1-2. Ga go tlala go makega ying mo batho ba kolobetsiwa fote king so di nyakang o se lebelela?

 NJE o šele o bonne mogoba wa batho wo lategetsana wo ya go kolobetsiweng? O fo ba kwa mo ba fetola diputsiso tsone ka dipedi tsa mo ba soko bane ba kolobetsiwa gore nnete ba tineyele. Le wene o fo di bona gore mašaga ya bona le banghana ba fo kwa nkare ba ka hlakela. Mo ba yinuga ka ku meetšing ba ba teyela matsogo fote majabolelo ya gona ke ya go sa hlayisege. Re ka fo re beke ye nngwana le ye nngwana dikiti tsa batho di neyela maphelo ya tsona ga Jehova Modimo ke mokane dya kolobetsiwa gore go be Dihlatse.

² Wene gee? Mo nkare wa di nyaka go kolobetsiwa ga lefase lowa la go befa, phela a wa yi lahla ka taba la gore o tišupetsa “o nyaka Jehova.” (Pis. 14:1, 2) Hlogotaba yowa ba yi makele wene, o le ye monyana kela o le ye mogolo. Mara mo go le rune ba gore re šele re kolobetsiwwe di nyaka re tiyise taba ya rune ya go tikemisela go berekela Jehova go ya go yye. Byalo, tla re fo lebelela kararo ya dilo tso di makang gore re nyake go berekela Jehova.

3. Ke ntaba malata ya Jehova ma kwana le nnete le tsa go loka? (Pisalema 119:128, 163)

³ Jehova o butsiye malata yage gore ma “kwane le nnete.” (Zak. 8:19) Jeso o hlohletsele malata yage gore ma kwane le tsa go loka. (Mat. 5:6) Tsotsone di rela gore ye mongwana le ye mongwana a kwe di mo tšhofa gore a make tsa go loka a boye a make tso Modimo a reng di lukiye. Ayitsano o kwana le nnete le go loka? A re kamake gore o kwana natso. O hloyye matsaka le dilo ka mokana ga tsona tsa gore a di ya loka le tsa go befa. (Bala Pisalema 119:128, 163.) Matsaka ma šupetsa mekgwa ka mokana ga yona ya Sathane yene ye a lawolang lefase. (Joh. 8:44; 12:31) Polane ya Sathane ke go sinya lebitso la Jehova Modimo la go hlawolega. Phela go tlugisela ku tšhomong ya Edeni Sathane a kene a bolabolela Modimo wa rune matsaka. O yye a fokola batho a maka gore ba nagane gore Jehova  o tinaganela a ntoši, o lawola a kene a sa tshepege a boya a kona batho dilo tsa gabutši. (Gen. 3:1, 4, 5) Matsaka ya Sathane a ma bolaboleleng Jehova ma yye mahlong ma tšhela batho moya gore ba nagane tsa go befa ka Modimo. Mo batho ba kgeta go sa “kwane le nnete,” Sathane o ba gapela ga dilo ka mokana ga tsona tsa go sa loka le tsa go befa.—Marom. 1:25-31.

4. Jehova o šupetsiye ka mokgo mang gore ke “Modimo wa go kwana le nnete”? (Lebelela sethombhe.)

⁴ Jehova ke “Modimo wa go kwana le nnete” fote bo ba mo nyakang ka matla o ba tšhutisa nnete. (Pis. 31:5) Ka mokgonone o ba gelepa gore ba sa fokole ke matsaka ya Sathane. Fote Jehova o tšhutisa malata yage gore ma tshepege ma boye ma kwane le tsa go loka. Tsotsone di ba gelepa gore ba be le serithi fote ba tikwe ba yitse tswee. (Diy. 13:5, 6) Ayitsano o yye wa bona Jehova a go makela tsotsone mo o kene o bala Bhayibele? O di bonne gore ka mokgo Jehova a makang dilo di gabutši ga batho ka mokana ga bona le ga wene mong. (Pis. 77:13) Byalo, o nyaka go maka tso Modimo a reng di lukiye. (Mat. 6:33) O nyaka go yemelela nnete o boya o šupetsa gore tso Sathane a di hlayyeng ka Jehova Modimo ke mong letsaka. O ka di maka byang tsotsone?

