1. King ka matlamatla so se napang se maka gore re jabole?

A RE jabole lona mo re kwa gore batho ba Jehova ba kene baa yeketsega! Bo re tšhutiyeng nabo Baebele mongwaga wa go fela, ke mo ba teya ka ku ga 10 000 000. So se napa se šupetsa gabutši gore malata ya Modimo ma lesetsiye malampa ya wona gore ma khanye! Nagana nje ka dimiliyoni tsa batho bo ne ba le Segopotsong. Ba tšhutiye gore Modimo o šupetsiye gore o re nyaka ka matla nakwela a re lepolla.—1 Joh. 4:9.

2, 3. (a) King so se ka sa makeng gore re šitege go “khanya go tshwana le malampa ho lefaseng”? (b) Mo re lebelele tso Jeso a di hlayyeng ga Matewu 5:14-16, re nyoko bolabola ka ying?

² Batho ba Jehova lefaseng ka mokana ga lona ba bolabola mebolabolo ya mehlobohlobo. Mara sosone a se re make gore re šitege go thanaka Papa wa rune Jehova re le selo ka ssoši. (Kut. 7:9) Le mo mmolabolo wa rune go ka fo ba go le wa mohlobo mang kela re dula kaye, di ya kgonega go ya mahlong re kene re “khanya go tshwana le malampa ho lefaseng.”—Mafil. 2:15.

³ Mo re kene re yeketsega, mo re kene re le selo ka ssoši, le mo re kene re karakarela gore re sa kobole, tsotsone ka moka di maka gore re gadimise Jehova. Ga hlogotaba yowa, re nyoko bolabola gore  tsotsone re di segelela ka mokg’o mang.—Bala Matewu 5:14-16.

4, 5. (a) Go tlatsisa ga taba ya go tšhomayela, re ka maka byang gore llampa la rune le dule le khanya? (b) Maphomela yi nyoko ba mafeng mo batho ba bona nkare re ya ba jabolela? (Lebelela sethombhe sa ku mathomisong.)

⁴ “Ka matšatši yawa ya mafelelo, aa šiyo ye a ka tshepegelang Morena tsa mannete . . . Mo a ka sa berekisi lešuba la go khanyisa llampa lage.” Mantsu yane ma tšwa ga hlogotaba ya gore “Go Khanya Letshwifing,” ga Sewokamelo sa June 1, 1925. Hlogotaba yone yi hlayye le gore: “Di nyaka gore motho yenene a botse batho ho lefaseng ditaba tsa go bafala, le yene maphelelo yage ma šupetse gore o sepela mo go khannyeng llampa.” Mokgwa wo mongwana wa go khanyisa letshwifing ke go tšhomayela ditaba tsa go bafala le go maka batho gore ba be malata. (Mat. 28:19, 20) Se sengwana ke gore mo re titshwara di šupetsa gore ke rune Makreste, re thanakisa Jehova. Beng ba mitši le batho bo ba tifetelang ka tsela ba re lebelele gore maphelelo ya rune ma byang. Mo re ngwalangwala nabo le mo re ba tamisa gabutši, baa di bona gore re rapela Modimo wa mohlobo mang.

⁵ Jeso o butsiye bo ba tšhutang gage gore “mo le kena mutšing le tamiseneng ba ntlong yonone.” (Mat. 10:12) Dipolekeng tso Jeso le mapostola yage ne ba tšhomayela gona ga go tlala, ke mo di makega tsa gore beng ba mitši ba meme batho ba gore a ba ba tšibi mitšing ya bona. Lekgono tsa go tshwana le tsotsone a di sa makega ga dipoleke tsa go tlala. Mara mo o segela gana hone o ba šupetsa gore wa ba jabolela fote o ba botsa gore o tlele ying, o ka bona mong wa mutši a thomisa go ba gabutši kela go beba. Ga go tlala mo o tamisa motho o kene o ngwalangwala, le yene o ba gabutši. Sosone se bereka le mo magageru ba banna le ba basadi ba tšhomayela ba berekisa sekoloyyane sa dipuku. Mo o kene o le ga mmereko wonone wa go tšhomayela, o ko di boneng ga go tlala gore batho baa jabola mo ba go bona o ngwalangwala o boya o ba tamisa. Ba ka šinya ba šutela ke mokane ba titseyela dipuku. Mo o šupetsa batho gore wa ba jabolela, ba ka thomisa go bolabodisana nago.

