1. Pharadeyisi ya go tshwanisela king fote re tshwanele re tikemisele go maka ying?

 LEKGONO go na le batho ba gore ba rapela Jehova ba le ggoši fote ba kene ba maka dilo tsa gabutši. Ba wela ga mokgahlo wa Modimo, ga gore go na le dimiliyoni tsa batho ba gore ba bebiye tsa mannete fote ke ngata ka yyoši. Bo ba gore ba rapela Jehova ba tikemisele go sa tsoge ba lisetsiye go mo rapela. Fote ba nyaka gore batho ba go tlala ba be nabo ga seyemo sowa sa go sa tshwane le se sengwana. Anthe go ro ba seyemo sa mošaga mang? Ke poleke ya go beba ya gore batho ba gona ke ngata ka yyoši ya gore fote yi tshwana le pharadeyisi ga gore re rapela Jehova ga yona. Ga poleke yowa, re tikwisa ka senghana sa gabutši le Jehova le ka borunebeng.

2. King sa gore se ya makatsa ka poleke yowa ya go tshwana le pharadeyisi?

² Ye lune, phela Jehova o makiye gore re thogo mo rapela re na le batho bage ba gore ba bebiye fote ke selo ka ssoši ba kene ba phela ga lefase la go befa la Sathane la gore fote le kotsi ga gore batho ba gona ba hloyananne. (1 Joh. 5:19; Kut. 12:12) Modimo wa rune wa gore wa nyakanana o bona ka mokgo lefase lowa la Sathane le kwaletsang batho mara o maka gore malata yage ma tikwe ma tšhireletsegiye gore ma thogo ya mahlong ma mmerekela ma jabodiye. Lentsu lage le hlatolla taba yowa ya go mo rapela re na le batho bage go le poleke ya gore yi tšhireletsegiye “ya go tšhabela gona” le “nghati ya gore ba yi tšheletsa gabutši.” (Jes. 4:6; 58:11) Bo ba dulang ga poleke yowa ba tikwa ba jabodiye fote ba tšhireletsegiye ka dinako tsowa tsa go thathafa tsa mafelelo ka taba la gore Jehova o ba rufiye.—Jes. 54:14; 2 Thim. 3:1.

3. Seporofeto sa gore se ga Jesaya tema 65 se makegiye ka mokgo mang ku Israyele ya botala?

³ Jehova o berekisiye Jesaya wa go porofeta gore a hlatolle ka mokgo lephelo le ko bang ka gona ga bo ba gore ba ko ba ba dula ga pharadeyisi yowa ya go tshwanisela. O ka kraya hlatollo yowa ga Jesaya  tema 65, ya gore yi thomisiye go makega ka 537 B.C.E. Ka dinako tsone, Majuda ya gore ma sokologiye ba ma lokolliye bobhantiting ku Bhabhilona fote ma boyele ga naga yo ma goleleng ga yona. Jehova o yye a rufa batho bage a boya a ba gelepa gore ba make gore mutši wa gore ne ba wo psyitlannye wa Jerusalema wo bafale fote, le gore ba tsose tempele gore go be mong yona poleke yo ba ko rapelang Jehova ga yona hala Israyele.—Jes. 51:11; Zak. 8:3.

4. Seporofeto sa gore se ga Jesaya tema 65 se makega ka mokgo mang lekgono?

⁴ Seporofeto sa mabedi sa Jesaya se thomisiye ka 1919 C.E. mo batho ba go rapela Jehova ba dinako tsa rune ba ba lokolla bobhantiting bya Bhabhilona ye Mogolo. Ka nthago ga gana hone, pharadeyisi yowa yi thomisiye go gola lefaseng ka mokana ga lona. Batho ba go tšhomayela ka Mmušo wa Modimo ka matšato ba yye ba thomisa diphutego tsa go tlala ba boya ba šupetsa mekgwa yo Makreste ma tšibegang ka yona. Banna le basadi ba gore ne ba maka tsa bokgohlane fote ba phela lephelo la go sa hlamatsega ba yye ba ba le “mekgwa ya nyuwane ya go sipidisana le tso Modimo a di nyakang.” (Maef. 4:24) Eya, dilo tsa go tlala tso ba nyoko re rufang ka tsona di nyoko makega tsa mannete ga lefase la nyuwane la ku mahlong. Mara le gana byalo lowa di re berekela ka mekgwa ya go tlala go ba ga pharadeyisi yowa ya go tshwanisela. Tla re boneneng gore go ba ga poleke yowa ya go tshwana le pharadeyisi go re yama ka mokgo mang le gore ke ntaba di nyaka re sa tsoge re ntshiye le mong senwana ga yona.

