1. Ba go tlala ba liketsa go maka ying gore ba yeketse ga tso ba di makelang Jehova?

 HO RE kene re bakiye mafelelong ya lefase lowa, re tlalela ke mmereko. (Mat. 24:14; Luk. 10:2; 1 Pet. 5:2) Ka mokana ga rune re nyaka go berekela Jehova ka go felegelela. Ba go tlala ba yeketsa mmereko wa bona wa tšhomo. Ba bangwana ba berekela go ba mašupatsela. Ba bangwana ba nyaka go bereka Bethele kela go yaga meyago ya go yelana le tsa Modimo. Magageru ya go tlala maa garagara gore ma thogo ba malata kela bagolo ka phutegong. (1 Thim. 3:1, 8) Jehova o jabola ka matla mo a bona batho bage ba nyaka go mmerekela!—Pis. 110:3; Jes. 6:8.

2. Re ka tikwa byang mo re fela re šitega go segelela mebereko ye mengwana yo re nyakang go yi maka ho ga Jehova?

² Mara, re ka kgongwetsa ke mo re bona nako yi fo ya yi takamela mara re sa na re šitega go segelela so re nabelang go se maka. Kela re ka kgongwetsa ke gore a re kgone go maka mebereko ye mengwana ya ka ho phutegong ka taba la gore re tsofele kela re maka ke tse dingwana. (Diy. 13:12) Tsotsone di yye dya mo tlela ga Melissa. * Ke mo a nabela go bereka Bethele kela go ya ga Sekolo sa Batšhomayedi ba Mmušo, mara o re: “Mengwaga a yi sa dumela. Mebereko yone nko fo yi nabela yi le ku kgole. Tsotsone di fo fela di nkgongwetsa.”

3. Ba bangwana di ka nyaka ba make ying gore ba thogo ba neya mebereko ye mengwana ka ho phutegong?

³ Ba bangwana ga bo ba gore ba sa gola ba gore fote ba sa fo tikwelela, di ka nyaka ba thomise ba butšwanyana ga dilo tse dingwana mo ba soko neyiwa mebereko ye mengwana. Ba ka fo ba ba hlalefiye, ba kgona go segelela dipheto, ba na le matšato mara  ka nthoko ye nngwana wa kraya di nyaka gore ba tšhute go lefisa pelo, go maka dilo gabutši kela go hlompa batho ba bangwana. Mo o ka berekela ga tsa gore o sa gayela ga tsona, o ka kraya ba go kgeta gore o be se sengwana ka ho phutegong mara wene o soko di nagana. Bona tso di makegiyeng ga Nick. Mo a na le 20 ya mengwaga, ke mo a kgongwele ka taba la gore ke mo ba sa mo kgete gore go be lelata ka ho phutegong. O re, “Ke mo ke tiputsisa gore anthe nna ke ro maka byang.” Mara Nick a sanka a lahla tewu. O yye a bereka a šwennye ga mebereko ye mengwana yo ne ba mo neyye yona. Re bolabola re yitsa, o bereka ga Komiti ya Lekala.

4. Re nyoko petapeta ka ying ga hlogotaba yowa?

⁴ Ayitsano o kgongwetsa ke gore a o soko segelela se sengwana so o nyakang go se makela Jehova? Mo nkare go ka mokgonone, rapela Jehova o mmotse gore go baba kaye. (Pis. 37:5-7) Go tokegela gana hone, butsisa magageru ya gore ma butšwiye gore o ka ghobolla kaye ga tso o di makelang Modimo, ke mokane o karakare gore o make tsotsone ba di hlayang. Mo o ka di maka, o ka kraya ba go neyye mmereko wone kela o segelele selo sa gore ke botala o se nyaka. Mara go tshwana le Melissa yela re bolabodiyeng ka yene, di ka makega gore tso o di nabelang di ka sa makege gana byalo. O nyoko maka byang? Ayitsano o nyoko dula o jabodiye? Gore re thogo fetola putsiso yone, ga hlogotaba yowa re nyoko bolabola ka gore (1) o ka maka king gore o jabole, (2) o ka maka byang gore o nape o jabola ka matla, fote (3) king tso o ka tipotsang gore o nyaka go di segelela gore o nape o ro jabola.

5. Mo re nyaka go jabola, di nyaka re lebelele ying? (Mmolabodi 6:9)

⁵ Mmolabodi 6:9, yi re mo re nyaka go jabola, di nyaka re tšibe gore re ka jabodisa ke dilo tsa mošaga mang. (Bala.) Motho wa gore o jabodisa ke “tso di bonang ke maahlo” o kgotsofatsa ke so a nang naso le seyemo so a leng ga sona gana byalo. Mara motho wa gore o fo dulela go lelekisana le dilo tso a di nabelang tsa gore aa natso o dulela go nyaka tsa gore a ka sa ro tsoga a di krayye. Re tšhuta ying howa? Mo re nyaka go jabola, di nyaka re lebelele so re nang naso le so re ka kgonang go se segelela.

