1. Ke ntaba Jeso a kgopele Jehova gore a pasope malata yage?

KE MO go le bošego bya Jeso bya mafelelo ho lefaseng, byalo ke mo a naganne ka dilo tso ne di nyoko tlela malata yage. Jeso ke mo a ba nyaka ka matla banghana bo bage, byalo a kwa di mo tšhofa gore a kgopele Papage gore a ba “pasope ka taba la wa pelo ye phifadu.” (Joh. 17:14, 15) Jeso ke mo a di tšiba tsa gore mo a fetsa go sologa a ya legedimong, Sathane Diyabolo o nyoko lwa le motho ye mongwana le ye mongwana wa go nyaka go berekela Jehova. Di fo ba lekgwaying gore batho ba Jehova ne ba ko nyaka go pasopiwa.

2. Re maka king gore re di tshepe tsa gore Jehova o nyoko re fetola mo re mo rapela?

² Jehova o mo nyaka ka matla ga Jeso, byalo ke mo a mo fetola ga Morwayi yewa wage mo a rapela. Mo re karakara gore re jabodise Jehova, le rune o nyoko re nyaka, a boye a re theetsele mo re kgopela gore a re gelepe le go re pasopa. Jehova o tshwana le Papa wa gore aa nyake go kwa selo ka ba mutši wage, a ka sa lesetse go pasopa bana bage. Mo a ka sa re pasope, tsotsone di ka sinya lebitso lage le ka mokgo a tšibegang ka gona!

3. Ke ntaba re di nabela ka matla gore Jehova a re pasope gana byalo?

³ Re di nabela ka matla gore Jehova a re pasope gana byalo. Sathane ba mo rakiye legedimong, “o fufulele ka matla.” (Kut. 12:12) O makiye gore ba bangwana ba bo ba re hlorisang ba tseye gore ba makela “Modimo mmereko wa go hlawolega.” (Joh. 16:2) Bo ba gore a ba tshepe gore Modimo o gona, ba re hlorisela gore a re make dilo go tshwana le batho ba bangwana. A di na taba gore ba re hlorisela ying, rune a di nyake re hlagasela. Ke  ntaba? Ka taba la gore Lentsu la Modimo le re: “Morena wa tshepega, o nyoko go tiyisa a boye a go pasope ga wa pelo ye phifadu.” (2 Mathes. 3:3) Jehova o re pasopa ka mokgo mang? Re nyoko bolabola ka ditsela ka dipedi gana byalo.

4. Maefeso 6:13-17 yi re Jehova o re neyye ying sa go re pasopa?

⁴ Jehova o re neyye dikobo tsa ntwa tsa gore di nyoko re pasopa ga tso Sathane a re bošang ka tsona. (Bala Maefeso 6:13-17.) Dikobo tsowa tsa go tšwa ga Modimo di tiyye fote di re pasopa ka nnete! Mara di nyoko re pasopa mo re ka di yapara ka mokana ga tsona, re sa di yapole. Kobo ye nngwana le ye nngwana yi yemela ying? Tla re di boneneng.

5. Lepanta la nnete king, fote ke ntaba di nyaka re le tleme?

⁵ Lepanta la nnete le yemela dinnete tso di leng ka teng ga Lentsu la Modimo, Baebele. Re le tlemisa king lepanta lowa? Re le tlemisa ke gore Sathane ke “papa wa matsaka.” (Joh. 8:44) O fetsiye dikete tsa mengwaga a kene a lokotša matsaka yawa yage le go fokola “lefase ka mokana ga lona”! (Kut. 12:9) Mara dinnete tso di leng ka ho Baebeleng di ya re gelepa gore a sa re tshokanye. Lepanta lowa re le tlema ka mokgo mang? Ka go tšhuta nnete ka Jehova, go mo rapela ka “tsa go kwana le Modimo le nnete” le ka go phela ka mokgwa wa go tshepega ga dilo ka moka.—Joh. 4:24; Maef. 4:25; Maheb. 13:18.