KA MOKGO BO BA GORE BA PHARADEYISING YA GO TSHWANISELA BA TIKWANG

5. Ka mokgo Jesaya 65:13 yi tshepisiyeng, re tikwisa ka ying ga pharadeyisi yowa ya go tshwanisela?

⁵ Ba philegiye fote ba yimulugiye. Seporofeto sa Jesaya se napa se yatlala gabutši ka mokgo lephelo le sa tshwaneng ka gona segareng ga bo ba gore ba ga pharadeyisi yowa ya go tshwanisela le bo ba gore ba ka tawong ga yona. (Bala Jesaya 65:13.) Jehova o neya bo ba mo rapelang a sa tšupuleli dilo ka mokana ga tsona tso ba di hlokang gore ba dule ba le thina gage. Phela re na le moya wa go hlawolega, Bhayibele le dikgatiso tsa go bolabola ka Bhayibele gore re thogo ‘ja, . . . re nwe, . . . fote re jabole.’ (Tshwanisa le Kutullo 22:17.) Mara seyemo a se tshwane le sa bo ba gore ba ka tawong ga pharadeyisi yowa, bona “ba kwa tlala . . . , ba wonngwe meetši . . . , [fote] ba nyoko tšeba.” A ba na senghana le Modimo.—Amo. 8:11.

6. Juwele 2:21-24 yi hlatolla ka mokgo mang dilo tso Jehova a re neyang tsona fote di ka re berekela ka mokgo mang?

⁶ Juwele ga seporofeto sage o berekisiye dilo tsa gore di ya hlokega tsa go tshwana le korong, wayini le makgura ya olivi go šupetsa gore Jehova o neya batho Bage tso ba di hlokang go tokegela le tso Bhayibele yi re yetetsang ka tsona. (Juw. 2:21-24) O maka tsotsone a berekisa Bhayibele le dikgatiso tsa go bolabola ka Bhayibele, wepsayite ya rune go tokegela le megahlano ya rune, megahlano ye megolonyana le megahlano ye megolo. Re ka berekela ke dilo tsowa ka moka matšatši fote di nyoko maka gore re tikwe re philegiye fote re yimulugiye.

7. King so se makang gore ‘pelo yi dulisege’? (Jesaya 65:14)

⁷ Ba jabodiye fote ba kgotsofele. Batho ba Modimo ba ka “yahlamela ba jabodiye” ka taba la gore ba leboga Jehova. (Bala Jesaya 65:14.) Nnete ya gore yi tiyisa tumelo le tso ba re tshepisiyeng tsona tsa go re kgomoletsa tsa gore di ka ho Lentsung la Modimo le tshepo ya rune ya go tiya ya tsa ku mahlong ka taba la sehlabelo sa Kreste sa go re lepolla di maka gore ‘pelo yi dulisege.’ Go bolabola ka dilo tsowa le magageru go maka gore re jabole tsa mannete!—Pis. 34:8; 133:1-3.

8. Ke dilo difeng ka dipedi tse dikgolo tsa gore di gona pharadeyising ya go tshwanisela?

⁸ Go nyakanana le go mamarelana ga batho ba Jehova ke mong tsona dilo tse dikgolo ga pharadeyisi yowa ya go tshwanisela. Taba ya gore re ‘mamarelanne’ yi re gelepa gore re thogo bona gore lephelo le ko ba le le byang ga lefase la nyuwane, ga gore malata ya Jehova ma nyoko  nyakanana stereka le go dula ma mamarelanne go phala lekgono. (Makol. 3:14) Mogageru wa mosadi wa gore ke Mokreste o hlatolla tso a di bonneng ka batho ba Jehova mo a thoma go gahlana nabo, o re: “Ke mo ke sa tšibi gore nka maka byang gore ke jabole, ke ra le mong le ba geru. Ke thomme go bona ka Dihlatse Tsa Jehova gore mo ba re go nyakanana ba ra ying.” Ye mongwana le ye mongwana ye a nyakang go jabola tsa mannete le go kgotsofala di nyaka a be ka ho ga pharadeyisi ya go tshwanisela. A di na taba gore lefase lowa le nagana ying ka malata ya Jehova, mara so se šalang ke gore ma na le lebitso la go hlompega kela ma tšibega gabutši, ga Jehova le ga ka mokana ga bona bo ba mo rapelang.—Jes. 65:15.

