MOTHO wa go pombhola tsa gore go nyoko sa byang, o bona sedingwana se sengwana sa go tshosa ka matla se bakiye ga poleke ya gore go dula batho ba go tladisa mohlolo. Ka taba la gore o hlupega ka matla ka batho, o maka so a ka se kgonang gore a ba botse gore ba dule ba ntshiye mahlo dikwakweng.

Go fo tshwana le ka mokgo Jehova a pasopisang batho bo ba dulang ho lefaseng gore go tla “sedingwana” se sengwana sa go tshosa la go sa hlayisege, la gore le bo ba gore ba kgona go pombhola tsa gore go nyoko sa byang, di nyoko ba šita go hlayisa. O ba pasopisa byang? Fote ke ntaba re sa kamake gore aa jume batho gore ba thogo ba le nako ya go lukisa dilo tsa bona? Gore re thogo kraya diphetolo, re nyoko bolabola ka tso Jehova a di makiyeng ku botala.

Nakwela Baebele yi kene yi ngwadiwa, Jehova o yye a botsa batho gore go tla “didingwana” tsa mohlobohlobo, kela go yahludiwa, ga bo ba gore a ba nyake go theetsela melawo yage ba maka ka bomu. (Diy. 10:25; Jer. 30:23) Ga taba ye nngwana le ye nngwana, Modimo o butsiye batho nako yi sa le gona gore ba tšhentšhe maphelelo ke mokane ba make dilo ka mokgo yene a nyakang. (2 Mag. 17:12-15; Neh. 9:29, 30) Ke mo a nyaka go gelepa batho gore ba thogo maka ka go yakgoswa tso a ba botsang tsona, byalo o yye a berekisa malata yage ya go tshepega gore ma yi sabalatse ga tleletlele taba yowa ya go yahlula.—Amosi 3:7.

Nnowa o yye a tišupa go le yene lelata la go tshepega. O fetsiye mengwaga ya go tlala ka matla, a kene a šišimele a botsa batho ba go maka tsa go befa le bokgohlane gore go nyoko ba le mogogola lefaseng ka mokana ga lona. (Gen. 6:9-13, 17) O yye a boya a ba botsa so ba tshwaneleng ba se make gore ba thogo phona, ke mokane sosone se makiye gore a šinye a kraya lebitso la gore ke yene “motšhomayedi wa tsa go loka.”—2 Pet. 2:5.

Nnowa o yye a garagara ka matla gore a botse batho ka molayetsa wa gore Modimo o nyoko leya mogogola, mara ba yye ba fo tiwomisa dihlogo. Ba yye ba tišupetsa gabutši gore a ba na tumelo le ka go twii. Ke mokane ba yye ba kgwa mo Mogogola “wo tla wo ba suwela ka mokana ga bona.” (Mat. 24:39; Maheb. 11:7) Nnete ke gore mo ba ka fo re Modimo o ba jumme, ba ko ba ba bolabola matsaka.

Ka dinako tse dingwana Jehova o re pasopisa go šele nako ye nyana go soko bane go segela “sedingwana” sa go yahlula. Mara, o neya batho nako ya gore ba thogo tšhentšha. Mo re beyisa, o butsiye Maegepita ya ku botala nako yi sa le gona gore o nyoko leya Lesome la Dilo tsa go Sasamela. Jehova o yye a roma Moše le Aroni gore ba botse Farawo le malata yage gore selo sa bošupa so a nyoko ba teyang ka sona, ke sefako sa go baba. Ka taba la gore sefako sone ke mo se nyoko thomisa ka motshwana wa gona, ayitsano Modimo o ba neyye nako ya go lekanela gore ba thogo tšhabelela sedingwana sone? Baebele yi re: “Ye mongwana le ye mongwana ga malata ya Farawo ye a theetselang lentsu la Jehova o yye a yakgoswa a tšhabedisa malata yage le morape wage gaye, mara ye a sa theetseleng lentsu la Jehova o yye a lesetsa malata yage le morape wage wo fo ba lekgwaying.” (Ek. 9:18-21) Nnete ke gore Jehova o yye a ba botsa nako yi sa le gona, byalo bo ba yyeng ba theetsela ka go yakgoswa ba yye ba phona.