6. Sephemo sa dikguba sa go loka king, fote ke ntaba di nyaka re se kgapege?

⁶ Sephemo sa dikguba sa go loka se yemela melawo ya Jehova ya go loka. Ke ntaba di nyaka re yapare sephemo sowa sa dikguba? Akere sephemo sa dikguba se pasopa pelo ya lesole gore ba sa yi hlabe, le ho ga rune sephemo sa dikguba sa go loka se pasopa tso di leng ka ho pelong ya rune, kela borune, gore dilo tsa go befa tsa lefase di sa kene ka ho pelong. (Diy. 4:23) Jehova o nyaka re mo šupetse gore re mo nyaka ka matla re boye re mmerekele ka pelo ya go felegelela. (Mat. 22:36, 37) Byalo Sathane o leketsa go maka gore re be le dipelo ka dipedi, re kwane le dilo tsa ho lefaseng tsa gore di silikisa Jehova. (Jak. 4:4; 1 Joh. 2:15, 16) Mo a bona tsotsone di sa mmerekele, o nyoko re tshosetsa a nyaka re maka tsa go sa kwane le melawo ya Jehova.

7. Re se yapara ka mokgo mang sephemo sa dikguba sa go loka?

⁷ Re yapara sephemo sa dikguba sa go loka ka go yamogela tso Jehova a di hlayang mo a re sowa se lukiye sowa a se ya loka, le go fo maka tsotso a di hlayang. (Pis. 97:10) Ba bangwana ba tseya nkare melawo ya Jehova yi re kgerela ga dilo tsa go tlala. Mo re ka lesetsa go berekisa ditšhiko tsa Baebele, re nyoko ba re tshwana le lesole la go yapola sephemo sa sekguba ntwa yi kene yi ya mahlong, ka taba la gore le tiputsiye gore sephemo sowa se roba ka matla. Tsone go ko ba go le bophokophoko bya mafelelo! Ga bo ba gore ga Jehova ba mo nyaka ka matla, a ba kwi melawo yage ‘yi roba,’ mara ba re ya phonisa.—1 Joh. 5:3.

8. Ba ra ying mo ba re ku mawotong re swinelele go dula re yemele go bolabola ka ditaba tsa go bafala?

⁸ Pawulo o re hlohletsela le gore ku mawotong re swinelele go dula re yemele go bolabola ditaba tsa go bafala tsa go beba. Ka mantsu ya mangwana, di nyaka re dule re yemele go tšhomayela ditaba tsa go bafala tsa Mmušo. Mo re botsa ba bangwana tso di tšwang ka ho Baebeleng, tumelo ya rune ya tiyelela. A yi go jabodisa ga tsona mo re bona batho ba Jehova lefaseng ka mokana ga lona ba lalela gore go thulege mašuba ya go tšhomayela ditaba tsa go bafala mo ba le mmerekong, ba le sekolo, ga tšhomo ya dibhizinisi le mo ba tšhomayela mutši ka mutši, mo ba le ditolo, ba vakašele mašaga, ba bolabola le bo ba ba tlwayeleng, le ka nako yo ba sa kgoneng go tšwa ka magaye.  Mo re ka hlagasela ra lesetsa go tšhomayela, re nyoko ba re tshwana le lesole la go rola dimphašane ka nako ya ntwa, le nyoko kwalela mawoto. Sone se ko maka gore di be lula go le hlasela le boye le šitege go maka tso ndhuna ya lona yi le botsang gore le di make.

9. Ke ntaba di nyaka re tshware legawu le legolo la tumelo?

⁹ Legawu le legolo la tumelo le yemela tumelo ya rune ga Jehova. Re ya tshepa gore tso a re tshepisiyeng tsona o nyoko di maka ka mokana ga tsona. Tumelo yone yi nyoko re gelepa “go tima mesefo ka moka ya go dura ya wa pelo ye phifadu.” Ke ntaba di nyaka re tshware legawu lowa le legolo? Ka taba la gore le ya re pasopa gore re sa kutšetsele ke tso bo ba go kgeloga ba di tšhutisang kela go tshosetsa ke ba go solasola tso re di dumelang. Ho re se na tumelo, re ka sa be le matšhika ya go kganela kgole le bo ba leketsang go re kutšetsela gore re sa theetsele melawo ya Jehova. Mara mo re dula re yemelela tumelo ya rune mo re le mmerekong kela sekolo, di ra gore re tshwere legawu la rune. (1 Pet. 3:15) Mo re dula re gana go tseya mmereko wa go patela ka masaka go le ka taba la gore re ka tšhoga re šitegiye go maka tso re ka di kgonang mo re berekela Jehova, di ra gore re tshwere legawu. (Maheb. 13:5, 6) Mo re berekela Jehova le ho re phigisiwa, di ra gore re pasopa ke legawu la rune.—1 Mathes. 2:2.

