1, 2. (a) Taba yo ya go tlalela ga tso tsa Modimo ba go tlala ba re king ka yona? (b) Ke diputsiso difing tse dikgolo tso re nyoko di fetolang?

MOGAGERU ye mongwana wa mosadi wa ku Canada o re: “Go tlalela ga tso tsa Modimo go makiye gore ke dule ke jabodiye fote go nthušiye gore ka moka matšatši mo ke gahlana le tso di leketsang go mphiriketsa, ke fo teya ke feta.” Ngwaneru wa ku Brazil yene o re: “Re na le 23 ya mongwaga re nyalanne fote re jabodiye—re thušiye ke gore re lwela go dula re tlalele ga tso tsa Modimo.” Ke mokane ngwaneru ye mongwana wa ku Philippines le yene o beya ya gage, o re: “Go tlalela ga tso tsa Modimo go n’gelepiye gore ke sa šekele ka matla le gore magageru ya mohlobohlobo ka mo phutegong ke ba tshware gabutši.”

² Tso ba di hlayyeng di ya šupetsa gore mo re tlalela ka matla ka mo ga tsa Modimo, re nyoko jabola. Byalo re ka kwa di re baba ke mokane ra tiputsisa ra re: ‘Byalo nka maka byang gore go tlalela gaka ga tso tsa Modimo go yeketsege gore le nna ke kraye maphomela ya go tshwana le ya bo ba bolabodiyeng ka mo kgakala? Mara mo re soko ya gana hone, tla re thomiseneng ka go kwisisa gabutši gore mo Baebele yi re motho o tlalele ga tso tsa Modimo, yi ra mo a maka ying. Mo ga hlogotaba yowa, re nyoko fetola diputsiso ka ditharo tse dikgolo. (1) Di ra gore king mo ba re motho o tlalele ka howa ga tsa Modimo? (2) Re bonne ka bomang gore di ya kgonega gore motho a yeketse go tlalela gage ga tso tsa Modimo? (3) Go leketsa ka matla go ba le “monagano wa Kreste” go  nyoko re gelepa byang gore re tlalele ga tso tsa Modimo?

3. Baebele yi re batho bo ba go nyaka tso tsa Modimo le ba go nyaka tsa lefase ba fapana ka ying?

³ Mopostola Pawulo o re gelepa go kwisisa gore motho wa go tlalela ga tsa Modimo ke wa mošaga mang, o beyisa ka “motho wa go nyaka tsa Modimo” le “motho wa go nyaka tsa lefase.” (Bala 1 Makorente 2:14-16.) * Ba fapana ka ying? “Motho wa go nyaka tsa lefase” o hlatodiwwa go le wa go sa kwane le “dilo tsa moya wa Modimo, ka gore mo a di lebelele o re ke botlayela; fote a ka sa di tšibi.” Mara “motho wa go nyaka tsa Modimo” yene “o nyakolla dilo ka moka” fote “o na le monagano wa Kreste.” Pawulo o re re tlalele ka matla ga tso tsa Modimo. Batho bo ba go nyaka tso tsa Modimo a ba tshwane le bo ba go nyaka tsa lefase ka ying?

4, 5. Motho wa go nyaka tsa lefase re mmona ka ying?

⁴ Tla re thomiseneng ka go bolabola ka motho wa go nyaka tsa lefase. Lefase lowa le kwana ka matla le dilo tsa nama. Pawulo mo a yi beya gabutši o re ke “moya wa gore gana byalo wo bereka ga bana ba go sa theetsele.” (Maef. 2:2) Moya wowa wo maka gore batho ba go tlala ba latelele mogoba, mo ba bona batho ba go tlala ba maka selo, le bona ba fo se maka. Ba kenelele ka matla ga tso tsa nama. Sosone se maka gore ba go tlala ba timakele dilo ka mokg’o bona ba bonang, ba sa re selo ka melawo ya Modimo. Ga go tlala motho wa go tlalela ga dilo tsa lefase o fo dula a naganne ka makgumo, mayemo kela go dula a lwela go kwiwa.

