Numeri 7:1-89
-
Dibego tša ge go neelwa taberenakele (1-89)
7 Letšatšing la ge Moshe a feditše go hloma taberenakele o ile a e tlotša ka makhura a ba a e kgethagatša. O ile a ba a dira bjalo le ka dilo ka moka tša ka moo taberenakeleng, le ka aletare le dibjana tša yona ka moka. Ge a feditše go tlotša dilo tšeo le go di kgethagatša,
2 dikgošana tša Baisiraele, e lego baetapele ba meloko ya Baisiraele, ba neela sebego. Dikgošana tše tša meloko ya Baisiraele tšeo di bego di eteletše pele Baisiraele ge ba ngwadišwa,
3 tša tliša sebego sa tšona pele ga Jehofa, e lego dikariki tše tshelelago, dikgomo tše 12, kariki ya dikgošana tše pedi le poo ya kgošana e nngwe le e nngwe, gomme ba di tliša pele ga taberenakele.
4 Ke moka Jehofa a re go Moshe:
5 “O tšee dilo tšeo gomme o di nee Balefi ka ge di tlo šomišwa ka taberenakeleng. O nee Molefi yo mongwe le yo mongwe tšeo a tlago go di šomiša.”
6 Ka gona Moshe a tšea dikgomo tšeo le dikariki tšeo a di nea Balefi.
7 A nea barwa ba Gerishone dikariki tše pedi le dikgomo tše nne go ya ka seo ba bego ba se hloka gore ba dire mešomo ya bona.
8 Ke moka a nea barwa ba Merari dikariki tše nne le dikgomo tše seswai go ya ka seo ba bego ba se hloka gore ba dire mešomo ya bona. Mošomo wa Bagerishone le Bagerari o be o eteletšwe pele ke Ithamara morwa wa moperisita Arone.
9 Eupša barwa ba Kohathe a se ba nee selo, ka gobane ba be ba rwala dilo tšeo di šomišwago lefelong le lekgethwa ka magetla.
10 Bjale dikgošana tša tliša sebego sa tšona ge go neelwa aletare letšatšing la ge e be e tlotšwa. Ge dikgošana tšeo di neetše sebego sa tšona pele ga aletare,
11 Jehofa a bolela le Moshe a re: “Letšatši le lengwe le le lengwe dikgošana di tliše dibego tša tšona tša ge go neelwa aletare. Di dire bjalo ka matšatši a go latelana.”
12 Kgošana ya go neela sebego sa yona letšatšing la pele e bile Nahashone morwa wa Aminadaba wa moloko wa Juda.
13 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798* (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
14 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
15 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
16 putšanyana e tee ya sebego sa sebe,
17 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Nahashone morwa wa Aminadaba.
18 Motho yo a ilego a neela sebego sa gagwe letšatšing la bobedi e be e le Nethanele morwa wa Tsuari, e lego kgošana ya moloko wa Isakara.
19 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
20 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
21 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
22 putšanyana e tee ya sebego sa sebe,
23 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee e le tša sehlabelo sa go dira khutšo le Modimo. Sebego seo e be e le sa Nethanele morwa wa Tsuari.
24 Motho yo a ilego a neela sebego sa gagwe letšatšing la boraro e be e le Eliaba morwa wa Helone, e lego kgošana ya moloko wa Sebulone.
25 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
26 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
27 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
28 putšanyana e tee ya sebego sa sebe,
29 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Eliaba morwa wa Helone.
30 Motho yo a ilego a neela sebego sa gagwe letšatšing la bone e be e le Elitsuri morwa wa Shedeuri, e lego kgošana ya moloko wa Rubeni.
31 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
32 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
33 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
34 putšanyana e tee ya sebego sa sebe,
35 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Elitsuri morwa wa Shedeuri.
36 Motho yo a ilego a neela sebego sa gagwe letšatšing la bohlano e be e le Shelumiele morwa wa Tsurishadai, e lego kgošana ya moloko wa Simeone.
37 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
38 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
39 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
40 putšanyana e tee ya sebego sa sebe,
41 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Shelumiele morwa wa Tsurishadai.
42 Motho yo a ilego a neela sebego sa gagwe letšatšing la botshelela e be e le Eliasafa morwa wa Duele, e lego kgošana ya moloko wa Gada.
43 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
44 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
45 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
46 putšanyana e tee ya sebego sa sebe,
47 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Eliasafa morwa wa Duele.
48 Motho yo a ilego a neela sebego sa gagwe letšatšing la bošupa e be e le Elishama morwa wa Amihudi, e lego kgošana ya moloko wa Efuraime.
49 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
50 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
51 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
52 putšanyana e tee ya sebego sa sebe,
53 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Elishama morwa wa Amihudi.
54 Motho yo a ilego a neela sebego sa gagwe letšatšing la seswai e be e le Gamaliele morwa wa Pedatsuri, e lego kgošana ya moloko wa Manase.
