Hosea 4:1-19
4 Lena bana ba Isiraele, ekwang lentšu la Jehofa,Gobane Jehofa o ahlola badudi ba naga ye.Ka ge ba sa tshepane, ba se na botho,* e bile ba itshwere eka ga ba tsebe Modimo.
2 Go tletše dikeno tša maaka, bofora, polao,Bohodu le bootswa,E bile batho ba bolayana ba sa fetše.
3 Ke ka baka leo batho ba naga ye ba tlago go lla,Gomme badudi ba yona ba fela,Gwa hwa diphoofolo tša naga,Dinonyana tša magodimo le dihlapi tša ka lewatleng.
4 “Lega go le bjalo, ga go motho yoo a ka le ngangišago goba go le eletša,Ka gobane le swana le batho bao ba ngangišago moperisita.
5 Le tlo kgopša mosegare bjalo ka ge eka le kgopša bošego,Le baporofeta ba tlo kgopša le lena.
Mmago lena ke tlo mo fediša.
6 Batho ba ka ke tlo ba fediša, ka ge ba sa ntsebe.
Ka ge le ganne go ntseba,Ke tlo le tlogediša go ba baperisita ba ka.Le gona, ka ge le lebetše molao wa ka,Le nna ke tlo lebala barwa ba lena.
7 Ge baperisita ba dutše ba oketšega, ba ntshenyetša le go feta.
Nka se dumelele gore batho ba ba hlomphe, go e na le moo ke tla dira gore ba nyatšege.*
8 Ge batho ba ka ba dira sebe, bona ba a thaba.E bile ba nyaka gore batho ba dule ba dira dibe gore bona ba ikhole.
9 Batho le baperisita ke tla ba ahlola go swana.Ka moka ga bona ba tla ikarabelela ka dibe tša bona.Gomme ka ba otla ka baka la dilo tšeo ba di dirilego.
10 Ba tlo ja eupša ba ka se khore.
Ba tlo itshwara gampe ka tša thobalano, eupša ba ka se oketšegeKa gobane ba nyaditše Jehofa.
11 Go gweba ka mmele* le beine ya kgale gotee le e mpshaDi senya maikemišetšo a go dira dilo tše dibotse.*
12 Batho ba ka ba botšiša medingwana ya bona ya kota,Gomme ba dira tšeo ba botšwago ke mahlotlo a bona.Ka gobane ba arošwa ke go kganyoga go dira dilo tšeo di sa hlwekago,*E bile ba tlogela go ikokobeletša Modimo wa bona ka baka la go gweba ka mmele.
13 Ba dira dihlabelo godimo ga dithaba.Ba tšhuma dihlabelo godimo ga mebotoLe ka tlase ga mehlare e megologolo, mehlare ya mosetorekisi le mehlare e mengwe le e mengwe e megolo,Ka gobane meriti ya yona ke e mebose.
Ke ka baka leo barwedi ba lena ba gwebago ka mmeleGomme dingwetši tša lena di dirago bohlotlolo.
14 “Nka se bone barwedi ba lena molato ge ba gweba ka mmele,Le dingwetši tša lena ge di dira bohlotlolo
Ka gobane banna ba naga ya lena ba sepela le bagweba-ka-mmele.Ba dira dihlabelo le basadi bao ba gwebago ka mmele tempeleng.Ke ka baka leo batho ba bao ba sa kwešišego melao ya ka ba tlago go fedišwa.
15 Le ge wena Isiraele o dira bootswa,Anke Juda e se be le molato ka baka la seo.
O se ke wa tla Giligala goba Bethe-abene,Le gona, o se ke wa ena ka Jehofa Modimo yo a phelago!
16 Gobane Isiraele e na le kgang go swana le kgomo yeo e nago le kgang.
Na Jehofa o swanetše go e diša bjalo ka nku e tona yeo e fulago molaleng?
17 Efuraime o rapela medingwana.
Mo leseng a le bjalo!
18 Ge bjala bja bona bo fedile,Ba thoma go itshwara gampe ka tša thobalano.
Le gona babuši ba Efuraime ba rata go dira dilo tšeo di lešago dihlong.
19 O* tla tšewa ke phefo,Ba šala ba lewa ke dihlong ka baka la dihlabelo tša bona.”
Mengwalo ya tlase
^ Goba, “lerato le le botegago.”
^ Goba mohlomongwe, “Ke tla fetola letago la bona gore e be thogako.”
^ Goba, “Bootswa.”
^ Phetolelo ya lentšu ka lentšu e re, “di senya pelo.”
^ Goba, “go nyaka go dira bootswa.”
^ Ke gore, “Efuraime.”
