1, 2. Ke ntaba Baebele go le selo sa go jabodisa so Modimo a re neyyeng sona?

O KA fo re king mara mo monghanago a tla a go tshwarele sejumbhanyana ke mokane a segela a go neya sona o sa nagana? O ka kwa o jagela go bona gore o phutele ying, fote o kwa o jabola gore monghanago o yye a nagana ka wene. O ka mo leboga o sa fetsi.

² Baebele re yi neyye ke Modimo. Yi na le ditaba tsa gore a di šiyo go gongwana. Mo re beyisa, yi re botsa gore Modimo o makiye magedimo le lefase, a maka le monna wa mathomo le mosadi wa mathomo. Yi re fa ditšhiko tso di nyoko re gelepang mo re gahlana le mathata. Ka ho Baebeleng, re tšhuta gore Modimo o nyoko maka byang gore lefase lowa le tle le bafale. Baebele ke selo sa go jabodisa ka matla so Modimo a re neyyeng sona!

3. O nyoko tšhuta ying mo o kene o bala Baebele?

³ Mo o kene o ya mahlong o tšhuta Baebele, o nyoko di bona tsa gore Modimo wa di nyaka gore o be monghanage. Mo o kene o tšhuta ka yene, le wene mong o nyoko tikwa gore o napa o šutela thina gage.

4. King so se go jabodisang ka Baebele?

⁴ Baebele yi hlatolliwwe gore yi krayege ka mebolabolo ya gana hala ga 2 600, fote go na le Dibaebele tsa go tlala. Batho ba go tlala ho lefaseng ba šele ba kgona go bala Baebele ka mmolabolo wa bona. Fote ka beke ka beke, go ba le batho ba go teya ka ku ga miliyoni ba gore ba kraya Baebele! Nnete ke gore a go na puku ye nngwana ya go tshwana le Baebele.

5. Ke ntaba re re Baebele yi “butšwelele ke Modimo”?

 ⁵ Baebele yi “butšwelele ke Modimo.” (Bala 2 Thimothi 3:16.) Mara ba bangwana ba ka re, ‘Baebele yi ngwadiye ke batho, byalo ke ntaba ba re yi tšwa ga Modimo?’ Baebele mo yi fetola taba yone yi re: “Batho ke mo ba bolabola tsa go tšwa ga Modimo ba kene ba yetetsa [kela, go tšhofa] ke moya wa go hlawolega.” (2 Petro 1:21) Taba yone re ka yi tshwanisa le mo mokgalabye a kgopela motlogolo wage gore a mo ngwalele borifi. Mo a fetsa, re nyoko re borifi byone bo ngwadiye ke mang? Bo ngwadiye ke mokgalabye yewa, motlogolo wage ke mo go fo ba mabhalane. Baebele le yona yi ka mokgonone, yi ngwadiye ke Modimo, a ya ngwala ke batho bala a ba berekisiyeng. Modimo o ba yetetsiye gore ba ngwale tso a di naganneng. Nnete Baebele ke “Lentsu la Modimo.”—1 Mathesalonika 2:13; lebelela Setwaba sa 2.

6, 7. Ke ntaba re re Baebele a yi ganetsane?

⁶ Baebele yi tsere mengwaga ya go teya ka ku ga 1 600 gore yi ngwadiwe. Bo ba yi ngwadiyeng ba phidiye ka dinako tsa go sa tshwane. Ba bangwana ke mo ba tšhutegiye mara ba bangwana ke mo ba sa tšhutega. Mo re beyisa, ye mongwana ke mo go le dogotela. Ba bangwana ke mo ba bereka dibayeng kela mašemong, ba bangwana ba loba dihlapi, ba bangwana ba disa, ba porofeta, ba yahlola, ba bangwana go le magoši. Le mo yi ngwadiye ke batho ba go sa tshwane, tso yi di bolabolang di ya kwana. A yi ganetsane. *

⁷ Ditema tsa mathomo tsa ka ho Baebeleng di hlatolla gore ke ntaba go tlele mohlopego ho lefaseng, ke mokane ditema tsa mafelelo di hlatolla gore Modimo o nyoko yi tlusa byang mehlopego yone mo a šele a leya pharadeyisi ho lefaseng. Baebele yi bolabola ka batho bo ba phidiyeng botala ka matla, yi šupetsa gore tso Modimo a di tshepisiyeng di makegiye fote di sa nyoko makega.

