1. Jehova o tikwa byang ka batho ba go tinyanafatsa? Hlatolla.

BATHO ba go tinyanafatsa, Jehova o ba nyaka ka matla. Bo ba gore ba tinyanafatsiye, ke bona ba ntoši ba gore ba ka ba le senghana sa thina ka matla le Modimo. Mara, “wa magetla o mo tšiba a le ku kgole.” (Pis. 138:6) Ka mokana ga rune re ya di nyaka go jabodisa Jehova fote re nyaka a be thina ga rune, byalo di nyaka re tšhute go tinyanafatsa.

2. Re nyoko bolabola ka ying mo ga hlogotaba yowa?

² Ga hlogotaba yowa, re nyoko fetola diputsiso ka ditharo ke tsowa: (1) Anthe mo ba re go tinyanafatsa ba ra ying? (2) Ke ntaba di nyaka re tšhute go tinyanafatsa? (3) Ke seyemo sa mošaga mang so se ka makang gore go tinyanafatsa go thathafe? Re ko di boneng gore mo re tinyanafatsa, re nyoko jabodisa pelo ya Jehova fote tsotsone di nyoko re berekela.—Diy. 27:11; Jes. 48:17.

3. Anthe mo ba re go tinyanafatsa ba ra ying?

³ Motho wa go tinyanafatsa aa nagane gore yene ke yene, fote aa na magetla. Baebele yi re botsa gore motho wa go tinyanafatsa wa di tšiba gore Jehova Modimo ke yene ye mogolo, fote o kwisisa mayemo ya ba bangwana. Byalo motho wa mošaga wonone, o di kwisisa ka matla gore ba bangwana baa mo phala.—Mafil. 2:3, 4.

4-5. Ke ntaba motho wa go šupa nkare o tinyanafatsiye di sa rele gore o tinyanafatsiye tsa mannete?

⁴ Batho ba bangwana ba šupa nkare ba tinyanafatsiye mara go se ka mokgonone. Ba ka fo ba ba na le dihlong ka hlago. Nakwenngwana go tinyanafatsa mone go ka fo ba go maka ke gore babelegi ba bona ba ba tšhutisiye ka mokgonone. Mara ka ku tengteng ga bona, o ka kraya ba na le magetla. Mo nako yi kene  yi ya, di nyoko šupetsa gore batho bone baa timakisa.—Luka 6:45.

⁵ Go na le batho ba go šupetsa nkare bona a ba titšhuge, ba gore ba fo bolabola se sengwana le se sengwana so se leng mo monaganong, mara tsotsone a di rele gore ba na le magetla. (Joh. 1:46, 47) Mara batho ba mošaga wonone, di nyaka ba pasope gore ba sa titshepe ka matla. Re na le dihlong kela e-e, di nyaka ka mokana ga rune re karakare gore re tinyanafatse tsa mannete.

6. Re ka tšhuta ying ka Pawulo wa lepostola mo ga 1 Makorente 15:10?

⁶ Tseya ka Pawulo wa lepostola. Jehova o yye a mmerekisa ka matla gore a thomise diphutego ga dipoleke tsa go tlala. Di ka makega gore o berekiye ka matla ga mmereko wo Jeso Kreste ne a mo neyye wona, go phala mapostola ya mangwana ka moka. Le mo go le sone, Pawulo a sanka a nagana gore o phala magageru ya mangwana. O yye a fetola a tinyanafatsiye gore: “Ke nna ye monyana ga mapostola, fote a di ntshwanele tsa gore ba re ke nna lepostola, ka taba la gore ke hlupiye phutego ya Modimo ka matla.” (1 Makor. 15:9) Pawulo o bolabodiye gabutši gore senghane so ne a le naso le Jehova, a se make ke mekgwa yage ya go bafala kela dilo tso ne a di maka, mara ne yi le ka taba la gore Jehova o ro mo kwela. (Bala 1 Makorente 15:10.) Pawulo ke motho wa gabutši ye re ka kopiselang gage, wa gore o yye a tinyanafatsa le mo ba bangwana ga phutego yone ya Makorente ne ba mo tseyela fase!—2 Makor. 10:10.