6. Mokgalabye ye mongwana le mokgekolo wage ba makiye byang gore ba segelele batho tšhomong?

⁶ Mokgalabye ye mongwana le mokgekolo wage ba ku England a ba di kgone go tšhomayela ka mutši ka mutši ka taba la go hlopa ke malwele. Ba yye ba bona di le kawone go tšhomayela ba duli ka gana ho tawong ga jarete ya mutši wa bona. Ba na le setafolana sa gore ba beyetsela dipuku ga sona mo batswadi ba šele ba le thina le go feta gana hone mo ba lata dibananyana tsa bona sekolo. Ba bangwana ke mo ba tiputsisa gore mara dipuku tsowa ke tsa ying, ke mokane ba kota yela ya gore Questions Young People Ask—Answers That Work, Sekopa 1 le 2, le dibhorowutšha tse dingwana. Lephayona le lengwana la mosadi la phutego ya bona le yye la tla la yema nabo gana hone pateng. Monna ye mongwana o yye a jabodisa ke ka mokg’o lephayona lowa ne go le motho wa batho, a boya a bona le mokgalabye yewa le mokgekolo yewa ba tshwarelele ga mmereko wowa, a šinya a kgopela gore ba mmalele Baebele.

7. O ka ba gelepa byang bo ba gore a yi botala ba segele ga poleke ya lune?

⁷ Mengwaga ya go sa tšwa go fela, go na le dipoleke tsa go tlala tsa gore batho ba segela gona ba tšwa ba tšhaba. Boboneng re ka ba gelepa byang gore ba tšibe ka Jehova le tso a nyoko di makelang batho? Ke ntaba o sa thomisi ka go tšhuta matamiselo ka mmolabolo wa batho bo ba tšwang ba sepela bo ba leng ga naga ya lune? Go na le letheto la JW Language la gore le ka go gelepa ga tsotsone. Ke ntaba o sa fo leketsa go tšhuta mantsu ya gore ma ka ba jabodisa mo o ma bolabola ka mmolabolo wa bona? Ke mokane o ka ba botsa ka jw.org wa boya wa ba šupetsa mehlobohlobo ya dividiyo le dipuku tso di nang gana hone ka mmolabolo wa bona.—Dot. 10:19.

8, 9. (a) Re gelepiwa byang ga megahlano ya gare ga beke? (b) Babelegi ba ka ba tšhutisa byang ga bana ba bona go fetola mo ba le megahlanong?

 ⁸ Ka taba la gore Jehova o re nyaka ka matla, o makiye gore re be le Mogahlano wa Maphelelo le Matšhomayelelo, gore re thogo ba digele mo re le ku tšhomong. Tse dingwana tso re di tšhutang ga megahlano yowa di re gelepa gore re sa titšhoge ho re tšhomayela le ho re boyela ga bo re bolabodisanneng nabo ka Baebele le go ba tšhutisa.

⁹ Batho ba go tlala mo go sa le la mathomo ba tla ga megahlano ya rune baa di bona gore bana ba rune baa fetola ka ho phutegong. Lune babelegi, tšhutisaneng bana ba lune go fetola ka mantsu ya bona, ka mokg’onone ba maka gore llampa la bona le khanye. Ba bangwana ba gore ke mo go le la mathomo ba tla megahlanong ba napiye ba tshepa gore yowa ke nnete mo ba kwa phetolo ya sengwanenyana ya go tikisa pelo le ya gore a yi ya lefa.—1 Makor. 14:25.

10. Morapelo wa Mutši wo ka le gelepa byang gore le dule le mamarelanne?

¹⁰ Se sengwana so re ka ga se makang gore llampa la rune le khanye gabutši ke gore ka ho mitšing ya rune le ka phutegong re mamarelane go tshwana le ngata ya mahlare. Batswadi ba ka maka gore go be le letheto la Morapelo wa Mutši. Ba go tlala mo kgweding ba ya ba lebelela JW Broadcasting. Mo le fetsa go yi lebelela, ke ntaba le sa bolabodisane gore tso le di kweleng le ka di berekisa byang mo le kene le phela? Di nyaka motswadi ye a tshwereng Morapelo wa Mutši a di gopole gore mo ngwana go sa le ye monyana, aa layiwi go tshwana le mo a šele a golagodiye. Mo o kene o tšhutisa, maka gore tso le di balang di ba berekele ka mokana ga bona hone mutšing.—Pis. 148:12, 13.

11-13. Ka mokana ga rune ka ho phutegong re ka maka byang gore re dule re mamarelanne le go gelepa ba bangwana gore llampa la bona le khanye?