5. O ka maka byang gore o yemele nnete le tsa go loka?

⁵ Maphelelo yago ma ka di beya lekgwaying gore o ganana le matsaka ya Sathane fote o thega so go leng nnete. O ka maka tsotsone ka go šupetsa gore o nyaka gore Jehova go be yene a go Lawolang o boye o make tso a reng di lukiye. Tsotsone o ka di maka byang? Rapela Jehova, o tineyele gage o boye o šupetse mahlong ga batho gore o tineyele ka go kolobetsiwa. Go kwana le nnete le tsa go loka ke tsona tso di ka go tšhofang gore o šinye o kolobetsiwe.

6. Pisalema 45:4 yi re ke dilo difeng tso di makang gore ga Jeso Kreste re mo nyake ka matla?

⁶ Ke ntaba ga Jeso Kreste re mo nyaka ka matla? Lebelela tsa gabutši tso di leng ga Pisalema 45:4. (Bala.) Jeso o kwana le nnete, go tinyanafatsa le tsa go loka. Mo nkare o kwana le nnete le tsa go loka, a di makatse mo ga Jeso Kreste o mo nyaka ka matla. O fo nagana ka mokgo Jeso a yyeng a yemelela nnete le tsa go loka a kene a šišimele. (Joh. 18:37) Jeso o yye a šupetsa ka mokgo mang gore o kwana le go tinyanafatsa?

7. King so se go jabodisang ga taba ya gore Jeso o tinyanafatsiye?

⁷ Jeso o re beyele mošupetso ga taba ya go tinyanafatsa. Mo re beyisa, ne a sa kwane le gore ba thanake yene mara ne a nyaka gore ba thanake Papage. (Mar. 10:17, 18; Joh. 5:19) Taba ya gore Jeso o tinyanafatsiye, yi go tshwara ka mokgo  mang? Ayitsano a yi go tšhofe gore ga Morwayi yewa wa Modimo o mo nyake ka matla o boye o mo latelele? Phela go fo ba ka mokgonone. Anthe ke ntaba Jeso a kwana le go tinyanafatsa? Nka taba la gore ne a kwana le go yekisela Papage wa gore le yene o tinyanafatsiye. (Pis. 18:35; Maheb. 1:3) Ayitsano a o mo nabele ga Jeso wa gore ne a yekisela mekgwa ya Jehova gabutši?

8. Ke ntaba re yi jabolela taba ya gore Jeso ke Kgoši ya rune?

⁸ Jeso re mo nyaka ka matla ka taba la gore ke mong yona Kgoši ya rune ya gore yi Lawola gabutši. Jehova ka boyene mong o tšhutisiye Morwayi wage fote o kgetiye yene gore a lawole. (Jes. 50:4, 5) Le wene o fo nagana ka mokgo Jeso a šupetsiyeng a sa tšhofe ke motho gore wa nyakanana. (Joh. 13:1) Ka taba la gore Jeso ke Kgoši ya rune di ya mo tshwanela gore re mo nyake ka matla. O yi beyye lekgwaying taba ya gore bo ba mo nyakang tsa mannete le bo go leng banghana bage ba nyoko šupetsa gore ba mo nyaka ka matla ka go theetsela melawo yage. (Joh. 14:15; 15:14, 15) Ye lune, phela a yi taba ya go kgana go ba monghana wa Morwayi wa Jehova!