7. Mogageru wa dinako tso re phelang ga tsona o yye a šupetsa ka ying gore o tinyanafatsiye? Beyisa?

⁷ Ye mongwana ye re ka kopiselang gage wa gore o yye a šupetsa gore o tinyanafatsiye ke Mogageru Karl F. Klein, wa gore ke mo go le ye mongwana wa Mogoba wa go Lawola. O hlayisa tsa lephelo lage tsa gore di ka re tiyisa. Gana mone ga taba yage, Mogageru Klein o bolabola ka dilo tso a yyeng a šitega go di  maka le ka mathatha ya a hlakanneng nawo. Mo re beyisa, ka nthago ga bo 1920, mogageru ke mo a thathafela ke go ya tšhomong, gwa šinya go fela mengwaga ka mmedi a sa yye ga ggoši tšhomong. Ka nthago mo a šele a bereka Bethele, o yye a tshwara mogageru ye mongwana ka pelo mo mogageru yene a fetsa go mo wolola. Byalo o yye a ba le bothatha bya go fo dula a hlakahlakanne, mara mo goya-goya o yye a hlakarela fote. Ke mokane a tikwisa ka mebereko ya go tlalanyana ka ho phutegong. Di fo ba lekgwaying gore mogageru Klein ke mo a tinyanafatsiye, mo a šala a kgona go bolabola ka dilo tsa go kekema tso a yyeng a di maka! Magageru ya go tlala ya banna le ya basadi ma sa gopola Mogageru Klein le lekgono lowa, fote ma sa jabodisa ke tsa lephelo lage ka taba la gore o šupetsiye gore wa tshepega. *

8. Lengwalo la 1 Petro 5:6 le šupetsa byang gore go tinyanafatsa go jabodisa Jehova?

⁸ Se segolo ka matla so se makang gore re tinyanafatse ke gore tsotsone di jabodisa Jehova. Petro wa lepostola o f’lo yi beya lekgwaying taba yowa. (Bala 1 Petro 5: 6.) Puku ya gore “Tlaa o be Molatedi Waka” mo yi šihlela mantsu ya Petro yi re: “Go ba le magetla go tshwana le tšhefu. Go ka re kwaletsa. Mokgwa wone wo ka maka gore le motho wa go tšiba dilo ka matla a sa be selo ga Modimo ka taba la magetla yane yage. Go tinyanafatsa go ka maka gore le motho wa gore mo o mo lebelele o bona nkare a yi selo, a berekisege ga Jehova. . . . Fote Jehova o nyoko jabolela go go rufa ka taba la mo o tinyanafatsiye.” * Mo re ka maka gore Jehova a jabole, re ko ba re makiye selo se segolo ka matla!—Diy. 23:15.

9. Ke ntaba batho ba bangwana ba ka kwa ba nabela go ba le rune mo re tinyanafatsa?

⁹ Mo re tinyanafatsa, re jabodisa Jehova fote le rune di ya re berekela. Taba yone yi nyoko maka gore le batho ba bangwana ba nyake go ba le rune. Mo o nyaka go kwisisa taba yowa, leketsa go tipeya seyemong sa batho ba bangwana. (Mat. 7:12) A yi ka mokana ga rune re kwanang le batho ba go gapeletsa gore dilo di makiwe ka mokgwa wa bona, fote ba sa nyake go theetsela motho ye mongwana. Di jabodisa ka matla go ba le magageru ya go šupetsa gore “maa kwelana, maa nyakanana, maa gelepana fote ma tinyanafatsiye.” (1 Pet. 3:8) Mo nkare re jabodisa ke go ba le batho ba mošaga wonone, le bona ba nyoko jabolela go ba le rune mo nkare re dula re tinyanafatsiye.

