1-2. Motho o rufega ka ying mo a šele a kolobetsiwwe?

 A MA hlayisege manatefelo ya go ba ka ho mutšing wa Jehova mo re fetsa go kolobetsiwa. Bo ba gore ba na le senghana sa thina le Jehova ba yi tseyela gedimo ka matla taba yone fote ba yema nawo mantsu ya mopisalema Dafita wa gore o yitseri: “Go jabola ye wa gore wene [Jehova] o mo hlawodiye, wa mo šutetsa thina gore a dule lapeng lago.”—Pis. 65:4.

² A yi batho ka mokana ga bona ba gore Jehova o maka senghana nabo. Hlogotaba ya go fela yi hlayye gore Modimo o kgeta go šutela thina ga bo ba gore ba šupetsa gore baa di nyaka go nghanelana naye. (Jak. 4:8) Mo o tineyela ga Jehova o boya o kolobetsiwa, o šutela thina ga Jehova ka mokgwa wa go hlawolega. O sa kamake gore ka nthago ga gore o kolobetsiwe, yene o nyoko go ‘rufa la go sa hlayisegi go segela o sa sa gayela selo.’—Mal. 3:10; Jer. 17:​7, 8.

3. Makreste ya gore ma tineyele fote ma kolobetsiwwe ma na le mmereko wofeng wo mogolo? (Mmolabodi 5:​4, 5)

³ Nnete ke gore mo o kolobetsiwa, o ba o thomisa lephelo la nyuwane. Ka nthago ga gore o kolobetsiwe, o nyoko karakara gore maphelelo yago ma sipidisane le tso o di tshepisiyeng mo o tineyela le mo go ka ba le tsa go go woka kela tsa go liketsa tumelo yago gore yi tiyelele go segela kaye. (Bala Mmolabodi 5:​4, 5.) Ke wene lelata la Jeso, byalo o nyoko ganya dihempe gore o tseyele gage Jeso o boye o mo theetsele. (Mat. 28:​19, 20; 1 Pet. 2:21) Hlogotaba yowa yi nyoko go gelepa gore o make ka mokgonone.

 ‘O SA LISETSI GO ŠALA JESO NTHAGO’ LE MO GO NA LE TSA GO GO ŠUHLAŠUHLA LE TSA GO GO WOKA

4. Di ra gore king tsa gore malata ya Jeso ma rwala “phate ya mohlupego”? (Luka 9:23)

⁴ Mo o šele o kolobetsiwwe, a di re gore lephelo go nyoko fo ba mowalawala. Nnete ke gore Jeso aa wutetsa gore malata yage ma nyoko rwala “phate ya mohlupego.” Gabutšibutši, o yitseri ma nyoko yi rwala ‘ka moka matšatši.’ (Bala Luka 9:23.) Ayitsano Jeso ke mo a ra gore bo ba mo latelelang ba nyoko dula ba hlupega? He-e. Ke mo a fo šihlela taba ya gore go tokegela ga tso ba nyoko rufegang ka tsona, le tsa go ba kena matolong ke mo ba nyoko gahlana natso. Fote tse dingwana dintshitshire di ka nyeganyegisa le nepedi.—2 Thim. 3:12.

5. Jeso o tshepisiye bo ba go tikona tse dingwana gore ba nyoko rufega ka ying?

⁵ O ka kraya o šele o fitiye ga tsa go phigisa ke mašaga kela o ka kraya o tikonne tse dingwana tsa majabajaba gore o yetise tsa Mmušo mahlong. (Mat. 6:33) Mo nkare go ka mokgonone, o sa kamake gore Jehova o di bonne ka moka tso o di makiyeng go šupetsa gore wa tshepega. (Maheb. 6:10) Di ka makega gore o šele o di bonne gore Jeso ne a resa mo a re: “Ye a šiyyeng ntlo kela bobhuti kela bosesi kela mmane kela papa kela bana kela mašemo ka taba laka, kela ka taba la ditaba tsa go bafala, motho yene o nyoko kraya dilo tsowa ka mokana ga tsona ga 100 gana byalo, o nyoko kraya dintlo, bobhuti, bosesi, bommane, bana, le mašemo a kene a hlupegisiwa, fote o tl’le kraya le lephelo la go ya go yye ga lefase lo le sa ga tla.” (Marek. 10:​29, 30) Nnete tso o rufegiyeng ka tsona di feta mong kgole tso o tikonneng tsona.—Pis. 37:4.

