1. Re tšhutiye ying ga mogahlano wa mongwaga wo mongwana le wo mongwana wa 2023?

 GA MOGAHLANO wa mongwaga wo mongwana le wo mongwana wa 2023, a ba yye ba re yedisela ditaba tse dingwana tsa dilo tso ke mo re di dumela fote re kwile tse dingwana tsa go jabodisa tsa go yelana le mmereko wa rune wa go tšhomayela. Mo re beyisa, re tšhutiye gore batho ba bangwana ba ka thulegela ke lešuba la go yema le batho ba Jehova le ka nthago ga mo ba fetsiye ka Bhabhilona ye Mogolo. Re tšhutiye le gore go tlugisela ka November 2023, batšhomayedi ba ditaba tsa Mmušo, ba ka sa sa bega dilo ka moka tso ba di makiyeng mo ba le tšhomong. Ayitsano tsotsone di ra gore mmereko wa rune wa go tšhomayela a o sa yakgoswiye? Le ka mbhitšane!

2. Ke ntaba re re letšatši le lengwana le le lengwana mmereko wa rune wa go tšhomayela wo napa wo ba wa gore wo yakgoswiye ka matla? (Mareka 13:10)

² Mo bo sa letšatši le lengwana le le lengwana, mmereko wa rune wa go tšhomayela wo napa wo ba wa gore wo yakgoswiye ka matla. Ke ntaba mara? Ka taba la gore nako yi šele yi re šiyye. Nagana ka tso Jeso a di hlayyeng botala mo a bolabola ka mmereko wa go tšhomayela ka dinako tsa mafelelo. (Bala Mareka 13:10.) Ga puku ya Matewu, Jeso o yitseri ditaba tsa go bafala di nyoko sabalatsiwa lefaseng ka mokana ga lona lefase le soko bane le “fela.” (Mat. 24:14) Mantsu yane ma rela mo ba fetsa ka lefase  lowa la go befa la Sathane. Jehova wa tšiba gore dilo tsowa di nyoko “makega leng.” (Mat. 24:36; 25:13; Meber. 1:7) Phela letšatši le lengwana le le lengwana le re šutetsa ga nako yone. (Marom. 13:11) Mara gana byalo, koriyeneng mahlong re tšhomayela go segela mafelelong.

3. King so se re tšhofang gore re tšhomayele?

³ Mo re kene re ghayela ka mmereko wa rune wa go tšhomayela, re ko ba re maka gabutši ka matla mo re ka nagana ka putsiso yowa ye kgolo ya gore: Ke ntaba re tšhomayela ditaba tsa go bafala? Mo re fo yi beya nje, re ka re, so se re tšhofang gore re tšhomayele ke taba ya gore re ya nyakanana. Mo re tšhomayela, re šupetsa gore re kwana ka matla le ditaba tsa go bafala, re kwana le batho ka matla fote sa go di phala ka moka ke gore, ga Jehova re mo nyaka ka matla fote re kwana le lebitso lage. Tla re petapeteneng ka sengwana le se sengwana sa dilo tsowa.

RE TŠHOMAYELA KA TABA LA GORE RE KWANA KA MATLA LE DITABA TSA GO BAFALA

4. Re tikwa byang mo ba re botsa ditaba tsa go natefa?

⁴ Ayitsano o sa gopola ka mokgo o yyeng wa tikwa ka gona mo ba go botsa ditaba tsa go natefa—di ka makega ba go butsiye gore go šele go na le leseya ka gaye, kela ba go neya mmereko wa gore wa wo hloka? A re kamake gore o yye wa tikwa o nabele go botsa ba genu kela banghana bago ditaba tsone tsa go natefa ka matla. Byalo, ayitsano o yye wa makegela ke taba ya mošaga wonowa mo ba go botsa ditaba tsa go di phala ka moka—ditaba tsa go bafala tsa Mmušo wa Modimo?

5. O yye wa tikwa byang mo o thomisa go tšhuta nnete ya go tšwa ka Lentsung la Modimo? (Lebelela le dithombhe.)

⁵ O fo nagana ka mokgo o yyeng wa tikwa ka gona la mathomo mo o tšhuta nnete ya gore yi tšwa ka Lentsung la Modimo. O tšhutiye gore Papago wa legedimong o go nyaka ka matla, o nyaka gore wene o be ga mutši wa batho bage bo ba mo rapelang, O tshepisiye gore o nyoko fetsa ka tso di re kwisang go baba le tsa go re kgahleletsa, o be le tshepo ya go bona lešaga lago la gore le hlokofele le phela fote, lefaseng la nyuwane—le tse dingwana tsa go tlala. (Mar. 10:29, 30; Joh. 5:28, 29; Marom. 8:38, 39; Kut. 21:3, 4) Nnete yone yi tikisiye pelo yago. (Luk. 24:32) O yye wa kwana ka matla le tso ne o di tšhuta fote  a sanka wa dulela nnete yowa!—Tshwanisa le Jeremiya 20:9.

