Psalme 63:1-11
Koša ya Dafida ge a be a le lešokeng la Juda.
63 Wena Modimo, o Modimo wa ka, ke dula ke go nyaka.
Ke go hloka bjalo ka motho yoo a nyoretšwego meetse
Mo nageng ye yeo e omilego le e sehlefetšego e bile e se na meetse.Ga ke sa na matla ka gobane ke go hlologetše.
2 Ke go bone o le lefelong la gago le lekgethwa,Gomme ka bona matla a gago le letago la gago.
3 Ke tla go retaKa gobane lerato la gago le le botegago le phala bophelo.
4 Ka gona, ke tla go reta bophelo bja ka ka moka.Ke tla go rapela ke bitša leina la gago.
5 O mpha dilo tše dibotse kudu gomme di a nkgotsofatša.Ke tla go reta ke thabile.
6 Ke go gopola ke le mpeteng wa ka,Ke naganišiša ka wena bošego ka moka.
7 Ke tla go opelela ke thabile ke le moriting wa maphego a gago,Ka gobane o a nthuša.
8 Ke go kgomaretše.Letsogo la gago le letona le dula le nkakatletše.
9 Eupša bao ba nyakago go mpolayaBa tlo hwa.
10 Ba tla bolawa ka tšhoša,Gomme ba fetoga dijo tša diphukubje.
11 Eupša kgoši e tla thabela dilo tšeo Modimo a tlago go e direla tšona.
Yo mongwe le yo mongwe yo a ikanago ka Modimo o tla thabaKa gobane bao ba bolelago maaka ba tla tswalelwa molomo.