9. Jesaya 65:16, 17 yi re tshepisa ying ka dilo tso di re kwisang go baba gana byalo le go re hlupegisa?

⁹ Ba tiketliye fote ba kgibiye. Jesaya 65:14 yi re bo ba kgetang go dula ka tawong ga pharadeyisi ya go tshwanisela baa “lla ka taba la mo pelo yi kwa go baba [fote] baa gotla ka taba la gore moya wa bona wo fase.” Byalo, re re king ka dilo ka mokana ga tsona tso di kwisiyeng batho ba Modimo go baba le go ba hlupegisa? Mo nako yi kene yi ya, dilo tsone “di ka sa sa gopodiwa [fote] di ko ba di wutamme maahlong ya [Modimo].” (Bala Jesaya 65:16, 17.) Jehova o nyoko tlosa mathatha ya rune fote go ko ba le nako ya gore re ka sa sa gopola ka mokgo mathatha ya rune ne ma re phukulusanya ka gona.

10. Ke ntaba o tseya go le go rufega go ba le magageru ya Sekreste? (Lebelela le sethombhe.)

¹⁰ Le gana byalo lowa, re fo tikwa re kgibiye mo re le megahlanong ya Sekreste, ga gore re ka tiketla ke mokane ra lebala ka dilo tso di re kgahleletsang tsa gore di leya ke lefase lowa la Sathane. Fote re gelepa le magageru gore ma tikwe ma kgibiye mo re šupetsa go nyakanana, go jabola, go beba, go loka le go temeka tsa gore di wela ga diyengwa tsa moya wa go hlawolega wa Modimo. (Magal. 5:22, 23) Ye lune, phela re rufegiye mong go rufega go ba ka ho mokgahlong wa Modimo! Bo ba gore ba ko dula ba le ka ho ga pharadeyisi ya go tshwanisela ba nyoko di bona mo Modimo a maka “magedimo ya nyuwane le lefase la nyuwane” ka mokgo a tshepisiyeng.

11. Jesaya 65:18, 19 yi re pharadeyisi ya go tshwanisela yo Jehova a yi makiyeng yi tshwanele yi re yame ka mokgo mang?

¹¹ Baa leboga fote a ba tshwarege ka go jabola. Jesaya o ya mahlong a hlatolla gore ke ntaba re tshwanele re ‘hlakele re boye re jabole’ ga pharadeyisi yowa ya go tshwanisela. Poleke yowa yi makiye ke Jehova. (Bala Jesaya 65:18, 19.) Byalo, a di makatse gore Jehova o berekisa rune gore re gelepe batho gore ba tšwe ga mekgahlo ya lefase lowa ya gore a yi ba tšhutisi nnete ka Modimo fote re ba gelepe gore ba kene ga pharadeyisi ya go tshwanisela ya gore yi bafele ka matla! Taba ya gore re krayye nnete yi maka gore re sa tshwarege  ka go jabola ka taba la tso ba re rufang ka tsona fote di re tšhofa gore re botse ba bangwana ka tsona.—Jer. 31:12.

12. Dilo tso ba di tshepisang tsa gore ba di hlatolla ga Jesaya 65:20-24 di maka gore o tikwe byang fote ke ntaba?

¹² Fote re leboga re boya re jabodisa ke tshepo yo re nang nayo ka taba la senghana sa rune sa gore se bebiye le Jehova. O fo nagana nje ka dilo tso re nyoko di bonang le go di maka ga lefase la nyuwane la Modimo! Bhayibele yi tshepisa gore: “Go ka sa sa ba le leseya . . . la gore le nyoko fo phela matšatšinyana, kela mokgalabe wa gore aa phele matšatši yage ka moka.” Re ‘nyoko yaga dintlo ke mokane ra dula ga tsona [fote] ra gaša medhriva ra boya ra ja diyengwa tsa yona.’ Re ka sa “berekele mahala” ka taba la gore re ko ba re “rufiye ke Jehova.” O re tshepisa lephelo la gore le tšhireletsegiye, la go kgotsofatsa fote re ko ba re tšiba gore re phelela ying. “Le mo ba soko yahlamela,” o ko ba a tšiba so se hlokang ke ye mongwana le ye mongwana fote o nyoko “kgotsofatsa so se nabelang ke se sengwana le se sengwana sa go phela.”—Jes. 65:20-24; Pis. 145:16.