6. Ka nthago ga gore o kolobetsiwe, ke ntaba di nyoko nyaka gore o ye mahlong o lwa le “tso di nabelang ke mmele”?

⁶ Mo o šele o kolobetsiwwe, di sa na di nyoko nyaka gore o ye mahlong o lwa le “tso di nabelang ke mmele.” (1 Joh. 2:16) Phela o sa na o le setlogolwane sa Adamo sa gore a se ya yenela. O ka fela o tikwa go tshwana le Pawulo wa lepostola. O ngwadiye gore: “Gabutšibutši nna ke kwana le molawo wa Modimo go ya ka so ke leng sona ka mo teng. Mara mo mmeleng waka go na le molawo wa gore wo phigisana le tso ke di naganang, fote wo maka gore ke be lebhantiti la tso tsa go sinya tso di leng ho mmeleng waka.” (Rom. 7:​22, 23) O ka fo kgongwetsa ke taba ya gore di nyaka o lwe le go nabela dilo tsa go kekema. Mara, go nagana ka tso o di tshepisiyeng Jehova nakwela o tineyela gage di nyoko go neya matšhika gore o thogo lwa le dilo tsone. Nnete ke gore mo o gahlana le tsa go go phika, o nyoko gelepa ke tso o di tshepisiyeng nakwela o tineyela. Byang mara?

7. Go tineyela ga Jehova di nyoko go gelepa ka mokgo mang gore o dule o tshepega gage?

⁷ Mo o tineyela ga Jehova, a o sa tiphilela. Tsowa di rela gore o nyoko gana go maka tso di nabelang ke wene mong le tso o nyakang go di segelela tsa gore ga Jehova di ka sa mo jabodisi. (Mat. 16:24) Byalo, mo o tlela ke tsa go go phika, o ka sa fetse nako o kene o sa nagana gore di nyaka o maka ying. O nyoko ba o šele o segelele sepheto sa gore o nyoko maka ying, o nyoko ba o di tšiba gore o nyaka go tshepega ga Jehova. O nyoko dula o tikemisele gore o jabodise Jehova. Ka mokgonone o nyoko ba o tshwana le Jobo. O gahlanne le dintshitshire tsa go baba ka matla, mara o hlayye a sa kamake gore: “Ke nyoko dula ke tshepega!”—Job. 27:5.

8. Go nagana ka tso o di hlayyeng nakwela o tineyela go ka go gelepa ka ying gore o gane mo go nyarela dilo tsa gore di ka go woka?

⁸ Mo o ka fo nagana ka tso o di hlayyeng mo o rapela Jehova nakwela o tineyela gage, o nyoko ba le matšhika ya go gana selo se sengwana le se sengwana sa gore se ka go woka. Mo re beyisa, nje o ka šutela ga motho wa gore o šadhiye, o maka nkare wa mo kganakganisa mo o mmolabodisa, di šupa nkare o ro mo nyaka? O ka sa di make tsone! Tsa mohlobo wonone go ro ba mong botala ka matla o di bošele ku kgole le monagano  wago. Mo o sa tšhutisi pelo yo yago go nabelanabela dilo tsa go sa yi ka tsela, o nyoko ba o gelepa wene beng gore ka nthago o sa kraye o tlwayele mekgwa ya go kekema ya gore di nyaka o yi tlubule. O nyoko “kganela kgole” le ‘pata ya bo ba go ba le dipelo tse diphifadu.’—Diy. 4:​14, 15.