6. Re tšhuta ying ga mošupetso wa Ernest le Rose?

⁶ Tseya ka tso di yyeng dya makega. Mogageru ye mongwana wa gore ba re ke Ernest b ke mo a na le lesome la mengwaga mo papage a hlokofala. Ernest o re: “Ke yye ka tiputsisa gore: ‘Ayitsano o yye legedimong? Kela ayitsano go napiye go fela ka yene?’ Ne ke nabela bana ba bangwana ba gore bopapa ba bona ba sa phela.” Ernest ke mo a dula a ya mabitleng, a kgotama lebitleng la papage, ke mokane a rapela a re: “Barena Modimo, ke nyaka go tšiba gore papaka o kaye.” Ka nthago ga gana hala ga 17 ya mengwaga papage a hlokofele, Ernest ba yye ba kgopela go mo tšhutisa Bhayibele, fote o yye a dumela. O yye a jabola ka matla mo a tšhuta gore bo ba gore ba hlokofele a ba tšibi selo, go fo tshwana le mo ba yetsele mong boroko, fote Bhayibele yi tshepisa gore bo ba gore ba hlokofele ba nyoko tsoga ku mahlong. (Mmo. 9:5, 10; Meber. 24:15) O feleletsiye a krayye diphetolo tsa diputsiso tsa gore ne di mo hlupa nako yago lefa! Ernest ne a yi jabolela ka matla nnete yo ne a yi tšhuta. Mosadi wage ye ba reng ke Rose, le yene o yye a tšhuta Bhayibele fote o yye a kwana le tso ne a di tšhuta. Ka 1978 ba yye ba kolobetsiwa. Ba yye ba tšhomayelela mašaga ya bona ka matšato, ba tšhomayelela le banghana ba bona le ba bangwana ka nnete yo ba yi tseyelang gedimo ya gore ba yi tšhutiye. Ka taba la tsotsone, Ernest le Rose ba yye ba gelepa batho ba go teya ka ku ga 70 gore ba tšibe Jehova le gore ba kolobetsiwe.

7. Go makega ying mo nnete ya Bhayibele yi tsika ka ho dipelong tsa rune? (Luka 6:45)

⁷ Di fo ba lekgwaying gore mo nnete ya Bhayibele yi tsika ka ho dipelong tsa rune, a re di kgone go fo re tsee, ra sa botse ba bangwana. (Bala Luka 6:45.) Re tikwa go tshwana le malata ya Jeso ya ku botala ya gore ma hlayye gore: “Re ka sa lisetse go bolabola ka tso re di bonneng le tso re di kwileng.” (Meber. 4:20) Nnete re ro kwana nayo ka matla tsa gore re nyaka go yi botsa batho ba go tlala ka matla ka mokgo re ka kgonang.

RE TŠHOMAYELA KA TABA LA GORE RE KWANA LE BATHO KA MATLA

8. King so se re tšhofang gore re nyake go tšhomayelela batho ditaba tsa go bafala? (Lebelela lebhokisi la gore, “ Kwana le Batho—Maka Malata.”) (Lebelela le sethombhe.)

⁸ Go fo tshwana le Jehova le Morwayi wage, le rune re nyaka batho ka matla. (Diy. 8:31; Joh. 3:16) Re ba kwela go baba bo ba gore a ba “tšibi Modimo” fote a ba “na tshepo.” (Maef. 2:12) Ka taba la mathatha ya ba nang nawo, ba ka fo tikwa nkare ba ka teng ga mokoti wa gore wa yisa. Mara re na le thapo ya gore yi ka ba ntsha ka hone mokoting: thapo yone ke ditaba tsa go bafala tsa Mmušo wa Modimo. Taba ya gore re ba nyaka ka matla fote re ya ba kwela, yi re tšhofa  gore re make so re ka se kgonang gore re ba segelele re ba botse ditaba tsa go bafala. Molayetsa wone wa go bafala wo ka tikisa dipelo tsa bona wa maka gore ba be le tshepo, wa ba gelepa gore ba kraye lephelo la kawone gana byalo fote wa ba thulela lešuba la gore ba kraye “lephelo la gabutši”—lephelo la go ya go yye—lefaseng la nyuwane la Modimo.—1 Thim. 6:19.