10. Ke ntaba batho ba go tinyanafatsa ba kgona go tiyisela le mo go na le tsa go ba phiriketsa?

 ¹⁰ Go tinyanafatsa go maka gore lephelo la rune le be lula. Ka nakwenngwana mo re kene re phela, re ka fo tshwariwa lešidi kela ra bona ba bangwana ba tshwariwa lešidi. Kgoši Solomoni, monna wa go hlalefa, o yitseri: “Ke bonne malata ma kalamme dipera, mara magoši ma tisepelela ka mawoto go fo tshwana le malata.” (Mmo. 10:7) Ga go tlala, batho ba gore ba hlalefiye a ba thanakiwi. Mara bowa ba gore a ba tšibi selo, ke bona ba gore ba thanakiwa ka matla. Le mo go le sone, Solomoni o hlayye gore re sa šekele ka matla ka dilo tsa lephelo lowa, fote re sa hlupege mo dilo di sa sepele gabutši. (Mmo. 6:9) Mo re tinyanafatsiye, re nyoko yamogela lephelo ka mokgo le leng ka gona fote re ka sa kokole.

11. Di nyaka re titshware ka mokgo mang mo ba re kgala?

¹¹ Di tlele dilo tso re ka di makang tšatši le lengwana le le lengwana go šupetsa gore re tinyanafatsiye. Tseya ka ditaba tse dingwana ke tsowa. Mo ba re kgala. Re maka gabutši mo re dula re nagana taba ya gore mo motho a šinya a tl’le re kgaleng, di ra gore ke botala re kene re maka tsa go kekema mara rune beng re sa tiponi. Di ka fo makega gore ka dinako tsotsone re nyake go tikemelela. Re ka fo mo tseyela fase motho ye a re yeletsang kela ra kokola re kwa nkare aa re kena gabutši. Mara mo re tinyanafatsiye, re ko karakara ka matla gore re wolole ga gore go kekemme.

12. Diyema 27:5, 6 yi re ke ntaba di nyaka re theetsela mo ye mongwana a re kgala? Re beyisele.

¹² Motho wa go tinyanafatsa wa theetsela mo ba mo kgala. Tseya ka mošupetso ke wowa: O fo nagana o le mogahlanong wa phutego. Ke mokane mo o kene o bolabola le magageru ya go tlalanyana gana hone, ye mongwana o fo go gogela ka thoko ke mokane o go botsa gore o na le tsa go ja mo menong. Nnete o nyoko fo kwa o tšebiye. Mara nje ne o ka sa jabole gore o go butsiye? Gabutšibutši ne o ko kwa nkare ye mongwana nke a yakgoswiye a go botsa! Byalo le rune di nyaka re tinyanafatse mo mogageru a šupetsa gore o na le lešiši la go re kgala. Motho yene re napa re mo tseya go le monghana ye mogolo, fote a re mo tseye go le lenaba.—Bala Diyema 27:5, 6; Magal. 4:16.

13. Re ka šupetsa ka ying gore re tinyanafatsiye mo ba bangwana ba neyiwa mmereko ka ho phutegong?

¹³ Mo ba bangwana ba neyiwa mebereko ka ho phutegong. Mogolo ye ba reng ke Jason o re: “Mo ke bona ba bangwana ba neyiwa mmereko ka ho phutegong, ka nako ye  nngwana ke ya tiputsisa gore anthe nna ke ntaba ba sa nneye.” Ayitsano le wene o na le go tikwa ka mokgonone? Di gabutši ka matla mo motho a karakara gore a berekele Jehova. (1 Thim. 3:1) Di nyaka re pasope tso re di naganang. Mo re sa pasope, go tipona go ka thomisa go tlala ka ho dipelong tsa rune. Mo re beyisa, mogageru wa monna a ka thomisa go nagana gore ke yene a ntoši ye a tshwaneleng go bereka mmereko wo mongwana ka ho phutegong. Kela mogageru wa mosadi a ka bolabola mantsu ya go tshwana le gore, ‘Monnaka ke mo a nyoko maka mmereko wone gabutši go phala mokete!’ Mara mo re tinyanafatsiye, re ka sa be le mokgwa wa mošaga wonone wa go tipona.