13. Jesaya 65:25 yi hlatolla ka mokgo mang maphelelo yaa batho ba ma tšhentšhang mo ba thomisa go berekela Jehova?

¹³ Ba bebiye fote ba tšhireletsegiye. Ba go tlala bo ba gore ne ba kwana le bokgohlane, ba na le sepelwapelwane kela ba sa tshepege, ba gelepiye ke moya wa go hlawolega wa Modimo gore ba thogo tšhentšha maphelo ya bona. (Bala Jesaya 65:25.) Ba karakariye ka matla gore ba tomole mekgwa ya bona ya gore a yi yona. (Marom. 12:2; Maef. 4:22-24) Ke nnete gore batho ba Modimo soloko a ba soko yenela, byalo re nyoko fo ya mahlong re kekemisa. Le mo go le ka mokgonone, Jehova o gahlanisiye “batho ba mehlobo ka moka” ba gore ba mo nyaka ka matla fote baa nyakanana bona beng ke mokane tsotsone di maka gore ba kwe ba bebiye tsa mannete fote ba mamarelanne. (Tito 2:11) Phela wowa ke mohlolo wa gore wo ka maka fela ke Modimo wa matšhika ka moka!

14. Taba yo yi leng ga Jesaya 65:25 yi yye ya šupetsa ka mokgo mang ga mogageru ye mongwana gore tso yi di hlayang ke nnete?

¹⁴ Mara ayitsano batho ba ka tšhentšha ka mokgo ba leng? Nagana ka tso di yyeng dya makega. Mosogana ye mongwana wa gore ba yye ba mo hlahlela jele ga tlele mo a na le 20 ya mengwaga, ne a phela lephelo la go sa hlamatsega le la bokgohlane. Ba yye ba mo tshwara ka taba la go yetswa koloyi, go yetswa ka mitšing le melato ye mengwana ye megolo. Ne a dula a ghwimbhiye dibhakela. Mo a kwa nnete ya go tšwa ka ho Bhayibeleng la mathomo fote a thomisa go ya megahlanong ya Dihlatse Tsa Jehova, ke mo a sa kamake gore o krayye so a tshwaneleng go phelela sona go leng—go rapela Jehova a le ga pharadeyisi ya go tshwanisela. Ka nthago ga gore a be Hlatse ya gore yi kolobetsiwwe, ga go tlala ke mo a nagana ka mokgo Jesaya 65:25 yi berekang gage. Ke mo go sa sa le motho wa go tshwana le tawu wa go kwana le bokgohlane, o yye a tšhentšha a tshwana le nku, gwa ba motho wa go kwana le go beba.

15. Ke ntaba re nyaka go mema ba bangwana gore ba be le rune ga pharadeyisi ya go tshwanisela fote tsotsone re ka di maka byang?

¹⁵ Jesaya 65:13 yi thomisa ka go hlaya gore: “Tsowa ke tso di hlayang ke Jehova Morena wa Malenghelengheng.” Temanyana 25 yi fetsa ka mantsu ya gore, “go bolabola Jehova.” Mantsu yage ma dula ma makega. (Jes. 55:10, 11) Pharadeyisi ya go tshwanisela yi šele yi le gona gana byalo. Jehova o makiye mutši wa gore a wo šiyo wa go tshwana nawo wa gore batho ba gona ba rapela yene. Ka taba la gore le rune re wela ga mutši wowa, re ka kraya go beba fote ra tikwa re tšhireletsegiye ga lefase lowa la go befa. (Pis. 72:7) Ke tsona tso di makang gore re nyake go gelepa batho ba go tlala ka mokgo re ka kgonang gore ba kene ga mutši wo wa rune wa Sekreste. Tsotsone re ka di maka ka go dula re kenne fase ga mmereko wa go maka malata.—Mat. 28:19, 20.

