1-2. Mo o kwa nkare a o soko bane o nyaka go kolobetsiwa, ke ntaba di sa nyake o napa o kgongwela? (Lebelela sethombhe sa ka tawong.)

 MO NKARE wa di nyaka go kolobetsiwa, phela a wa pumutsa o kgetiye gabutši. Ayitsano o di nyaka gana byalo go kolobetsiwa? Mo nkare a o kamake fote bagolo ba šele ba dumele gore o ka kolobetsiwa o sa jikajiki. Lephelo la mothebenene le go yemele go le ka taba la go berekela Jehova.

² Ayitsano go na le ye a šeleng a go butsiye gore a di nyake o gagarela poleke ka yyoši mo o soko bane o kolobetsiwa? Kela o šele o di bonne ka bowene mong? Mo nkare go ka mokgonone, o sa nape o kgongwela. O ka di kgona go ya mahlong ga tso o nyakang go di segelela le mo o le ye monyana kela ye mogolo.

3. King tso ndhuna ya Leitopiya yi di butsisiyeng Filipi fote go yye gwa nyarela putsiso ya mošaga mang? (Mebereko 8:36, 38)

³ Bala Mebereko 8:36, 38. Ndhuna yela ya Leitopiya yi butsisiye Filipi wa motšhomayedi gore: “Ke šitisa king go kolobetsiwa?” Morenene wa Leitopiya ke mo a nyaka go kolobetsiwa, mara nje ke mo a resa gore o tikemisele go kolobetsiwa?

4. Morenela wa Leitopiya o šupetsiye ka mokgo mang gore ne a tikemisele go ya mahlong a kene a tšhuta?

⁴ Leitopiya lowa “ke mo le tšwa go rapeleng ku Jerusalema.” (Meber. 8:27) Di ka makega gore ne le yamogele sedumedi sa Sejuda. A re kamake gore le yye la tšhuta ka Jehova ga Mangwalo ya go hlawolega ya Seheberu. Le mo go le ka mokgonone, ke mo le kwa le nyaka go tšhuta tsa go tlala. Gabutšibutši, nakwela Filipi a gahlana le ndhuna yone ho pateng, o yi krayye yi maka ying? Ke mo yi bala lengwalo la go phutiwa la gore le ngwadiye ke moporofeta Jesaya. (Meber. 8:28) Tsotsone ne go le nnete ya ka ho Bhayibeleng  ya gore a yi lula. Ndhuna yone ne yi sa nyake go fo tšhuta tse dinyana ka ho Bhayibeleng ke mo yi nyaka go napa yi ro nyipa tsa go tlala.

5. Morenela wa Leitopiya o yye a maka ying ka tso a di tšhutiyeng?

⁵ Morenene wa Leitopiya “ke mo go le ndhuna ya go pasopa lebotha la kgoši ya mosadi” ya Maitopiya ya gore ba re ke Khandase. (Meber. 8:27) Byalo, di ka makega gore ne a dula a tshwaraganne a na le mebereko ya tlala. Ke nnete gore di mo tsere nako gore a berekele Jehova. Ke mo a sa fo kgotsofatsa ke go fo tšhuta nnete mara o yye a maka tso a di tšhutiyeng. O yye a tloga Etopiya a ya tempeleng ku Jerusalema gore a thogo rapela Jehova. Phela go ya gana hone ke mo di nyaka nako le tse dingwana mara so morenene ne a se nyaka ke go rapela Jehova le mo go ka teya leduma la mošaga mang.

6-7. Taba ya gore morenela wa Leitopiya ga Jehova ne a mo nyaka ka matla yi yye ya fo ya mahlong yi gola ka mokgo mang?

⁶ Leitopiya lowa le tšhutiye nnete ya nyuwane ga Filipi ya gore Jeso ke Mesiya. (Meber. 8:34, 35) Ndhuna yowa yi yye ya tikisa ke tso Jeso a yyeng a di maka. O yye a maka ying ka nthago ga mo a tšhutiye dilo tsone? Ka taba la gore ne a hlompega ga sedumedi sa Sejuda, ne a ka kgeta go fo ba ga sedumedi sone. Mara taba ya gore ne a nyaka Jehova le Morwayi wage ka matla yi yye ya hluhlutela. Di yye dya mo tšhofa gore a segelele sepheto se segolo sa gore a kolobetsiwe ke mokane go be lelata la Jeso Kreste. Phela Filipi o di bonne gabutši gore morenene o tikemisele ke mokane a mo kolobetsa.

