LE SA KOBOLE!
2022: Ke Mongwaga wa go Fagagana—Bhayibele yi re King?
Ka mongwaga wa 2022, ho ditabeng ke mo ba sa fetsi go bolabola ka dintwa, tšheleta ya go pomega matšhika le dikotsi ga dipoleke tsa go tlala. Bhayibele ke yona yi le ntoši yi napang yi thuletsa gore gabutšibutši dilo tsowa di ra gore king.
Mara gabutši dilo tso di makegang ka 2022 di re šupetsa ying?
Dilo tso re bonang di makega di fo napa di yedisa taba yenela yi hlayyeng ke Bhayibele ya gore re phela ga “dinako tsa mafelelo.” (2 Thimothi 3:1) Nako yone yi thomisiye ka mongwaga wa 1914. Dilo tsa gore a yi botala di makegiye di napa di re kwatla ga tso Bhayibele yi hlayyeng gore di nyoko makega ka dinako tsa rune, tla re di bone:
“Dintwa.”—Matewu 24:6.
“Ka 2022 Hala Yuropo Ntwa yi Buyye ka Matšhika ya go Tshosa.” a
Ariye ga hlogotaba ya gore “Russia yi Kutulugela Ukraine.”
“Tsa go ja di nyoko gayela.”—Matewu 24:7.
“2022: Ke Mongwaga wa Tlala ya go sa Hlayisege.” b
Ariye ga hlogotaba ya gore “Tsa go Ja di ya Pomega ho Lefaseng ka Taba la Ntwa ya Hala Ukraine.”
“Malwele ya go tshosa.”—Luka 21:11.
“Bolwele bya polio bo buyye, ga byo ba reng ke monkeypox a go tšibegi gore re nyoko tšhabela kaye ke mokane bya COVID-19 byona bo kene bo ya mahlong bo kerefela batho, gana byalo gona batho ba tshilela ke malwele la go sa sa tšiba gore ba tshware kaye ba lisetse kaye.” c
Ariye ga hlogotaba ya gore “Kobodi ya Dimiliyoni Tsa Batho bo ba Bolayyeng ke Khorona.”
“Ba nyoko bona dilo tsa go tshosa.”—Luka 21:11.
“Moya wa go fisa, kgwaakgwa, mollo wa hlaga le megogola. Mongwaga wa 2022 re nyoko wo gopola ka gore go yye gwa fisa lela la go sa hlayisege gwa šinya go sinyega dilo tsa go tlala, gwa kgwa mong diketekete tsa batho, ba bangwana ho lefaseng go fediye ka dintlo tsa bona ba f’lo tišalela ba yitsa.” d
Ariye ga hlogotaba ya gore “Lefaseng ka Moka go Fisa la go sa Hlayisege, re ka Šinya re Kwalela.”
“Batho ba ya tlase le kgakala.”—Luka 21:9.
“Ka 2022, tšheleta yi yye ya pomega matšhika, batho ba lla ka gore dilo di fo tura di turiye, tsotsone di makiye gore ba kwate ka matla ke mokane ba thomisa go toyitoya ga ba mmušo.” e
Ariye ga hlogotaba ya gore “Dilo di fo Tura di Turiye Lefaseng ka Mokana ga Lona.”
Go nyoko makega ying mongwago tlang?
Aa šiyo ye a ka napang a hlaya gore 2023 yi tla yi pepudiye ying. Tso rune re di tšibang ke gore go se botala, Mmušo wa Modimo, wa gore wo lawola wo le hala legedimong, wo nyoko tla wo tšhentšha dilo tsa go tlala ho lefaseng. (Daniyele 2:44) Mmušo wone wo nyoko tlosa mehlupego ya batho ke mokane ho lefaseng gwa makega tso di nyakang ke Modimo.—Matewu 6:9, 10.
Re ro go fawa gore o make tso Jeso Kreste a di hlayyeng fote ‘o sa kobole’ mo o kene o lebelele dilo tso di makegang ho lefaseng tsa go yelana le seporofeto sa Bhayibele. (Mareka 13:37) Hlaya barena mo nkare o nabela go tšhuta tsa go tlala tsa ka ho Bhayibeleng tsa gore di ka go gelepa gana byalo le go maka gore ba mutši wago ba nape ba di tshepa tsa gore ku mahlong go nyoko ba kawone ka matla.
a Ba AP News, “Ka 2022 Hala Yuropo Ntwa yi Buyye ka Matšhika ya go Tshosa,” go hlayye Jill Lawless, ka di 8 tsa December 2022.
b Letheto la go Neya Lefase Tsa go Ja, “Bothatha Bya Tsa go Ja Lefaseng ka Moka.”
c Ba Tsa Lephelo ba JAMA, “Re Phela ka Nako ya Malwele ya go Sabalala—Re Tlugiye ga COVID-19 ra Kena ga Monkeypox, Polio, le Malwele ya Mangwana,” go hlayye Lawrence O. Gostin, JD, ka di 22 tsa September 2022.
d Earth.Org, “Anthe ke Ntaba go Fisa la go sa Hlayisege ka Mongwaga Wowa wa 2022?” go hlayye Martina Igini, ka di 24 tsa October 2022.
e Ba Carnegie Endowment for International Peace, “Batho ba Toyitoya ka Matla ka Taba la Tšheleta ya go Pomega Matšhika,” go hlayye Thomas Carothers le Benjamin Feldman, ka di 8 tsa December 2022.
Le Tso di ka fo go Jabodisa
ESSENTIAL BIBLE TEACHINGS
Mmušo wa Modimo ba ra Ying?
Nakwela Jeso a tšhomayela, o tšhutisiye ka Mmušo wa Modimo go feta dilo ka mokana ga tsona. Ke mongwaga ngwaga bo ba mo latelelang ba rapelela gore Mmušo wone wo segele.
KA RUNE
Kgopela go Tšhutisiwa Baebele
Tšhutisiwa ditaba tsa ka Baebeleng ka nako yo o e nyakang le polekeng yo o e kgetiyeng.