6. Gana byalo re nyoko bolabola ka mošupetso wofeng, fote re nyoko tšhuta ying ga wona?

⁶ Nje di ya kgonega go kgotsofatsa ke tso o šeleng o le natso? Batho ba go tlala ba tseya gore di ka sa tsoge di kgonegiye, phela mo re le batho re kwana le go tšhuta dilo tsa nyuwane. Mara nnete ke gore di ya kgonega. Re ka jabola tsa mannete, re sa fo lebelela “tso di bonang ke maahlo.” Re ka di kgona byang? Mošupetso wa Jeso wa ditalente wo wo leng hala ga Matewu 25:14-30 wo nyoko re thuletsela taba yone. Re nyoko tšhuta gore re ka gelepa king gore re jabodise ka matla ke dilo tso re šeleng re le natso.

7. Re hlatollele monopo wa mošupetso wa Jeso wa ditalente, mara o sa lefisi.

⁷ Ga mošupetso wowa, monna yewa o thina le go vakašela ga poleke ye nngwana. Mo a soko tloga, o bitsa malata yage ke mokane o ma neya ditalente gore ma make bhizinisi. * Ka taba la gore monna yewa wa tšiba gore ma kgona go segela kaye, o neya lelata la mathomo sehlano kela kaphetha ya ditalente, la go latela o le neya ka dipedi ke mokane la mafelelo o le neya ka yyoši. Malata ka mabedi ya mathomo ma bereka di ma baba gore ma tswadise tšheleta yone. Mara lowa la boraro, a le make selo ka tšheleta yo ba le neyyeng, ke mokane mong wa lona a le raka mmerekong.

8. Lelata la mathomo ga mošupetso wowa le ka jabodisa king?

 ⁸ Lelata lela la mathomo ke mo le yi tseyela gedimo taba ya gore mong wa lona o le neyye kaphetha ya ditalente. Tšheleta yone ke mo go ro ba mong lebotha, fote ke mo di šupetsa gore mong wage o mo tshepiye ka matla! Lelata la bobedi gee? Nke le kgongwetsiye ke gore lona a baa le neya tsa go tlala tsa go tshwana le lelata lela la mathomo. Mara le makiye ying?

9. King sa gore Jeso aa se hlaya ka lelata la bobedi? (Matewu 25:22, 23)

⁹ Bala Matewu 25:22, 23. Jeso aa hlaya gore lelata la bobedi le yye la kokomosa dikana la boya la tuba ka taba la gore ba f’lo le neya ditalente ka dipedi. Fote aa hlaya gore le yye la kokola la re: ‘Morenewa o fo nneya tsotsowa nyana? Phela le nna ke ya di tšiba go bereka, ke tshwana le lelata lela a le neyyeng kaphetha ya ditalente! Mara, mo nkare aa ntshepe, yema ke di fatele mokoting, ke timakele mebereko yaka ye mengwana.’

10. Lelata la bobedi le makiye ying ka ditalente tsa lona?

¹⁰ Lelata lowa la bobedi ke mo le tshwana le lelata la mathomo, le yye la tseyela gedimo mmereko wo mong wa lona a le neyyeng la boya la mmerekela le šwennye. Ke sona so se le tšhofiyeng gore le tswadise ka ditalente tse dingwana ka dipedi. Mong wa lona o yye a le neya patela ka taba la gore le karakariye ka matla la boya la ro bhahla. Ke mo a jabodiye ka matla, a le thanaka a boya a re o nyoko le neya mebereko ye mengwana ya go feta wowa!

11. Re ka maka byang gore re nape re jabola ka matla?

¹¹ Le rune re ka maka gore re nape re jabola ka matla mo re ka tsika ga mmereko wo mongwana  le wo mongwana wa gore ba re neyye wona ka ho ga Jehova. “Napa [o] tshwaragana” ka mmereko wa go tšhomayela fote o karakare ga mebereko ya phutego. (Meber. 18:5; Maheb. 10:24, 25) O lukiselele gabutši mo o ya megahlanong ya phutego gore o thogo tiyisa ba bangwana mo o fetola ga tso le ko bang le di tšhuta. Mo nkare ba go neyye gore o tle o beye polabolo ga mogahlano wa gare ga beke, o sa yi tseyele fase. O tshware nako mo ba go kgopele gore o gelepe ka se sengwana ka phutegong, fote o sa fo dumela mara o sa make. Ga mmereko wo mongwana le wo mongwana wo ba go neyang wona, o sa tseye nkare ba kgana ka wene. Karakara gore o be segele ga mmereko wago. (Diy. 22:29) Mo o ka tsika ga mebereko yo o yi makelang Jehova, senghana sago naye se nyoko hluhlutela fote o nyoko napa o jabola ka matla. (Magal. 6:4) O nyoko bona di sa thathafe go jabola le ba bangwana mo ba ba neya mmereko wa gore ke mo o wo nabela.—Marom. 12:15; Magal. 5:26.