⁷ Mo o ka latelela mošupetso wa morenela wa Leitopiya le wene o ka kolobetsiwa. Le wene o ka hlaya o sa kamake o re, “Anthe ke šitisa king go kolobetsiwa?” Tla re lebeleleneng gore king tso o ka di makang tsa go tshwana le tso morenela wa Leitopiya a yyeng a di maka, ke tsowa: O yye mahlong a kene a tšhuta, a maka tso a di tšhutiyeng fote taba yage ya go nyaka Modimo yi yye ya fo ya mahlong yi gola.

8. Johane 17:3 yi re o tshwanele o make ying?

⁸ Bala Johane 17:3. Ayitsano mantsu yawa ya Jeso ma go gelepiye gore o feleletse o nyaka go tšhuta Bhayibele? Ga ba go tlala ba rune go fo ba ka mokgonone. Mara, ayitsano mantsu ya go tshwana le yanala ma re hlohletsela gore re sa lisetsi go tšhuta? Eya. Re ka sa tsoge re lisetsiye “go tšiba . . . Modimo a ntoši wa mannete.” (Mmo. 3:11) Re nyoko dula re tšhuta go ya go yye. Phela mo re ka sa lisetsi go tšhuta re nyoko napa re ro mamarelana le Jehova.—Pis. 73:28.

9. Di nyaka re make ying mo re šele re tšiba nnete ye nyana ya tso Bhayibele yi di tšhutisang?

⁹ Mo re sa thomisa go tšhuta ka Jehova, re fo tšhuta dilo tse dinyana ka ho Bhayibeleng. Ga lengwalo lo Pawulo wa lepostola a le ngwaleleng Maheberu, mo a bolabola ka dilo tse dinyana tso di tšhutisiwang o re ke “dilo tso ba le tšhutisiyeng tsona … ku mathomisong.” Ne a sa di tseyele fase  tso a di “tšhutiyeng ku mathomisong” mara ne a di tshwanisa le lebese la gore le fepa ngwana. (Maheb. 5:12; 6:1) Fote o hlohletsela Makreste ka mokana ga wona gore ma ye mahlong ma tšhuta tsa go tlala ma boye ma kenelele ga taba ya go tšhuta nnete ya Lentsu la Modimo. Ayitsano o kwa o nabela go tšhuta o kenelela ga tso di leng ka ho Bhayibeleng? Ayitsano o nabela go ya mahlong o gola o boya o tšhuta ka Jehova le tso a nyakang go di segelela?

10. Ke ntaba go le ntshitshire ga ba bangwana mo di tla ga taba ya go bala?

¹⁰ Le mo yi le gore ba go tlala ba rune ke ntshitshire mo di tla ga taba ya go bala. Gago di byang? Ayitsano o tšhutiye mong go bala gabutši ku sekolong? Ayitsano di ya go jabodisa go tšhuta o boya o kwa gore di ya go berekela? Kela o fetsiye le pelo gore wene go tšhuta o berekisa dipuku a yi layini yago? Mo nkare go ka mokgonone, di tšibe gore a o ntoši. Jehova a ka go gelepa. Phela yene o felegelele fote ke mong yona Thitšere ya go di phala ka moka.

11. Jehova o šupetsiye ka mokgo mang gore ke yene “Thitšere ye Kgolo”?

¹¹ Jehova o re ke yene “Thitšere ya lune ye Kgolo.” (Jes. 30:20, 21) O lefisa pelo, o kwelana go baba fote ke thitšere ya go kwisisa. O lebelela tsa gabutši ga bo a ba tšhutisang. (Pis. 130:3) Fote aa lebelela gore re mo makele dilo tsa gore re ka sa di kgone. O sa lebale gore ke yene a makiyeng byoko byago go leng selo sa gabutši so a go neyyeng sona. (Pis. 139:14) Byalo, go fo ba hlago nje go nabela go tšhuta. Ye a re makiyeng o nyaka gore re ye mahlong re kene re tšhuta re boye re tikwise. Phela re ko ba re šupetsa gore re hlalefiye mo re ka maka gore re “wongwe” nnete ya ka ho Bhayibeleng gana byalo. (1 Pet. 2:2) Tipeyele tso o nyakang go di segelela tsa gore o ka di kgona o boye o ngangarele letheto lone la go bala le go tšhuta Bhayibele ka moka matšatši. (Još. 1:8) Mo o gelepa ke Jehova o nyoko thomisa go jabolela go bala o boya o tšhuta ka yene o sa fetsi.

