DULA O PHAKGAME!
Beibele e Re’ng ka go Rapela Diswantšho?
Pego ya ditaba tša Katholika e bolela gore ka di 25 tša March 2022, moletlong wo o bego o swerwe St. Peter’s Basilica, Mopapa Francis o ile a ema pele ga sehlwaseeme sa Maria a “tswaletše mahlo e bile a inamišitše sefahlego a rapela ka pelong.” O ile a “kgopela Maria” gore a tliše khutšo. Pego ya ditaba tša Vatican e okeditše ka gore “Mopapa o be a rapelela batho, kudu kudu ba Russia le Ukraine, go Maria yo a se Nago Sebe.”
O nagana’ng? Na re swanetše go rapela diswantšho goba go di diriša ge re rapela? Ekwa seo Beibele e se bolelago:
“O se ke wa itirela seswantšho se se betlilwego goba sebopego sa selo seo se swanago le selo le ge e le sefe seo se lego godimo magodimong goba seo se lego tlase lefaseng goba seo se lego ka meetseng ka tlase ga lefase. O se ke wa di khunamela goba wa gokeletšwa go di hlankela, gobane nna Jehofa Modimo wa gago ke Modimo yo a nyakago boineelo bjo bo feletšego.”—Ekisodo 20:4, 5. a
“Medingwana ya bona e dirilwe ka silifera le gauta, Ke modiro wa diatla tša motho wa lefaseng. E na le molomo, eupša ga e kgone go bolela; E na le mahlo, eupša ga e kgone go bona; E na le ditsebe, eupša ga e kgone go kwa. E na le nko, eupša ga e kgone go dupa. E na le diatla, eupša ga e kgone go phophola. E na le dinao, eupša ga e kgone go sepela; Ga go na lentšu le le tšwago molomong wa yona. Bao ba e dirago ba tla swana le yona, Le bohle bao ba e botilego.”—Psalme 115:4-8.
“Ke nna Jehofa. Ke lona leina la ka; nka se nee yo mongwe letago la ka, le go tumišwa ga ka nka se go nee diswantšho tše di betlilwego.”—Jesaya 42:8.
“Tšhabang borapedi bja medimo ya diswantšho.”—1 Bakorinthe 10:14.
“Itišeng go medingwana.”—1 Johane 5:21.
Gore o tsebe seo Beibele e se bolelago ka go diriša diswantšho ge re rapela, bala sehlogo seo se rego: “PONO YA BEIBELE—Diswantšho” goba o bogele bidio ya Na Modimo o Nyaka re Diriša Diswantšho ge re mo Rapela?
Photo credit: Vincenzo Pinto/AFP via Getty Images
a Jehofa ke leina la Modimo. (Psalme 83:18) Bona sehlogo seo se rego “Jehofa ke Mang?”
You May Also Like
DIPOTŠIŠO TŠA BEIBELE DI A ARABJA
Na re Swanetše go Rapela Diswantšho?
Na Modimo o na le taba le gore re diriša diswantšho ge re mo rapela?
DULA O PHAKGAME!
Bodumedi bo Tsena Ditaba tša Ntwa Nageng ya Ukraine—Beibele e re’ng ka taba ye?
Baetapele ba bodumedi go tšwa dinageng tše tše pedi ba kgothaletša balatedi ba bona gore ba dire dilo tšeo Jesu a rutilego balatedi ba gagwe gore ba se ke ba di dira.
DITHUTO TŠA BEIBELE
Leka Thuto ya Rena ya Beibele
Ithute Beibele mahala o thušwa ke motho yo mongwe.