⁵ Ke ying se sengwana so se šupetsang gore motho o nyaka tsa lefase? Mo motho a maka dilo tso di badiwang go le “mmereko wa nama,” o nyaka dilo tsa lefase. (Magal. 5:19-21) Ga lengwalo la mathomo lo Pawulo a le ngwaleleng phutego ya Makorente, o yye a hlatolla dilo tse dingwana tso di nyoko šupetsang gore motho o kwana le dilo tsa nama. Ba kwana natso tsa go lwisanya batho, go yemelelana, go kutšetsela batho gore ba wome dihlogo, go yisana dikgorong kela dikhota, a ba hlompe bo go leng dihlogo fote ba kwana ka matla le tsa go ja le mong mokgete. Mo go nyarela moleko, motho wa mošaga wonone o bona nkare go kawone a fo lesetsa, a napa a goromela. (Diy. 7:21, 22) Juda o bolabodiye ka batho ba gore ke mo ba nyoko šepisa ba šinya ba “sa sa nyaka tsa Modimo.”—Juda 18, 19.

6. Motho wa go tlalela ga tso tsa Modimo o mmona ka ying?

⁶ Byalo, di ra gore king mo ba re “motho o nyaka tsa Modimo”? Motho wa mošaga wonone wo tlalele ga Modimo, aa tshwane le yela wa go nyaka tsa lefase. Motho wa go nyaka tsa Modimo o leketsa ka matla gore a “yekisele Modimo.” (Maef. 5:1) O leketsa le go tšhuta ka mokg’o Jehova a makang dilo ka gona ke mokane le yene a leketsa go maka ka mokg’onone. Modimo mo gage wa phela. Motho yewa aa tshwane le wa go nyaka tsa nama, yene o leketsa go berekisa molawo wa Jehova ga se sengwana le se sengwana mo a kene a phela. (Pis. 119:33; 143:10) Motho yewa wa go kwana le tsa Modimo aa make dilo tsa go tšwa pateng tsa nama, so a se makang ke go bereka ka matla gore a be le “diyengwa tsa moya.” (Magal. 5:22, 23) Gore o nape o kwisisa taba yo ya “motho wa go nyaka tsa Modimo,” yema re fo yi tshwanisa ka taba ke yowa: Mo motho a sepela ka matla, ba re o na le lesepelo. Le motho wa gore dilo tso tsa Modimo kela tsa Baebele aa di tseye yi le go kgana, motho yene o tlalele ga tso tsa Modimo.

7. Baebele yi re king ka motho wa go tlalela ga tso tsa Modimo?

⁷ Batho ba go tlalela ga tso tsa Modimo, Baebele yi ba thanaka ka maatla. Matewu 5:3 yi re: “Go jabola bo ba gopolang gore ba tshwanele go berekela Modimo, ka gore Mmušo wa Modimo ke wa bona.” Maroma 8:6 yi šupetsa maphomela ya go tlalela ga tso tsa Modimo, mo yi re: “Go dula o nagana ka tsa nama ke likgu, mara go dula o nagana ka tso tsa Modimo ke lephelo le  khutšo.” Mo re dulela go nagana ka tso tsa Modimo, re ba le khutšo le Modimo fote le rune beng re dula re bebiye ke mokane ra ba le tshepo ya gore re nyoko kraya lephelo la go ya go yye.

8. Ke ntaba go thathafa go tlalela ga tso tsa Modimo?

⁸ Mara lefase lo re phelang ga lona le ya tshosa. Batho ba go sa nagane go tshwana le ka mokg’o Modimo a nyakang ba tlele ka matla, byalo di ro nyaka re lwa ka matla gore mo re tlalele ga tso tsa Modimo, re sa khwanyoge. Mo motho a lesetsa tso tsa Modimo di pomega ka monaganong wage, o bulela “moya” wa dithila sekgala, ke mokane mo moya wone wo segela monaganong wage, wo tlatsa tsa lefase lo. Re ka maka byang gore re tšhabelele mekgwa yowa? Re ka butšwa byang mabyokong ka tsowa tsa Modimo?

9. (a) Re ka gelepa ke ying gore re tlalele ka ho ga tsa Modimo? (b) Ke bomang ba gore ke mo ba tlalele ka matla ga tso tsa Modimo bo re nyoko go tšhuta ka bona?