¹¹ Bo ba gore ba sa gola ba ka maka byang gore phutego yi dule yi mamarelanne le go tiyisa ba bangwana gore ba khanyise malampa ya bona? Mo nkare ke wene lethari la Mokreste, ke ntaba o sa tipotse gore o nyaka go tšibana gabutši le bokokwane ka ho phutegong? O ka ba butsisa ka dilo tsa botala gore ke mo go le byang mo ba kene ba le ka ho phutegong. Di ko go tiyisa ka matla fote ka babedi ga lune le nyoko kwa le nyaka gore llampa la lune le khanye ka matla. Ka mokana ga rune re ka karakarela go yamogela bo ba tlang megahlanong Holong ya Mmušo. Mo o maka sone phutego ya mamarelana fote bo ba vakašiyeng ba ka fo kwa ba nabela go maka gore malampa ya bona ma khanye. Se sengwana so o ka ga se makang  ke go tamisa bo ba vakašiyeng o kene o ngwalangwala, le go ba gelepa go kraya ga go dula. Leketsa gore ba tšibane le ba bangwana, gore ba tikwe ba le gaye.

¹² Mo nkare ba go neyye gore o gape mogahlano wa tšhomo, karakarela go gelepa bokokwane ka ho phutegong gore le bona ba jabolele tšhomo. Ayitsano yi gona tšhomo yo ba neyiwweng yona? Go gongwana le ka fo ba neya motho wa gore o sa tiyelele gore ba sepele naye mo ba kene ba kokotlela. Le sa lebaleneng le bo ba gore baa lwala, le ba kweleneng go baba, a ba sa kgona go bereka go ya kaye. Mo le hlopega ka batho bowa ka mokana ga bona, ba bagolo le ba banyana, ba gore ke botala ba le ka ho phutegong le ba gore a yi botala, ba nyoko jabolela go tšhomayela ditaba tsowa tsa go bafala.—Lef. 19:32.

¹³ Mopisalema di mo tšhofiye gore a re: “Di gabutši fote di ya natefela mo bana ba motho ba duli goteya ba mamarelanne!” (Bala Pisalema 133:1, 2.) Taba yowa ya go ba selo ka seteya yi gelepiye le Maisrayele ka matla, ka taba la gore ke mo ba tšhuta ga ba bangwana ba gore le bona ba rapela Jehova. Ke mo go tshwana le makgura ya mo ba hlawola motho, ke mo ma nkgela fote ma le šiya motho a teyela ke moya. Ke ntaba le wene o sa tipotse gore o nyoko swinenela ngata yowa ya go ba selo ka seteya ga magageru ba banna le ba basadi? Mo nkare o na o thomisiye go maka tsotsone, re go thanaka ka matla. Nje o ka di kgona go yeketsa gana hone, wa napa o maka gore mollo wone o ye mahlong wo dura?—2 Makor. 6:11-13.

14. O ka maka byang gore llampa lago le khanye mo o dulang?

¹⁴ Byalo re ka re king ka taba ya go khanyisa llampa la dinnete tsa Baebele mo o dulang gona? Mo bayagelani bago ba bona o bolabodisega fote o phela ka tso o di tšhutisang, ba ka nabela go tšhuta dinnete. Tiputsise gore: ‘Bayagelani baka ba mpona byang mara? Ayitsano mutšing gaka go yediye, tsa gore le bo ba fetang ka tsela ba di bone? Ayitsano batho ba bangwana ke ya leketsa go ba gelepa?’ Mo o kene o bolabodisana le Dihlatse tse dingwana, ke ntaba o sa ba butsisi gore mašaga ya bona, bayagelani, bo ba berekang nabo le bo ba kenneng nabo sekolo ke mo ba ba tseya byang mo ba titshwara gabutši? O ka kraya ditaba tsa go jabodisa ka matla.—Maef. 5:9.

15. Ke ntaba di nyaka gore re dule re budiye mahlo?

¹⁵ Mo re nyaka gore malampa ya rune ma dule ma khanya, di nyaka re lebelele dilo gabutši. Jeso o bolabodiye gatleletlele a ra malata yage a re: “Le duleneng le budiye mahlo.” (Mat. 24:42; 25:13; 26:41) Mara mo re tseya nkare “motšhatšhamelo wo mogolo” wo ka sa tle gana byalo rune re sa le gona, re nyoko tšhomayela re kene re nanankela le go lepoga. (Mat. 24:21) Llampa la rune le ka sa khanyisi mo re dulang gona, le nyoko pomega matla fote le ka šinya le tima.