8. Bolabola dilo tso di šupetsang gore Baebele le sayinsi di ya kwana.

⁸ Baebele a ya ngwalediwa gore yi tšhutise batho ka sayinsi kela go tšhutisa tsa sekolo, mara tso yi di bolabolang ka tsa sayinsi di fo re kwatla. Di ya šupetsa gore yone ke puku ya go tšwa ga Modimo, a re makale. Mo re beyisa, puku ya Lefitiko yi na le melawo ya Modimo ya go botsa Maisrayele gore ma make byang gore ma sa tshelele ke malwele. Taba yowa yi ngwadiwwe botala ka matla, ka nako ya gona batho ke mo ba soko bane ba di tšiba gore go na le dilo tso ba reng ke dibhaktheriya tsa go tšhelana malwele. Baebele fote yi tšhutisa nnete ya gore lefase le ya lekaleka. (Jobo 26:7) Fote batho ba go tlala ke  mo ba tšiba gore lefase ke sepsyatla, mara Baebele yona ke mo yi na yi hlayye botala gore ke kgokolo.—Jesaya 40:22.

9. Ka mokgo banna bowa ba go ngwala Baebele ba tshepegiyeng ka gona di re šupetsa ying?

⁹ Mo Baebele yi bolabola ka dilo tsa botala, yi fo dula yi korola. Mara bo ba ngwadiyeng dipuku tsa go tlala tsa histori a ba nape ba yedisa ditaba gabutši, ba wutametsa nnete. Mo re beyisa, go gongwana a baa hlaya ho setšhaba sa bona se hludiwa dintweng. Mara, bo ba ngwadiyeng Baebele bona ba bolabodiye ba resa ka nako tsela go hludiwa Israyele. Ba yye ba ngwala le tsa gore bona beng a baa di maka gabutši. Mo re beyisa, Moše ga lengwalo la Dipalo o re botsa ka bošayedi byo bogolo byo a yyeng a bo maka bya gore Modimo o yye a mo kgala ka taba la byona. (Dipalo 20:2-12) Ka mokgo banna bo ba go ngwala Baebele ba yyeng ba tshepega ka gona, di fo šupetsa gore Baebele yi tšwa ga Modimo. Sowa se fo šupetsa gore Baebele re ka yi tshepa.

10. Ke ntaba tso Baebele yi di bolabolang di sa na di re gelepa le lekgono?

¹⁰ Baebele “yi butšwelele ke Modimo fote yi thuša ka go tšhutisa, go kgala le go wolola dilo.” (2 Thimothi 3:16) Ka nnete, Baebele ya re gelepa lekgono. Jehova o di tšiba gabutši gore re makiwwe byang, byalo wa di tšiba tsa gore re nagana byang le gore re tikwa byang. O re tšiba bokawone go feta le ka mokgo rune beng re titšibang ka gona, fote o nyaka go re bona re jabodiye. O tšiba sa gore se nyoko re leyela mojabolo le sa gore se nyoko re kona mojabolo.

11, 12. (a) Ke taba yifeng ya gabutši yo Jeso a bolabodiyeng ka yona ga Matewu 5 go segela ga 7? (b) Re ka tšhuta ying se sengwana ka ho Baebeleng?

¹¹ Ga Matewu tema 5 go segela ga tema 7, Jeso o re tšhutisiye taba ye nngwana ye butši ka matla ya gore re ka maka byang gore re jabole tsa mannete, re ka phidisana byang le ba bangwana, re ka rapela ka mokgo mang le gore di nyaka tšheleta  re yi tseye byang. Le mo go fitiye 2 000 ya mongwaga a bolabodiye taba yowa, yi sa na yi bereka le lekgono fote yi kwagala gabutši.

¹² Ka ho Baebeleng, go na le ditšhiko tso Jehova a re tšhutisang tsona gore re thogo phidisana gabutši ka mutšing, re be batho ba go garagara fote re phidisane le ba bangwana re bebiye. Gore ke wene mang, o dula kaye kela o phiriketsa ke dilo tsa mošaga mang, Baebele yi ka re gelepa ka mokana ga rune.—Bala Jesaya 48:17; lebelela Setwaba sa 3.

13. Jesaya o yitseri go nyoko makega ying ka mutši wa Bhabhilona?

¹³ Tsa go tlala tso Baebele yi di bolabodiyeng botala di šele di makegiye. Mo re beyisa, Jesaya o porofitiye gore Bhabhilona go nyoko fela ka yona. (Jesaya 13:19) O hlayye gabutši gore mutši wone wo nyoko hludiwa byang. Mutši wone ke mo ba wo yagelele ka digheyiti tse dikgolo fote go na le noka ya go dukuluga mutšing wone. Mara Jesaya o bolabodiye botala gore noka yone yi nyoko psya ke mokane digheyiti tsa šiyiwa di bulegiye. Masole ke mo ma nyoko fo kena lula ga mutši wone. Fote Jesaya o porofitiye gore ye ke mo a nyoko hlula Bhabhilona ke monna ye lebitso lage ba reng ke Sayirasi.—Bala Jesaya 44:27–45:2; lebelela Setwaba sa 4.

14, 15. Tsetsela seporofeto sa Jesaya se di hlayyeng di yye tsa makega byang?