⁹ Ngwanenyana a ka gola gabutši mo a yekisela tse dibutši tso di makang ke batswadi bage. Le rune re nyoko tiyelela ga tso tsa Modimo mo re yekisela bo ba nang le senghana sa gabutši le Jehova. Mara mo ga batho bo ba go sa nyake Modimo, re tšhuta tso re sa tshwanelang go di maka. (1 Makor. 3:1-4) Baebele yi bolabola ka mehlobo yone ya batho ka mmedi ga yona. Mara ka gore rune re nyaka go dula re tlalele ka matla ga tso tsa Modimo, tla re bolaboleneng ka batho ba bangwana bo re ka ba yekiselang. Batho bone ke Jakobo, Mariya le Jeso.

10. Jakobo o šupetsiye ka mokg’o mang gore yene o tlalele ga tso tsa Modimo?

¹⁰ Tla re thomiseneng ka Jakobo. Jakobo ke mo a fo titshwanela le ba go tlala ga rune, lephelo gage ke mo le se lola. Ke mo a dula a tšhabelela bhuti wage Esewu, wa gore ke mo a nyaka go mmolaya. A sa re ke tsona, ratswale wage ke mo a tlele ka mathayithayi, o leketsiye ga go tlala go mo maka botsotsi. Le mo batho ba go tlala bo Jakobo a phidiyeng nabo ke mo ba ‘tlalele lefaseng,’ yene ke mo a tlalele ga Modimo. O yye a dula a tshepa tso Jehova a di tshepisiyeng Abrahama a boya a karakara ka matla gore a pasope  mutši wage ka gore ke mo o tl’le segela le mo wo tšhelang letsogo gore go makege tso di nyakang ke Jehova. (Gen. 28:10-15) Tso Jakobo a di bolabodiyeng le tso a di makiyeng di šupetsa gore ke mo a dula a naganne ka molawo wa Modimo le tso di nyakang ke Modimo. Go tshwana le nako tse a bona gore Esewu o nyoko mo kutulogela, Jakobo o yye a llela ga Modimo a re: “Mphimise, ke ya go rapela barena . . . O yitseri: ‘Ka nnete ke go tshwara gabutši, fote ke nyoko maka le gore bananyana bago ba tlale tsa nkare ke dithoro tsa santa ya lewatle.’” (Gen. 32:6-12) Ke mo di šupetsa gabutši gore tso Jehova a di tshepisiyeng yene le bokokwane wage wa di tshepa fote o nyaka go maka tso Modimo a di nyakang.

11. Ke ying so se šupetsang gore Mariya ke mo a kwana le tso tsa Modimo?

¹¹ Byalo re bolabola ka Mariya. Ke ntaba Jehova a mo kgetiye gore go be mmane wa Jeso? Ka taba la gore ke mo a tlalele ga tsa Modimo. Re di tšibela kaye tsotsone? Bala ka yene o kwe ditaba tsa go jabodisa tso a di bolabodiyeng nako tse a yye ga mašaga yage bo ba reng ke Zakariya le Elisabheta. (Bala Luka 1:46-55.) Mantsu ya Mariya ma šupetsa gore ke mo a kwana le Lentsu la Modimo ka matla fote a tšiba le Mangwalo ya Seheberu gabutši. (Gen. 30:13; 1 Sam. 2:1-10; Mal. 3:12) Se sengwana ke so, le mo yene le Josefa ba šele ba nyalanne, a baa jagela go yetsela ba le ka babedi go segela Jeso a belegiwa. Di re šupetsa ying tsotsone? Di šupetsa gore ke mo ba maka tso Jehova a di nyakang di ba baba, ke mo ba sa hlopege ka matla ka gore bona beng ba tikwe ba kgodiye. (Mat. 1:25) Mo nako yi kene yi sepela, Mariya o yye a bona dilo ka mokana ga tsona tso ke mo di makega mo Jeso a kene a gola a boya a theetsela dilo tsa go hlalefa tso ke mo a di bolabola. Fote Mariya o yye “a beya dilo tsone ka moka ka pelong yage.” (Luka 2:51) Mariya ke mo a kwana nayo ka matla taba yo ya Jehova ya gore o nyoko leya Mesiya. Go byang mo le rune re ka fo yekisela Mariya mara, tso Modimo a di nyakang gwa ba tsona re di yetisang mahlong?

