1. Ga go tlala go kgala go sepela le mantsu yafeng ka Baebeleng?

MO O kwa ka lentsu go “kgala,” o nagana ying? Nako’e nngwana o ka fo ba o nagana ka go teya, mara go kgala go bolabola dilo tsa go tlala. Lentsu lowa la go kgala ga go tlala mo le nyarela ka Baebeleng, le ba le sepela le mantsu ya go tshwana le go tšiba dilo, go hlalefa, lerato le lephelo. (Diy. 1:2-7; 4:11-13) Modimo gore wa re nyaka o re šupetsa ka go re kgala gore re wolologe ke mokane re tle re kraye lephelo la go ya go yye. (Maheb. 12:6) Mo a re kgala ka nako ye nngwana a ka re lakatsa, mara mo a maka sone aa nape a re totometsa nkare wa bolaya. Gabutšibutši go “kgala” ka matlamatla go nyalelana le go tšhutisa, go tshwana le mo o kene o godisa ngwana.

2, 3. Re ka maka byang mo re nyaka go kgala ka molomo le go boya re tšapola? (Lebelela sethombhe sa ka mo kgakala)

² Tla re beyiseneng ka taba ya mošomanyana ye mongwana ke yewa: Lebitso lage ba re ke Šupanang fote o kwana le go kganela ntlong ka bholi. Mmane wage o re gage: “Šupanang, sa kganele ka mo ntlong ka bholi yone! O ka šinya o pshayanya dilo.” Mara mošomanyana yewa aa yi kene ya mmane wage, o fo ya mahlong a kgana ka yona, a šinya a teyisa bhlompoto ya pshayega. Byalo mmane wage o nyoko mo kgala byang? A ka fo mo kgala ka go bolabola naye ka molomo, a fetsa a mo tšapola. Mo nkare o mo kgala ka go bolabola naye, o tshwanele gore a mmotse ga Šupanang, gore ke ntaba go sa theetsele yi se tsona.  Di nyaka a mo hlatollele gabutši gore ke ntaba batswadi bage ba mo kgala ka mokg’o ba mo kgalang ka gona le gore mo a ba theetsela o ko ba a šupetsa gore o hlalefiye. Byalo go šupetsa gore aa tekateke ga so a se bolabodiyeng, a ka mo maka se sengwananyana gore a mo neye kgalemo ya go mo lekana. Ka nako ye nngwana, a ka fo tseyela Šupanang bholi yone go segela seghwebo sage se fela. Sosone se ka napa se šupetsa Šupanang gore mo motho a sa theetsele, o ko di kweng.

³ Makreste ka mokana ga wona ka mo phutegong ma wela ga ba mutši wa Modimo. (1 Thim. 3:15) Re hlompa Jehova ka taba la gore ke yene ye a tshwaneleng ke go beya melawo le go re kgala ka lerato mo re tšwa pateng. Mo tsa lephelo di re thatafela ka taba la ditsela tsa rune tsa go kekema, kgalemo yage yi re busetsa pateng ke mokane ra gopola gore go theetsela Papa wa rune wa magedimong go gabutši stereka. (Magal. 6:7) Modimo o re nyaka ka matla, fote aa nyake go bona re hlopega.—1 Pet. 5:6, 7.

4. (a) Jehova o rufa matšhutiselo ya mošaga mang? (b) Ga hlogotaba yowa re nyoko tšhuta ka ying?

⁴ Mo re kgala ngwana kela motho ye re balang naye Baebele re berekisa Mangwalo, re mo gelepa gore le yene go feleletse go le lelata la Kreste. Baebele ke thulusu ya rune ye kgolo ya go re tšhutisa, fote yi re maka gore re di kgone tsa ‘go kgala ka go loka.’ Sosone se nyoko gelepa ngwana kela motho ye re tšhutang naye Baebele go kwisisa le ‘go maka tso Jeso a re layeleleng.’ (2 Thim. 3:16; Mat. 28:19, 20) Jehova o nyoko re rufa mo re tšhutisa ka mokg’onone, ka gore re gelepa bo ba tšhutisiwang gore le bona ba nape ba ya mahlong ba tšhutisa ba bangwana go ba malata ya Kreste. (Bala Tito 2:11-14.) Gana byalo tla re fo lebelela diphetolo tsa diputsiso tso ka ditharo: (1) Ka mokg’o Modimo a re kgalang ka gona di šupetsa byang gore wa re nyaka? (2) Re ka tšhuta ying ga bo Modimo a yyeng a ba kgala ku botala? (3) Mo re kgala, re ka yekisela Jehova le Morwayi wage byang?