9. Taba ya go kolobetsiwa ga Makreste le ga Kreste go tshwana mo di tla kaye?

⁹ Se sengwana ga tso Jeso a di hlayyeng ke gore bo ba mo latelelang ba kolobetsiwe. (Mat. 28:19, 20) O yye a maka tsotsone ka mošupetso. Mokgwa wo Jeso a kolobetsiwweng ka wona wo fapana le wa malata yage. (Lebelela lebhokisi la gore, “ Go Kolobetsiwa ga Jeso go Fapana ka Mokgo Mang le ga Malata Yage?”) Mara go na le mo go tshwanang gona. Nakwela Jeso a kolobetsiwa ke mo a fo šupetsa gore o nyaka go maka tso Papage a di nyakang. (Maheb. 10:7) Bo ba latelelang Jeso le bona ba kolobetsiwa mahlong ga batho go šupetsa gore ba tineyele ga Jehova Modimo. Ba tikemisele go maka tso Modimo a di nyakang mo ba kene ba phela, go seng go maka tso di nyakang ke bona beng. Byalo, tsotsone di šupetsa gore ba latelela mošupetso wa Mong wa bona.

10. Ke ntaba go nyaka Jeso ka matla go go tšhofa gore o kolobetsiwe?

¹⁰ Nnete ke gore a o yi gane taba ya gore Jeso ke Morwayi wa Jehova wa gore o fo ba a ntoši, fote ke yene Kgoši ya gore Modimo o yi kgetiye gore yi re lawole. O fo di bona gabutši gore taba ya go tinyanafatsa, Jeso o yi tsere ga Papage. Re tšhutiye gore o yye a neya ba gore ba kwa tlala tsa go ja, a kgomoletsa ba gore ba kgongwele a boya a yalafa ba gore baa lwala. (Mat. 14:14-21) Re bonne le ka mokgo a yetetsang phutego ka gona lekgono. (Mat. 23:10) Fote re di tšiba gabutši gore o nyoko maka tsa go phala tsotsone ku mahlong mo a šele a lawola go le Kgoši ya Mmušo wa Modimo. O ka šupetsa ka mokgo mang gore mo o re wa mo nyaka a o timakisi? Ka go latelela mošupetso wage. (Joh. 14:21) O ka thomisa ka go tineyela ga Jehova ke mokane o kolobetsiwe.

11. King so o ka napang o re ke selo se segolo so se makang gore o šinye o kolobetsiwe fote ke ntaba o reyane?

¹¹ Anthe selo se segolo so se re tšhofang gore re kolobetsiwe king? Jeso o hlayye gore se segolo ga melawo ya Modimo ke gore: “Ga Jehova Modimo wago o mo nyake ka pelo yago ka mokana ga yona, bowene byago ka mokana ga byona, ka monagano wago ka mokana ga wona le ka matšhika yago ka mokana ga wona.” (Mar. 12:30) Ayitsano mantsu yane ma šupetsa ka mokgo Modimo o mo nyakang ka gona?

12. Ke ntaba ga Jehova o mo nyaka ka matla? (Lebelela sethombhe.)

¹² Di tlele tso di ka makang gore ga Jehova re mo nyake ka matla. Mo re beyisa, o di kwelele tsa gore “lephelo le tšwa gage” fote ke yene ye a re Neyang “dilo ka mokana ga tsona tsa gore di gabutši le tsa gore di felegelele.” (Pis. 36:9; Jak. 1:17) Dilo ka mokana ga tsona tso re di jabolelang re natso ka taba la gore Modimo wa rune aa konane.

