Lefaseng ka mokana ga lona go na le batho ba gore ba fo tijela merogo, a ba ji nama.

•   “Batho ba go fo tijela merogo, ba go sa ji nama ba maka so ba ka se kgonang gore ba sa kwaletsi diphoolwane, gore ba sa ji nama ya tsona, ba sa yapare dikobo tsa gore di makiwwe ka mekgopa ya tsona le tse dingwana.”—Mokgahlo wa Batho ba go fo Tijela Merogo, ba go sa ji Nama.

 Batho ba bangwana a ba fo maka tsotsone ka gore ba na le taba le diphoolwane mara ba makela gore ba dule ba philegiye gabutši kela ba maka tsotsone ka taba la sedumedi sa bona.

•   “Taba yowa ya batho ba go fo tijela merogo, ba sa ji nama a yi tshwane le tso batho ba go tlala ba di makang tsa go nyaka go poma mmele, ba bangwana ba yi tseya go le sedumedi kela sepheto sa gabutši sa gore motho ye mongwana le ye mongwana a ka tšhentšha lefase lowa le be ga seyemo sa gabutši.”—Britannica Academic.

 Batho ba go fo tijela merogo, ba sa ji nama ayitsano ba nyoko lukisa mathatha ya ma leng gona ho lefaseng? Bhayibele yi re king?

 Bhayibele yi hlaya gore Jehova Modimo, a ye a re makiyeng o tseyela batho gedimo go phala diphoolwane fote o re neyye matšhika ya go di lawola. (Genesi 1:27, 28) Gabutšibutši, Modimo o neyye batho diphoolwane gore ba je. (Genesi 9:3) Le mo go le ka mokgonone, aa hlohletsele gore diphoolwane di makiwe lešidi.—Diyema 12:10.

 Go ya ka so Bhayibele yi se hlayang, ke wene mong o segelelang sepheto sa go ja nama kela dho. b Mara so re se kgetang a se make gore re be batho ba ba kawone mahlong ga Modimo. (1 Makorente 8:8) A gona ye a tshwaneleng go poyilanya ye mongwana mo a segelele sepheto sa gore o nyaka go ja ying.—Maroma 14:3

 Bhayibele yi hlaya gore dipheto tso re di segelelang tsa gore re nyaka go phela byang, a yi tsona tso di nyoko lukisang mathatha ya ma leng gona ho lefaseng. Mathatha ya go tlala ma maka ke dipolotiki, ditaba le mathatha ya ditšheleta ya ma leng gona ho lefaseng, ya gore a go na ye a ka kgonang go ma lukisa. Bhayibele yi hlaya gore:

•   “Tsa gore di kekemme di ka sa wolologe.”—Mmolabodi 1:15.

 Ye a re makiyeng o nyoko lukisa mathatha ya re ghulanang nawo. Bhayibele yi berekisa mošupetso wa go fo tshwanisela go hlatolla so a nyoko se makang.

•   “Ke mokane ka bona legedimo la nyuwane le lefase la nyuwane, ka taba la gore legedimo la botala le lefase la botala di fitiye, le lewatle a le sa le šiyo.”—Kutullo 21:1.

 Modimo o nyoko thiba sekgala sa mmušo wa batho kela “legedimo la botala,” ka “legedimo la nyuwane,” Mmušo wage wa legedimong. Mmušo wage wo nyoko tlusa “lefase la botala,” go leng batho ba go maka tsa go befa, ke mokane o nyoko lawola “lefase la nyuwane,” kela batho ba ba nyakang go lawola ke yene.

 Ke wona wo le ntoši Mmušo wa Modimo wo wo nyoko tšhutisang batho ka mokgo ba ka phidisanang le diphoolwane gabutši le go di hlompa.—Jesaya 11:6-9.