12. Ke ntaba di nyaka re tšhute ka tsa lephelo la Jeso le ka mokgo ne a tšhomayela?

¹² Dula o ghayela ka tsa lephelo la Jeso le ka mokgo ne a tšhomayela. Di gabutši ka matla gore re kopisele ga mošupetso wa Jeso mo re nyaka go berekela Jehova ka matlamatla ka dinako tsowa tsa go thathafa. (1 Pet. 2:21) Jeso o butsiye malata yage gore ma nyoko gahlana le tsa go ma ghula. (Luk. 14:27, 28) Ne a sa kamake gore malata yage ya mannete ne ma nyoko phomelela go tshwana naye. (Joh. 16:33) Tšhuta tsa go tlala ka tsa lephelo la Jeso o boye o tipeyele tso o nyakang go di segelela ka go mo kopisela mo o kene o phela.

13. King tso di nyakang o sa lisetse go di kgopela Jehova fote ke ntaba?

¹³ Go fo tšiba nje a gwa napa go yenela. Phela mo o tšhuta tsa go tlala ka Jehova, di nyoko go gelepa gore o mo tšibe o boye o be le mekgwa ya gabutši ya go tshwana le go mo nyaka ka matla le go dumela gage. (1 Makor. 8:1-3) Mo o kene o ya mahlong o tšhuta, o sa lisetsi go kgopela Jehova gore a go gelepe o thogo ba le tumelo ya go yeketsega. (Luk. 17:5) Merapelo ya mošaga wonone wa yi fetola wa tšiba. Mo o ka ba le tumelo ya mannete wa tšiba mong yona nnete ka Modimo wa rune, tsotsone di nyoko go gelepa gore o sa kwaritšele.—Jak. 2:26.

14. Petro wa lepostola o yye a yi šihlela ka mokgo mang taba ya go berekisa tso re di tšhutang? (Lebelela sethombhe.)

¹⁴ Petro wa lepostola o yye a šihlela taba ya gore di gabutši ka matla gore malata ya Kreste ma dule ma berekisa tso ma di tšhutang. O yye a hlaya taba ya ka Bhayibeleng ya go bolabola ka Nnowa. Jehova o butsiye Nnowa gore O nyoko fetsa ka batho ba dinako tsotsone ba gore ba na le dipelo tse di phifadu a berekisa mogogola. Go fo tšiba taba ya gore mogogola we tla ne go sa yenela ga Nnowa le ba mutši wage. Lebelela gore Petro o bolabodiye ka taba yone ka nako ya mo Mogogola  wo soko segela “hala go yagiwa areka.” (1 Pet. 3:20) Ke nnete gore Nnowa le ba mutši wage ba yye ba di maka tso ba di tšhutiyeng ga Modimo ka go yaga areka go leng sekepe se segolo ka matla. (Maheb. 11:7) Ke mokane Petro o yye a tshwanisa tso Nnowa a di makiyeng le taba ya go kolobetsiwa, o ngwadiye gore: “Le lune le phonisiwa ka taba la go kolobetsiwa ga gore go yelana le taba yowa.” (1 Pet. 3:21) Byalo, re ka tshwanisa mmereko wo wene o wo makang gana byalo wa gore wo go lukiselela taba ya go kolobetsiwa le mmereko wo Nnowa le ba mutši wage ba wo makiyeng mengwagangwaga mo ba yaga areka. Ke mmereko wofeng wo di nyakang o wo maka gore o thogo tilukiselela taba ya go kolobetsiwa?

