1. King selo so batho ba se bonang mo ba tla megahlanong ya rune ya phutego la mathomo? (Lebelela sethombhe.)

 O FO nagana ka monna le mosadi wage ba ya mogahlanong wa phutego la mathomo Holong ya Mmušo ya Dihlatse Tsa Jehova. Ke mokane monna yene le mosadi wage ba fo kwa ba jabodisa ke go bona ka mokgo magageru ma ba jabolelang ka gona le ka mokgo ma šupetsanang gore maa nyakanana. Mo monna yene le mosadi wage ba ya gaye, mosadi wage o re ga monnage, ‘Wa tšiba Dihlatse Tsa Jehova a di tshwane le batho bo re yyeng ra gahlana nabo fote di ro njabodisa go ba natso.’

2. Ke ntaba ba bangwana ba phiriketsega?

² Ka mokgo batho ba Jehova ba šupetsanang gore baa nyakanana di ro makatsa. Nnete ke gore Dihlatse Tsa Jehova a dya yenela. (1 Joh. 1:8) Fote mo re šele re tšiba magageru gabutši ka ho phutegong, ke gona mo re thomisang go bona mo ba kekemisang. (Marom. 3:23) Sa go kwisa go baba ke gore, ba bangwana ba lisetsiye tso ba bangwana ba kekemisang ga tsona di ba phiriketsa fote di maka gore ba lisetse go berekela Jehova.

3. Lelata la Jeso la mannete re le bona ka ying? (Johane 13:34, 35)

³ Boyela nthago o lebelele lengwalo la hlogotaba yowa gabutši. (Bala Johane 13:34, 35.) Motho a ka di tšiba byang gore motho ye mongwana ke Mokreste wa mannete? O ko mmona mo a šupetsa ba bangwana gore o ba nyaka ka matla. Bhayibele a yi hlayi gore Makreste ya mannete ma yenele. Phela Jeso a sanka a hlaya gore: ‘Le ko di tšibeng gore le malata yaka.’ Mara o yitseri: “Batho ba ko di tšibeng gore le malata yaka.” Ka mokgonone Jeso o šupetsiye gore a yi malata yage fela ya ma ko bonang gore Makreste ya mannete ke bomang, mara le bo go seng Makreste ba ko di bona gore ke bafeng, mo ba bona ba šupetsana gore ba nyakanana ba sa timakisi.

4. King tso batho ba ka nyakang go di tšiba ka Makreste ya mannete?

 ⁴ Ba bangwana bo go seng Dihlatse Tsa Jehova ba ka tiputsisa gore: ‘Taba ya go nyakanana yi re gelepa ka mokgo mang gore re thogo tšiba gore malata ya Jeso ya mannete ke mafeng? Jeso o šupetsiye mapostola yage ka mokgo mang gore o ma nyaka ka matla? Fote re ka di kgona byang lekgono go yekisela mošupetso wa Jeso?’ Wa tšiba di ka ba gabutši ka matla gore le Dihlatse di tiputsise diputsiso tsone. Go maka ka mokgonone, go ko re gelepa gore re thogo šupetsana gore re nyakanana tsa mannete fote a re timakisi, ka matlamatla mo re sa lebale gore re sa nyoko sinyelana.—Maef. 5:2.

5. Hlatolla mantsu ya Jeso ya ma leng ga Johane 15:12, 13.

⁵ Jeso o ro yi beya lekgwaying gore malata yage ma nyoko nyakanana ka mokgwa wa go sa tlwayelega. (Bala Johane 15:12, 13.) Lebelela tso Jeso a hlayyeng gore ma di make mo a re: “Le nyakanane, go fo tshwana le mo nna ke le nyakiye.” Tsotsone di ra gore king? Jeso o yye mahlong a hlatolla gore, ke go nyaka ba bangwana go phala ka mokgo re tinyakang kela tsela tsa gore Mokreste ye mongwana a ka kgwela mogagabo mo go hlokega. b

6. Lentsu la Modimo le šihlela taba ya go nyakanana ka mokgo mang?

⁶ Lentsu la Modimo le re tšhutisa gore go nyakanana ke selo se segolo ka matla. Mo re beyisa, ba go tlala ba jabodisa ke ditemanyana tsowa tsa gore: “Mo ba bolabola ka go nyakanana ba ra Modimo.” (1 Joh. 4:8) “O nyake moyagelane wago ka mokgo o tinyakang ka gona.” (Mat. 22:39) “Go nyakanana hone go nyoko phiphetsa dilo ka mokana ga tsona tsa go sinya.” (1 Pet. 4:8) “Mo o mo nyaka wa mo nyaka.” (1 Makor. 13:8) Ditemanyana tsowa le tse dingwana di napa di maka gore taba yowa ya gore di gabutši  ka matla gore re šupetsane mokgwa wowa wa go bafala yi re yelele.