16, 17. O ka maka byang gore o sa kraye o kobola?

¹⁶ Mo dinako tso tsa rune tsa go baba di kene di befa ka matla, di nyaka ka mokana ga rune re dule re budiye mahlo. Mo Jehova a thomisa go maka se sengwana, yi nyoko ba yi le nako ya gona. A re kamake ga tsotsone. (Mat. 24:42-44) Re sa yemele yene, wene ariye mahlong o kene o lefisa pelo, o dule o budiye mahlo. Bala Lentsu la Modimo ka moka matšatši, fote o sa lesetse go rapela. (1 Pet. 4:7) Tšhuta ga magageru ya mangwana ya gore ma jabolela go dula ma budiye mahlo le go maka gore llampa la wona le khanye. Ye nngwana taba ye butši ka matla yi hlayiwa ga hlogotaba ya gore “Ke Tshwere Kobo ya Lejuda ka Masome ka Mašupa ya Mengwaga,” ga Sewokamelo sa April 15, 2012, maphephe 18-21.

¹⁷ Lephelo lago le tlatse ka dilo tsa go jabodisa le ka batho ba gore baa yagisa. Sosone se nyoko maka gore o jabole ka matla, fote se nyoko maka gore o bone nkare nako ya taboga. (Maef. 5:16) Ga mengwaga ya go tlala ya go fela, magageru ke mo ma kene ma ya tlase le kgakala ma bereka. Mara lekgono re segelela  tsa go tlala re gelepa ke Jehova. Llampa la rune le khanya ka matla go feta le tso le rune re yyeng ra di nagana.

18, 19. Bagolo ba phutego ba ka re gelepa byang gore re dule re hlalifiye le go ba le matšato? Šupetsa.

¹⁸ Re kwa di re tiyisa tumelo mo re tšiba gore le mo re sa felegelela, re ka sa šitegi go berekela Jehova ka mokg’o a nyakang. Byalo, tseyela gedimo “dineyiwa tso go leng banna,” re ra bagolo ba phutego. (Bala Maefeso 4:8, 11, 12.) Mo mogolo a ka go vakašela, berekisa lešuba lone gore o theetsele tso di ka go hlalefisang ke mokane o di berekise.

¹⁹ Bagolo ka babedi ba ku England ba yye ba bitsa ke monna ye mongwana le mosadi wage ba gore ke mo ba na le mathata. Mosadi yewa ke mo a kwa a roba le lejoko lo a kenneng ga lona le monna wage. Monna wage o dumele gore yene tsa go tšhutisa a yi layene yage fote ke mo a sa tihlope a lukiselela gore go tshwariwe morapelo wa mutši. Bagolo ba yitseri monna yewa le mosadi wage ba tseyele ga Jeso. Ke mo a hlopega ka malata yage fote a sanka a ba takisa mahlo ga dilo tso ne ba di nyaka. Bagolo ba kgopele monna yewa gore a yekisele Jeso. Mosadi yene ba mmutsiye gore a lefise pelo. Bagolo ba butsiye monna yewa le mosadi wage dilo tsa gore ba ka di maka ba le ka babedi gore ba tshware morapelo wa mutši ba na le bana ba bona. (Maef. 5:21-29) Ka nthago, bagolo ba yye ba thanaka monna yewa ka tso a yyeng a di leketsa. Ba mmutsiye gore a sa šepisi fote a tshepele ga moya wa go hlawolega gore wo mo gelepe a be hlogo ya gabutši ka mutšing wage. Ka mokg’o ba yyeng ba tihlopa le go thega mutši wowa, ba wo thušiye gore llampa la wona le ye mahlong le khanya.

20. Go nyoko makega ying mo o kene o maka gore llampa lago le khanye?

²⁰ Mopisalema o yepelele ka gore: “Go jabola ye mongwana le ye mongwana ye a tšhabang Jehova, bo ba sepelang ditseleng tsage.” (Pis. 128:1) Mo o maka gore llampa lago le khanye—o tšhutisa batho gore ba berekele Modimo, maphelelo yago ma šupetsa gore o nyaka gore phutego yi mamarelane le mo o dula o budiye mahlo—o nyoko jabola tsa mannete. Tsa gabutši tso o di makang, ba bangwana ba nyoko di bona, fote sosone se nyoko maka gore ba go tlala ba thanake Papa wa rune.—Mat. 5:16.