GO TLUGISELA botala, Maisrayele ne ma ntsha tšheleta ya go thega mokgwa wa nnete wa go rapela. Mara tsa go patela mothelo dya thomisa go hlakahlakana ke mokane Majuda ya mangwana ka dinako tsa Jeso ma thomisa go kwa di roba.

Ke mo di nyaka gore Majuda ka mokana ga wona ya gore go šele go le batho ba bagolo ma patele sekopa sa šekele (didrakma ka dipedi) gore ba thege mokgwa wa nnete wa go rapela Modimo ga poleke ya go hlawolega. Ku botala, tšheleta yone ne ba yi berekisela go pasopa tempele ya gore yi yagiye ke Heroda le go thega mmereko wa go maka dihlabelo. Majuda ya mangwana ma yye ma butsisa Petro gore Jeso yene o yema kaye ga tsa go patela mothelo, mara Kreste aa phigisana nayo taba yone. Gabutšibutši o yye a ro botsa yene Petro gore a ye tseya tšheleta ya go patela mothelo.—Mat. 17:24-27.

Batho ba Modimo ku botala ne ba tshwanele go ntsha sa lesome, sosone ne se rela gore ba tshwanele go ntsha sa lesome ga tso ba di gašiyeng kela ga mogolo wa bona. (Lef. 27:30-32; Dip. 18:26-28) Baruti ke mo ba maka gore batho ba ntshe sa lesome ka tšhinghi le ga merogo ka moka, le mong ga “minti, dhili, le khiyumini.” Jeso aa yi sola taba ya go ntsha sa lesome, mara o yye a hlaya gore bamangwalo le Mafaraseyi ke mo ba kekemisa ga molawo wowa wa go ntsha sa lesome.—Mat. 23:23.

Mara ka nako yone ne go lawola Maroma, byalo Majuda ne ma tshwanele go patela methelo ya go tlala. Ga methelo yonone ne go na le wa bo ba nang le naga, fote ne ba ka patela mothelo wone ka tšheleta kela ka phahlo ya bona. Fote ne ba tshwanele go ntsha 20 go segela ga 25 ya diphesente ga tso ba di bunang ga naga ya bona. Ke mo ba na le se sengwana sa gore ke mothelo wa go patela ke Lejuda le lengwana le le lengwana. Ke wona wonone mothelo wa gore Mafaraseyi ke mo ma butsisa Jeso ka wona. O yye a šupetsa ka mokgo re tshwaneleng go tseya taba ya go patela mothelo mo a re: “Patelaneng Kesara dilo tsa Kesara, le Modimo le mo pateleneng tsa Modimo.”—Mat. 22:15-22.

Ne go na le mothelo wa mo go kena kela go tšwa dilo hone nageng. Mothelo wone ne wo kolekiwa mo dikepe di yemang gona, mabhrogong, mo ditsela di gahlanang gona kela mo go keniwang gona ditoropong kela mmakete.

Mothelo wo ne wo patela ke batho mo go lawola Maroma ne wo roba ka matla. Morene mongwana wa Leroma wa go nyakolla tsa ku botala ye ba reng ke Tacitus, o re mo go lawola Tiberius nakwela Jeso a le ho lefaseng, “Siriya le Judiya di yye dya kgopela gore ba di pomele mothelo ka taba la gore ne wo roba.”

Mokgwa wo ne ba koleka methelo yone wo makiye gore morwalo wowa wo nape wo roba ka matla. Mo motho a ka ntsha tšheleta ya go tlala, ke mo ba ka neya yene mmereko wa go koleka mothelo. Bo ba ntshiyeng tšheleta ya go tlala, ne ba nyoko bolabola le ba bangwana gore ba ye ba koleke ke mokane ba ghwinya tšheleta ya batho. Di šupa nkare Zakhiyase le yene ne a na le batho ba go mo kolekela. (Luk. 19:1, 2) Di napa di ro kwagala gore batho ke mo ba maka king mo ba silikisa ke taba yowa fote ke mo ba tshwatisa ke batho bo ne ba tla ga bona ba tl’le koleka mothelo.