HO NKARE mengwaga ya go fela o yye wa vakašela poleke ye nyana ya go dukuluga ke meetši ya Sangir Besar hala Indonesia, di ka makega gore o bonne magageru ka mararo ya Makreste ma bereka hala thina le lewatle. Hala ga poleke ya go dukuluga ke meetši ba ba tšiba gabutši ka mmereko wa bona wa go gelepa batho go kwisisa Bhayibele. Mara ka letšatši lone, ke mo ba maka mmereko wa mohlobo wo mongwana.

Ba thomisiye ka go sepela-sepela ba kena ho lewatle ke mokane ba rwala matlapa ya magolo. Matlapa ya mangwana ke mo ma lekana le bholo ka bogolo. Ke mokane basadi bowa ke mo ba dula dibhankasetulong, ba pshyayetsela matlapa yala ka dihamola gore go be ya manyana le ga lekata la kgookgo. Mo ba fetsa, ba tšhela ditlapane tsone ka teng ga dipaketane ke mokane ba ya mo ba dulang ga gore o segela gona ka go kalama ditepisi. Ba tšhela ditlapane tso ka teng ga dikhwama tse dikgolo, ke mokane di tla di rwala ke dilori, ba ye di berekisa mo ba maka dipata.

Lebitso la ye mongwana gana hone ba re ke Hulda. Yene ke mo a sa tshwane le ba bangwana, seyemo sage ke mo se sa mo šitisi go fetsa nako ya go tlala a maka mmereko wowa. Ga go tlala tšheleta yo a yi golang ke mo a yi berekisa go patela dilo tsa gore ba thogo phela ka ho mutšing ka moka matšatši. Mara gana byalo ke mo a bereka a kene a naganne ka selo se sengwana sa gore o nyaka go se segelela. Ke mo a nyaka thebholete gore a thogo yi berekisa go kena ga JW Library^®. Hulda ke mo a di tšiba tsa gore dividiyo tsowa le dilo tse dingwana tsa gore di ka teng ga layibhrari yowa di nyoko maka gore a teye a tshwarelele mo a le tšhomong fote le Bhayibele o nyoko napa a yi kwisisa ka matla.

Hulda o fetsiye kgwedi le sekopa a bereka diawara ka dipedi ka bošego byo bongwana le byo bongwana, a pshyayetsela matlapa, gore a thogo tlatsa lephangha la koloyi. Mo a sa re, a kraya a na le tšheleta ya go yenetsa thebholete.

Hulda o hlayye gore: “Ke šadiye ke tinne ka matla fote mmele waka ke mo wo ro baba ka taba la go pshyayetsela matlapa, mara ke yakgoswiye ke lebala le gore go baba kaye mo ke thomisa go berekisa thebholete yo ya nyuwane gore ke thogo phomelela tšhomong le go maka gore tsa go lukiselela megahlano ya Sekreste di fefoge.” O hlayye le gore thebholete yo yi mo gelepiye mo bolwele byela bya go sabalala bo sa thoma ka taba la gore megahlano ka mokana ga yona ya phutego ke mo re yi tshwara ka mokgwa wa vidiyo. Re jabola naye ga Hulda ka taba la gore o phomelele.