1-2. Hlatolla ka mokgo ditšhiko tsa Bhayibele go ka bang selo se segolo ga rune mo seyemo se tšhentšha.

 KA LETŠATŠI la mošadho, bo ba tseyanang ba yi theetsela di ba baba polabolo ya mošadho. Ditšhiko tso ba di theetseleng ga polabolo yone a yi la mathomo ba di kwa. Go tlugisela ka letšatši lolone tso ba di kwileng ba thomisa go di tseyela gedimo. Ke ntaba mara? Di nyoko ba berekela ka taba la gore ba šele ba šadhiye.

² Taba yone yi fo ba ka mokgonone le mo monna le mosadi wa Mokreste ba ba le ngwana. Mengwaga ya go fela, di ka makega gore ne ba kene ba di theetsela dipolabolo ga taba ya go gudisa bana. Mara gana byalo tso ba ba yeletsang ka tsona ga dipolabolo tsone ba di tseyela gedimo ka matla. Gana byalo di nyaka ba gudisa ngwana wa bona beng. Lone ke mong letogo! Nnete ke gore seyemo se ka tšhentšha ka mokgo re tseyang ditšhiko tsa Bhayibele. Sosone ke sona so se makang gore malata ya Jehova ma dule ma bala Mangwalo fote le magoši ya Maisrayele ne ba ma butsiye gore ma ghayele ka wona “matšatši ka mokana ga wona” mo ma kene ma phela.—Dot. 17:19.

3. Ga hlogotaba yowa re nyoko petapeta ka ying?

³ Lune babelegi ba Makreste le na le mmereko wa go bafala ka matla, go leng go tšhutisa bana ba lune ka Jehova. Mara a le fo jabodisa ke go ba nganela ka ditaba tsa go tlala tsa go tšwa ga Modimo. So le se nyakang ke gore bana ba lune ba mo nyake ka matla. Mara o ka maka byang gore o thogo kikitela ga ngwanago taba ya go nyaka Jehova ka matla? Ga hlogotaba yowa, re nyoko petapeta ka ditšhiko tsa Bhayibele ka dine tso di ka go gelepang wene mmelegi. (2 Thim. 3:16) Re nyoko lebelela gore go berekisa tso  Bhayibele yi re yetetsang ka tsona di ba gelepiye ka mokgo mang babelegi ba Makreste ba bangwana.

4. Ke tšhiko yifeng yo yi ka gelepang babelegi mo ba kikitela ga bana ba bona taba ya go nyaka Jehova ka matla? (Jakobo 1:5)

⁴ Tšhiko 1: Lisetsa Jehova a go yetetse. Kgopela Jehova a make gore o hlalefe gore o thogo gelepa bana bago ga taba ya gore ba mo nyake ka matla. (Bala Jakobo 1:5.) Ke yene Motho wa gore a ka go yeletsa gabutši. Di tlele dilo tso di makang gore go be ka mokgonone. O fo lebelela ka dipedi. Sa mathomo, Jehova o teya a tshwarelele ga mmereko wa go ba mmelegi. (Pis. 36:9) Sa bobedi ke gore, dilo ka moka tso a yeletsang ka tsona di ya bereka ka moka nako.—Jes. 48:17.

5. (a) King tso mokgahlo wa Jehova o di neyang babelegi tsa gore di ka ba gelepa? (b) Ga vidiyo yo o yi bonneng king so o se tšhutang ga taba ya ka mokgo mogageru Amorim le mosadi wage ba gudisang bana ba bona?

⁵ Jehova o berekisa Lentsu lage le mokgahlo wage go go neya tso o ka di berekisang mo o gelepa bana bago gore ba thogo mo nyaka ka matla mo ba kene ba gula. (Mat. 24:45) Mo re beyisa, o ka kraya tsa go tlala tso ba go yeletsang ka tsona tsa gore di ka go berekela ga dihlogotaba tsa go lategetsana tsa gore, “Tso di ka Gelepang Mutši” tsa gore ke mengwaga ya go tlalanyana di nyarela ga makazini wa Hlahlama! Fote gana byalo di ya krayega ga wepsayite ya rune. Fote go na le dividiyo tsa go tlala ga jw.org tsa gore di šupetsa dipolabodisano le dividiyo tso di ka gelepang babelegi gore ba thogo berekisa tso Jehova a ba yetetsang ka tsona mo ba kene ba gudisa bana ba bona. *—Diy. 2:4-6.