12. (a) Jeso ke mo a tshwana le Papage ka ying? (b) Re ka mo kopisela byang ga Jeso? (Lebelela sethombhe sa ku mathomisong.)

¹² Ga batho ka moka bo ba yyeng ba phela ho lefaseng, ke mang mara wa go ba phala ka moka ye a yyeng a tlalela ka matla ka mo ga tso tsa Modimo? Ke Jeso. Nako tse a le mo lefaseng a kene a tšhomayela, o yye a šupetsa gore o di nyaka ka matla go yekisela Papage, Jehova. Jeso o yye a maka dilo go ya le ka mokg’o Jehova ke mo a maka ka gona le go ya ka melawo ya Modimo. (Joh. 8:29; 14:9; 15:10) Tseya taba ya moporofeta Jesaya mo a hlatolla ka mokg’o Jehova a kwelanang go baba ka gona, ke mokane o yi tshwanise le ka mokg’o Mareka yene a hlatollang gore Jeso o byang. (Bala Jesaya 63:9; Mareka 6:34.) Ayitsano le rune re yekisela Jeso ka go gelepa bo ba nyakang thušo ya rune go šupetsa gore re ba kwela go baba? Nje le rune tšhomo re kwana nayo go tshwana le Jeso? (Luka 4:43) Mo motho a tikwa ka mokg’onone le mo a maka dilo ka mokg’onone, o šupetsa gore o tlalele ka matla ka ho ga tsa Modimo.

13, 14. (a) Re tšhuta ying ga batho ba lekgono bo ba tlaleleng ga tso tsa Modimo? (b) Re hlayisele tsa motho ye re ka beyisang ka yene.

¹³ Tla re lesetseneng ba ka ku Mangwalong re bolaboleneng ka magageru ba bangwana ba lekgono ba gore ba tlalele ka matla ga tso tsa Modimo, ba gore ba kene baa leketsa gore ba yekisele Kreste. Nako’e nngwana o ka fo ba o ba bonne gore tšhomo a ba yi tshwatele, baa yamogelana, ba kwelana go baba kela o bonne tse dingwana tsa gabutši tso ba di makang. A baa felegelela le bona, go fo tshwana le rune, ba lwa le dilo tsa go tlala, mara ba leketsa go ba le mekgwa ye mmutši ya go jabodisa Modimo. Mogagabo rune ye mongwana wa mosadi wa ku Brazil ye ba reng ke Rachel o re: “Fešeni ke mo ke kwana nayo ka matla, ke yi lelekisa. Sosone se yye sa maka gore le mo ke yapere, ke sa jabodisi. Mara ke itseri go tšhuta nnete, ka thomisa go lwa ka matla gore ke tlalele ka ho ga tsa Modimo. Ke mo go se lola go lesetsa dilo tse dingwana, mara ke yye ka thomisa go tikwa gore le nna ke jabodiye fote ke tšiba gabutši gore ke tšwa kaye ke ya kaye.”

 ¹⁴ Reylene wa go tšwa Philippines, le yene ke mo a na le byage bothata. Ke mo a nyaka go tšhutega gore a kraye maphephe le mmereko wa go golela tšheleta ya go tlala gore le yene a tikwe a phela. Mo a bolabola o re: “Tso ne ke itseri ke nyaka go di segelela ke mo ke sa sa di kena. Mara ke yye ka thomisa go di bona gore nkare a go sa le nna, go na le selo se segolo se ke tshwaneleng go se maka sa go feta mmereko wo ke wo nyakang. Ke yye ka tšhentšha, ka yetisa taba ya go berekela Jehova mahlong.” Go tlogisela gana mone, Reylene go yye gwa ba ye mongwana wa batho bo ba yyeng ba tshepa mantsu ya Jehova ya ma ngwadiwweng ga Matewu 6:33, 34. O re: “Ke ya di tšiba tsa gore Jehova o nyoko mpasopa!” Nako’e nngwana o ka fo ba o tšiba ba bangwana ka phutegong ya lune bo ba yyeng ba tshepa Jehova ka mokg’o. Mara nje sosone a se make gore re tikwe re nyaka go yekisela batho bone ba go tshepega ba gore ba kene ba latelela Kreste?—1 Makor. 11:1; 2 Mathes. 3:7.