9. Go nagana ka tso o di hlayyeng mo o tineyela go ka go gelepa ka ying gore o dule o maka gore tso tsa go rapela Jehova go be tsona di yetang mahlong mo o kene o phela?

⁹ Mo o ka kwa ba re go na le mmereko wa gore wo nyoko go lofisalofisa megahlano ya Sekreste gee? O na o šele o tšiba gore o nyoko maka ying akere. Mmereko wa mošaga wonone o wo ganne botala ba soko go neya le go go neya. O di tšiba gabutši gore sepheto sa go yamogela mmereko wa mohlobo wonone a yi sona, byalo o ka sa hlwi o kene o tiputsisa gore kela mo o ka fo tšhentšha hala le hala, sepheto sone se ka phomelela. Mo o nagana ka tso Jeso ne a tikemisele go di maka gore a jabodise Papage, selo se sengwana le se sengwana sa gore wa tšiba gore se ka sa jabodisi Modimo wa gore o tineyele gage, o nyoko yakgoswa o se gana o sa tshegatshegi.—Mat. 4:10; Joh. 8:29.

10. Mo o šele o kolobetsiwwe, Jehova o nyoko go gelepa ka mokgo mang gore o ye mahlong ‘o šala Jeso nthago’?

¹⁰ Tsa go nyaka go go rulanya le go go phikanya di go thulela lešuba la go šupetsa gore o tikemisele go segela kaye go sa ‘lisetsi go šala Jeso nthago.’ Mo o maka ka mokgonone, o ka di tshepa tsa gore Jehova o nyoko go gelepa. Bhayibele yi re: “Modimo wa tshepega, fote a ka sa le lisetse le tlela ke dilo tsa gore le ka sa kgone go di tiyisela, mara mo go nyarela dilo tsa go liketsa tumelo ya lune o nyoko le gelepa gore le tiyisele.”—1 Makor. 10:13.

MAKA GORE O DULE O ŠALA JESO NTHAGO

11. Mong wona mokgwa wa go sa lisetsi go šala Jeso nthago ke wofeng? (Lebelela le sethombhe.)

¹¹ Jeso ke mo a na le matšato, fote ke mo a dula a rapela Jehova, tsotsone di makiye gore a dule a le thina naye. (Luka 6:12) Gabutšibutši, mokgwa  wa gore go ro ba mong wona wo wo ka go gelepang gore o ye mahlong o šala Jeso nthago mo o šele o kolobetsiwwe ke go ya mahlong o maka dilo tsa gore di nyoko go šutetsa thina ka matla le Jehova. Bhayibele yi re: “Ka gore ne re šele re thomisiye go maka tsa gabutši, koriyeneng mahlong re maka ka mokgonone.” (Mafil. 3:16) O nyoko fela o kwa ka magageru ya gore ma segelele sepheto sa go maka tsa go tlala ga mmereko wa Jehova. Nakwenngwana ma yye ga Sekolo sa Batšhomayedi ba Mmušo kela ma rurele ga gore go gayela batšhomayedi. Mo o ka tipotsa gore o nyaka go segelela dilo tsa mošaga wone, napa o karakara gore o di segelele. Batho ba Jehova ba nyakela mekgwa ya gore ba make tsa go tlala ga mmereko wo ba mo makelang wona. (Meber. 16:9) Mara o ka maka byang mo nkare gana byalo a o kgone go di maka tsotsone? O sa tseyi nkare bo ba gore ba kgona go di maka baa go phala. Se segolo ka matla ga rune Makreste ke gore re ya mahlong re tiyisela. (Mat. 10:22) O sa yi tseye ka gonyana taba ya gore o berekela Jehova go ya ka so wene o se kgonang le go ya ka seyemo sago. Wowa ke mokgwa wa gore o ka wo tseyela gedimo gore o ye mahlong o šala Jeso nthago mo o šele o kolobetsiwwe.—Pis. 26:1.

