1. Go ka makega ying ka rune mo re kgongwela?

KA MOKA matšatši re gahlana le tsa go re ghula fote re maka so re ka se kgonang gore re tiyisele. Mara a di lula gore re tiyisele mo re kene re kgongwele. Byalo di nyaka re tseya go kgongwela go tshwana le sekgohlane sa gore se ka yetswa lešiši le mojabolo wa rune. Diyema 24:10 le setwaba yi re: “Mo o ka kgongwela ka matla ka dinako tsa mo go bifiye, matšhika yago ma nyoko pomega.” Nnete ke gore, go kgongwela go ka re tapa matšhika ya re ka ma hlokang gore re thogo hlula mathatha ya lephelo.

2. King so se ka makang gore re tikwe re kgongwela fote re nyoko petapeta ka ying ga hlogotaba yowa?

² Di tlele tso di ka re kgongwetsang—tse dingwana dya bonala mara tse dingwana a di bonale. Ga tso di ka re kgongwetsang re tšhela le, go sa yenela, go kekemisa le bokoka. Fote di ka rela mo motho a sa kraye mmereko wo a nyakang wona ka mo ga Jehova kela go tšhomayela ga tšhomo ya gore batho ba gona a ba nyake molayetsa wa rune. Ga hlogotaba yowa re nyoko lebelela dilo tso re ka di makang gore re thogo hlula go kgongwela.

3. King so se ka re gelepang gore re sa kgongwetse ke go sa yenela ga rune?

³ Di lula gore re dulele go tisolasola ka taba la go sa yenela ga rune le ka taba la tsa go kekema tso re yyeng ra di maka. Ka taba la tsa go kekema tso re yyeng ra di maka re ka feleletsa re nagana gore Jehova a ka sa re yamogele lefaseng lage la nyuwane. Go tseya dilo ka mokgonone go ka re kwaletsa. Di nyaka re tseya go sa yenela ga rune ka mokgo mang? Baebele yi re, batho ka mokana ga bona “ba sinnye” go fo ba Jeso Kreste a ntoši. (Mrm. 3:23) Mara Ye a ngwadiyeng Baebele aa kwane le go nyakolla tsa go kekema. Ke Papa wa go re nyaka ka matla fote o nyaka go re gelepa. Fote o lefisa pelo. Wa di bona gore ba go tlala ba rune re garagara ka matla gore re hlule go maka dilo tsa go kekema le go  dulela go tiyahlula fote o tikemisele go re gelepa.—Mrm. 7:18, 19.

4-5. Johane wa Mathomo 3:19, 20, yi re ke ntaba magageru yawa ka mabedi ya basadi ma sa yikela go kgongwela?

⁴ Tseya ka mešupetso ya Deborah le Maria. * Mo a kene a sa gola, Deborah o yye a sa tshwariwi gabutši. Ne ba sa tlwayele go mo thanaka. O yye a thomisa go titseya go le motho wa go sa re selo. Mo a kekemisiye ka gonyana, ke mo a kwa nkare a gona selo so a kgonang go se maka gabutši. Maria le yene ke mo a ghula ke tsa mošaga wonone. Ka mokgo mašaga yage ne ma mo tshwara ka gona ke mo di mo tšebisa. Taba yone yi mo makiye gore a tikwe yi se selo. Le ka nthago ga mo a šele a kolobetsiwwe, ke mo a kwa nkare a di mo tshwanele go bitsiwa ka lebitso la Modimo!

⁵ Le mo go le ka mokgonone, magageru yawa ya basadi a sanka ma lesetsa go berekela Jehova. Ke ntaba mara? Ma yye ma fošela ka mokana ga tsona tsa go roba ga Jehova, ka go rapela ma šwennye. (Pis. 55:22) Ma yye ma thomisa go tshepa gore Papa wa rune wa ku legedimong wa go re nyaka ka matla wa di tšiba gore tsa go kekema tso re di makiyeng ku botala dya re kgongwetsa. Fote o bona tsa gabutši tso di leng ka ku teng ga dipelo tsa rune, go leng mekgwa ya gabutši ya gore le rune beng a re kgone go yi bona.—Bala 1 Johane 3:19, 20.