15. Re ka šupetsa ka mokgo mang gore re ya resa mo re re re ya tisola?

¹⁵ Sa mathomo ga dilo tso re tshwaneleng re di make ke go tisola ga tso re di sinnyeng. (Meber. 2:37, 38) Mo motho a tisola a resa tsotsone di nyoko maka gore a tšhentšhe tsa mannete. Ayitsano o šele o lisetsiye go maka dilo ka mokana ga tsona tsa gore a di jabodisi Jehova, go tshwana le go phela lephelo la go sa hlamatsega, go kgokga, go bolabola mantsu ya go hlaba kela ya maroga? (1 Makor. 6:9, 10; 2 Makor. 7:1; Maef. 4:29) Mo nkare a o soko lisetsa, barena liketsa ka matla gore o potolla-potolle. Bolabola le ye a go tšhutisang Bhayibele kela kgopela bagolo ba phutego gore ba go gelepe ba boye ba go yeletse. Mo nkare o sa le ye monyana fote o sa dula gagenu o sa lisetse go kgopela babelegi bago gore ba go gelepe o tomole mekgwa ka mokana ga yona ya go befa ya gore yi ka go šitisa gore o kolobetsiwe.

16. King tso re tshwaneleng re di make mo re nyaka go dula re berekela Jehova?

¹⁶ Re ko ba re sa yi lahla mo re dula re ngangarele letheto la gabutši ga tso tsa Modimo. Ga tsotsone go kena le taba ya go sa lofe megahlano ya Sekreste re boya re fetola mo re le ga yona. (Maheb. 10:24, 25) Fote se sengwana ke gore mo o ka fo tshwanelega gore o ye tšhomong napa o dula o yi maka taba yone. Mo o kene o ya mahlong o tšhela letsogo ga mmereko wowa wa go phonisa maphelo, o nyoko fo ya o kwana nawo ka matla. (2 Thim. 4:5) Mo nkare ke wene ye monyana fote o sa dula gagenu, tiputsise gore: ‘Ayitsano di nyaka babelegi baka ba dula ba n’gopotsa gore ke ye megahlanong kela ke ye tšhomong? Kela ke fo tikela?’ Mo o maka tsotsone ka bowene mong, o šupetsa gore o na le tumelo, ga Jehova Modimo o mo nyaka ka matla fote o leboga tso a go neyyeng tsona. Tsotsone o di ‘makang tsa go hlawolega,’  ke dilo tso o di neyang Jehova. (2 Pet. 3:11; Maheb. 13:15) Dilo ka mokana ga tsona tso re di neyang Jehova ka go di nyaka di ya yamogelega ga Modimo. (Tshwanisa le 2 Makorente 9:7.) Re maka ka mokgonone ka taba la gore di maka gore re jabole mo re neya Jehova dilo tsa gore a di ya hlaša.

17-18. Ke mokgwa wofeng wo wo ka go gelepang gore o thogo ya mahlong ga taba ya go kolobetsiwa fote ke ntaba? (Diyema 3:3-6)

¹⁷ Ke nnete gore mo o le thina le go kolobetsiwa o nyoko gahlana le tsa go go ghula. Batho ba bangwana ba ka go kwera ba maka tsotsone ka taba la tumelo yago ya nyuwane, ba ka boya ba ro go phigisa kela gona go go hlorisa. (2 Thim. 3:12) Di ka makega gore o mong ntweng ya go hlula mekgwa ya go befa mara o kraya di fo makega gore o make tsetsela tsa go befa. Kela o ka kraya o kwa o sa kgone go lefisa pelo fote o hlakahlakanne ka taba la gore tso o nyakang go di segelela di bonala di le kgole ka matla. Mara o ka gelepa king gore o tiyisele? Se segolo ga mekgwa yo o tshwaneleng o be nayo—ke go nyaka Jehova ka matla.

¹⁸ Mokgwa wa go bafala ka matla wo o nang nawo ke wa go nyaka Jehova ka matla. (Bala Diyema 3:3-6.) Mo nkare taba ya go mo nyaka ka matla ga Modimo yi tiyelele, tsotsone di nyoko go gelepa gore o teye o feta ga tso di go ghulang. Ga go tlala Bhayibele yi re mo Jehova a nyaka malata yage, aa tšhentšhatšhentšhi. Taba ya go nyaka malata yage a sa tšhentšhatšhentšhi yi rela gore le ka tšatši la mohlolo a ka sa tsoge a ma lahliye kela a kwa a sa sa ma nyaka. (Pis. 100:5) Phela wene ba go makiye gore o tshwane le Modimo. (Gen. 1:26) O ka maka byang gore le wene o šupetse gore wa nyakanana?