7. Ke ntaba Sathane a sa di kgone go tšhutisa batho gore ba nyakanane fote go be selo ka ssoši?

⁷ Batho ba go tlala ba butsisa gore: ‘Mara nka di tšiba byang gore sowa ke sedumedi sa mannete? Phela kereke ye nngwana le ye nngwana yi hlaya gore yi tšhutisa nnete mara tso ba di tšhutisang ka Modimo a di tshwane.’ Sathane o di kgonne go dhunghanya batho ka go maka dikereke tsa go tlala tsa matsaka. Mara a ka sa ro di kgona go maka gore go be le mutši wa Makreste wa lefase ka moka wa gore wo nyakanana tsa mannete. Ke Jehova fela ye a ka di kgonang tsotsone. Di ya kwagala ka taba la gore Jehova ke yene a šupetsang go nyakanana tsa mannete fote bo a ba rufiyeng ka moya wage wa go hlawolega ba nyakanana tsa mannete. (1 Joh. 4:7) Byalo, di ro napa di kwagala gore ke ntaba Jeso a hlayye gore malata yage ya mannete ma nyoko šupetsana gore maa nyakanana.

8-9. Taba ya gore batho ba go tlala ba bonne ka mokgo Dihlatse Tsa Jehova di nyakananang ka gona yi ba yamme ka mokgo mang?

⁸ Jeso o hlayye botala gore ba go tlala ba šele ba di bonne gore malata yage ya mannete maa nyakanana. Mo re beyisa, mogageru ye ba reng ke Ian o sa gopola mo a sa thomisa go ya mogahlanong wo mogolo, wa gore ne wo le ga setediyamo sa gore ba kgana mekgano ga sona sa gore se thina le gagabo. Ian o yye a ba gona hone ga setediyamo sone dikgwedinyana tsa go feta a tl’le lebelela mokgano. O re: “Ka mokgo bo ne ba le hone mogahlanong wo mogolo ne ba titshwere ka gona ne ba fapanne kgole le bo ba felang ba tla hone ba tl’le lebelela mokgano. Dihlatse ne di titshwere gabutši fote ka mokgo ne di yapere ka gona ne di sa sodisi, mo go le bana ba tsona ne ba titshwere monate.” O tokegele ka gore: “Batho bowa ne ba bonala ba kgotsofele fote ba bebiye—go leng selo sa gore ke botala ke se nyaka. Nnete ke gore a ke gopole le polabolo ka yyoši ya letšatši lela, mara sa gore ke se gopola gabutši, nka mokgo Dihlatse ne di titshwere ka gona.” c Mokgwa wone wa go titshwara gabutši, wo ba gona mo batho ba nyakanana. Ka taba la gore re nyaka magageru ka matla, re ma tshwara gabutši fote re ya ma hlompa.

⁹ Mogageru ye ba reng ke John le yene o tikwile ka mokgonone ka nthago ga go ya mogahlanong wa phutego la mathomo. O re: “Ke jabodisiye nka mokgo ka moka bo ne ba le gona . . . ne ba tshwarana gabutši—ne nkare ke mangeloyi. Ka mokgo ne ba šupetsana gore ba nyakanana ka matla, go makiye gore ke tshepe gore nnete ke krayye sedumedi sa mannete.” d Mešupetso yowa le ye mengwana ya go tlala yi ro napa yi šupetsa gore batho ba Jehova ke mong wona Makreste ya mannete.

10. Ke leng ho re ka thulegelang ke lešuba la go šupetsa magageru gore re ma nyaka ka matla? (Lebelela setwaba.)

¹⁰ Re šele re hlayye gore, a go na mogageru le ka wweši wa gore o yenele. Ka dinako tse dingwana, ba ka hlaya kela go maka dilo tsa go re kwatisa kela go re kwisa go baba. e (Jak. 3:2) Ga seyemo sa mošaga wonone, re ba re thulegela ke lešuba la go ba šupetsa gore re ba nyaka ka matla ka tso re di hlayang kela tso re di makang. Byalo, re ka tšhuta ying ga mošupetso wo Jeso a re beyeleng wona?—Joh. 13:15.