5. Ke ntaba Jehova mo a re kgala di šupetsa gore o re nyaka ka matla?

⁵ Lerato le tšhofa Jehova gore a re wolole, a re tšhutise le go re gelepa gore a dule a re rata le gore re dule re tlaparele tsela ya go ya lephelong. (1 Joh. 4:16) Le ka tšatši ka lloši aa re tshware makgwakgwašipa kela go re tšebisa tsa gore re šale re tiputsisa gore mara nje a ke fo ba segeyageya. (Diy. 12:18) Jehova o re tshwara gabutši, wa di bona mo go na le se sengwana sa go bafala ka ku teng ga dipelo tsa rune fote aa re makisi dilo ka tšhinghi le mo re sa nyake. Mo o kgala ke Baebele, kela dipuku tso di bolabolang ka Baebele, batswadi ba gore ke Makreste kela bagolo ka mo phutegong, nje o di tseya go le Modimo ye a leketsang go go busetsa pateng? Bagolo ba ka fo leketsa go re potolla ba bolabodisana le rune ba sa re lakatse fote ba šupetsa di ba baba mo re “thomisa go keketlela,” rune beng re sa tiponi, tsotsone di šupetsa gore Jehova o re nyaka ka matla.—Magal. 6:1.

6. Mo kgalemo yi kgera, sosone se šupetsa byang gore Modimo wa re nyaka?

⁶ Phela ka dinako tse dingwana go kgala a yi fo ba go go bolabolela. Mo motho a maka dilo tsa gore Modimo aa kwane natso tsa go tshosa, go ka makega gore a feleletse a sa sa berekisiwa ka mo phutegong. Le mo go ka fo makega ka mokg’onone, di ko ba di sa šupetsa gore Modimo wa re rata. Mo motho a sa sa berekisiwa ka mo phutegong, a ka thušega ka matla gore a naganisise ka taba ya go titšhutela Baebele yene ka boyene, a naganisise fote a rapele. Le yene o ko kweng gore wa tiyelela ga tso tsa Modimo. (Pis. 19:7) Mo nako yi kene yi sepela, di ka makega gore a boyele fote a berekisiwe. Le mo motho a kgawodiwa ka mo phutegong, tsotsone di šupetsa gore Jehova wa mo nyaka, go makiwa ka mokg’onone gore phutego yi sa kene ke dithila. (1 Makor. 5:6, 7, 11) Modimo mo a kgala wa kgera, byalo mo motho a kgawodiwa o napa a bona gabutši gore so a se makiyeng a yi sona, ke mokane a kwa di mo tšhofa gore a tisole.—Meber. 3:19.

7. Shebhana ke mo go le mang, fote o yye a thomisa go ba le mekgwa yifeng ya go befa?

⁷ Mo re nyoko yi beya gabutši taba yo ya gore nnete go kgalemela go gabutši ka matla, tla re bolaboleneng ka batho ke bo ka babedi ba gore ba yye ba kgala ke Jehova: Re nyoko thomisa ka Shebhana, wa gore o yye a phela ka nako tsa Kgoši Hezekiya, ye mongwana ke mogageru wa dinako tso tsa rune ye ba reng ke Graham. Shebhana ke mo go le motho wa mayemo ka gore ke mo go le lelata “a lawola ka ntlong”—ntlo yone go ka makega gore ke mo go le ya Hezekiya. (Jes. 22:15) Aiyya, a thomisa go rwala magetla a nyaka go nyarela ka gedimo ga batho ka moka, le tsa go thanakiwa ke mo a kwana natso. Ke mo ba mo yagele lebitla la majabajaba, fote a sepela ka “sekotšikara sa go bafala la go sa hlayisege”!—Jes. 22:16-18.