13. Ke ntaba re re go lepolliwa ke selo se segolo so ba re neyyeng sona?

¹³ Taba ya go lepolliwa ke selo se segolo so Jehova  a re neyyeng sona. Ke ntaba re reyane? O fo nagana ka senghana sa thina ka matla so Jehova le Morwayi wage ba nang naso. Jeso o yitseri: “Papa o nnyaka ka matla” fote “nna le Papa re ya kwana.” (Joh. 10:17; 14:31) Senghana sa bona ke mo se fo ya se hluhlutela mo ba kene ba le ggoši dibhiliyone tsa mengwana. (Diy. 8:22, 23, 30) Byalo, o fo nagana gore Modimo o yye a kwa go baba go segela kaye mo a lisetsa Morwayi wage a hlupegisiwa a boya a ro kgwisa lešidi. Jehova o kwana le batho ka mokana ga bona, re ra le wene re bona mo a sa tšhofe ke motho a neyela ka Morwayi wage wa gore o mo nyaka ka matla gore a make sehlabelo sa go lokolla wene le ba bangwana gore le thogo phela go ya go yye. (Joh. 3:16; Magal. 2:20) Phela tsotsone ke tsona tso di makang gore ga Modimo re mo nyake ka matla.

14. King tsa gore o ko ba o sa pumutsa mo o ka kgeta go segelela tsona mo o kene o phela?

¹⁴ Ka taba la gore re tšhutiye tsa go tlala ka Jehova, taba ya go mo nyaka yi fo ya yi hluhlutela. A re kamake gore wa di nyaka go šutela thina naye gana byalo le go ya go yye. Fote o ka di kgona go maka ka mokgonone. O go hlohletsela a ro fawa gore o jabodise pelo yage. (Diy. 23:15, 16) Tsotsone re ka di kgona mo re šupetsa ka tso re di makang re sa fo bolabola ka molomo fela. Maphelelo yago ke wona ya ma ko šupetsang gore nnete ga Jehova o mo nyaka ka matla. (1 Joh. 5:3) Wa tšiba o ko ba o sa pumutsa mo o ka kgeta go segelela tsotsone mo o kene o phela.

15. O ka šupetsa ka mokgo mang gore ga Jehova o mo nyaka ka matla?

 ¹⁵ O ka šupetsa ka mokgo mang gore ga Jehova o mo nyaka ka matla? Sa mathomo, rapelela taba ya go šupetsa gore o tineyele ga Modimo ka wwoši wa mannete. (Pis. 40:8) Ke mokane wa fetsa ka go tineyela mahlong ga batho ka go kolobetsiwa. Re šele re bolabodiye ku mathomisong ga hlogotaba yowa gore taba ya go kolobetsiwa ke ya go jabodisa ka matla fote o ka sa tsoge o yi libele lephelong lago ka mokana ga lona. O šele o thomisa lephelo la nyuwane la go phelela Jehova go seng wene beng. (Marom. 14:8; 1 Pet. 4:1, 2) Tsotsone di ka bonala go le taba ye kgolo ka matla yo di nyakang o yi segelela fote go fo ba ka mokgonone. Mara tsotsone di go thulela lešuba la go phela mothebenene. Byang mara?

16. Pisalema 41:12 yi šupetsa gore Jehova o nyoko ba makela ying bo ba mmerekelang lephelo la bona ka mokana ga lona?

¹⁶ Jehova ke motho wa gore aa konane. Se sengwana le se sengwana so o mo neyang sona, yene o dula a tokegela ka go go neya tsa go napa a ro go nyipela. (Mar. 10:29, 30) O nyoko go neya lephelo la gabutši la gore wa le jabolela, wa kwa o kgotsofele tsa gana byalo ga lefase lolowa la go befa. Fote ka tsotsone o ko ba a sa fo go lekisa ka gonyana. Mo o šele o thomisiye taba ya go kolobetsiwa a di nyake o yi lisetsa yi go khwanyugela. O ka ya mahlong o kene o mmerekela go ya go yye ga Papago wa gore o mo nyaka ka matla. Phela taba ya gore ga Papago o mo nyaka ka matla yi ko fo ya yi hluhlutela fote o nyoko dula o le gona go ya go yye go tshwana naye.—Bala Pisalema 41:12.