¹⁴ Mo go šele go fediye 200 ya mongwaga seporofeto sowa se ngwadiwwe, masole ma yye ma kena Bhabhilona ma tl’le fetseng ka yona. Masole yawa ke mo ma yetiye ke mang mahlong? Ke mo ma yetiye ke yenela seporofeto se bolabodiyeng ka yene botala ye ba reng ke Sayirasi, kgoši ya Pheresiya. Ka mokana ga tsona tso di makegiyeng ke mo di porofitiwwe botala.

¹⁵ Batho ba Bhabhilona ke mo ba sa makiye monyanya ba tiketliye bošegong bya mo mutši wa bona wo kenediwa. Ke mo ba tseya nkare ba ka sa kenediwi ka taba la gore mutši wa bona  ke mo wo yagelele ke mapharo fote go na le noka. Ka ku tawong ga mutši, Sayirasi le masole yage ba yye ba yepa mosela wa gore meetši yane ya noka ma ye ka wona ke mokane ma pomege. Meetši ya noka yone ma yye ma pomega ke mokane masole ya Pheresiya ma thogo kena. Mara masole yane ma kenne byang ga mapharo ya go lefa ya Bhabhilona? Go f’lo makega ka mokgonola seporofeto se bolabodiyeng, digheyiti tsa mutši  wone di yye tsa fo lesetsiwa di bulegiye ke mokane masole ma tikenela ma sa hlupa ke selo.

16. (a) Jesaya o porofitiye gore go nyoko makega ying ka Bhabhilona? (b) Re tšiba ka ying gore tso Jesaya a di porofitiyeng di makegiye ka mokgonone?

¹⁶ Jesaya o yye a porofeta le gore gana hone Bhabhilona go ka sa sa dula motho. O ngwadiye gore: “Go ka sa tsoge go na le motho ye a dulang gana hone le ka tšatši ka lloši ga meloko ka mokana ga yona.” (Jesaya 13:20) Nje tsotsone di yye tsa makega? Mašupi ya Bhabhilona ma sa le gona, mo o ya gona ke gana hala ga 80 ya dikhilomithara ka borwa bya Baghdad, ku Iraq. Le lekgono lowa, a go duli motho. Jehova o suwele mutši wone wa Bhabhilona “ka mosuwelo wa go tlalaganya [kela, go sinyanya].”—Jesaya 14:22, 23. *

17. Ke ntaba re ka di tshepa ka mokana ga tsona tso Modimo a di tshepisiyeng?

¹⁷ Taba ya gore tsa go tlala tso Baebele yi di porofitiyeng botala di makegiye yi napa yi maka gore re ngangarele ga so Baebele  yi se tshepisang mo yi bolabola ka tsa ku mahlong. Re napa re ro tshepa gore nnete Jehova o nyoko maka lefase gore go be pharadeyisi. (Bala Dipalo 23:19.) Re ya di tshepa tsa gore go nyoko ba le “lephelo la go ya go yye lo Modimo, wa gore aa bolabole matsaka, a re tshepisiyeng lona botala.”—Tito 1:2. *

18. Pawulo o re “lentsu la Modimo” le byang?

¹⁸ Re tšhutiye gore a go na puku ye nngwana ya go tshwana le Baebele. A yi ganetsane, fote mo yi bolabola ka tsa sayinsi kela dilo tsa ku botala, yi napa yi fo re kwatla. Yi re neya le mayele ya gabutši fote yi na le diporofeto tsa go tlala tsa gore di šele di makegiye. Mara Baebele a yi felele gana hone. Pawulo wa lepostola o ngwadiye gore: “Lentsu la Modimo le ya phela, fote le na le matšhika.” Di ra gore king tsotsone?—Bala Maheberu 4:12.

19, 20. (a) Baebele yi ka go gelepa byang gore o titšibe gabutši? (b) O ka šupetsa ka ying gore Baebele o yi tseyela hlogong?

¹⁹ Baebele yi ka le tšhentšha lephelo lago. Yi ka go gelepa gore o tinyakolle, o titšibe gabutši. Fote le so se leng ka ku teng-teng ga pelo yago, yi ka maka gore o thogo se bona. Mo re beyisa, rune beng o ka kraya re tipotsa gore ga Modimo re ya mo nyaka. Mara go šupetsa gore re ya resa, di nyaka re make so Baebele yi se bolabolang.

²⁰ Nnete Baebele ke puku ya go tšwa ga Modimo. O nyaka gore o yi bale, o yi tšhute, fote o yi nyake ka matla. Šupetsa gore o yi tseyela hlogong, ariye mahlong o kene o yi bala. Ke mokane o ko thogo kwisisa so Modimo a nyakang go se makela batho. Ga hlogotaba ya go latela, re nyoko tšhuta tsa go tlala ka taba yonone.