Ka mokana ga rune re nyaka meetši ya go yela gore re thogo phela. Mara, “go gayela ga meetši go fo yeketsega lefaseng ka mokana ga lona fote mathatha ya meetši ma fo ya mahlong ma kene ma gola.” Batho ba go tlala lefaseng ka mokana ga lona a ba kraye meetši ya go yela, tsowa di hlayye ke Mabhalane ye Mogolo wa UN António Guterres.

 Ayitsano re ko tsoga re biye le meetši ya go re yenetsa ka mokana ga rune? Kela re ko fo dula re na le mathatha ya go gayela meetši? Bhayibele yi re king?

Tso Bhayibele yi re tshepisang tsona ka meetši

 Bhayibele yi hlaya gore go nyoko fela ka mathatha ya go gayela ga meetši. Gabutšibutši, go nyoko ba le meetši ya go tlala ya go yela.

 “Meetši ma nyoko thunya ku mašahleng fote naga ya gore yi womme yi nyoko fogafoga meetši. Ga gore go swile go nyoko ba le sediba ke mokane ga go woma go nyoko nyuga meetši.”—Jesaya 35:6, 7.

 Ke ntaba re di tshepa tso Bhayibele yi di tshepisang? Kwang so Bhayibele yi se hlayang ka lefase la rune ka mokgo le makiwweng ka gona.

Tso Bhayibele yi di hlayang ka modukulugo wa meetši le lefase

 “[Modimo] aa le makela mahala [lefase], mara o le makele gore go dule batho.”—Jesaya 45:18.

 “[Modimo] o rotosa mathothi ya meetši o maka gore ma be pula, mugudi wage, ke mokane maru ya ma tshollela mo fase ma ba pula ya nela batho.”—Jobo 36:27, 28.

 “Ke nyoko le nisela motšhawolelane wa pula ka nako ya gona, ke mokane lefase le nyoko ntsha diyengwa tsa lona le mehlare ya hlageng yi nyoko ba le diyengwa tsa yona.”—Lefitiko 26:4.

 Modimo o tshepisiye Maisrayele ya ku botala gore o nyoko ma rufa, ka go dula a ma neya meetši gore mo ma lema ma bune diyengwa tsa go tlala. Ka taba la gore wa di tšiba gore diyengwa di nyaka pula gore di thogo gola.

 Tso Modimo a di makiyeng ga Maisrayele ya ku botala o nyoko di maka fote go se botala ho lefaseng ka mokana ga lona. (Jesaya 30:23) Gana byalo, dinaga tsa go tlala di na le mathatha ya meetši fote ma fo ya mahlong ma kene ma yeketsega tsotsone di maka ke gore pula a yine. Bhayibele yi re king ka mathatha ya re nang nawo ya meetši, ayitsano ma nyoko loka?

Go nyoko fela ka mathatha ya meetši

 Bhayibele yi hlaya gore Modimo o nyoko berekisa Mmušo wage go lukisa mathatha ya ma leng gona ho lefaseng la rune, go tokegela le mathatha ya re nang nawo gana byalo ya meetši. (Matewu 6:9, 10) Mmušo wa Modimo ke mmušo wa legedimong wa gore wo nyoko lawola ho lefaseng. (Daniyele 2:44; Kutullo 11:15) Go tokegela gana hone, Mmušo wa Modimo wo nyoko maka tso memmušo ya batho yi šitegang go di maka—wo nyoko fetsa ka mathatha ya meetši.

 Mathatha: Mathatha ya go fisa le go bata ka matla ke wona ya ma totometsang seyemo sa go gayela meetši. Ke mokane tsotsone di maka gore go be le kgwaakgwa, megogola ye mogolo, dipula tse dikgolo le go kwata ga mawatle.

 Tsa go Jabodisa: Mmušo wa Modimo wo nyoko lukisa mathatha ka moka ya ma leng gona ho nageng ya rune. Modimo o tshepisiye gore: “Bona! Ke maka dilo ka mokana ga tsona gore go be tsa nyuwane.” (Kutullo 21:5) Naga ya kgwaakgwa yi nyoko tlala ka meetši ya go yeela, gwa ba le dimilane le ga poleke ya gore yi fo ba lekgwayi a yi na mabyang. (Jesaya 41:17-20) Fote mo go šele go lawola Jeso Kreste, Mmušo wa Modimo wo nyoko maka gore go sa sa ba le dikotsi tsa hlago.

 Mathatha: Batho ba go fo tinaganela ba le ntoši le ba go ba le dipawo ke bona ba thilafatsang dinoka, le madhamo ya ba pompelang meetši ga wona fote tsotsone di maka gore go gayele meetši ya go yela.

 Tsa go jabodisa: Modimo o nyoko yedisa lefase lowa a boya a tsosetsela dinoka, madhamo, mawatle le mobu. Lefase le nyoko ba pharadeyisi. Bhayibele yi beya taba yowa ka mokgwa wa go thanaka yi re: “Hala mašahleng le ga poleke ya kgwaakgwa go nyoko ba le go jabola, fote poleke ya lekgwaying ya gore yi f’lo re khwaša yi nyoko jabola gwa boya gwa ro bafala nkare ke mabhlomu ya disaforone.”—Jesaya 35:1

 Mathatha: Batho ba berekisa meetši bošayedi tsotsone di maka gore go sinyege meetši ya go tlala go phala ya lefase le ma makang.

 Tsa go Jabodisa: Re leboga Mmušo wa Modimo, wa gore wo nyoko maka gore go ‘makege tso yene a di nyakang. . .ho lefaseng,’ yi seng wo wa batho ba go fo tinaganela ba le ntoši. (Matewu 6:9, 10) Mmušo wa Modimo wo nyoko lokotša batho ka go ba tšhutisa. Jesaya 11:9 yi re “batho ka mokana ga bona ho lefaseng ba ko ba ba tšiba Jehova.” a Ba ko ba ba ba tšhutisiye go le digele ba lokotšegiye, fote ba nyaka Modimo ka matla le dilo ka moka tso a di makiyeng, ke mokane batho ba nyoko pasopa lefase lowa la rune la go bafala le dilo tsa hlago.

•    Mo o nyaka go tšiba tsa go tlala ka tso Mmušo wa Modimo wo nyoko di makang, bala hlogotaba ya gore “King so Mmušo wa Modimo wo Nyoko se Segelelang?”

•    Ariye ga puku ya Bhayibele ya Jesaya tema 35, gore o thogo tipalela o kwe ka mokgo lefase le nyoko tšhentšhang ka gona le ba pharadeyisi.

•    Lebelela vidiyo ya gore Ke Ntaba Modimo a Makiye Lefase? gore o thogo tšhuta tsa go tlala ka tso Modimo a nyoko di makelang batho le lefase.