12. Dihlatse ka dipedi di makiye ying gore di nape di jabola ka matla?

¹² Ayitsano o sa mo gopola ga Melissa, mogageru yela wa mosadi wa gore ke mo a nabela go bereka Bethele kela go ya ga Sekolo sa Batšhomayedi ba Mmušo? Di ka sa sa kgonega gore a ye, mara theetsela gore o re king: “Ke karakara ka matla ga mmereko waka wa go ba mošupatsela fote ke liketsa go berekisa mekgwa ye mengwana ka moka ya go tšhomayela. Tsotsone di makiye gore ke jabole ka matla.” Nick yene o makiye ying mo ba sa mo kgete gore go be lelata ka ho phutegong? O re: “Ke lebelele ka matla ga mebereko yo ne nka kgona go yi maka, ya go tshwana le go ya tšhomong le gore mo ke le megahlanong ke fetole diphetolo tsa go tikisa pelo. Ke yye ka tlatsa le fomo ya go kgopela gwe bereka Bethele, ka mongwaga wa go latela ba mpitsa.”

13. Go nyoko makega ying mo o ka tsika ga mmereko wago wa gana byalo? (Mmolabodi 2:24)

¹³ Ayitsano mo le wene o ka tsika ga mmereko wago wa gana byalo, ba nyoko go neya mebereko ya go tlala ku mahlong? Di ka makega, go tshwana le ga Nick. Mara mo di sa makege, le wene o nyoko tshwana le Melissa, o nyoko jabola ka matla wa boya wa kgotsofatsa ke tso o kgonang go di makela Jehova. (Bala Mmolabodi 2:24.) Go tokegela gana hone, a re kamake gore o nyoko jabola ka matla mo o tšiba gore tso o liketsang go di maka di jabodisa Mong wa rune, Jeso Kreste.

14. Ga tso re nyakang go di segelela ga tso tsa Modimo, a di nyake re lebala ying?

¹⁴ Mo ba re o beye lihlo la ntšhotšhonono ga tso o di makang gana byalo, ayitsano di rela gore o sa sa tihlupa ka go nyaka go maka tse dingwana ga mmereko wa Jehova? Le ka gonyana! Di nyaka re tipeyele tso re nyakang go di segelela tsa gore di nyoko re gelepa gore re be digele mo re le tšhomong re boye re gelepe magageru. Re nyoko phomelela mo re ka hlalefa ra boya ra tinyanafatsa gore re thogo hlupega ka matlamatla ka go gelepa batho ba bangwana, re sa lebelele rune re le ntoši.—Diy. 11:2; Meber. 20:35.

15. Ke dilo difeng tse dingwana tsa gore o ka tipotsa gore o nyaka go di segelela gore o nape o jabola ka matla?

¹⁵ Wene o ka nabela go segelela ying? Kgopela Jehova a go gelepe gore o thogo bona gore king sa gore wene o ka kgona go se segelela. (Diy. 16:3; Jak. 1:5) Nje o ka sa liketse go segelela tsa go tshwana le tso di leng ga  serele sa mathomo sa hlogotaba yowa, go tshwana le go ba mošupatsela wa go gelepa kela wa nako ka moka, go bereka Bethele kela go gelepa go yaga meyago ya go yelana le tsa Modimo. Kela o ka tšhuta mmolabolo wo mongwana gore o thogo tšhomayela ditaba tsa go bafala ga batho ba go tlala kela ga poleke ye nngwana. O ka tšhuta gore dilo tsowa o ka di segelela byang ga puku  ya Go Rulaganyetšwa go Dira Thato ya Jehofa ga tema 10 wa boya wa bolabola le bagolo ba phutego ya lune. * Mo o kene o karakara gore o segelele dilo tsone, di nyoko ba lekgwaying le ga batho ba bangwana gore o kene wa butšwa fote o nyoko jabola mong go jabola.