 KA MOKGO O KA GELEPANG BA BANGWANA GORE BA KENE GA PHARADEYISI YA GO TSHWANISELA

16. King so se gogang batho gore ba tle ga pharadeyisi ya go tshwanisela?

¹⁶ Ye mongwana le ye mongwana wa rune di nyaka a make se sengwana gore a make gore pharadeyisi yowa ya go tshwanisela yi goge ba bangwana. Gore re thogo maka tsotsone, di nyaka re yekisele Jehova. Aa gapeletse motho gore a be ka mokgahlong wage ka tšhinghi. Mara, o “goga” batho gabutši gore ba tle gage. (Joh. 6:44; Jer. 31:3) Batho ba dipelo tsa gabutši ba gore ba tšhuta ka mekgwa ya gabutši yo Jehova a tšibegang ka yona le ka mokgo a nyakananang ka gona, ba fo kwa di ba tšhofa gore ba šutele thina gage. Rune re ka maka byang gore re goge batho gore ba tle ga pharadeyisi ya go tshwanisela re berekisa mekgwa ya rune ya gabutši le maphelelo ya gabutši?

17. Re ka ba goga byang ba bangwana gore ba tle ga pharadeyisi ya go tshwanisela?

¹⁷ Mokgwa wo mongwana wo wo ka gogang ba bangwana ga pharadeyisi ya go tshwanisela ke mo re tshwara bo re rapelang nabo gabutši re boya re ba šupetsa gore re ba nyaka ka matla. Mo batho ba nyuwane ba tla megahlanong ya phutego, re nyaka ba tikwe go fo tshwana le ka mokgo bala ba go sa dumele ba Korente ya ku botala ba yyeng ba tikwa ka gona. Ba yitseri: “Ka nnete Modimo o na le lune.” (1 Makor. 14:24, 25; Zak. 8:23) Byalo, di nyaka re ye mahlong re theetsela mayele ya gore “le makeneng gore go dule go bebiye ho gare ga lune le ba bangwana.”—1 Mathes. 5:13.

18. King so se ka gogang batho ka mokgahlong wa rune?

¹⁸ Di nyaka re dule re liketsa go tseya magageru ka mokgo Jehova a ma tseyang. Tsotsone re di maka ka go dula re lebelele mekgwa ya wona ya gabutši yi seng tso ma di kekemisang, dilo tsa gore tšatši le lengwana di ko tsoga di nyamalele. Re ka lukisa mo re sa fitisanang gabutši ka mokgwa wa go šupetsa gore re ya nyakanana mo re dula re ‘tshwarana gabutši, re kwelana go baba fote re tshwarelana re sa kokole.’ (Maef. 4:32) Ke mokane pharadeyisi ya go tshwanisela yi nyoko  goga batho ba gore ba nyaka go tshwariwa ka mokgwa wowa. a

O SA TŠWI BARENA, KA HO PHARADEYISING YA GO TSHWANISELA

19. (a) Mo o lebelele lebhokisi lowa la gore “ Ba Yye ke Mokane ba Boya,” king tso di hlayang ke ba bangwana ka nthago ga gore ba boye ga pharadeyisi ya go tshwanisela? (b) Di nyaka re tikemisele go maka ying? (Lebelela le sethombhe.)

¹⁹ Re ro yi leboga re sa fetsi pharadeyisi yowa ya go tshwanisela! Yi bafele go phala mathomisong, fote go na le batho ba go tlala ba go rapela Jehova go phala mathomisong. Nkare re ka fo dula re yi tseyela gedimo pharadeyisi yo Jehova a re makeleng yona. Ye mongwana le ye mongwana ye a nyakang go yimuluga, go kgotsofala, go kgiba le go tšhireletsega a kene ka pharadeyising ya go tshwanisela fote a sa tsoge a tšwile! Mara di nyaka re pasope, ka taba la gore Sathane o maka so a ka se kgonang gore a re teye ka puku gore re tšwe ga pharadeyisi yowa. (1 Pet. 5:8; Kut. 12:9) A di nyake re mo lisetsa gore a phomelele. Tla re karakareneng gore re tšhireletse go bafala, go yela le go beba ga pharadeyisi yowa ya go tshwanisela.