8. Jehova o yye a kgala Shebhana byang, sone se feleletsiye ka ying?

⁸ Ka taba la gore Shebhana ke mo a kwana natso tsa go thanakiwa, Modimo o yye ‘a mo tlosa gwa sa sa ba lelata’ ke mokane sekgaleng sage a tšhela Eliyakimi. (Jes. 22:19-21) Sone se makegiye ka nako tsa mo Kgoši ya Asiriya ye ba reng ke Saneheribhe a leketsa go hlasela Jerusalema. Go yye gwa segela le mo kgoši yone yi romelang malata ya yona ya magolo ku Jerusalema, malata yane ke mo ma yye le masole ya go tlala gore ba ye tshosanya Hezekiya le go mmotsa gore a lahle tewu. (2 Magoši 18:17-25) Eliyakimi yene ke mo ba mo romme gore a ye bolabodisana le malata yane, mara ke mo a sa ya a ntoši. Ke mo a felegetsiye nka babedi, ye mongwana ke mo go le Shebhana, wa gore ka nako tsa gona ke mo yi šele yi le mabhalane. Ayitsano taba ya Shebhana a yi šupetsi gore mo ba mo tlosa gore go sa sa ba lelata, aa toba, o yye a tinyanafatsa a fo maka mmereko wo monyana ga wola ke mo a o maka? Mo nkare go ka mokg’onone, re ka tšhuta ying mara mo ga taba yo yage? Tla re bolaboleneng ka dilo ka ditharo.

9-11. (a) Ke dilo difing tse dikgolo tso re ka di tšhutang ga taba ya Shebhana? (b) Ka mokg’o Jehova a yyeng a berekana le taba ya Shebhana yi maka gore o tikwe byang?

⁹ Sa mathomo ke gore Shebhana ke mo ba mo thewosiye mayemong. Taba yo yage yi fo šupetsa gore “magetla maa wisana, go tipona gwa phikana.” (Diy. 16:18) Mo nkare ke wene se sengwana ka mo phutegong, fote di šupetsa nkare batho ba go tseyela gedimo, nje o nyoko lwela go dula o tinyanafatsa? Mo o rufiwa kela o thanakiwa ka taba la tso o di segeleleng ka ho phutegong, nje o ka kgona go fitisela go thanakiwa hone ga Jehova? (1 Makor. 4:7) Mopostola Pawulo o ngwadiye gore: “Ke re ga ye mongwana le ye mongwana mone ga lune, a sa nagane ka matla ka yene mong go feta ka mokg’o a tshwaneleng go tinagana ka gona, mara a nagane gabutši di šupetse gore monagano wage o butšwiye.”—Maroma 12:3.

 ¹⁰ Sa bobedi, taba ya gore Jehova o yye a kgala Shebhana a yi re gore Shebhana ne a ka sa tsoge a hlakarele. (Diy. 3:11, 12) Ka nnete sowa se tšhutisa le bowa ba gore ba yye ba phiriketsanya ke tse dingwana ke mokane ba tlosiwa gore ba sa sa ba se sengwana ka phutegong! Okare ba ka ya mahlong barena ba kene ba berekela Modimo ba sa kwata kela go fufulela, le mo dilo di sa sa le ka mokg’ola ke mo di le ka gona, ba tseya gore mo Jehova a ba kgala di šupetsa gore wa ba nyaka. A di nyake re boya re ro lebala gore Papa wa rune mo re tinyanafatsa mahlong yage, a ka sa re kganyele a tseya nkare re hlagele. (Bala 1 Petro 5:6, 7.) Modimo wa re bopa mo a re kgala, byalo rune re tshwanele re temeke gore re kgone go bopega ka letsogong lage.

¹¹ Sa boraro, ka mokg’o Jehova a yyeng a berekana le taba ya Shebhana di tšhutisa batswadi le bagolo ba Makreste gore ka mitšing kela ka phutegong ba ka kgala byang. Re tšhuta ying gana howa? Re tšhuta gore mo Jehova a kgala motho, a di re gore o hloyye motho yene, o fo ba a hloyye selo sa go tšwa pateng so motho yene a se makang. O motswadi kela o mogolo, ke ntaba mo o kgala o sa yekisele Jehova, ka go šupetsa gore tsa go befa o di hloyye mara ka thoko ye nngwana o kene wa di bona tsa gabutši tso ngwanago kela mogageru wa ka phutegong a di makang?—Juda 22, 23.

12-14. (a) Ba bangwana ba fo re king mo Modimo a ba kgala? (b) Lentsu la Modimo le gelepiye mogageru ye mongwana byang gore a tšhentšhe maphelelo yage, fote sosone se feleletsiye ka ying?