17. O ka mo neya ying ga Jehova sa gore a o soko mo neya sona?

¹⁷ Mo o tineyela ga Modimo o boya o kolobetsiwa o thulegela ke lešuba la go neya Papago selo sa go bafala ka matla. O go neyye selo se sengwana le sengwana sa gabutši le dinako tso o yyeng wa di jabolela. O ka šupetsa gore wa leboga ka go neya Mong wa legedimo le lefase selo sa gore a o soko mo neya sona go leng go mo makela dilo ka go di nyaka o boya o mmerekela o kene o tshepega. (Jobo 1:8; 41:11; Diy. 27:11) Phela ka mokgonone o ko ba o tikgetele lephelo la gabutši wa tšiba! A a re kamake gore se segolo so se go tšhofang gore o šinye o kolobetsiwe ke gore ga Jehova o mo nyaka ka matla.

18. O ka tiputsisa diputsiso difeng?

¹⁸ O ka yi fetola o re king putsiso yowa ya gore, ayitsano wa di nyaka go kolobetsiwa? Yone di nyaka go fetole wene mong. Mara di ka gelepa ka matla mo o ka tiputsisa gore, ‘Anthe go hakiye kaye gore ke kolobetsiwe?’ (Meber. 8:36) O sa lebale kararo ya dilo tso re šeleng re petapetiye ka tsona. Sa thoko, o kwana le nnete le tsa go loka. Tiputsise gore, ‘Ayitsano ke nabela go bona mo go segela nako ya mo ye mongwana le ye mongwana a bolabola nnete a boya a maka tsa go loka?’ Sa mabedi, ga Jeso Kreste o mo nyaka ka matla. Tiputsise gore, ‘Ayitsano ke ya di nyaka gore Morwayi wa Modimo go be Kgoši fote ke ya di nyaka go latelela mošupetso wage?’ Sa kararo, se segolo ke gore ga Jehova o mo nyaka ka matla. Tiputsise gore, ‘Ayitsano ke ya di nyaka go jabodisa pelo ya Jehova ka go mmerekela?’ Mo nkare o re eya mo o fetola diputsiso tsone, byalo anthe o paraka king gore o sa kolobetsiwi? Anthe go hakiye kaye?—Meber. 16:33.

19. Ke ntaba di sa nyake o kamaka mo o tshwanele o kolobetsiwe? Beyisa. (Johane 4:34)

¹⁹ Mo nkare o fo kwa o kamaka mo di tla ga taba ya go kolobetsiwa, lebelela mošupetso wo Jeso a yyeng a wo berekisa. (Bala Johane 4:34.) Lebelela ka mokgo Jeso a yyeng a tshwanisa go maka tso Papage a di nyakang le tsa ja. Ke ntaba mara? Re hloka tsa go ja gore re dule re philegiye. Jeso wa di tšiba gore tso Jehova a reng re di make di berekela rune. Jehova aa nyake gore re make dilo tsa gore di ka feleletsa di re kwaletsa. Ayitsano Jehova wa di nyaka gore le wene o kolobetsiwe? Eya. (Meber. 2:38) Byalo, o ka tshepa o tiyisiye gore mo o ka theetsela taba ya gore o kolobetsiwe, a go jiki yi nyoko go berekela. Mo nkare a o jikajiki mo o tshwanele o je dikhenekhene, byalo ke ntaba o jikajika mo di nyaka gore o kolobetsiwe?

20. Re nyoko petapeta ka ying ga hlogotaba ya go latela?

²⁰ Anthe go hakiye kaye? Ba go tlala ba ka fetola ka gore, “Ke sa lukisa.” Taba ke gore go segelela sepheto sa go tineyela ga Jehova o boya o kolobetsiwa a yi go kgana. Byalo, di nyaka o nagane gabutši ka sepheto sone fote di ka tseya nako le gore motho a tshwanelege. Mara mo nkare o tikemisele gore o kolobetsiwe, o ka maka ying gana byalo gore o thogo tilukiselela? Re nyoko petapeta ka phetolo ya putsiso yone ga hlogotaba ya go latela.