Psalme 25:1-22
Koša ya Dafida.
א [Aleph]
25 Wena Jehofa, ke tla go wena.
ב [Beth]
2 Modimo wa ka, ke tshepile wena.O se ke wa ntlogela ke lewa ke dihlong.
O se ke wa dumelela manaba a ka a thabišwa ke gore ke welwa ke mathata.
ג [Gimel]
3 Ruri ga go na motho yo a go tshepago yo a tlago go hlabja ke dihlong.Eupša bao ba no kgahlwago ke go radia ba bangwe ba tla hlabja ke dihlong.
ד [Daleth]
4 Mpontšhe tsela yeo o nyakago ke phela ka yona hle Jehofa.Nthute ditsela tša gago.
ה [He]
5 Ntire gore ke phele ka dilo tšeo o di bolelago, tšeo e lego nnete,Ka gobane wena Modimo, o mophološi wa ka.
ו [Waw]
Ke dula ke tshepile wena.
ז [Zayin]
6 Wena Jehofa, gopola gore o Modimo yo a nago le kgaugeloLe yoo a dulago a bontšha batho ba gagwe gore o a ba rata.*
ח [Heth]
7 O se ke wa gopola dibe tšeo ke di dirilego ke sa le moswa le melato ya ka.
Nkgopole ka baka la botho* bja gago bjo bogolo,Ka gobane wena Jehofa o lokile.
ט [Teth]
8 Jehofa o lokile.
Ke ka baka leo a bontšhago badiradibe tsela yeo ba swanetšego go phela ka yona.
י [Yod]
9 O tla hlahla ba boleta gore ba dire dilo tše di lokilego,E bile o tla ba ruta ditsela tša gagwe.
כ [Kaph]
10 Ge batho ba dira dilo tšeo Modimo a ba laelago tšona e bile ba boloka kgwerano ya gagwe,Jehofa o dula a dira dilo tšeo di bontšhago gore o a ba rata* le gore o a tshepega.
ל [Lamed]
11 Ka baka la leina la gago wena Jehofa,Hle, ntebalele molato wa ka le ge e le o mogolo
מ [Mem]
12 Ke mang yo a boifago Jehofa?
Yena motho yoo, Modimo o tla mmontšha tsela yeo a swanetšego go sepela ka yona.
נ [Nun]
13 O tla bona dilo tše dibotse,E bile bana ba gagwe ba tla tšwela pele ba dula lefaseng.
ס [Samekh]
14 Jehofa o gwerana kgauswi le bao ba mmoifago,E bile o ba ruta ka kgwerano ya gagwe.
ע [Ayin]
15 Ke dula ke tšhabela go Jehofa gore a nthuše,Ka gobane o tla ntšha maoto a ka ao a tantšwego ka neteng ya go rea dihlapi.
פ [Pe]
16 Ntlhokomele gomme o mpontšhe botho,Ka gobane ke noši e bile ga go na yo a nthušago.
צ [Tsade]
17 Pelo ya ka e imetšwe kudu.Nkimolle tlalelong ya ka.
ר [Resh]
18 Bona mohlako wa ka le mathata a ka,Gomme o ntebalele dibe tša ka ka moka.
19 Bona gore manaba a ka ke a mantšhi bjang,Gomme o bone kamoo a ntlhoilego ka gona.
ש [Shin]
20 Ntšhireletše gomme o mphološe.
O se ke wa ntlogela ke lewa ke dihlong, ka gobane ke tšhabetše go wena.
ת [Taw]
21 Anke ke šireletšege ka gobane ke a botega e bile ke dira dilo tša go loka,Ka gobane ke tshepile wena.
22 Hle Modimo wa ka, phološa Isiraele ditlalelong tša gagwe ka moka.
Mengwalo ya tlase
^ Goba, “bontšha batho ba gagwe lerato le le botegago.”
^ Goba, “lerato la gago le le botegago.”
^ Goba, “o na le lerato le le botegago.”