9. King so re pasopisang batho ka sona sa gore se nyoko makega ku mahlong fote ke ntaba? (Hezekiyele 33:7, 8)

⁹ Taba ya gore re nyaka batho yi re tšhofa gore re ba pasopise gore yi šele yi le thina nako ya gore ba fetse ka lefase lowa la go befa. (Bala Hezekiyele 33:7, 8.) Re ba kwela go baba bayagelane ba rune le mašaga ya rune ya gore a yi Dihlatse. Ba go tlala ba fo tiphilela nje ba sa tšibi gore king so se tlang—“motšhatšhamelo wo mogolo, wa gore a wo soko ba gona go tlugisela lefase le ba gona fote [wo] ka sa sa ba gona le ka letšatši la mohlolo.” (Mat. 24:21) Re nyaka gore ba di tšibe gore go nyoko makega ying ka nako ya mo Modimo a yahlula batho—ba nyoko fetsa ka sedumedi sa matsaka fote ka nthago go nyoko fela ka lefase lowa la go befa ka ntwa ya Aremaghedoni. (Kut. 16:14, 16; 17:16, 17; 19:11, 19, 20) Re rapela gore ba go tlala ba theetsele tso re ba pasopisang ka tsona fote ba be le rune ga morapelo wa go yela gana byalo. Mara go nyoko makega ying ka bo ba gore a ba theetsele tso re ba pasopisang ka tsona gana byalo, re ra le mong mašaga ya rune?

10. Ke ntaba di nyakega ka matla gore re sa lisetsi go botsa batho ka tso di nyoko makegang ku mahlong?

¹⁰ Hlogotaba ya go fela yi šele yi hlatolliye gore di ka tšwa ga Jehova gore a phonise batho bo ba thomisang go ba le tumelo gage mo ba bona Bhabhilona ye Mogolo ba fetsa ka yene. Mo nkare go ka mokgonone, di ro nyakega ka matla gore re ye mahlong re ba pasopisa ka tsona gana byalo. Nagana ka sowa: Tso re ba botsang tsona gana byalo, di ka ba gelepa gore go be le so ba se gopolang mo nako yone yi segela. (Tshwanisa le Hezekiyele 33:33.) Di ka makega gore ba gopole tso re ko bang re ba pasopisiye ka tsona ke mokane dya ba tšhofa gore ba kene ga morapelo wa go yela go sa na le nako. Go fo tshwana le matšinghelane wa ku Filipi wa gore o yye a tšhentšha ka nthago ga mo go yye “gwa tekateka lefase,” di ka makega gore ba bangwana ba gore a ba theetsele gana byalo, ba ko tšhentšha ka nthago ga mo ba šilannye Bhabhilona ye Mogolo.—Meber. 16:25-34.

RE TŠHOMAYELA KA TABA LA GORE RE NYAKA JEHOVA LE LEBITSO LAGE

11. Ga Jehova re mo gadimisa byang, re boye re šupetse gore re ya mo hlompa le go mo neya matšhika? (Kutullo 4:11) (Lebelela le dithombhe.)

¹¹ Selo se segolo ka matla so se makang gore re tšhomayele ditaba tsa go bafala ke gore, ga Jehova re mo nyaka ka matla fote re kwana le lebitso lage la go hlawolega. Re tseya mmereko wa rune go le mokgwa wa go thanaka Modimo ye re  mo nyakang ka matla. (Bala Kutullo 4:11.) Re napa re dumelelana le bo ba leng ku legedimong mo ba re: “Di ro go tshwanela wene Jehova Modimo wa rune gore o thanakiwe, o hlompiwe le go ba le matšhika.” Re ya mo gadimisa fote re šupetsa gore re ya mo hlompa mo re botsa ba bangwana ka tso di leng gona tsa go šupetsa gore ke yene a “makiyeng dilo ka moka” fote re ya phela ka taba la gore o re neyye lephelo. Re neya Jehova matšhika ya rune mo re berekisa nako ya rune, matšhika ya rune le tso re nang natso gore re thogo tšhomayela ka mokgo re ka kgonang mo seyemo sa rune se re dumelela. (Mat. 6:33; Luk. 13:24; Makol. 3:23) Gabutšibutši, re ro kwana natso go bolabola ka Modimo wa gore re mo nyaka ka matla. Fote re kwa di re tšhofa go botsa ba bangwana ka lebitso lage le gore ke Modimo wa mošaga mang. Ke ntaba mara?