6. Mo motho a boyela a maka tsa go kekema fote a ka tikwa byang?

⁶ Motho wa gore o garagara ka matla gore a hlule tsa go kekema tso a tlwayeleng go di maka, di ka makega gore a boyele ga tsona ke mokane dya maka gore a kgongwele. Nnete ke gore, a di makatse mo re fela re kokona ke lekwalo mo re sinnye. (2 Makor. 7:10) Mara a di nyake re šinya re tipotsa gore re batho ba go sa loka re boya re nagana gore: ‘A go na so re kgonang go se maka gabutši. Jehova a ka sa tsoge a ntshwarele.’ Taba yone a yi nnete fote yi ka maka gore re lesetse go berekela Jehova. O sa lebale gore Diyema 24:10, yitseri—matšhika ya rune ma nyoko pomega mo re kgongwele. Byalo di kawone go “lukisa ditaba” le Jehova ka go šutela thina gage ka thapelo o mo kgopele gore a go tshwarele. (Jes. 1:18 ) Mo Jehova a bona gore wa resa mo o re wa tisola le gore o tikemisele go tšhentšha, o nyoko go tshwarela. Go tokegela gana hone, ariye ga bagolo. Ba nyoko go gelepa ba lefisiye dipelo gore o be le senghana sa gabutši le Modimo fote.—Jak. 5:14, 15.

7. Ke ntaba di sa nyake re kgongwela mo nkare go ba ntshitshire gore re make dilo gabutši?

⁷ Jean-Luc, wa gore ke mogolo ku Fora, o re ga bo ba go hlupa ke go maka tsa go kekema: “Motho wa go loka ga Jehova a yi wa gore aa na mo a kekemisang gona, mara ke motho wa gore wa tisola mo a kekemisiye.” (Mrm. 7:21-25) Byalo o sa nagane gore a yi wene motho  wa selo mo nkare ke ntshitshire gore o lesetse go maka tsa go kekema. O sa lebale gore aa šiyo le ka wweši ho ga rune wa gore o lukiye ka matla mahlong ga Modimo. Ka mokana ga rune re ya nyaka gore Modimo a re kwele go baba a berekisa sehlabelo sa go lepolla. —Maef. 1:7; 1 Joh. 4:10.

8. Mo re kwa re kgongwele, re ka ya ga bomang gore ba re gelepe?

⁸ Magageru ya ka ho phutegong ma ka re tiyisa! Ma nyoko re theetsela mo re nyaka go bolabola fote ma nyoko re botsa mantsu ya gore ma nyoko re tiyisa. (Diy. 12:25; 1 Mathes. 5:14) Mogageru wa mosadi ye ba reng ke Joy wa ku Nigeria, wa gore le yene o yye a hlupa ke taba ya go kgongwela, o re: “Ne nko ba ke le ying nje mola ke se na magageru? Mo magageru ma ntiyisa, tsotsone di napiye di nšupetsa gore Jehova o fetodiye merapelo yaka. Fote ke tšhutiye ga magageru gore mo ke bona ba bangwana ba gore ba kgongwele nka ba tiyisa byang.” Re sa lebale gore magageru ma ka sa dule ma di tšiba gore re nyaka go tiyisiwa. Byalo di nyaka rune beng re ye ga mogageru wa gore o butšwiye ke mokane re mo kgopele gore a re gelepe.

9. Pisalema 41:3 le 94:19, yi re tiyisa ka mokgo mang?

⁹ Jehova a ka go tiyisa. Mo re sa titsose kela ka matlamatla mo nkare re hlupa ke bolwele bya gore a bo fole, go ka ba ntshitshire go nagana dilo tsa gabutši. Le mo Jehova gana byalo a sa re fodisi ka mohlolo, mara wa re kgomoletsa fote a boya a re neya matšhika ya gore re thogo tiyisela. (Bala Pisalema 41:3; 94:19.) Mo re beyisa, a ka hlohletsela magageru gore ma tle ma re gelepe go maka mmereko wa ka ho gaye kela go reka reka. A ka hlohletsela magageru gore ma rapele le rune. Kela a ka maka gore re gopole dilo tsa gore di ka re kgomoletsa tsa go tšwa Lentsung lage, tsa go tshwana le tshepo ya go kraya lephelo la go yenela la go se na malwele le tsa go baba, ga lefase la nyuwane lo le saga tlang.—Mrm. 15:4.