16. O ka maka byang mo nkare gana byalo wa šitega go segelela tso o tipeyeleng tsona?

¹⁶ Mara o ka maka byang mo nkare gana byalo o ka sa kgone go segelela tso re di hlayyeng ka howa kgakala? Nyaka se sengwana sa gore o ka fo ba o tshwaraganne ka sona, sa gore o ka kgona go se segelela. Tse dingwana tsa gona ke tso ka ho tlase.

17. Thimothi wa Mathomo 4:13, 15, yi re mogageru wa monna a ka maka byang gore go be segele sa go tšhutisa?

¹⁷ Bala 1 Thimothi 4:13, 15. Mo nkare ke wene mogageru wa monna wa gore o kolobetsiwwe, karakara gore o lokotše mabolabolelo yago le matšhutiselo yago. Ke ntaba? Ka taba la gore mo o ka ‘napa o ro kenelela’ ga mabalelo, mabolabolelo le matšhutiselo yago, o nyoko gelepa bo ba go theetselang. Tipotse gore taba ye nngwana le ye nngwana yo yi leng ga sepukwane sa Karakara mo o Bala le mo o Tšhutisa o nyaka go yi maka gabutši. Maka ka yyoši, yi make gatleletlele o le gaye o boye o liketse go yi berekisa mo o beya polabolo. Kgopela ye a le yeletsang ka tse dingwana kela bagolo ba bangwana “ba gore baa karakara mo ba bolabola le mo ba tšhutisa” gore ba go yetetse. * (1 Thim. 5:17) O sa berekele go fo re o kgone go maka so se leng ga sepukwane sone, mara o makele go  gelepa bo ba go theetseleng gore ba tiyise tumelo ya bona kela o ba hlohletsele gore ba berekise so ba se tšhutiyeng. Mo o ka maka ka mokgonone, o nyoko maka gore wene le bona le nape le ro jabola ka matla.

18. Re ka gelepa king gore re segelele tso re nyakang go di segelela tšhomong?

¹⁸ Mmereko wa go tšhomayela le wa go maka malata ke wa rune ka mokana ga rune. (Mat. 28:19, 20; Marom. 10:14) Ayitsano wa di nyaka go lokotša matšhutiselo yago ga mmereko wowa wo mogolo? Tipeyele tso o nyakang go di segelela mo o kene o tšhuta o boya o berekisa tsa gore di ga sepukwane sa Tšhutisa. O ka kraya tse dingwana tsa gore di ka go gelepa ga Sepukwane sa Mogahlano wa Maphelelo le Matšhomayelelo ya Rune ya Sekreste le ga dividiyo tsa dipolabodisano tso re ka di kopang tsa gore ba di šupetsa ga megahlano ya gare ga beke. Liketsa go berekisa mekgwa ya go sa tshwane gore o thogo bona gore wene o berekela ke wofeng. Mo o ka di berekisa dilo tsowa, a re kamake gore o nyoko jabola mong go jabola ka taba la gore o ko ba o le Mokreste wa gore ke segele sa go tšhomayela le go tšhutisa.—2 Thim. 4:5.

19. O ka maka byang gore o be le mekgwa ya Sekreste?

¹⁹ Mo o tipeyela tso o nyakang go di segelela, o sa lebale gore se segolo sa gona ke go ba le mekgwa ya gore yi jabodisa Modimo. (Magal. 5:22, 23; Makol. 3:12; 2 Pet. 1:5-8) O ka di maka byang? Tla re fo tseya gore o nyaka go tiyisa tumelo yago. O ka bala dihlogotaba tsa gore di ka dipukung tsa rune tsa go šupetsa gore o ka maka byang gore o tiyise tumelo yago. Di ka go gelepa le mo o ka lebelela tso di leng ga Setiši sa JW tsa go šupetsa magageru ya gore re ka tseyela ga wona ya gore ma yye ma fo ngangarela tumelo le mo go thathafa. Ke mokane o tiputsise gore wene o ka šupetsa ka ying mo o kene o phela gore o na le tumelo ya go tshwana le ya magageru yane.

20. Re ka maka byang gore re nape re jabola ka matla fote re pome go kgongwela?

²⁰ A re kamake gore ka mokana ga rune re nyaka go makela Jehova tse dingwana tsa go tokegela ga tso re mo makelang tsona gana byalo. Ga lefase la Modimo la nyuwane re ko di kgoneng go mmerekela ka go felegelela. Mara gana byalo, mo re ka berekisa se sengwana le se sengwana sa gore re naso, re ka yeketsa ga tso di re jabodisang ke mokane ra poma go kgongwela. Se segolo ka matla ke gore re nyoko ba re hlompa re boya re thanakisa Jehova, “Modimo [wa rune] wa gore o jabodiye.” (1 Thim. 1:11) Byalo tla re makeneng gore mebereko yo re nang nayo yi re natefele!