O MAKA ying mo o nyaka go tšiba gore ke nako mang? Ga go tlala o nyoko lebelela watšhi yo o yi tlemmeng ho letsogong kela yo o yi hakiyeng ku lepharong. Mo monghanago a ka fo go butsisa gore ke nako mang, o nyoko re king mo o fetola? Go na le mekgwa ya go tlala ya go hlaya gore ke nako mang. Byang?

Tla re fo re ke awara le 30 ya diminetsi go fitiye motshegare. O ka fo hlaya gore ke 1:30. Go ko fo ya ka gore hone polekeng ya lune le yi tlwayele byang, o ka boya wa re ke 13:30. Ka mokg’ononeng o koba o hlaya nako o berekisa ka mokg’o go dukulugang letšatši ka 24 ya diawara. Ga tse dingwana dipoleke, nako yonone ba re ke “sepetlo sa mabedi,” ba rela gore go šele 30 ya diminetsi gore go teye 2.

Ka gore ke wene motho wa go tipalela Baebele, o ka fo ba o tiputsisa gore byalo batho ba ku botala bona ke mo ba yi bona byang nako. Ke mo ba sa yi hlayi go tshwana. Go na le go gongwana ho ga mangwalo ya Seheberu ga gore go bolabodiwa ka dinako tsa “ka bošego,” “motshegare,” “le kene le le gana ho,” le “ka malobana.” (Gen. 8:11; 19:27; 43:16; Dot. 28:29; 1 Mag. 18:26) Mara go na le ga gore ke mo ba fela ba berekisa nako ya go napa yi korola.

Nakwela go sa ngwadiwa Baebele, batho ke mo ba di tlwayele tsa gore go na le bomatšinghilane. Ke mo ba bereka ka matla ho go le bošego. Mengwagangwaga ho Jeso a soko belegiwa, Maisrayele ke mo ma makiye dikopa ka ditharo tsa bošego ma re ke tsa go šiyelana ka go leta. (Pis. 63:6) Ga Bayahlodi 7:19 go bolabodiwa ka “nako ya go leta gare ga bošego.” Nakwela Jeso a le ho lefaseng, Majuda ma yye ma kopisela ga Magerika le Maroma, ma na le dinako ka dine tsa go leta bošego.

Diyebangedi di bolabola ka matla ka dinako tsowa tsa go leta. Mo re beyisa, ke mo “go le ka nako ya bone ya go leta,” ho Jeso a sepela gedimo ga meetši a bakiye sekepe so ke mo se kalamme ke malata yage. (Mat. 14:25) Jeso o yye a beyisa ka gore: “Mola mong wa mutši a di tšiba tsa gore wa go yetswa o nyoko segela ka nako mang, ke mo a nyoko fo dula a lebaleba gore a sa dumele ba kenela mutši wage.”—Mat. 24:43.

Jeso o bolabodiye ka dinako tsowa tsa go leta ka dine nakwela a botsa malata yage gore: “Byalo, dulaneng le hlahlamme, ka taba la gore a le di tšibi gore mong wa ntlo o nyoko segela neng, nakwenngwana o nyoko tla go sa le motshegare kela gare ga bošego kela o nyoko phuwela kela go sa le ka bošego.” (Mar 13:35) Ya mathomo ga dinako tsone, ya “ka malobana,” ke mo go le ya go tlugisela ho letšatši le tlolela go segela ka bo-9 ya bošego. Ya bobedi, ya “gare ga bošego,” ke mo yi tlugisela ka 9 ya ka malobana go segela gare ga bošego. Ke mokane ya boraro, ya gore ke mo ba re “mo le soko kgwalala,” kela “mo phooko yi leka,” ke mo yi thomisa gare ga bošego go segela ka bo-3 ya ka bošego. Kela ke mo go le ka dinako tsotsowa mo phooko yi leka bošego byela Jeso a tswariwweng ka byona. (Mar 14:72) Nako ya bone ya bošego, nako ya go leta ya “ka bošego ka phu,” ke mo yi tlugisela ka bo-3 ya matlagosa go segela ho letšatši le nyarela.

Nakwela go ngwadiwa Baebele, batho ke mo ba se natso dilo tso rune re di berekisang go bona nako, mara ke mo ba na le mokgwa wa bona wa go tšiba nako ya motshegare kela ya bošego.