55 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
56 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
57 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
58 putšanyana e tee ya sebego sa sebe,
59 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Gamaliele morwa wa Pedatsuri.
60 Motho yo a ilego a neela sebego sa gagwe letšatšing la senyane e be e le Abidani morwa wa Gideoni, e lego kgošana ya moloko wa Benjamini.
61 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
62 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
63 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
64 putšanyana e tee ya sebego sa sebe,
65 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Abidani morwa wa Gideoni.
66 Motho yo a ilego a neela sebego sa gagwe letšatšing la lesome e be e le Ahiesere morwa wa Amishadai, e lego kgošana ya moloko wa Dani.
67 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
68 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
69 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
70 putšanyana e tee ya sebego sa sebe,
71 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Ahiesere morwa wa Amishadai.
72 Motho yo a ilego a neela sebego sa gagwe letšatšing la lesometee e be e le Pagiele morwa wa Okorane, e lego kgošana ya moloko wa Ashere.
73 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
74 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
75 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
76 putšanyana e tee ya sebego sa sebe,
77 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Pagiele morwa wa Okorane.
78 Motho yo a ilego a neela sebego sa gagwe letšatšing la lesomepedi e be e le Ahira morwa wa Enani, e lego kgošana ya moloko wa Nafutali.
79 Sebego sa gagwe e bile sebjana setee sa silifera seo se bego se imela digrama tše e ka bago tše 1 482 (sekete-makgolonne-masomeseswai-pedi) le sekotlelwana sa silifera seo se imelago digrama tše 798 (makgološupa-masomesenyane-seswai) go ya ka tsela ya go kala ya lefelong le lekgethwa. Ka moka ga tšona di be di tletše folouru yeo e šitšwego gabotse yeo e tswakilwego ka makhura gore e be sebego sa mabele,
80 komiki e tee ya gauta yeo e imelago digrama tše 114 (lekgolo-lesomenne) yeo e tletšego ka diorelo,
81 powana e tee, nku e tee e tona le kwana e tee e tona ya ngwaga o tee e le tša sebego sa go fišwa,
82 putšanyana e tee ya sebego sa sebe,
83 dikgomo tše pedi, dinku tše tona tše hlano, diphooko tše hlano le dikwana tše hlano tše tona tšeo e nngwe le e nngwe e nago le ngwaga o tee, e le tša sehlabelo sa go dira khutšo le Modimo. Sebego se e be e le sa Ahira morwa wa Enani.
84 Se e be e le sebego sa go neelwa ga aletare seo se tlišitšwego ke dikgošana tša Isiraele letšatšing la ge e tlotšwa. E be e le dibjana tše 12 tša silifera, dikotlelwana tše 12 tša silifera le dikomiki tše 12 tša gauta.
85 Sebjana se sengwe le se sengwe sa silifera se be se imela digrama tše e ka bago tše 1 482 (sekete-makgolonne-masomeseswai-pedi) gomme sekotlelwana se sengwe le se sengwe se imela digrama tše 798 (makgološupa-masomesenyane-seswai). Dibjana tše ka moka tša silifera di be di imela dikhilograma tše e ka bago tše 27 go ya ka tsela ya go kala ya lefelong le lekgethwa.
86 Dikomiki tšeo tše 12 tše di bego di tletše diorelo tšeo, e nngwe le e nngwe ya tšona e be e imela digrama tše 114 (lekgolo-lesomenne) go ya ka tsela ya go kala ya lefelong le lekgethwa. Gauta ya dikomiki tšeo ka moka e be e imela ka godingwana ga khilograma e tee.
87 Sebego sa go fišwa e be e le dipoo tše 12, dinku tše tona tše 12, dikwana tše tona tše 12 tšeo e nngwe le e nngwe e bego e na le ngwaga o tee. Dikgošana tšeo di tlišitše le dibego tša tšona tša mabele le diputšanyana tše 12 tša sebego sa sebe.
88 Diruiwa ka moka tša sehlabelo sa go dira khutšo le Modimo e be e le dipoo tše 24, dinku tše tona tše 60, diphooko tše 60 le dikwana tše tona tše 60 tšeo e nngwe le e nngwe e bego e na le ngwaga o tee. Seo e be e le sebego sa go neela aletare ka morago ga ge e tloditšwe.
89 Nako e nngwe le e nngwe ge Moshe a be a tsena ka taberenakeleng gore a bolele le Modimo, o be a ekwa lentšu le boledišana le yena le etšwa magareng ga bakerubi ba babedi godimo ga sekhurumelo sa areka yeo e nago le maswika ao a ngwadilwego melao ya Modimo. Modimo o be a bolela le yena a le moo.
Mengwalo ya tlase
^ Phetolelo ya lentšu ka lentšu e re, “dishekele tše 70.” Shekele e tee e lekana le digrama tše 11,4. Bona Dit. B14.