10. Ke ntaba Isang a sa dulela go kgongwela ka nthago ga go kraya kotsi ya koloyi?

¹⁰ Isang, wa gore o dula Nigeria, o yye a kraya kotsi ya koloyi ke mokane a šala a thwadiye. Togotela yage yi mmutsiye gore a ka sa sa di kgona tsa go sepela fote. Isang o yitseri: “Pelo yaka ne yi baba fote moya waka wo le fase.” Mara ayitsano o yye a fo dula a kgongwele? Dho! O yye a gelepa king? Isang o re: “Nna le mosadi waka a sanka ra lesetsa go rapela Jehova le go bala Lentsu lage. Fote ke mo re tikemisele go jabolela tso re nang natso, go tokegela le tshepo ya rune ya lephelo lefaseng la nyuwane la Modimo.”

11. Cindy o yye a kraya mojabolo ka mokgo mang nakwela a lwala ka matla?

¹¹ Cindy, wa gore o dula Mexico, ke mo a kenne ke bolwele bya gore bo ka mmolaya. King so a yyeng a se maka gore a thogo tiyisela? Mo a kene a yalafiwa, so ne a nyaka go se segelela ke go tšhomayela letšatši le lengwana le lengwana. O re: “Tsotsone di n’gelepiye gore ke thogo ba le taba ka ba bangwana, ke sa dulele go nagana ka ophareyišene, ka mokgo ke kwang go baba ka gona kela ka mokgo ke sa titsoseng ka gona. Ke yye ka maka dilo ka mokgo: Mo nkene ke bolabodisana le ditogotela kela dinese, ne ke di butsisa ka ba mutši wa tsona. Ke mokane ka butsisa gore ke ntaba ba kgetiye mmereko wa go hlupa so. Ka nthago ga mone, ke mo di fo ba lula go kgeta hlogotaba ya gore yi ka tikisa dipelo tsa bona. Ba go tlalanyana ba bona ba hlayye gore a ba tlwayela gore molwele a ba butsise gore, ‘Le tsugiye byang?’ Fote ba go tlala ba yye ba leboga gore ke hlupega ka bona. Ba bangwana ba yye ba nneya dinombhoro tsa fowunu kela mo nka ba krayang gona. Ke mo ke di tšiba gore Jehova o nyoko n’gelepa gore ke thogo tiyisela dinako tso tsa go thathafa, mara sa go makatsa ke  mojabolo wa go sa hlayisege wo a yyeng a nneya wona!”—Diy. 15:15.

12-13. Ba gore ke dikoka le ba gore ba tsofele ba yye ba maka byang gore ba thogo go ya mahlong ba tšhomayela, fote maphomela ya gona ke mafeng?

¹² Dikoka kela bo ba gore ba šele ba gudiye ba ka tikwa ba kgongwela ka taba la gore a ba sa kgona go tšhomayela ka mokgo ba nyakang ka gona. Le mo go le ka mokgonone, ba go tlala ba bona ba krayye ditsela tsa gore ba thogo tšhomayela. Ku United States, mogageru wa mosadi ye ba reng ke Laurel, o yye a dula teng ga motšhene wa go mo gelepa gore a thogo wona 37 ya mengwaga! Fote ke mo a na le khensa, diophareyišene le bolwele bya letlalo. Mara le mo a yye a hlakana le dintshitshire tsa go sa hlayisege, a sanka dya mo maka gore a lesetse go tšhomayela. O yye a tšhomayelela dinese le ba bangwana ba go bereka sepetlele ba gore ba tlile mutšing wage. Go yye gwa feleletsa kaye? O yye a gelepa gana hala ga 17 ya batho gore ba tšibe nnete ya Baebele! *

