. Ke mo a šekedisa ke so ne ba mmolayela sona. Ke mo ba mmolabolela matsaka ba re ka leroga o kotsi, ba re aa mo hlompe ga Modimo le mong lona lebitso la Modimo. (Mat. 26:64-66) Tsotsone nje, ke mo di sa make gore pelo ya Jeso yi kgehlemele, ke mo a fo kwa nkare Papage a ka mo tšhireletsa gore a sa poyidiwi ka mokgonone. (Mat. 26:38, 39, 42) Ke ntaba Jehova a lesetsiye Morwayi wage wa gore o mo nyaka ka matla gore a kwe go baba a boye a kgwe? Tla re bolaboleneng ka dilo ka ditharo.

6. Ke mo go rorebeng mo Jeso ba šinya ba mo fega phateng ya mohlupego?

⁶ Sa mathomo, Majuda ke mo ma na le senyama, byalo ke mo di nyaka gore Jeso ba mo kokotele phateng gore senyama sone se tloge. (Magal. 3:10, 13) Ke mo ba dumele gore ba nyoko latelela Molawo ya Modimo, mara ba šitega. Byalo, senyama sa bona se yye sa tokegela ga seghwebo so se leyyeng ke gore ke bona ditlogolwane tsa Adamo, yela wa gore o sinnye. (Mrm. 5:12) Molawo wo Modimo ne a wo neyye Maisrayele ke mo wo hlayye gore mo motho a sinnye tsa gore di nyaka a kgwe, ke mo ba mmolaya. Mo a šele a kgwile, setopo sage ke mo ba ka se fega phateng. * (Dot. 21:22, 23; 27:26) Byalo nakwela Jeso ba mo fega phateng, o makiye gore a thogo lepolla bona batho bo ne ba mo phiga.

7. Selo sa bobedi so se makiyeng gore Modimo a fo mo lesetsa ga Morwayi wage a kwisiwa go baba ke sefeng?

⁷ Tla re boneneng selo sa bobedi sa gore se makiye gore Modimo a fo mo lesetsa ga Morwayi  wage mo a kwa go baba. Ke mo a lukiselela Jeso mmereko wage wa ku mahlong wa mo go šele go le Moprista wa rune ye Mogolo. Jeso o di bonne gore a di lula go theetsela Modimo mo o kgahleletsiye ke tsa go roba. Ke mo a kwa go roba ka matla a šinya a rapela “a gotla le go ro yela dinepedi.” A re kamake gore ka taba la gore le yene Jeso o fitiye ga dilo tsa go kgahleletsa, wa re kwisisa gore re nyaka ying fote “o nyoko [re] gelepa” mo re na le ‘sa go nyaka go re phiriketsa.’ Re leboga Jehova gore o re kgetele Moprista ye Mogolo wa gore wa di kgona “go re kwela ga tsa gore re ya šitega”!—Maheb. 2:17, 18; 4:14-16; 5:7-10.

8. Selo sa boraro so se makiyeng gore Modimo a fo mo lesetsa ga Jeso gore a hlorisiwe go baba ke sefeng?

⁸ Sa boraro, Jehova o f’lo lesetsa Jeso a hlorisiwa go baba gore a fetole putsiso ye kgolo ka matla ya gore: Ayitsano batho ba ka di kgona go fo dula ba mamarele Modimo le mo tsa lephelo di gakga? Sathane o re mo di ka makega, a ka tiloma sejabana! O re batho ba berekela Modimo ka taba la gore o ba makela se sengwana. O re ba fo tshwana le kokwane wa bona Adamo, ba fo makela moyano mo ba berekela Jehova. (Jobo 1:9-11; 2:4, 5) Jehova ke mo a mo tshepa ga Morwayi wage Jeso, byalo o f’lo mo lesetsa gore a leketsiwe go segela mo go kgohlelela ga motho wa nama go kgerang gona. Jeso aa šepisa le ka gonyana, Sathane a fo šala a tšinnye mo di šupetsa gore o na le matsaka.

9. Re ka tšhuta ying ga Johane wa lepostola?

⁹ Taba yowa ya sehlabelo sa Jeso yi makiye gore tumelo ya Makreste ya go tlala yi tiyelele. A baa lesetsa go tšhomayela le mo ba phigisiwa, ba tiyisele ga tso ne di ba ghula gwa šinya go segela le mo ba tsofalang. Tla re beyiseneng ka Johane wa lepostola. O yye a tšhutisa nnete ka Kreste le ka sehlabelo sage, di ka makega gore ka mengwaga ya go teya ka ku ga 60. Mo a šele a lata 100 ya mengwaga, di šupa nkare ke mo ba tšhoga gore a ka fo ketula Mmušo wa Roma, byalo ba yye ba mo bošela jele ga poleke ya go dukuluga ke meetši ya hala Patimose. Ke mo ba mo tshwarela ying? “Go bolabola ka Modimo le go tšhomayela ka Jeso.” (Kut. 1:9) Le rune re ka tšhuta selo se segolo ga tumelo yage le taba ya go tiyisela!