19. O ka šupetsa ka mokgo mang gore o di leboga o sa fetsi dilo ka mokana ga tsona tso Jehova a go makeleng tsona? (Magalata 2:20)

¹⁹ Thomisa ka go leboga. (1 Mathes. 5:18) Dula o tiputsisa gore, ‘Jehova o šupetsiye ka mokgo mang gore o nnyaka ka matla?’ Ke mokane o sa yi phayele ka thoko taba ya go leboga Jehova mo o rapela o kene o hlaya dilo tso a go makeleng tsona. O sa yi takisi maahlo taba ya gore Jehova o go makela dilo tsa gabutši ka taba la gore o go nyaka ka matla, go fo tshwana le ka mokgo Pawulo wa lepostola a yyeng a yi bona taba yone. (Bala Magalata 2:20.) Tiputsise gore, ‘Ayitsano le nna ke nyaka go mo šupetsa gore ke mo nyaka ka matla?’ Taba ya go nyaka Jehova ka matla yi ka go gelepa gore o tiyisele le mo o gahlana le dintshitshire. Fote yi ka go tšhofa gore o ye mahlong o kene o ngangarele ga taba ya go berekela Jehova o šupetsa gore ga Papago o mo nyaka tsa nkare ke moka.

20. O tshwanele o make ying gore o neyele lephelo lago ka mokana ga lona ga Jehova fote sepheto sone ke se segolo go segela kaye?

 ²⁰ Mo goya-goya taba ya gore ga Jehova o mo nyaka ka matla yi ko go tšhofa gore o fo kwa o nyaka go bolabodisana naye ka thapelo. O nyoko tineyela ga Modimo. Fote o sa lebale gore mo o tineyela ga Jehova o nyoko ba le tshepo ya go sa hlayisege ya gore: O nyoko ba wage go ya go yye. Mo o tineyela ga Jehova o ba o tshepisa gore o nyoko mmerekela lephelo lago ka mokana ga lona go natefa kela go fisa. A go hlokege gore o dule o tshepisa ka moka matšatši. Ke nnete gore mo o tineyela o ba o segelela sepheto se segolo ka matla. Lebelela sowa ša: O nyoko segelela dipheto tsa go tlala mo o kene o phela tse dingwana tsa tsona di gabutši mara sa go phala sepheto sowa sa go tineyela ga Jehova lephelo lago ka mokana ga lona, a se šiyo. (Pis. 50:14) Sathane o nyoko liketsa go šehlisa taba ya gore ga Papago o mo nyaka ka matla go fo re o lisetse go tshepega. O sa mo jabodisi ga Sathane barena! (Jobo 27:5) Taba ya gore a o timakisi mo o re ga Jehova o mo nyaka ka matla yi nyoko go gelepa gore o make tso o di tshepisiyeng Jehova tsa gore o nyoko mmerekela go ya go yye o boye o šutele thina ka matla le Papago wa legedimong.

21. Ke ntaba re ka sa re ke moka o pasiye mo o kolobetsiwa mara re re ke mong mathomisong ya ditaba?

²¹ Ka nthago ga mo o tineyele ga Jehova, bolabola le bagolo ba phutego ya lune ka sa go latela so o nyakang go se segelela. Mara o sa lebale taba ya gore a di rele gore mo o kolobetsiwe ke moka o pasiye mara ke mong mathomo ya ditaba. Phela go ko ba go thomisa taba ya go berekela Jehova go ya go yye. Byalo, thomisa gana byalo go tiyisa taba ya go nyaka Papago ka matla. Tipeyele tso o nyakang go di segelela gore taba ya go nyakanana yi thogo ya mahlong yi hluhlutela letšatši le lengwana le le lengwana. Tsotsone di nyoko go tšhofa gore o šinye o kolobetsiwe. Phela ka letšatši lone o ko kwa nkare o ro lora. Mara go ko ba go sa fo ba mathomo ya tsona. Wa tšiba nkare taba ya go nyaka Jehova le Morwayi wage yi ka gola yi sa fetsi!