14. Re ka tšhuta ying ga tso Moše a yyeng a di maka nakwela ba bangwana ba ba neya mmereko wo mongwana?

¹⁴ Re ka tšhuta ga tso Moše a yyeng a di maka nakwela ba bangwana ba ba neya mmereko wo mongwana. Moše ke mo a wo tseyela gedimo mmereko wage wa go yeta setšhaba sa Maisrayele mahlong. Byalo Moše o yye a re king mo Jehova a hlawola ba bangwana gore ba make mebereko ye mengwana yo ne a yi maka? A sanka a ba jela mona. (Dip. 11:24-29) Moše o yye a tinyanafatsa, ke mokane a dumela gore ba bangwana ba mo gelepe ka mmereko wa go yahlula. (Ek. 18:13-24) Taba yowa yi yye ya berekela Maisrayele, ka taba la gore ke mo go na le banna ba go tlala ba go gelepa mo go yahludiwa. Tsotsone di šupetsa gore Moše ke mo a sa hlupege ka matla ka mmereko wage, ke mo a hlupega ka matla ka batho. Taba yowa yi gabutši ka matla gore le rune re ka kopisela ga yona! Go tinyanafatsa go yi phala kgole taba ya go kgona go maka dilo. Nnete ke gore “Jehova ke wa ku malenghelengheng, mara ba go tinyanafatsa wa ba bona.”—Pis. 138:6.

15. Seyemo sa magageru ya mangwana se yye sa tšhentšha ka mokgo mang?

¹⁵ Mo seyemo se tšhentšha. Seyemo se yye sa tšhentšha ga magageru ya go tlala ya gore ke botala ma berekela Jehova. Mo re beyisa, ka 2014 bapotulugi le basadi ba bona ba yye ba ba tšhentšha ke mokane ba re ba ye ba  bereke mmereko wo mongwana wa nako ka moka. Go tlugisela ka mongwaga wonone, bapotulugi ba go ba le 70 ya mongwaga ke mo ba ka sa sa bereka mmereko wone. Magageru ba banna ba go ba le 80 ya mongwaga kela go teya ka ku, a ba sa bereka ka ho phutegong go le bahlakanisi ba mogoba wa bagolo. Ba bangwana ba go bereka Bethele le bona ba ba tšhentšhiye gore ba ye ba gelepe ga mmereko wa tšhomo. Ba bangwana ba yye ba lesetsa go bereka mmereko wa nako ka moka ka taba la go sa philege, go pasopa ba mitši ya bona kela tse dingwana.

16. Magageru ya banna le ya basadi ma yye ma šupetsa ka ying gore ma tinyanafatsiye le mo seyemo se tšhentšhiye?

¹⁶ Magageru ya mangwana ma yye ma kwa di roba gore ma tlwayele seyemo sa nyuwane. Di fo šupetsa gore ne ba kwana ka matla le mmereko wo ne ba wo maka, fote ke mo ba šele ba wo tlwayele ka taba la gore ba fetsiye mengwaga ya go tlala ba kene ba wo bereka. Ba bangwana ba yye ba kwa go baba ka matla mo ba kene ba tlwayelana le seyemo sone sa mo dilo di tšhentšhiye. Mo goya-goya, ba yye ba šinya ba tlwayela. Ba gelepiye king? So se yyeng sa ba gelepa ka matla ke gore ga Jehova ke mo ba mo nyaka ka matla. Ke mo ba di tšiba gabutši tsa gore ye ba tineyeleng gage ke Jehova, a baa tineyela ga mmereko wo ne ba wo maka kela mayemo ya bona. (Makol. 3:23) Ba jabodisa ke go ya mahlong ba berekela Jehova go gongwana le go gongwana, ba kene ba tinyanafatsiye. Ba “bošela mathatha ya [bona] ka mokana ga wona ga Modimo,” ba kene ba di tšiba tsa gore wa tihlupa ka bona.—1 Pet. 5:6, 7.

17. Ke ntaba di re jabodisa tsa gore Lentsu la Modimo le re tšhofa gore re tinyanafatse?

¹⁷ Ayitsano a re yi jabolele taba yowa ya gore Lentsu la Modimo le re tšhofa gore re tinyanafatse? Tsa go tinyanafatsa di gelepa rune fote tsotsone di nyoko berekela le ba bangwana. Re nyoko tiyisela mathatha ya lephelo. Taba ye nngwana ye kgolo ke gore re nyoko šutela thina ga Papa wa rune wa magedimong. Re jabola ka matla gore Jehova wa re nyaka fote o tseyela malata yage gedimo le mo yene go le ‘wa Malenghelengheng le wa Magedimong!’—Jes. 57:15.