6. Monna ye mongwana le mosadi wage ba tikwa byang ka tso mokgahlo wa Jehova o ba yetetsang ka tsona?

⁶ Babelegi ba go tlala ba yi lebogiye ka matla taba ya gore Jehova o ba gelepa a berekisa mokgahlo wage. Papa ye mongwana ye ba reng ke Joe o yitseri: “Go gudisa kararo ya bana a yi go kgana. Nna le mosadi waka re dula re rapela Jehova gore a re gelepe. Fote ga go tlala mo go nyarela hlogotaba kela vidiyo ya nyuwane re kwa nkare yi segele ka nako gore yi thogo re gelepa re tshwaragane le seyemo so re gahlanang naso. Go kgopela Jehova gore a re yetetse ke tso re kwanang natso.” Joe le mosadi wage ba di bonne tsa gore tso mokgahlo wo ba neyang tsona di gelepa bana ba bona gore ba nape ba mo mamarele ga Jehova.

7. Ke ntaba di nyaka babelegi ba dule ba ntshiye maahlo dikwakweng ga tso ba di makang? (Maroma 2:21)

 ⁷ Tšhiko 2: Tšhutisa ka tso o di makang. Bana ba lebelela tso babelegi ba bona di makang ba boya ba di kopisela. A re yi gane taba ya gore aa šiyo mmelegi wa gore o yenele. (Marom. 3:23) Le mo go le ka mokgonone, babelegi ba gore ba hlalefiye ba nyoko liketsa go maka so ba ka se kgonang gore ba beyisele bana ba bona. (Bala Maroma 2:21.) Pape mongwana mo a bolabola ka bana o yitseri: “Ba fo tshwana le sepontše sa gore se moma selo se sengwana le sengwana sa meetši.” O tokegele ka gore: “Ba nyoko re botsa mo nkare tso re di makang a di yelane le tso re di tšhutisang.” Byalo, mo nkare re ya resa gore re ya di nyaka tsa gore bana ba rune ba mo nyake ka matla ga Jehova, di nyaka le rune re make di bonale gore re ya resa re mo nyaka ka matla.

8-9. O tšhuta ying ga tso di hlayyeng ke Andrew le Emma?

⁸ Di tlele tso babelegi ba ka di makang gore ba tšhutise bana ba bona gore ba nyake Jehova ka matla. Theetsela gore mogageru ye ba reng ke Andrew wa gore o na le 17 ya mengwaga o re king: “Babelegi baka ke mo ba dula ba šihlela taba ya gore go rapela ke mong selo se segolo. Ka moka matšatši ka malobana papa ke mo a dula a rapela le nna le mo yi le gore ke šele ke rapele. Babelegi baka ke mo ba dula ba re gopotsa gore: ‘O ka bolabola le Jehova gatleletlele.’ Ka taba la gore ke mo ba dula ba šihlela taba ya go rapela, tsotsone di yye dya ntikisa ka matla fote gana byalo ke kwana natso ka matla tsa go rapela Jehova ke boya ke mo tseya go le Papa wa gore o nnyaka ka matla.” Lune babelegi, le sa yi tseyi ka gonyana taba ya gore mo lune le mo nyaka ka matla ga Jehova bana ba lune ba nyoko tseyela ga lune.

⁹ Fote tseya ka mošupetso wa Emma. Mo papage a tloga a šiya ba mutši wa gabo, o yye a šiya mmane wage a tlungwele ka hlogo dikolotong. Emma o re: “Ga go tlala mmane wage ne a dula a patšekiye mara ne a sa lisetse go bolabola ka taba ya ka mokgo Jehova a pasopang a boya a neya malata yage tso ma di gayelang. Ne ke bona ka mokgo a makang dilo gore wa yi tshepa taba yone. Mmane ke mo a di maka tso a di bolabolang.” Re tšhuta ying? Babelegi ba ka di kgona go beyisela bana ba bona le mo ba kene ba goga thabeng.—Magal. 6:9.

10. Ke nako yifeng yo babelegi ba Maisrayele ne ba ka yi berekisa gore ba thogo bolabola le bana ba bona? (Dotoronoma 6:6, 7)

¹⁰ Tšhiko 3: Dula o bolabodisana le bana bago. Jehova ke mo a butsiye Maisrayele ya ku botala gore ba dule ba tšhutisa bana ba bona ka yene. (Bala Dotoronoma 6:6 , 7.) Babelegi bone ke mo ba na le letšatši ka moka gore ba ka bolabola le bana ba bona fote ba thogo maka taba ya go nyaka Jehova ka matla yi nape yi kenelele ga bana ba bona. Mo re beyisa, mošomanyana wa Leisrayele wa gore o sa gula ne a na le diawara tsa go tlala tso a gelepang papage ga mmereko wa go gaša kela wa go buna. Byalo sesi wage yene di ka makega gore ne a na le nako ya go tlala ya go gelepa mmane wage ka go roka, go loga le go maka mebereko ye mengwana ya ka ho mutšing. Mo babelegi le bana ba kene ba bereka ggoši, ba ka bonisana ga ditaba tsa go tlala tso ba gahlanang natso. Mo re beyisa, ba ka petapeta ka mekgwa ya go bafala ya Jehova ya go tshwana le go loka kela ba bolabola ka taba ya ka mokgo a gelepang ba mutši wa bona.