10. Re bona ka ying ga mangwalo ya Johane gore sehlabelo sa Jeso ke mo a se tseyela gedimo?

¹⁰ Ga mangwalo ya Johane a ma ngwadiyeng a hlohletsela ke moya wa Modimo, wa kwagala gore ga Jeso o mo nyaka ka matla fote le sehlabelo o se tseyela gedimo ka matla. Mangwalo yawa ma bolabola ka dilo tsa go teya ka ku ga 100 ka sehlabelo sa Jeso kela tso sehlabelo se ka re gelepang ga tsona. Mo re beyisa, Johane o ngwadiye gore: “Mo go na le wa gore o sinnye, go na le wa go re gelepa ga Papa, ke Jeso Kreste, wa gore o lukiye.” (1 Joh. 2:1, 2) Mangwalo ya Johane ma šihlela le taba ya gore “go tšhomayela ka Jeso” re sa go tseyele fase. (Kut. 19:10) Di fo ba lekgwaying gore Johane ke mo a se tseyela gedimo ka matla sehlabelo sa Jeso. Rune gee, re ka šupetsa ka ying gore re se tseyela gedimo?

11. Re ka gelepa king mo go na le tsa nkare di nyaka go re phika?

¹¹ Tsa nkare di nyaka go go phika o sa di lesetse di kgana ka wene. Ho nkare re ya resa mo re re sehlabelo sowa re se tseyela gedimo, o ka sa kraye re hlaya gore: ‘Nna nka sa nape ke tihlopa o kraya ke ro lwa ke šwennye mo ke tlela ke tsa nkare di nyaka go mphika. Nko fo ya ka sinya, ke mokane ka tla ka kgopela tshwarelo.’ Mara, mo re kwa nkare tsa go befa di ya re jedisa kela go re nabetsa, re nyoko re: ‘Ye naa! Nko ba ke di makela ying dilo tsa mohlobo wonone nkene ke di bona tsa gore Jehova le Jeso ba mmakele dilo tse dikgolo la go sa hlayisege?’ Mo re kene re hlaya ka mokgonone, re rapele Jehova re šwennye, gore a re neye matšhika, re mmotse gore: ‘O sa n’lesetse barena ke potlomela ga tsa go befa.’—Mat. 6:13.

12. Tso re di botsang ke 1 Johane 3:16-18 re ka di berekisa byang?

 ¹² Kwana ka matla le magagenu. Mo re kwana le magageru, re šupetsa gore sehlabelo sa Jeso re se tseyela gedimo. Ke ntaba? Ka taba la gore Jeso aa kgwela rune re ntoši, mara o kgwele le magageru. Di fo ba lekgwaying gore so se makiyeng gore le bona a ba kgwele ke gore o ba nyaka ka matla. (Bala 1 Johane 3:16-18.) Di šupa ka mokgo re tshwarang magageru gore re ya resa mo re re re ba nyaka ka matla. (Maef. 4:29, 31–5:2) Mo re beyisa, re ya ba gelepa mo ba lwala kela ba kwa go baba kela ba tlela ke dikotsi tsa hlago. Mara byalo, di nyaka re make byang mo mogageru a bolabola kela a maka se sengwana sa go re kwatisa?

13. Ke ntaba di nyaka re tshwarele batho ba bangwana?

¹³ Ayitsano ke wene motho wa go fo yakgoswa o tuba mo mogagenu a go makiye se sengwana? (Lef. 19:18) Mo nkare o ka mokgonone, maka taba ke yowa: “Ariyeneng mahlong le tiyiselana le boya le tshwarelana mahala le mo go na le so se makang gore go be le tsa go le kokona ka motho ye mongwana. Go fo tshwana le ka mokgo Jehova a le tshwarele a sa le patedisi selo, le lune le make ka mokgonone.” (Makol. 3:13) Mo re dulela go tshwarela magageru, re šupetsa Papa wa rune wa legedimong gore ka nnete sehlabelo sa Jeso re se tseyela gedimo ka matla. Re ka gelepa king gore selo sowa se segolo ka matla sa gore re se neyye ke Modimo re se tseyele gedimo?

