Batho lefaseng ka moka ba ikwa ba le nnoši e bile ba bona okare ba ka se kgone go dira bagwera. Ditsebi tše dingwe tša kalafo di dumela gore go thuša ba bangwe ke tsela e nngwe ya go lwantšhana le go lewa ke bodutu.

•   “Go thuša bao ba hlokago thušo go ka dira gore bophelo bja rena bo be le morero, gwa dira le gore re se ke ra ikwa re nnoši.”—U.S. National Institutes of Health.

 Beibele e nea keletšo e šomago ya gore re ka dira eng go thuša batho ba bangwe. Go diriša seo e se bolelago go ka re thuša go lwantšhana le go lewa ke bodutu.

 Rata go nea. Nyaka dibaka tša go fetša nako o na le batho ba bangwe. Dula o nyaka go abelana le batho ba bangwe seo o nago le sona. Ge o dira bjalo, ba ka leboga gomme seo se ka dira gore le be bagwera.

•   Molao wa motheo wa Beibele: “Tlwaelang go fa gomme batho ba tla le fa.”—Luka 6:38.

 Thuša ba bangwe. Nyaka ditsela tša go thuša batho bao ba nago le mathata. Seo se ka akaretša go ba theetša le go ba bontšha kwelobohloko goba go ba nolofaletša dilo ka go ba thuša ka mediro e mengwe.

•   Molao wa motheo wa Beibele : “Mogwera wa nnete o dula a bontšha lerato ka dinako ka moka.”—Diema 17:17.

 Go hwetša boitsebišo bjo bo oketšegilego kamoo o ka bago le segwera se sebotse le batho ba bangwe, bala sehlogo seo se rego “Beibele e ka Thuša Malapa le go Tiiša Segwera.”