11. Ke lešuba lefeng le lengwana lo babelegi ba Makreste ba ka le berekisang gore ba bolabodisane le bana ba bona?

¹¹ Dilo a di sa tshwana le botala. Ga dinaga tsa go tlala, a di lula gore o kraye babelegi le bana ba fetsa nako ya go tlala ba le ggoši. O ka kraya babelegi ba le mmerekong ke mokane bana ba le sekolong. Ka taba la tsotsone, di nyaka babelegi ba dule ba lebelela mašuba ya gore ba ka bolabodisana le bana ba bona. (Maef. 5:15, 16; Mafil. 1:10) Morapelo wa mutši wo gelepa ka matla ga taba yonone. Mogageru wa gore o sa gula ye ba reng  ke Alexander o re: “Papa ke mo a karakara ka matla gore go dule go na le morapelo wa mutši fote aa dumelele le mong selo se re šitisa. Mo re fetsiye go tšhuta, re fo dula ke mokane re tipolabolela nje.”

12. King tso di nyakang hlogo ya mutši yi sa di lebale ga morapelo wa mutši?

¹² Mo nkare ke wene hlogo ya mutši, king so o ka se makang gore bana bago ba jabolele morapelo wa mutši? Ke ntaba mo o tšhuta le bana bago o sa berekisi puku ya rune ya gabutši ya gore Tikwise ka Lephelo go ya go Yye! Mo le kene le tšhuta puku yone yi nyoko gelepa gore le thogo bolabodisana. O nyaka gore bana bago ba go hlayisele gore ba tikwa ka mokgo mang le gore king tso di ba hlupang, byalo o sa berekisi nako yo ya morapelo wa mutši go ba tšhomayelela o boya o ba lakatsanya. Byalo mo bana bago ba go thuletsela ka mokgo ba bonang dilo kela ka mokgo ba tikwang liketsa gore o sa kakogele gedimo le mo yi le gore tso ba di bolabolang a di yelane le ditšhiko tsa Bhayibele. Mara wene o fo jabolela gore a ba go wutametsele gore ba tikwa ka mokgo mang fote ba hlohletsele gore ba sa tšhabe go bolabola. O nyoko thogo ba gelepa bana bago mo o di tšiba tsa gore ba tikwa ka mokgo mang.

13. Ke nako yifeng ye nngwana yo babelegi ba ka yi berekisang go gelepa bana ba bona gore ba šutele thina le Jehova?

¹³ Mo bo sele babelegi ba dula ba nyakana le mašuba ya go gelepa bana ba bona gore ba thogo šutela thina le Jehova. A di nyake o tipotsa gore bana bago o nyoko ba tšhutisa gore ga Modimo ba mo nyake ka matla mo le šele le duli fase le tšhutisana Bhayibele. Theetsela gore mmane ye mongwana ye ba reng ke Lisa o re king: “Re gelepiye bana ba rune re berekisa se sengwana le se sengwana so ba se bonang gore re ba tšhutise ka Jehova le tso a di makiyeng. Mo re beyisa, mo bana ba rune ba tshegisa ke tso mpsya ya rune yi di makang ne re berekisa taba yonone gore re thogo ba šupetsa gore ye a re makiyeng le yene o kwana natso tsa go tshega fote o jabolela lephelo go fo tshwana le rune.”

14. Ke ntaba go le taba ye kgolo gore babelegi ba gelepe bana ba bona gore ba thogo kgeta banghana gabutši? (Diyema 13:20)

¹⁴ Tšhiko 4: Gelepa bana bago gore ba tikrayele banghana ba gabutši. Lentsu la Modimo le di beya lekgwaying tsa gore banghana ba rune ba ka re hlohletsela go maka tsa gabutši kela ba re kutšetsela go maka tsa go befa. (Bala Diyema 13:20.) Lune babelegi, ayitsano le ya ba tšiba  banghana ba bana ba lune? O yye wa gahlana nabo wa boya wa fokatsa nabo? O ka maka byang gore o thogo gelepa bana bago gore ba nghanelane le ba gore ba mo nyaka ka matla ga Jehova? (1 Makor. 15:33) O ka ba gelepa gore ba šupetse gore ba hlalefiye mo ba kgeta banghana ka gore o meme ba bangwana ba gore ba tiyelele ga tso tsa Modimo gore ba be le lune mo le na le tso le di makang tsa gabutši.—Pis. 119:63.

