Modimo o yye a kgobeketsa batlogolo ba Abrahama ke mokane a ba neya melawo. O yye a reya setšhaba sone gore ke “Maisrayele” ke mokane a maka gore se yise borapedi bya nnete le lentsu lage mahlong. (Pisalema 147:19, 20) Batho ba dinaga ka moka ne ba thušega ga Maisrayele.—Bala Genesi 22:18.

Modimo o kgetiye Maisrayele gore go be dihlatse tsage. Ka mokgwa wo ba phidiyeng ka gona di ya šupetsa gore go phela ka molawo wa Modimo di ya kgonega fote go thuša ka matla. (Dotoronoma 4:6) Maisrayele ma tšhutisiye batho ba bangwana Modimo.—Bala Jesaya 43:10, 12.

Mo nako yi kene ye sepela, Modimo o yye a lahla Maisrayele, ke mokane a kgeta phutego ya Sekreste. (Matewu 21:43; 23:37, 38) Lekgono dihlatse tsa Jehova di berekela Modimo go fo tshwana le Maisrayele.—Bala Mebereko 15:14, 17.

Jeso o yye a roma bo ba mo latelelang gore ba ye ba bolabole ditaba tsa go bafala bathong. (Matewu 10:7, 11; 24:14; 28:19, 20) Mmereko wo o thina le go fela, ka gore re thina le mafelelong ya lefase lo. Re thoma go di bona tsa gore Jehova o gahlanisiye dimiliyoni tsa mohlobohlobo ya batho gore ba mo rapele ba le nneteng. (Kutullo 7:9, 10) Makreste ya mannete ke selo ka ssoši, ba kgona go tiyisana le go thušana. Megahlanong ya bona lefaseng ka moka, ba bala selo sa go tshwana sa go tšwa ka Baebeleng.—Bala Maheberu 10:24, 25.

Dinnete tsa Baebele di nyaretsiye ke ba go tšhuta Baebele ka bo-1870. Ke mo ba di tšiba tsa gore Jeso o kgobeketsiye Makreste gore ma tšhomayele, ba yye ba thoma mmereko wa go tšhomayela ka Mmušo lefaseng ka moka. Ka 1931 ba yye ba kraya lebitso la Dihlatse tsa Jehova.—Bala Mebereko 1:8; 2:1, 4; 5:42.

Ku botala ga dinako tsa mapostola, diphutego tsa Sekreste dinageng tsa go tlala ne di lawola ke mogoba wo ne wo tseya Jeso yi le Hlogo ya phutego. (Mebereko 16:4, 5) Le lekgono, Dihlatse tsa Jehova lefaseng ka moka di thuša ke mogoba wa bagolo ba go butšwa. Wo pasopa diofisi tsa makala tsa Dihlatse tsa Jehova tsa go hlatholla, go phrintha le go phatlalatsa dipuku tso di bolabolang ka Baebele ka 600 ya mebolabolo. Mogoba wa go Lawola wo kgothatsa ka Mangwalo megahlanong ya ka gedimo ga 100 000 ya Dihlatse tsa Jehova lefaseng ka moka. Mogahlanong wo mongwana le wo mongwana, go na le bo ba tshwanelegang go bereka go le bagolo. Banna bo ba pasopa batho ba Modimo ba sa gapeletsiwe.—Bala 1 Petro 5:2, 3.

Dihlatse tsa Jehova di tšhomayela ditaba tsa go bafala le go tšhutisa batho. Go tshwana le mapostola, re tšhomayela mutši ka mutši. (Mebereko 20:20) Re jabolela go tšhuta Baebele le batho mo ba nyaka go tšiba nnete. Dihlatse tsa Jehova a go fo ba mokgahlo nje. Re tshwana le mutši wo Papa wa gona a wo nyakang ka matla. Ke rune bobhuti le bosesi fote re pasopana ka matla. (2 Mathesalonika 1:3) Ka gore batho ba Jehova ba tshwanele ba mo jabodise le go thuša ba bangwana, ke bona ba jabodiyeng ka matla mo lefaseng.—Bala Pisalema 33:12; Mebereko 20:35.