12. Re di maka byang gore lebitso la Jehova le hlawolege mo re le tšhomong?

¹² Taba ya gore ga Jehova re mo nyaka ka matla yi re tšhofa gore re make gore lebitso lage le hlawolege. (Mat. 6:9) Re nyaka go tšhela letsogo ga taba ya go yedisa lebitso lage la gore Sathane o le potlannye ka matsaka. (Gen. 3:1-5; Jobo 2:4; Joh. 8:44) Mo re le tšhomong, re dula re di nyaka go yemelela Modimo wa rune le go bolabola nnete ka yene ga batho ka mokana ga bona ba gore ba nyoko re theetsela. Re nyaka gore batho ka moka ba di tšibe gore mokgwa wo a tšibegang ka wona wa gore wo yi phala ka moka ke go nyakanana, gore mokgwa wage wa go lawola wo gabutši ka matla fote wo lukiye le gore go se botala Mmušo wage wo nyoko fetsa ka mehlupego wa boya wo maka gore go bebe le go maka gore batho ba jabole. (Pis. 37:10, 11, 29; 1 Joh. 4:8) Mo re yemelela lebitso la Jehova re le tšhomong, re ba re gadimisa lebitso lage. Fote re jabodiye ka taba la gore re maka tso Dihlatse Tsa Jehova di tshwaneleng go di maka. Ka mokgo mang mara?

13. Ke ntaba re titeya sekguba ka taba ya gore ke rune Dihlatse Tsa Jehova? (Jesaya 43:10-12)

¹³ Jehova o hlayye gore ke rune “dihlatse” tsage. (Bala Jesaya 43:10-12.) Mengwaganyana  ya go feta, lengwalo la go tšwa ga Mogoba wa go Lawola, le hlayye gore: “Taba ye kgolo ka matla ya gore ka mokana ga rune re ka yi jabolela fote re titeya sekguba ka yona, ke ya gore re tšibega re le Dihlatse Tsa Jehova.” c Ke ntaba go le ka mokgonone? Tseya ka mošupetso wowa. Mo nkare o nyaka motho a tle a be hlatse yago khota, o nyoko kgeta motho wa gore wa mo tšiba wa gore fote wa mo tshepa, wa gore tso a tšibegang ka tsona di nyoko maka gore tso a di bolabolang khota ba di tshepe. Mo Jehova a kgeta rune gore re be Dihlatse tsage, ke mo a re šupetsa gore o re tšiba gabutši fote o re tshepa lela la gore re ka kgona go hlaya gore ke yene Modimo wa mannete a le ntoši. Wa tšiba, taba ya gore ke rune Dihlatse tsage re yi tseyela gedimo la go šinya re ghalawela lešuba le lengwana le le lengwana gore re thogo botsa batho ka lebitso lage le go yedisa matsaka ya ba go tlala ba mo hlayelang wona. Mo re maka tsotsone, re ba re maka so lebitso la rune le se relang, re ba Dihlatse Tsa Jehova!—Pis. 83:18; Marom. 10:13-15.

RE NYOKO FO YA MAHLONG RE TŠHOMAYELA GO SEGELA MAFELELONG

14. Ke dilo difeng tsa go jabodisa tsa gore di ka makega go se botala ku mahlong?

¹⁴ Phela re fo kwa re nabele go bona tso di nyoko makegang ku mahlong go se botala! Mo re rufa ke Jehova, re tshepa gore re nyoko bona batho ba go tlala ba yamogela nnete go soko bane go thomisa motšhatšhamelo wo mogolo. Fote re jabodisa ke taba ya gore ka nako ya motšhatšhamelo wo mogolo—nako ya gore yi thathafa ka matla, batho ba go tlala ba ka tšwa ga lefase lowa la Sathane ke mokane ba thomisa go thanaka Jehova ba na le rune!—Meber. 13:48.

15-16. Re nyoko fo ya mahlong re maka ying, fote go segela leng?

¹⁵ Sa rune gana byalo, ke gore re kene fase. Phela re thulegele ke lešuba la go sabalatsa ditaba tsa gore re ka sa sa tsoga re di tšhomayele—go tšhomayela ditaba tsa go bafala tsa Mmušo wa Modimo lefaseng ka mokana ga lona. Fote di nyaka re ye mahlong re botsa batho ka tso di nyoko makegang ku mahlong. Batho ba tshwanele ba tšibe gore go šele ka gonyana gore go fele ka lefase lowa. Ke mokane mo nako yone yi segela, ba ko di tšibeng gore molayetsa wo ne re ba tšhomayelela wona, ke mo wo tšwa ga Jehova Modimo.—Hezek. 38:23.

¹⁶ Byalo, rune re tikemisele go maka ying? Ka taba la gore re ya nyakanana—re kwana le ditaba tsa go bafala, re nyaka batho ka matla, fote sa go di phala ka moka, re nyaka Jehova Modimo wa rune fote le ka taba la gore re kwana le lebitso lage—re nyoko ya mahlong re tšhomayela ka go di nyaka, ka mokgwa wa go šupetsa gore mmereko wowa wo yakgoswiye le ka matšato go segela Jehova a re, “Go lukiye!”