¹³ Richard, wa gore ke mogolo ku Fora, o na le se sengwana sa gore se ka gelepa bo ba gore a ba kgone tšwa dintlong tsa bona kela bo ba dulang mo ba pasopang ba go sa titsose. “Ke bona di le gabutši go beya dikgatiso mo di ka bonang ke batho. Mo batho ba feta ba nyoko di bona ke mokane ba butsisa ka tsona. Tsotsone di ka tiyisa le magageru ya gore a ma kgone go ya ka mutši ka mutši.” Bo ba gore a ba kgone go tšwa ka gaye ba ka tšhomayela ba berekisa mangwalo kela le difowunu.

14. Ke mošupetso wofeng wa gabutši wo wo makiyeng ke Kgoši Dafita?

¹⁴ Re ka sa kgone go maka mebereko ye mengwana ka ho ga Jehova ka taba la go tsofala, bokoka kela tse dingwana. Mo nkare re ga seyemo sa mošaga wonone, re ka tšhuta ga Kgoši Dafita. Mo ba mmotsa gore a yi yene ye a nyoko yagang tempele ya Modimo, Dafita o yye a fo thega ye Modimo a mo hlawodiyeng gore a make mmereko wone. Dafita o yye a boya a neyela ka matla ga mmereko wone. Nnete wone ke mošupetso wa gabutši wo re ka wo latelelang!—2 Sam. 7:12, 13; 1 Dikor. 29: 1, 3-5.

15. Hugues o yye a hlula go kgongwela ka mokgo mang?

¹⁵ Mogageru ye ba reng ke Hugues wa gore o dula Fora, ka taba la go lwala le go sa sa kgona go maka mmereko wa gore wo lula ka mo gaye, o yye a lesetsa go bereka go le mogolo. O ngwadiye gore: “Ke yye ka thomisa ke tikwa ke kgongwele ka matla fote ke fo ba morwalo. Mara mo nako yi kene yi ya, ke yye ka bona di mperekela go yamogela seyemo saka, fote le mo go na le tsa go nkgerela ne ke dula ke jabolela go berekela Jehova. Ke tikemisele go sa šepisi. Go fo tshwana le Ghidiyoni le 300 ya banna bo ne a bereka nabo—ka mokana ga bona ne ba tinnwe—nka sa lahle tewu!”—Bay. 8:4.

16. Re ka tšhuta ying ga mošupetso wa mangeloyi?

 ¹⁶ Mangeloyi ya go tshepega ke mošupetso wa gabutši. Ka dinako tsa mo go sa lawola Kgoši Ahaba, Jehova o yye a butsisa mangeloyi gore ba ka lahletsa kgoši yo ya pelo ye phifadu ka mokgo mang. Mangeloyi ya go tlala ma yye ma tla ka dipolane. Mara Modimo o kgetiye lengeloyi ka lloši ke mokane a le botsa gore polane ya lona yi nyoko bereka. (1 Mag. 22:19-22) Ayitsano mangeloyi ya mangwana ya go tshepega tsotsone di yye dya ma kgongwetsa ma fetsa ka gore, ‘Ne ke sa tihlupela ying?’ A go na so se šupetsang gore ma tikwile ka mokgonone. Mangeloyi ma tinyanafatsiye tsa mannete fote ma nyaka go thanakiwe Jehova.—Bay. 13:16-18; Kut. 19:10.

