Bhayibele yi fo napa yi di beya lekgwaying gore Jehova wa di kgona go hlaya dilo tsa gore di sa nyoko makega. (Jes. 45:21) A yi nape yi hlaya se sengwana le se sengwana ga taba ya gore o di maka byang tsotsone le gore o di maka leng kela le mong gore o kgeta go tšiba tsa go segela kaye. Le rune re ka sa nape re hlaya tsa go tlala ga dilo tsa mohlobo wonone. Mara bona ditaba tse dingwana ke tso.

Jehova aa šiti ke selo, ga tse dingwana o fo kgeta go tikgerela. O hlalefiye la go sa hlayisege, byalo a ka sa šitege go hlaya gore go nyoko makega ying ka selo se sengwana le se sengwana so a se kgetang. (Rom. 11:33) Tsa go titshwara o di kgona ka matla, fote go gongwana o fo kgeta go sa tšibi gore go nyoko makega ying.—Tshwanisa le Jesaya 42:14.

Jehova o maka gore tso a di nyakang di kgonege. Tsotsone di yelana byang le taba ya gore wa di kgona go hlaya so se nyoko makegang ku mahlong? Jesaya 46:10 yi re: “Ke hlaya di sa ro thoma gore di nyoko felela kaye, fote ke hlaya go sa le botala dilo tsa gore a di soko makega. Ke re, ‘Sepheto saka se nyoko fo ba ka mokgonone, fote ke nyoko maka se sengwana le se sengwana sa gore se jabodisa nna.’”

Byalo, se sengwana sa go maka gore Jehova a kgone go hlaya dilo di soko makega ke gore wa di kgona go maka gore di makege. A di nyake a maka nkare o ro sikela gore go nyoko makega ying ku mahlong—tsa nkare dilo tsa ku mahlong di šele di makegiye ke mokane Jehova yene o fo ba a di lebelela gore a tšibe ka mokgo di nyoko sepelang ka gona. Mara, Jehova a ka segelela sepheto sa gore selo se nyoko makega ka mokgo mongwana ke mokane a maka gore se makege mo nako yonone yi segela.—Ek. 9:5, 6; Mat. 24:36; Meber. 17:31.

Ke tsona tso di makang gore Bhayibele yi berekise mantsu ya go tshwana le “lukiselele,” “makiye,” le “tiputsiye” mo yi hlatolla so Jehova a se makang ka dilo tse dingwana tsa gore di sa nyoko makega. (2 Mag. 19:25; setw; Jes. 46:11) Mantsu yawa ba ma tsere ga lentsu la mmolabolo wa mathomisong la gore le ra “motho wa go maka ka botsopa.” (Jer. 18:4) Motho wa go maka dilo ka botsopa a ka di kgona go maka bhlompoto ya go bafala ka botsopa, Jehova le yene a ka wolola dilo kela go tšhela letsogo gore a segelele so a se nyakang.—Maef. 1:11.

Jehova wa di hlompa tsa gore batho ba lukulugiye gore ba tikgetele. Aa beye gore a tšibe so se nyoko makegang ka motho ye mongwana le ye mongwana fote a yi yene a makang gore batho ba dipelo tsa gabutši ba make selo sa gore se nyoko ba bolayisa. O lisetsa batho ka mokana ga bona gore ba tikgetele tsela ya bona, fote o ro ba fawa gore ba kgete ya gabutši.

Tla re beyise ka ditaba ka dipedi ke tso. Ya mathomo ke ya batho ba Ninive. Jehova ke mo a hlayye botala gore mutši wowa ba nyoko wo psyitlanya ka taba la gore wo maka tsa go befa. Mara mo batho ba gona ba sokologa, “o yye a lisetsa senyama so ne a re o nyoko ba leyela sona, a sa se leyi.” (Jona 3:1-10) Jehova o tšhentšhiye monagano ga so a se hlayyeng botala ka taba la gore Maninive ma kgetiye go mo theetsela ga Jehova mo a romela molayetsa wa go ba pasopisa.

Taba ya mabedi ke ya seporofeto sa monna wa dintwa ye ba reng ke Sayirasi, wa gore ke mo a nyoko lokolla Majuda bobhantiting ke mokane a re tempele ya Jerusalema ba yi yage ka bonyuwane. (Jes. 44:26–45:4) Kgoši Sayirasi wa Peresiya o makiye gore tso di hlayang ke seporofeto sone di makege. (Ezera 1:1-4) Mara Sayirasi ke mo go se motho wa go rapela Modimo wa nnete. Jehova o berekisiye Sayirasi gore a make gore tso di hlayang ke seporofeto di makege mara a sa mo makisi ka tšhinghi gore o nyaka go rapela mang.—Diy. 21:1.

Ke nnete gore tsowa go fo ba tse dingwana tsa dilo tso Jehova a di makang mo a hlaya tso di nyoko makegang ku mahlong. Nnete ya taba ke gore aa šiyo motho wa gore a ka di kgona go napa a kwisisa gabutši ditsela tsa Jehova. (Jes. 55:8, 9) Mara tso Jehova a kgetiyeng go re thuletsela tsona di tiyisa tumelo ya rune ga taba ya gore o dula a maka tsa gabutši—le ga taba ya mo a hlaya tso di nyoko makegang ku mahlong.