11. Jakobo le Johane ba šupetsiye mekgwa yifeng ya go sa loka? (Lebelela sethombhe.)

¹¹ Jeso ne a sa yemela gore malata yage ma make dilo gabutši nkare ma felegelele. Mara, o  ma gelepiye gore ma ghobolle mekgwa ya gore a ya loka gore ma thogo yamogelega ga Jehova. Tšatši le lengwana, mapostola ya mangwana ka mabedi go leng Jakobo le Johane, ba butsiye mmane wa bona gore a ye a kgopele Jeso gore a ba neye ditulo tsa mayemo Mmušong wa Modimo. (Mat. 20:20, 21) Taba yo yi makiyeng ke Jakobo le Johane yi šupetsiye gore ke mo ba na le magetla fote ne ba nyaka go tseyediwa gedimo go phala ba bangwana.—Diy. 16:18.

12. Ayitsano ne go fo ba Jakobo le Johane fela bo ba yyeng ba šupetsa mekgwa ya go sa loka? Hlatolla.

¹² Phela ke mo go se Jakobo le Johane bo ba yyeng ba šupetsa ba na le mekgwa ya go sa loka ka letšatši lone. Lebelela gore mapostola yala ya mangwana ma yitseri king: “Mo lesome la bala ba bangwana ba kwa taba yone, ba yye ba kwatela bala ka babedi.” (Mat. 20:24) Nkare re šele re ya ma bona mapostola ya mangwana ma botsa Jakobo le Johane ditaba tsa bona. Nakwenngwana ba bangwana ba ka fo ba ba yitseri: ‘Le nagana nkare le ro ba ying lune, le šinya le kgopela ditulo tsa mayemo Mmušong? A yi lune le ntoši le fukuziyeng le Jeso. Phela le rune dya re tshwanela ditulo tsone tsa mayemo!’ Le mo re sa nape re tšiba tso ba di naganneng kela ba di hlayyeng, mara ka letšatši lone mapostola ne ma lebele gore di nyaka ma dule ma šupetsana gore maa nyakanana fote ma tshwarane gabutši.

13. Jeso o f’lo re king ga tso mapostola yage ma di kekemisiyeng? (Matewu 20:25-28)

¹³ Mara Jeso o yye a tshwaragana le taba yone ka mokgo mang? A sanka a kwata. Fote a  sanka a hlaya gore o ko tinyakela mapostola ya mangwana ya gore ma kawone, banna ba gore ba tinyanafatsiye ba gore fote ba tshwarana gabutši ba kene ba šupetsa gore baa nyakanana. Mara, Jeso o bolabodiye nawo a kene a lefisiye pelo ka taba la gore ne a di tšiba tsa gore ne ma nyaka go maka dilo tsa gabutši. (Bala Matewu 20:25-28.) Jeso ne a dula a tshwara mapostola gabutši le mo yi le gore ne ma fo dula ma phigisana ka taba ya gore ke mang ye mogolo gare ga wona.—Mar. 9:34; Luk. 22:24.

14. Mapostola ya Jeso ma gulele ga poleke ya mošaga mang?

¹⁴ A re kamake gore Jeso o yye a gopola gore mapostola a ba ma gudisa go tshwana. (Joh. 2:24, 25) Bomabhalane ba Majuda le Mafaraseyi ne ba tšhutisa gore motho ba mo tseyela gedimo mo a na le setulo sa mayemo. (Mat. 23:6) Ba go yeta mahlong sedumedi sa Majuda ne ba titseya ba phala ba bangwana. f (Luk. 18:9-12) Jeso ne a yi kwisisa taba ya gore go nagana ka mokgonone go ka yama ka mokgo mapostola yage ma titseyang ka gona le ka mokgo ma tseyang ba bangwana. (Diy. 19:11) Ke mo a sa yemela gore ma sa fele ma kekemisa go gongwana fote ke mo a ma lefisele pelo. Ke mo a di tšiba gore ma nyaka go maka tsa gabutši, byalo o ma tšhutisiye a kene a lefisiye pelo gore ma tinyanafatse fote ma šupetse ba bangwana gore ma ba nyaka ka matla ma sa fo dulela go nyaka go phala ba bangwana.