17. Re ka maka ying mo nkare re kgongwetsa ke gore go na le mmereko wo mongwana ka ho ga Jehova wa gore a re wo kraye?

¹⁷ O sa lebale gore selo so re nang naso sa go tseyediwa gedimo ke go bitsiwa ka lebitso la Modimo re boya re sabalatsa ditaba tsa Mmušo wage. Mmereko ka ho ga Jehova wa tšhentšha-tšhentšha, mara a yi mmereko wone wo makang gore Modimo a re tseyele gedimo. Ke mo o tšiba tso o ka kgonang go di maka o boye o tinyanafatse gore Jehova le magageru ba thogo go nyaka ka matla. Byalo, kgopela Jehova a go gelepe gore o dule o tšiba tso o ka kgonang go di maka fote o tinyanafatse. Sekela ga mešupetso ya gabutši ya ba bangwana ya go tšiba tso o ka kgonang go di maka le go tinyanafatsa yo yi krayegang Baebeleng. Tikemisele go makela magageru tsa gabutši ka mokgo o ka kgonang.—Pis. 138:6; 1 Pet. 5:5.

18-19. O ka jabolela mmereko wa tšhomo byang le mo batho ba tšhomo yo le yi berekang ba sa jabolele?

¹⁸ Ayitsano taba ya gore batho ba tšhomo yo le yi berekang a ba jabolele fote a le ba kraye yi fela yi go kgongwetsa? Ga seyemo sa mošaga wonone, re ka maka ying gore re dule re jabodiye? Tse dingwana tsa gore di ka gelepa di krayega ga lebhokisi la gore “ Ka Mokgo o ka Krayang Mojabolo mo o le Tšhomong.” Fote di gabutši ka matla gore re lukise ka mokgo re tseyang mmereko wa tšhomo. Tsotsone di nyaka re maka ying?

¹⁹ O sa šepisi ga mmereko wa go sabalatsa lebitso la Modimo le Mmušo wage. Jeso o yi beyye  lekgwaying gore a yi ba go tlala bo ba nyoko mo latelelang. (Mat. 7:13, 14) Mo re le tšhomong, le rune re tikwisa ka go bereka le Jehova, Jeso le mangeloyi. (Mat. 28:19, 20; 1 Makor. 3:9; Kut. 14:6, 7) Jehova ke yene a gogang bo a ba nyakang. (Joh. 6: 44) Byalo, mo nkare motho aa jabolele molayetsa wa rune gana byalo, di ka makega gore a wo jabolele nakong ye tlang.

20. King so Jeremiya 20:8, 9 yi ka re tšhutisang sona gore re thogo hlula go kgongwela?

²⁰ Re ka tšhuta tsa go tlala ga moporofeta Jeremiya. Tšhomo yo ne a tshwanele a bereke yona ke mo yi thathafisa mohlolo. Batho ke mo ba mo rogelela le go mo kwera “letšatši ka moka.” (Bala Jeremiya 20:8, 9.) O yye a kgongwela la go šinya a nyaka go lahla tewu. Mara aa di maka tsotsone. Ke ntaba? “Lentsu la Jehova” ke mo le tshwana le mollo ka teng ga Jeremiya, aa di kgona tsa go fo kgomolela! Go fo ba ka mokgonone le ga rune mo re bala Lentsu la Modimo. Nka taba lo le rune re balang Baebele ka moka matšatši re boya re ghayela ka tso re di balang. Tsotsone di ka feleletsa ka gore re jabole tsa nkare ke moka, fote batho ba go tlala ba ka thomisa go theetsela molayetsa wa rune.—Jer. 15:16.

21. Re ka maka byang gore re teye re feta mo go ka ba le sa go re kgongwetsa?

²¹ Deborah ye go bolabodiwweng ka yene o re: “Segale so Sathane a se berekisang ke go kgongwela.” Mara segale sa Sathane go fo ba lephephe ga Jehova Modimo. Byalo, mo o kwa o na le sa go go kgongwetsa llela Jehova gore a go tiyise. O nyoko go gelepa gore o hlule le mo o sa yenela fote go na le mo o kekemisang gona. O nyoko go thega mo o lwala. O nyoko go gelepa gore o dule o kgotsofatsa ke mmereko wo o wo makang ho ga Jehova. Fote o nyoko go gelepa gore o tseye mmereko wa tšhomo gabutši. Byalo, kgotolela Papago wa legedimong o mmotse ka mokgo o tikwang. O nyoko go gelepa gore o thogo hlula go kgongwela.