10. Lekarapo la go phonisa king, lona re le yaparela ying?

 ¹⁰ Lekarapo la go phonisa ke tshepo yo Jehova a re neyang yona ya gore re ka sa sa kgwa le gore ka mokana ga bona bo ba makang tso a di nyakang o nyoko ba patela. (1 Mathes. 5:8; 1 Thim. 4:10; Tito 1:1, 2) Akere lekarapo le pasopa hlogo ya lesole, le tshepo ya go phonisiwa yi pasopa tsela yo re naganang ka yona. Tsotsone di ra gore king mara? Tshepo yi maka gore re dule re nagana ka tso Modimo a re tshepisang tsona le gore mathatha ya re nang nawo ma sa nape ma re wotisa. Lekarapo lowa re le yapara ka mokgo mang? Ka gore re nagane dilo tsa go yelana le tsa Modimo. Mo re beyisa, a re tshepe makgumo ya gore a ma tshepege, mara re tshepa Modimo.—Pis. 26:2; 104:34; 1 Thim. 6:17.

11. Ba ra ying mo ba bolabola ka sabola yo re yi neyang ke moya wa go hlawolega, fote re yi berekisela ying?

¹¹ Sabola yo re yi neyang ke moya wa go hlawolega ke Lentsu la Modimo, Baebele. Sabola yone yi na le matšhika ya go sega ya tlosa matsaka ka mokana ga wona fote ya maka gore re sa be mabhantiti ya go tšhutisiwa dilo tsa matsaka le mekgwa ya gore yi ka re kwaletsa. (2 Makor. 10:4, 5; 2 Thim. 3:16, 17; Maheb. 4:12) Sabola yowa re yi lokotša ka go titšhutisa Baebele le ka tso re di tšhutisang ke mokgahlo wa Modimo. (2 Thim. 2:15) Go tokegela ga dikobo tsa ntwa, Jehova o re pasopa ka tsela ye nngwana ya go ba le matšhika. Yifeng?

12. Di nyaka re be le ying se sengwana, fote ke ntaba di nyaka re be naso?

¹² Lesole la gore le di tlwayele tsowa tsa go lwa la di tšiba gore le ka sa phomelele mo le ka re le nyaka go lwa ntwa ye kgolo le le ntoši, le nyaka masole ya mangwana gore ma le gelepe. Le rune re ka sa phomelele mo re ka nyaka go lwa le Sathane le malata yage re le ntoši; re nyaka magageru ho thina le rune gore ba re gelepe. Jehova o re neyye “mokgahlo wa magageru” lefaseng ka mokana ga lona ba gore ba tikemisele go re gelepa.—1 Pet. 2:17.

13. Maheberu 10:24, 25 yi re di re gelepa ka ying tsa go ya megahlanong ya phutego?

¹³ Tsela ye nngwana ya go re gelepa ke ya go ya megahlanong. (Bala Maheberu 10:24, 25.) Di ya makega ga rune ka moka gore re fele re tikwa re kgongwele, byalo ka nako yonone megahlano yi maka gore re kwe nkare re ya tiyelela. Mo re kwa magageru ma fetola dilo tsa go tšwa pelong, re thomisa go di kwa gore le rune le rune batho. Dipolabolo tso ditaba tsa tsona di tšwang ka ho Baebeleng le mešupetso ya tsona di re neya matšhika ya go ya mahlong re berekela Jehova. Re tiyisana le magageru mo re bolabola ka ditaba tsa gore dya yagisa mo megahlano yi soko thomisa le mo megahlano yi fediye. (1 Mathes. 5:14) Go tokegela gana hone, megahlano yi re thulela mašuba ya gore re di kwe tsa gore go gelepa batho ba bangwana gwa jabodisa. (Meber. 20:35; Mrm. 1:11, 12) Megahlano yi re gelepa le ka ditsela tse dingwana. Ya re lokotša gore re thogo ba digele tšhomong. Mo re beyisa, re tšhuta ditsela tsa go berekisa Lebhokisi la go Tšhutisa gore re thogo phomelela. Byalo, lukiselela gabutši barena mo o ya megahlanong ya phutego. Mo o le megahlanong yone, theetsela gabutši. Mo megahlano yi fela, o berekise tso o di tšhutiyeng. Mo o maka tsotsone, o nyoko ba “lesole la gabutši la Kreste Jeso.”—2 Thim. 2:3.

