O Swanetše go Dira’ng Gore o Kwešiše Beibele?
Karabo ya Beibele
Beibele e hlalosa seo o swanetšego go se dira gore o e kwešiše. Go sa šetšwe setlogo sa gago, molaetša wa Modimo wo o lego ka Beibeleng ga o ‘thata gore o ka o phetha, le gona ga o kgole.’—Doiteronomio 30:11.
Dilo tšeo di ka go thušago go kwešiša Beibele
E ba le pono e nepagetšego. Amogela Beibele e le Lentšu la Modimo. Ikokobetše ka gobane Modimo o ganetša bao ba ikgogomošago. (1 Bathesalonika 2:13; Jakobo 4:6) Lega go le bjalo, phema go ba madumelatšohle—Modimo o nyaka gore o diriše ‘matla a gago a tlhaologanyo.’—Baroma 12:1, 2.
Rapelela bohlale. Go Diema 3:5, Beibele e re: “O se ke wa ithekga ka tlhaologanyo ya gago.” Go e na le moo, ‘tšwela pele o kgopela Modimo’ gore a go nee bohlale bja go kwešiša Beibele.—Jakobo 1:5.
E bale ka mehla. O tla holega kudu ge o bala Beibele ka mehla go e na le go e bala ka sewelo.—Joshua 1:8.
E bale ka dihlogo. Go ithuta Beibele go ya ka dihlogo, e lego go hlahloba seo Beibele e se bolelago ka sehlogo se itšego, ke tsela e kaone ya go ithuta seo Mangwalo a se rutago. Thoma pele ka go ithuta “dithuto tša motheo,” ke moka o “gatele pele go tše di tiilego.” (Baheberu 6:1, 2, Easy-to-Read Version) O tla hwetša gore o ka kgona go bapiša Mangwalo ke moka wa ithuta gore dikarolo tše dingwe tša Beibele di kgona go hlalosa tše dingwe, gaešita le tšeo go lego “thata go di kwešiša.”—2 Petro 3:16.
Kgopela thušo go ba bangwe. Beibele e re kgothaletša gore re kgopele thušo go ba bangwe bao ba e kwešišago. (Ditiro 8:30, 31) Dihlatse tša Jehofa di swarela batho thuto ya mahala ya Beibele. Go etša Bakriste ba lekgolong la pele la nywaga, di diriša Mangwalo go thuša ba bangwe go kwešiša seo ge e le gabotse Beibele e se rutago.—Ditiro 17:2, 3.
Dilo tšeo di ka se go thušego
Bohlale bja gago goba go rutega. Baapostola ba 12 ba Jesu ba be ba kwešiša Mangwalo e bile ba a ruta ba bangwe, gaešita le ge batho ba bangwe ba be ba ba tšea e le “ba sa rutegago le ba tlwaelegilego.”—Ditiro 4:13.
Tšhelete. O ka ithuta seo Beibele e se rutago mahala. Jesu o boditše barutiwa ba gagwe gore: “Le amogetše feela, neang feela.”—Mateo 10:8.
You May Also Like
DIPOTŠIŠO TŠA BEIBELE DI A ARABJA
Beibele ke Eng?
Thoma go ithuta ka molaetša o kgahlišago o bitšwago Lentšu la Modimo.
MABAPI LE RENA
Ke ka Baka la Eng o Swanetše go Ithuta Beibele?
Beibele e nea dikarabo tša dipotšišo tša bohlokwa go batho ba dimillione lefaseng ka bophara. Na o ka rata go ba yo mongwe wa bona?
MOROKAMI
Go Hwetša Thušo ya go Kwešiša Beibele
Ge e ba Beibele e ngwaletšwe gore e kwešišwe, ke ka baka la’ng go nyakega gore o thušwe go e kwešiša?
ESSENTIAL BIBLE TEACHINGS
Na Beibele e Bolela Therešo?
Ge eba Beibele e ngwadilwe ke Modimo, e swanetše go ba puku ya moswananoši yeo e kilego ya ngwalwa.
DITHUTO TŠA BEIBELE
Leka Thuto ya Rena ya Beibele
Ithute Beibele mahala o thušwa ke motho yo mongwe.