12-13. O ka maka byang mo nkare matšato yago ma thomisa go pomega? (1 Makorente 9:​16, 17) (Lebelela le lebhokisi la gore “ Ariye Mahlong o Kene o Taboga.”)

¹² Di nyaka o make ying mo o bona nkare a o sa tshwana le mathomisong ga taba ya go rapela di tšwa pelong, kela mo o bona nkare ga tso tsa go tšhomayela o šele o fo makela moyano? Mo nkare tsa go bala Bhayibele a di sa go natefela go tshwana le mathomisong gee? Mo nkare dilo tsone di go makegela ka nthago ga gore o kolobetsiwe, o sa tseye nkare moya wa Jehova a wo sa bereka ho gago. Wa tšiba le wene ke wene motho fote a wa yenela, ka mokgo o tikwang go ka fo tšhentšhatšhentšha. Mo nkare matšato yago ma thomisa go pomega, nagana ka mošupetso wa Pawulo wa lepostola. O yye a liketsa go kopisela ga Jeso, mara ke mo a di tšiba gore ka dinako  tse dingwana a ka fo sa be le matšato. (Bala 1 Makorente 9:​16, 17.) O yitseri: “Le mo nkene ke di maka ke sa nyake ke ya di tšiba tsa gore Modimo o sa na a ntshepa gore nka maka mmereko wowa.” Ka mantsu ya mangwana, Pawulo ke mo a tikemisele go maka mmereko wage wa go tšhomayela di se na taba gore o tikwa byang ka nako yonone.

¹³ Le wene mo o segelela dipheto, o sa lawole ke gore o tikwa byang ka nako yonone. Tipotse gore o nyoko maka sa gabutši le mo o kwa o sa nyake. Mo nako yi kene yi ya, tso o di makang di ka tšhentšha ka mokgo o tikwang. Mo o soko segela hone, maka gore o be le letheto la gabutši la tso tsa Modimo gore o sa lisetsi go šala Jeso nthago le mo o šele o kolobetsiwwe. Mo o dula o maka tsotsone, o nyoko hlohletsela le magageru ya mangwana.—1 Mathes. 5:11.

“LE SA LISETSE GO TINYAKOLLA . . . LE YE MAHLONG LE TIŠUPETSA”

14. King sa gore se nyaka o dula o se pombhola, fote ke ntaba? (2 Makorente 13:5)

¹⁴ Go dula o tipombhola mo o šele o kolobetsiwwe le tsona di ka go gelepa. (Bala 2 Makorente 13:5.) Di nyaka o dula o pombhola lephelo lago le mekgwa yago, o lebelele gore ayitsano o sa na o rapela ka moka matšatši, o bala Bhayibele o boya o titšhutisa yona, o ya megahlanong le tšhomong. Liketsa go maka gore dilo tsowa di go natefele mo o kene o di maka fote di go berekele. Mo re beyisa, tiputsise diputsiso tsa go tshwana le tsowa: ‘Ayitsano ke ya di kgona go hlatollela ba bangwana ditaba tso Bhayibele yi di tšhutisang tsa gore a di nape di yisa? Ayitsano go na le mekgwa yo nka yi berekisang gore tšhomo yi nape yi nnatefela ka matla? Mo ke rapela, ayitsano ke thuletsa so ke se kgopelang fote dya šupetsa gore ke napa ke tisamela ka Jehova? Ayitsano ke dula ke ya megahlanong ya Sekreste? Nka potolla kaye gore o sa kraye monagano waka wo talagana mo ke le megahlanong ya phutego fote ke fetole mo ke le ga yona?’

15-16. Tso di makegeleng mogageru ye mongwana di go tšhutisa ying ga taba ya tso o ka di makang mo go nyarela tsa go go woka?