15, 16. (a) Re tshwanele re make ying gore re tshwane le Kreste? (b) Re ngangarela “monagano wa Kreste” byang?

¹⁵ Rune ka borune re ka kopisela byang ga Jeso? Baebele ga 1 Makorente 2:16 yi bolabola ka go ngangarela “monagano wa Kreste.” Ke mokane Maroma 15:5 yi bolabola ka “go nagana go tshwana le Kreste Jeso.” Byalo, mo re nyaka go nagana go tshwana le Kreste, di nyaka re tšibe gore ke mo a nagana byang le gore ke mo go le motho wa mošaga mang. Re tshwanele re gate mo a gatiyeng le rune. Jeso ke mo a dula a nagana ka senghana sage le Modimo go feta tse dingwana ka moka. Byalo mo re yekisela Jeso re nyoko ba re leketsa go tshwana le Jehova. Sone se nama se šupetsa gabutši gore di gabutši ka matla mo le rune re leketsa go nagana go tshwana le Jeso.

¹⁶ Re ka maka byang tsotsone? Bo ba latelelang Jeso ba yye ba mmona mo a maka mehlolo, ba mo kwa mo a tšhutisa batho, ba boya ba mmona le ka mokg’o a tshwarang batho le ka mokg’o ke mo a phela ka gona gore a sepele ka molawo wa Modimo. Ba itseri: “Ke rune dihlatse ga dilo ka mokana ga tsona tso a di makiyeng.” (Meber. 10:39) Rune lekgono re ka sa kgone go mmona ga Jeso, mara go na le mangwalo ka mane mo Baebeleng, ya gore ma re gelepa go mo tšiba gabutši ga Jeso. Mo re bala fote re naganisisa ka mangwalo ya: Matewu, Mareka, Luka le Johane, re kgona go kraya gore Jeso o nagana ka mokg’o mang. Ke mokane sone se re gelepa “go gata mo a gatiyeng” le go ba le “monagano wa go tshwana” le wa Kreste.—1 Pet. 2:21; 4:1.

17. Go nagana go tshwana le Kreste go nyoko re gelepa ka ying?

¹⁷ Mo re nagana go tshwana le Kreste di nyoko re gelepa ka ying? Mo re dulela go nagana go tshwana le Kreste, re nyoko tlalela ga tso tsa Modimo, go fo tshwana le mo tsa go ja di maka gore re tiyelele. Ka gonyana ka gonyana re kgona go tšiba gore mo Kreste a gahlana le dilo tsa mohlobohlobo, ke mo a ka maka byang. Sosone se re gelepa gore le rune re mo yekisele ka go maka dipheto tso di nyoko re šiyang re na le lekwalo la go yela. Ayitsano taba yowa a yi make gore o nape o di bona gore go “yapara Morena Jeso Kreste” go gabutši ka matla?—Maroma 13:14.

18. O tšhutiye ying ga taba yowa ya go bolabola ka motho wa go tlalela ga tso tsa Modimo?

¹⁸ Re di kwele gore go tlalela ga tso tsa Modimo go ra gore king. Fote re tšhutiye gore re ka kota se sengwana ga batho bo ba tlaleleng ga tsa Modimo bo ba makang dilo gabutši. Re tšhutiye le gore go ba le “monagano wa Kreste” di maka re bonale gore re butšwiye mo re kene re tlalele ka mo ga tsa Modimo. Mara go sa na le tse dingwana tsa go tlalanyana tso re tshwaneleng go bolabola ka tsona tsa go šupetsa gore re tlalele ka mo ga Modimo. Tse dingwana tso re ka tiputsisang tsona ke gore re ka bona ka ying gore le rune re tlalele ka ho ga tsa Modimo? Re ka maka byang gore re tleme re swinelela mo nkare gwa šehla? Anthe go tlalela ka ho ga tso tsa Modimo go nyoko re gelepa ka ying mo re kene re phela ka moka matšatši? Re nyoko tla re kwa diphetolo ga hlogotaba ya go latela.