¹² Sa go babisa pelo ke gore ba bangwana mo ba kgadiwa a ba tšhetšhisi ba hlakarela ba fola mo dipelong tsa bona, ba napa ba keketlela ku kgole le Modimo le batho bage. (Maheb. 3:12, 13) Mara nje sosone se ra gore ba ka sa sa boya? Nagana ka Graham, ye a yyeng a kgawodiwa, ke mokane mo nako yi kene yi ya a busetsiwa, mara aa tseya nako, a thomisa go bata ga tso tsa Modimo. Ka morago ga mengwaga o yye a kgopela mogolo ye mongwana ye go yyeng gwa feleletsa go biye monghanage gore a mmalele Baebele.

¹³ Mogolo yene o re: “Graham ke mo a na le bothata bya go ba le magetla. Ke mo a sa tšhayisane le bagolo bo ba yyeng ba bereka taba yage a šinya a kgawodiwa. Byalo ga dilo tso re yyeng ra tla ra tšhuta ka tsona, re yye ra napa re petapeta le ka mangwalo ya ma bolabolang ka taba ya go ba le magetla le maphomela ya gona. Ka gore Lentsu la Modimo le fo tshwana le seboki, Graham o yye a tilebelela ka teng ga lona ke mokane a sa jabolele so a se bonang! Taba yone a ya mo wolola lona! Mo a šele a tipona gabutši gore go ba le magetla go mo tlonnye go tshwana le ‘kwata’ le gore ke yene wa gore ke mo a na le bothata bya go solasola bagolo, o yye a tšhentšha ka go yakgoswa. O yye a thomisa go ya megahlanong ya Sekreste a sa thise, a bala Baebele di mmaba fote a rapela gatleletlele ka moka matšatši. O yye a thomisa go maka tso Baebele yi reng hlogo ya mutši yi tshwanele go di maka, mosadi wage le barwediya ba bona ka bararo ba šala ba makele.”—Luka 6:41, 42; Jak. 1:23-25.

¹⁴ Mogolo yela o sa re hlayisela, o re: “Tšatši le lengwana, Graham o yye a mpotsa selo se sengwana so se yyeng sa ntikisa pelo.” O itseri: ‘Ke botala ke tšiba nnete, fote ke yye ka phayona. Mara gana byalo gona ke ya resa mo ke re ga Jehova ke ya mo rata.’ Di soko ya kgole, ke mo ba mo kgopela gore a sipidise dimayekhrofowunu Holong ya Mmušo, sosone o yye a se jabolela ka matla. Taba yo yage yi ntšhutisiye gore mo motho a tinyanafatsa mahlong ga Modimo a boya a yamogela go kgadiwa, o nyoko rufiwa a šala a sa di tšibi gore a ka kena kakaye!”

15. Mo re kgala motho, re ka di makisa go reng mo re nyaka go mo segelela pelo?

¹⁵ Gore re be mathitšere ya gabutši, di nyaka gore le rune re thomise ka go tšhutisiwa. (1 Thim. 4:15, 16) Go na le batho bo Modimo a ba neyyeng matla ya gore ba kgale ba bangwana, batho bone le bona ba tshwanele ba dumele ka go di nyaka gore Jehova a ba yetetse. Go  tinyanafatsa gone ga bona go maka gore ba hlompe ke batho fote ba kgona go bolabola ba sa hlagasele mo ba tšhutisa ba bangwana kela go ba wolola. Tla re beyiseneng ka Jeso ša.

16. King tso re ka di tšhutang ga Jeso ka mokg’o ne a kgala ka gona, le ka mokg’o ne a tšhutisa ka gona?

¹⁶ Ke mo go se na letšatši lo Jeso a sa theetseleng Papage, re ra le mo go bifiye. (Mat. 26:39) Mo ba mo thanaka ba re o kgona go tšhutisa fote o hlalefiye, ke mo a fo dula a thanaka Papage. (Joh 5:19, 30) Batho ba dipelo tse dibutši ke mo ba nabela go ba le Jeso ka taba la gore ne a tinyanafatsa fote a theetsela, tsotsone di mo thušiye gore a be thitšere wa gabutši le wa go kwelana go baba. (Bala Luka 4:22.) Mantsu yage ya go sa hlabe ke mo ma sa kwaletse bo ne ba tshwana le lehlaka la go konega kela hlase ya go tupa ya gore yi thina le go tima. (Mat. 12:20) Le mo Jeso a gahlana le mehlopegiso ya mehlobohlobo, o yye a fo dula a na le pelo ye butši fote a rata batho. Tsotsone di namme di bonala gabutši nakwela a wolola malata yage mo ma šele ma thomisa go ba le mokgwa wa go tinaganela bona ba ntoši.—Mar. 9:33-37; Luka 22:24-27.