15. King so babelegi ba ka se makang gore ba gelepe bana ba bona ba thogo tikrayela banghana ba gabutši?

¹⁵ Lebelela gore pape mongwana ye ba reng ke Tony o gahlanne le tsa mošaga mang. O hlatolla gore king so yene le mosadi wage ba yyeng ba se maka gore ba gelepe bana ba bona gore ba thogo ba le banghana ba gabutši: “Mengwaga yo ka mokana ga yona nna le mosadi waka ne re fela re mema magageru ya banna le basadi ba go sa lekane ka mengwaga fote ba gore ba gudisiwwe ka mekgwa ya go sa tshwane. Ke mo ba tla ba ja le rune ke mokane re tshwara morapelo wa mutši re le ka moka. Wowa ke mokgwa wa gabutši wo o ka wo berekisang mo o nyaka go tšiba bo ba nyakang Jehova ka matla ba boya ba mmerekela ba jabodiye. Taba ya gore bapotulugi, barumiwa le ba bangwana ba yye ba dula ka mutšing wa rune ne yi maka gore re kwe re rufegiye ka matla. Mo bana ba rune ba kwa tso ba gahlanneng natso, ba bona matšato ya bona le ka mokgo ba tineyeleng, tsotsone ne di ba gelepa gore ba nape ba šutela thina ka matla le Jehova.” Babelegi tikemiseleneng barena, gore le gelepe bana ba lune ba nghanelane le batho ba gabutši.

16. Mara o nyoko re king mo ngwanago a re aa sa yi kena ya go berekela Jehova?

¹⁶ Mara o nyoko re king mo ka nthago ga mo o liketsiye dilo ka mokana ga tsona ke mokane bana bago ba fo tla ba re gago a re sa yi kena ya go berekela Jehova? Barena wene mmelegi o sa tseyi gore di go šitiye. Phela Jehova o makiye gore ka mokana ga rune le mong bana ba rune re tikgetele gore re nyoko mmerekela kela dho. Mara mo di ka makega gore ngwanago a segelele sepheto sa go lisetsa Jehova o sa lahle tshepo ya gore o ko sologeng. Gopola mošupetso wola wa morwayi wa gore ne a lahlegiye. (Luk. 15:11-19, 22-24) Mosogana yene ne a ro napa a keketlela ku kgole le tsa go loka mara o yye a feleletsa ka go sologa. Ba bangwana ba ka re, “Phela tsone go fo ba mošupetso.” “Ayitsano tsotsone di ka makega tsa mannete?” Eya di ya kgonega! Tsotsone  di yye dya makegela mosogana ye mongwana ye ba reng ke Elie.

17. Tso di makegeleng Elie di go hlohletsela ka mokgo mang?

¹⁷ Elie mo a bolabola ka babelegi bage o re: “Ba liketsiye so ba ka se kgonang go maka gore taba ya go nyaka Jehova le Lentsu lage go leng Bhayibele yi kenelele ho gaka. Mo ke sa gula, di yye dya nkena tsa go fo womisa hlogo.” Elie o yye a thomisa go gata ka howa le ka howa ke mokane a phakgela babelegi bage ku thoko mo ba liketsa go mo gelepa ga tso tsa Modimo. Mo a tlugiye gaye o yye a thomisa go maka dilo tsa go befa. Le mo go le ka mokgonone, ne a fela a bolabodisana le monghanage ka Bhayibele. Elie o re: “Mo nna le monghanaka re dula re bolabola ka Jehova ne ke fo dulela go nagana ka yene. Ka gonyana ka gonyana, pewu ya nnete ya Bhayibele yo ne yi le ka ho pelong yaka ya gore babelegi baka ba liketsiye ka matla go yi gaša yi yye ya thomisa go gula.” Mo goya-goya, Elie o yye a kena pateng fote. *O fo nagana gore ke mo yi ba jabodisa ka mokgo mang babelegi bage taba ya gore ba yye ba liketsa go mo tšhutisa a sa le ye monyana gore a mo nyake ka matla ga Jehova!—2 Thim. 3:14, 15.

18. O ba tseya byang babelegi bo ba karakarang ka matla go tšhutisa bana ba bona gore ga Jehova ba mo nyake ka matla?

¹⁸ Lune babelegi, ba le neyye mmereko wa go bafala ka matla go leng go gudisa batho ba gore ka motshwana go nyoko ba bona malata ya Jehova. (Pis. 78:4-6) Re ya di tšiba tsa gore wone a yi mmerekonyana mara re le phaphatela matsogo ka taba la gore le wa le tsoga gore le thogo gelepa bana ba lune! Mo nkare le ya mahlong le kene le maka so le ka se kgonang gore le gelepe bana ba lune gore ba mo nyake ka matla ga Jehova le boya le ba gudisa le kene le ba wolola fote le ba yetetsa le sa kamake gore Papa wa lune wa gore o le nyaka ka matla wa ku legedimong o nyoko jabola.—Maef. 6:4.