14. Re ka maka ying se sengwana gore re thogo napa re tseyela sehlabelo sa Jeso gedimo ka matla?

¹⁴ Leboga Jehova ka taba la sehlabelo. Mogageru wa mosadi ye ba reng ke Joanna, wa gore o na le 83 ya mengwaga wa go dula India o di beya ka mokgo: “Ke nagana gore di gabutši ka matla gore ka moka matšatši mo ke rapela ke tšhele le taba ya sehlabelo ke boye ke leboge Jehova ka sona.” Mo o rapela o ntoši, nagana ka dilo tsa go tšwa pateng tso o di makiyeng motshegare ke mokane o kgopele Jehova gore a go tshwarele. Mara tsowa tsa gore ke tse dikgolo ka matla di ko nyaka gore o ye le ga bagolo gore ba go gelepe. Ba nyoko go theetsela ba boye ba go yetetse ka Lentsu la Modimo. Ba nyoko rapela nago, ba kgopele Jehova gore a go tshwarele a berekisa sehlabelo sa Jeso “gore [senghana sago le Modimo] se yalafege.”—Jak. 5:14-16.

15. Ke ntaba di nyaka re be le nako ya go bala ka sehlabelo sa Jeso le go ghayela ka sona?

¹⁵ Ghayela ka sehlabelo sa Jeso. Mogageru ye mongwana wa mosadi ye ba reng ke Rajamani, wa go ba le 73 ya mengwaga o re: “Mo ke bala ka dilo tsa lešidi tso ne ba di maka Jeso, ke fo tšwa dinepedi.”  Le wene o ka fo kraya o kwa go baba mo o nagana ka dilo tsa go sasamela tsa gore di makegele Morwayi wa Modimo. Mara mo o ka ghayela ka matla ka sehlabelo sa Jeso, o ko napa o kwa o ba nyaka ka matla, yene le Papage. Gore o thogo ghayela ka sehlabelo sa Jeso, ke ntaba o sa nyakolle ka taba yowa gore o thogo tšhuta tsa go tlala ga yona?

16. Go tšhutisa batho ka sehlabelo sa Jeso go ka re gelepa ka ying? (Lebelela sethombhe sa ka tawong.)

¹⁶ Tšhutisa ba bangwana ka sehlabelo sa Jeso. Ho re dulela go botsa batho ka sehlabelo sa Jeso, re ko napa re se tseyela gedimo ka matla. Re na le dipuku le dividiyo tsa gabutši ka matla tsa gore di re gelepa mo re tšhutisa ba bangwana gore ke ntaba Jeso a re kgwele. Mo re beyisa, re ka berekisa tšhutiso 4 hala ga sepukwane sa Ditaba tsa go Bafala tsa go Tšwa ga Modimo! Hlogotaba yone yi re “Jeso Kreste ke Mang?” Kela re ka berekisa tema 5 hala ga puku ya Anthe Mara Baebele yi re Tšhutisa Ying? Hlogotaba ya tema yone yi re “Go Lepolla—Selo Sone ke se Segolo ka Matla so Modimo a re Neyyeng Sona.” Go tokegela gana mone, mongwaga wo mongwana le wo mongwana mo re ya Segopotsong le mo re kene re karakara re mema ba bangwana gore le bona ba tle, re tlatsisela ga so re šeleng re se leboga ka sehlabelo sa Jeso. Jehova o šupetsiye gore o re tseyela gedimo mo a kgeta rune gore re tšhutise batho ka Morwayi wage!

17. Ke ntaba sehlabelo so Modimo a re neyyeng sona go le selo se segolo ka matla?

¹⁷ Re ko ba re maka gabutši mo re ka tšhuta go tseyela sehlabelo sa Jeso gedimo le go dula re maka ka mokgonone. Ka taba la sehlabelo sa Jeso, le mo re sa yenela di ka makega gore re be le senghana le Jehova. Sehlabelo sa Jeso se nyoko maka gore go sa šale le selo ka ssoši sa Diyabolo. (1 Joh. 3:8) Sehlabelo sa Jeso se nyoko maka gore tso Jehova ne a nyaka gore di makege ho lefaseng go tlugisela mathomisong, di fo ba ka mokgonone. Lefase ka mokana ga lona go nyoko ba pharadeyisi. Motho ye mongwana le ye mongwana ye o gahlanang naye go ko ba go le wa gore ga Jehova o mo nyaka ka matla fote wa mmerekela. Nkare le rune ka moka matšatši re ka nyakela dilo tso re ka di makang tsa go šupetsa gore re tseyela sehlabelo sa Jeso gedimo—selo se segolo ka matla so Modimo a se neyyeng batho!