Farawo le malata yage le bona ba yye ba butsiwa gore selo sa lesome so ba nyoko teyiwang ka sona se baba ka matla. Mara ba yye ba maka bophokophoko ka go fo tiwomisa dihlogo. (Ek. 4:22, 23) Ye mongwana le ye mongwana o yye a fo bona mo matšibula wage a phophomela ke mokane a kgwa. A yi go baba ga tsona wa tšiba! (Ek. 11:4-10; 12:29) Ayitsano nke ba yye ba theetsela nako yi sa le gona? Nnete nke ba makiye ka mokgonone! Moše o yye a botsa Maisrayele ka go yakgoswa gore go nyoko tla selo sa lesome sa go sasamela, ke mokane a ba botsa gore ba make ying gore ba thogo  phonisa ba mitši ya bona. (Ek. 12:21-28) Mara nka bakaye bo ba yyeng ba theetsela? Di ka makega gore ke batho ba go teya gana hala ga kararo ya dimiliyoni, gana hone go badiwa le Maisrayele le “mogoba wo mogolo wa go gahlagahlana” wa gore a yi Maisrayele le Maegepita, ba gore Modimo o yye a ba phonisa ke mokane ba tloga Egepita.—Ek. 12:38

Taba yowa yi fo šupetsa gabutši gore Jehova o dula a neya batho nako ya gore ba dule ba ntshiye mahlo dikwakweng. (Dot. 32:4) Mara king so ne se tšhofa Modimo gore a make ka mokgonone? Petro wa lepostola o hlatolla gore Jehova “aa nyake go ba le ye a psyitlanyiwang, mara o nyaka gore batho ka mokana ga bona ba šinye ba sokologa.” (2 Pet. 3:9) Nnete ke gore, Modimo o kwela batho go baba. O nyaka gore batho ba tisole ke mokane ba tšhentšhe maphelelo go soko segela nako ya go yahlula.—Jes. 48:17, 18; Maroma 2:4.

Le lekgono lowa, di nyaka batho ka mokana ga bona ba kwe tšibiso ya gore yi yakgoswiye ka matla yo yi butsiwang lefase ka mokana ga lona. Nakwela Jeso a le ho lefaseng, o yye a bolabola gore masipidiselo yawa ya dilo go nyoko fela ka wona mo go segela “motšhatšhamelo wo mogolo.” (Mat. 24:21) Mo a bolabola ka go yahlula ga mošaga wone ga gore ke mo go nyoko makega ku mahlong, o yye a hlatolla seporofeto sa go šupetsa dilo tso bo ba mo latelelang ba nyoko di bonang le tso di nyoko makegang mo nako yi kene yi šutela. Jeso o bolabodiye ka dilo tso re di bonang di makega lefaseng ka mokana ga lona lekgono.—Mat. 24:3-12; Luka 21:10-13.

Go tokegela ga seporofeto sone, Jehova o hlohletsela ye mongwana le ye mongwana gore a sa gane go lawola ke yene. O nyaka gore batho ba go tinyanafatsa ba jabolele lephelo la gabutši gana byalo le gore ku mahlong a tle a ba rufe ka lefase la nyuwane la go loka. (2 Pet. 3:13) Gore batho ba sa kamake ga tso ba tshepisiwweng tsona, Jehova o makiye gore go be le molayetsa wa “ditaba tsa go bafala tsa Mmušo,” tsa gore di phonisa maphelo, tso Jeso a bolabodiyeng ka tsona gore “di nyoko bolabodiwa lefaseng ka mokana ga lona gore ditšhaba ka mokana ga tsona di tiponele.” (Mat. 24:14) Modimo o makiye gore bo ba mo rapelang tsa mannete go be ‘dihlatse’ kela ba tšhomayele ditaba tso tsage ga 240 ya dinaga. Jehova o nyaka gore batho ba go tlala ba theetsele mo ba pasopisiwa ka sedingwana so se sa ga tlang mo a yahlula ka go loka.—Zef. 1:14, 15; 2:2,3.

Gore nje Jehova o neya batho nako ya go yenela gore ba thogo tšhentšha a yi sa le taba ya go hlupa. Tso re bolabodiyeng ka tsona di šupetsiye gore aa jume batho. Mara go šala putsiso ya gore: Nje batho ba nyoko theetsela Modimo di ba baba nako yi sa le gona? Rune ba gore re sabalatsa molayetsa wa Modimo, koriyeneng mahlong re kene re gelepa batho ka mokgo re ka kgonang gore ba thogo phona mo go fela ka lefase lowa.