Jobo 25:1-6
25 Bilidada wa go tšwa Shua a araba Jobo a re:
2 “Modimo o a buša e bile o na le matla a magolo,O dira gore go be le khutšo legodimong.
3 Na dihlopha tša mašole a gagwe di ka balega?
Le gona ke mang yo a ka rego ga a mo hlabišetše seetša sa letšatši?
4 Ka gona motho wa nama le madi a ka ba bjang yo a lokilego pele ga Modimo,Goba motho yo a belegwego ke mosadi a ka hloka bjang molato?
5 Ge e ba gaešita le ngwedi o sa tage go yena,Le dinaledi di se tša hlweka mahlong a gagwe,
6 Gona go bjalo le ka motho wa nama le madi, yo a lego bjalo ka seboko,Le bjalo ka ngwana wa motho, yo a lego bjalo ka sebokwana!”
