Psalme 11:1-7
Ditaelo tšeo di yago go mohlahli. Koša ya Dafida.
11 Ke tšhabetše go Jehofa.
Bjale ke ka baka la eng le re go nna:
“Tšhabela dithabeng bjalo ka nonyana!
2 Bona kamoo batho ba babe ba ngangago bora,Ba beakanya mesebe ya bona lenting la bora,Ba eme leswiswing gore ba thuntšhe batho bao ba lokilego.
3 Ga go na toka e bile batho ga ba hlomphe melao,Bjale batho ba go loka ba tla dira’ng?”
4 Jehofa o tempeleng ya gagwe e kgethwa.
Sedulo sa bogoši sa Jehofa se magodimong.
Mahlo a gagwe a a bona gomme a hlahloba bana ba batho.
5 Jehofa o hlahloba moloki le yo mobe,O hloile bao ba ratago bošoro.
6 O tla beela ba babe molaba gore a ba tanye,O tlo ba otla ka mollo, sebabole* le moya wo o fišago.
7 Ka ge Jehofa a lokile, o rata dilo tša go loka.
O tlo amogela batho ba dipelo tše dibotse.*
Mengwalo ya tlase
^ Mo lentšu sebabole le šupa go mohuta o itšego wa leswika leo le swago.
^ Phetolelo ya lentšu ka lentšu e re, “Batho ba dipelo tše dibotse ba tla bona sefahlego sa gagwe.”