17. Ke dilo difeng tsa gabutši tso di ka gelepang bagolo gore ba dise morape wa Modimo gabutši?

¹⁷ Ka moka bo ba neyiwweng matla ya go kgala ka Mangwalo ba nyoko ba ba hlalifiye mo ba yekisela Kreste. Nnete ke gore mo ba maka sosone ba ko ba ba šupetsa gore ba nyaka go bopa ke Modimo le Morwayi wage. Mopostola Petro o ngwadiye gore: “Disaneng morape wa Modimo wo le wo pasopang, lune ba go wokamela, le make tsotsone ka go di nyaka mahlong ga Modimo, le sa make le tšhofiwa, le sa makele go tikrayela tsa go gelepa lune beng, mara le make di le baba; le sa yilametse batho ba Modimo, mara le titshware gabutši gore morape o beyise ka lune.” (1 Pet. 5:2-4) Nnete ke gore mo bagolo ba jabolela go yekisela Modimo le Kreste, yene hlogo ya phutego, dilo di nyoko sepela gabutši ga bona le ga bo ba ba pasopang.—Jes. 32:1, 2, 17, 18.

18. (a) Jehova o nyaka gore batswadi ba make ying? (b) Jehova o gelepa batswadi ka mokg’o mang gore ba make tsona?

¹⁸ Ditšhiko tso tsa Baebele le ka mutšing di ya bereka. Bo go leng dihlogo ka mitšing ba gopotsiwa gore: “Le sa tinwisi bana ba lune, mara ariyeneng mahlong le kene le ba gudisa ka go ba kgala le go ba tšhutisa molawo wa Jehova.” (Maef. 6:4) Taba yo ke ye kgolo go segela kaye? Diyema 19:18 yi re: “Kgala morwayi wago di sa tshepisa, gore mo a ka kgwa o sa fete le molato.” Ka nnete, mo batswadi bo go leng Makreste ba sa kgale ngwan’a bona, ba nyakisana le Jehova! (1 Sam. 3:12-14) Mara, Jehova yene o hlalifisa batswadi a boya a ba neya le matšhika ya ba ma nyakang mo ba mo kgopela wona ba tinyanafatsiye fote ba bala Lentsu lage gore moya wa go hlawolega wo ba gelepe.—Bala Jakobo 1:5.

19, 20. (a) Mo Modimo a re kgala le rune re theetsela, sosone se nyoko re gelepa ka ying? (b) Re nyoko tšhuta ka ying ga hlogotaba yo yi tlang?

¹⁹ A di balege tso motho a ka rufiwang ka tsona mo a ka fo berekisa kgalemo ya Modimo le go yekisela Jehova le Jeso mo a kgala ba bangwana. Mo go-ya go-ya, mitši le diphutego di feleletsa di beba. Ye mongwana le ye mongwana o fo tikwa a ratiwa, a tseyediwa hlogong fote a pasopegiye. Ba fo tšwa ba tikwisa ka tsa go bafala tso di sa tlang. (Pis. 72:7) Nnete a yi gore re ro kgabisela mo re re kgalemo ya Jehova yi re tšhutisa go phidisana go ya go yye re le selo ka seteya re sa ngapanane go tshwana le ba mutšing wa gore o na le papa ye a ba pasopang. (Bala Jesaya 11:9.) Mo re ka fo tseya kgalemelo ka mokg’ononeng, di nyoko ba lola ka matla gore re yi rate ka mokg’o yi leng ka gona: ka gore yi šupetsa gabutši gore Modimo o re nyaka ka matla.

²⁰ Ga hlogotaba yo yi tlang, re nyoko bolabola ka tse dingwana tsa go kgala ka mutšing le ka phutegong. Fote re nyoko tla re bolabola ka go tikgala le ka selo se sengwana sa go baba go biye go sasamela go feta mo ba go kgala.