15. Re ka tšhuta ying ga taba yo yi makegiyeng ga Jakobo le Johane?

¹⁵ Re ka tšhuta tsa go tlala ga taba yo yi makegiyeng ga Jakobo le Johane. A baa maka tsona mo ba kgopela Jeso gore a ba neye ditulo tsa mayemo Mmušong wa Modimo. Mara mapostola ya mangwana le wona a maa maka tsona mo ma lisetsa taba yone yi šehlollanya go mamarelana ga bona. Mara Jeso o yye a ma tshwara gabutši 12 ya mapostola yage fote a šupetsa gore o ma nyaka ka matla. Re tšhuta ying ga taba yowa? Selo se segolo a yi fo ba taba ya gore batho ba bangwana ba makiye ying mara gana hone go kena le taba ya gore rune re titshwara byang ga tso ba di kekemisiyeng. King so se ka re gelepang? Mo re kwatisiye ke ye re rapelang naye, di nyaka re tiputsise gore: ‘Ke ntaba dilo tso a di makiyeng di nkwatisa ka mokgo? Ayitsano di šupetsa mokgwa wa go befa wa gore di nyaka ke wo lukise? Ayitsano motho ye a nkwatisiyeng go na le tso di mo hlupang? Le mo ke na ke bona gore taba yowa yi tshwanele go nkwatisa, mara ayitsano nka di kgona go šupetsa go nyakanana ke mokane ke yi fitise taba yowa ke mo tshwarele?’ Mo rune beng re šupetsana gore re ya nyakanana, re ko ba re šupetsa gore re malata ya Jeso ya mannete.

16. Re tšhuta ying se sengwana ga mošupetso wa Jeso?

¹⁶ Mošupetso wa Jeso wo boya wo re tšhutisa gore di nyaka re liketse go kwisisa magageru. (Diy. 20:5) Nnete ke gore, Jeso ne a di kgona go bona so se leng ka pelong. Rune re ka sa di kgone. Mara re ka ma lefisela pelo magageru mo ma maka tsa go re tshwatisa. (Maef. 4:1, 2; 1 Pet. 3:8) Tsotsone di ko ba lula mo re ka ma tšiba gabutši. Lebelela mošupetso.

17. Mopotulugi ye mongwana o yye a berekela ke taba ya go tšiba mogageru ye mongwana ka mokgo mang?

¹⁷ Mopotulugi ye mongwana o gopola mogageru ye mongwana wa go tšwa ga diphutego tso a yyeng a berekela ga tsona hala Bohlabela bya Afrikha. Mathomisong, mopotulugi yene ne a tseya gore mogageru yela ne a galaka. Mopotulugi yela o yye a maka ying? O re: “Ke fetsiye ka gore a di nyake ke kganela kgole le mogageru yewa mara di nyaka ke mo tšibe bokawone.” Mo  mopotulugi yela a fetsa nako a na le mogageru yene, o di bonne gore ka mokgo mogageru yewa a gudisiwweng ka gona go yamme ka mokgo a tshwarang ba bangwana. Mopotulugi yela o ya mahlong ka gore: “Mo ke šele ke di tšiba ka mokgo mogageru yewa di yyeng dya mo thathafela gore a tšhentšhe gore a thogo kwana le batho ba bangwana le ka mokgo a šeleng a tšhentšhiye, ke napiye ke kwana naye ka matla. Ra ba banghana ba bagolo.” Eya, mo re liketsa go kwisisa magageru, di ko ba lula gore re ma šupetse gore re ma nyaka ka matla.

18. Ke diputsiso difeng tso re ka tiputsisang tsona mo nkare mogageru ye mongwana o re thunugiye? (Diyema 26:20)

¹⁸ Ka dinako tse dingwana di ka nyaka gore re bolabole le mogageru wa gore o re thunugiye. Mara di ko ba gabutši mo re thomisa ka go tiputsisa diputsiso tsa go tshwana le gore: ‘Ayitsano ke tšiba ditaba ka moka?’ (Diy. 18:13) ‘Nje di ka makega gore ne a sa tikemisela go nthonoga?’ (Mmo. 7:20) ‘Ayitsano le nna a sanka ke ya di maka tsotsowa?’ (Mmo. 7:21, 22) ‘Mo nka ya gage, nje di ka sa make gore bothatha byowa bo nape bo tlemeletsane?’ (Bala Diyema 26:20.) Mo re ka tineya nako ya gore re nagane ka diputsiso tsowa, re ko di boneng gore go nyakanana go nyoko re tšhofa gore re fitise taba yone.

19. O tikemisele go maka ying?

¹⁹ Dihlatse Tsa Jehova di tišupetsa go le tsona malata ya mannete ya Jeso ka go šupetsana gore di ya nyakanana. Ye mongwana le ye mongwana wa rune o šupetsa gore nnete re malata ya Jeso mo re fo ya mahlong re šupetsa magageru gore re ma nyaka ka matla le mo ma kene ma kekemisa go gongwana. Mo re maka ka mokgonone, re gelepa ba bangwana gore ba thogo bona sedumedi sa mannete fote ba be le rune mo re rapela Jehova, Modimo wa gore wa nyakanana. Tla re tikemiseleneng go ya mahlong re šupetsa taba ya go nyakanana ya gore yi re hlawola re le Makreste ya mannete.