¹⁵ O nyoko ba o maka gabutši mo o ka tinyakolla gabutši gore o tšibe gore wene o šitega ga dilo difeng. Mogageru ye ba reng ke Robert o hlaya tso a gahlanneng natso tsa go šupetsa taba yowa, o re: “Mo ke na le gana hala ga 20 ya mengwaga, ke mo ke krayye letogonyana. Tšatšenngwana mo re tšhayisa, sesi ye mongwana wa gore ne ke bereka naye o yye a re ke ye naye mo a dulang gona. O hlayye gore re nyoko ba re le ntoši fote re ‘nyoko tijabodisa.’ Ke thomisiye ke tshwara ku le ku, mara ka fetsa ke ganne fote ka mo hlatollela gore ke ntaba.” Robert o ganne gore sesi yene a mo woke, fote ke taba ya gabutši. Mara ka nthago mo a nagana ka taba yone, o di bonne gore nke a makiye se sengwana sa go phala sone. O re: “A ke ya  gana di ro kwagala kela ka go yakgoswa go tshwana le ka mokgo Josefa a ganneng mosadi wa Potifaro. (Gen. 39:​7-9) Gabutšibutši, ke yye ka šala ke makele gore anthe ke ntaba ke thomisiye ka go tšebatšeba. Taba yowa yi n’gelepiye gore ke di bone gore di nyaka ke tiyise senghana saka le Jehova.”

¹⁶ Le wene di ka go gelepa mo o ka tipombhola go tshwana le Robert. Le mo o ka di kgona go gana tsa go go woka, tiputsise gore, ‘Di ntsere nako ya go teya kaye gore ke gane?’ O sa garatse mo o bona nkare di nyaka o potolla go gongwananyana. Jabola ka gore wa bona gore go kekemme kaye. Rapela ka taba yone, fote o make dilo tsa gore di nyoko maka gore o nape o nabela go jabodisa Jehova ka matla.—Pis. 139:​23, 24.

17. Lebitso la Jehova ke mo le kena kaye ga tso di makegeleng Robert?

¹⁷ Ke mo re sa bolabola ka Robert. Mo a ya mahlong o re: “Ka nthago ga gore ke gane go sepela naye, sesi yene o yitseri, ‘O pasiye!’ Ke mmutsisiye gore ke ntaba a reyane. O nhlatollele gore monghanage wa gore ke mo go le Hlatse, o mmutsiye gore bo ba gore ba sa gola ka mokana ga bona ba gore ke Dihlatse ba maka dilo tsa go kekema ka makhukhung mo ba thulegele ke lešuba, mara mo ba le mahlong ga batho ba maka tsa nkare ba yi tshwere. Byalo yene o butsiye monghanage gore o nyoko tutsa ka nna. A wa mpona mo ke kwa pelo yo yi re kgehle ka taba la gore ke thanakisiye lebitso la Jehova.”

18. O tikemisele go maka ying mo o šele o kolobetsiwwe? (Lebelela le lebhokisi la gore “ Dihlogotaba Tsa go Lategetsana Tsa Gore di Nyoko go Natefela.”)

¹⁸ Mo o tineyela ga Jehova o boya o kolobetsiwa, o šupetsa gore o nyaka go maka gore lebitso lage le hlawolege le mo go ka teya leduma la mošaga mang. Fote o ka di tshepa gore Jehova o tšiba dintshitshire tso o gahlanang natso, o tšiba le dilo tsa go go woka tsa gore o kgeta go sa di make. O nyoko go rufa mo o karakara gore o dule o tshepega. Mo tshepe gore yene o nyoko berekisa moya wage wa go hlawolega gore a go neye matšhika gore o make ka mokgonone. (Luka 11:​11-13) Mo o gelepa ke Jehova, o nyoko di kgona go ya mahlong o šala Jeso nthago mo o šele o kolobetsiwwe.