14. Re gelepa king se sengwana?

¹⁴ Se sengwana sa go re gelepa ke mogoba wo mogolo wa mangeloyi ya go ba le matšhika ya magolo. Tinaganele nje gore lengeloyi ka lloši le ka maka ying! (Jes. 37:36) Byalo nagana mo yi šele yi le mogoba wo mogolo wa mangeloyi gore ma ka maka dilo tse dikgolo go segela kaye. A go na motho le ka wweši kela lesole la gore le ka lekana le masole ya Jehova ya go ba le matšhika. Taba yi ka mokgo, mo Jehova a le ho thina le Hlatse ka yyoši ya go tshepega, mangeloyi ma fo ba ka ho le ka ho ga yona, yi ka sa ro makegela  ke selo le ka ssoši. (Bay. 6:16) Go fo ba ka mokgonone! Tsotsone o sa di lebale mo o kwa o hlagasedisa ke sa gore se bolabola kela se maka ke ye o berekang naye, o kenang naye sekolo kela lešaga lago la gore a yi Hlatse. O sa lebale gore ntwa yowa a wo yi lwi o le ntoši. O maka tso Jehova a reng o di make.

15. Jesaya 54:15, 17 yi re ke ntaba batho ba Modimo ba ka sa kgomolele?

¹⁵ Go na le dilo tsa go tlala tso di makang gore lefase lowa la go lawola ke Sathane le kwe re le silikisa. A re kenakene ditaba tsa dipolotiki fote a re yi ntweng. Re botsa batho ka lebitso la Modimo, re ba šupetsa gore Mmušo wa Modimo ke wona wo nyoko leyang lefase la go beba, le gore re latelela melawo ya go loka. A re tšhabe go hlaya gore di be lekgwaying tsa gore ye a lawolang lefase o kotsi ka letsaka fote ke sekgohlane. (Joh. 8:44) Re botsa batho gore di thina ka matla tsa gore go fele ka lefase la Sathane. Mara, Sathane le malata yage ba ka sa make gore re lesetse go tšhomayela. Re ka sa lesetse go thanaka Jehova re berekisa selo se sengwana le se sengwana so re nang naso! Yene o nawo matšhika, mara ke gatlele a teya fase mo a re o leketsa gore ditaba tsa Mmušo di sa segele ga batho ba lefase ka mokana ga lona. Tsowa di maka ke gore Jehova o re pasopiye.—Bala Jesaya 54:15, 17.

16. Ka nako ya motšhatšhamelo wo mogolo, Jehova o nyoko ba phonisa ka mokgo mang ga batho bage?

¹⁶ Re yemele ying ku mahlong? Ka nako ya motšhatšhamelo wo mogolo, Jehova o nyoko berekisa ditsela ka dipedi tsa go makatsa. Ya mathomo ke gore o nyoko phonisa malata yage ya gore maa tshepega mo a maka gore magoši ya lefase ma nape ma fetsa ka Bhabhilona ye Mogolo, dikereke ka moka tsa matsaka. (Kut. 17:16-18; 18:2, 4) Ke mokane, o nyoko phonisa batho bage mo a suwela mawudu ya ma šeleng ya lefase la Sathane ka ntwa ya Aremaghedoni.—Kut. 7:9, 10; 16:14, 16.

17. Di re gelepa ka ying mara ho re dula re le thina ga Jehova?

¹⁷ Ho re dula re le thina ga Jehova, Sathane a ka sa re kwaletse la gore re šitege le go tlogamela. Gabutšibutši, go nyoko rapogana yene, a napa a re ‘tse.’ (Mrm. 16:20) Byalo, yapara dikobo tsa ntwa ka mokana ga tsona, o sa di yapole! O sa leketse go lwa ntwa yowa o le ntoši. Gelepa magagenu. O make tso Jehova a reng o di make. Mo o ka maka dilo ka mokgonone, o sa kamake gore Papago wa legedimong wa gore wa go nyaka o nyoko go tiyisa le go go pasopa.—Jes. 41:10.